Fèle 2:5 - WƆŊ FƐ̀Ì EBÒ SÌÀŊ DAYÀA

⁵ Kɛ̀ɛ̀nɛìŋ è gòngò guùŋ nɛ wo Jisɛ̀ Kulaì kuwa lɛ̀.

Fèle 2:5 ပူးပေါင်းရင်းမြစ်များ

Maafiù 11:29

Ɓèmeìŋ wɔŋ nɛ̀ŋfoo mùŋga miɔ̀ŋ niŋ jàà wuŋ maŋ gbaiŋ màŋ diɛŋ, yèè niŋ gbeèim sìwè. Esaɓù kɛ̀ mìŋ kuwa ke kpèè siaŋ yèè ke jii tɔumtɔ̀ùm, yèè nìŋ do nàŋ yɛ̀mɛ̀ ko gììyè nyiiŋ wèè wɔŋ nyììŋ jinàiŋ nɔɔ̀ŋ.

Luù 22:27

Ɓòò anyùùŋ àŋ gongà kɛ̀ wuŋ nàŋ yaà wo gbeeɔ̀, wo yèɔ jaà aŋ hìàŋ e nɛ̀ŋjeuŋ nɛ̀ wo jè wɔ, ɔ̀ɔ̀ wo yèɔ tomàŋ wo hìàŋ e nɛ̀ŋjeɛ̀ wɔ? Wo yèɔ jaà aŋ hìàŋ e nɛ̀ŋjeuŋ nɛ̀ wɔ nàŋ yaà wo gbeeɔ̀. Kɛɛ kàiŋ naàŋ nɔ̀ŋ e tɛɛ mààŋ wo ɓɔìjɔ̀à tòmo.”

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Nyɛ̀nɛ̀ŋ 20:35

Kàiŋ tɔ̀ɔ̀ maŋ keì nyɛ̀nɛŋ màŋ gbiŋ sùà kɛ̀ sèè nìŋ tomàŋ nyìnga e ɗewe lɛɛ̀ sùà, nìŋ do nàŋ kpùùmò wo yèɔ yaà e zɔ̀kpɔ̀ sùà wɔ. Jàaìŋ jii, maŋ mìè maŋ wo Kanaà Jisɛ̀ wuŋ bi naŋ wa woò maŋ wààŋ, ‘E zɔlɔ̀ zimgbe doum nàŋ nɔ̀ŋ sèè mùŋ kiɛ̀ŋ wo nyùùŋ, e nìàŋ sèè wo nyùùŋ woum kiɛ̀ŋ.’ ”

Luùm 14:15

Sèè maŋ nyɛ̀nɛ̀ŋ wo wùìya mɔɔ̀ŋ bà wo kɛ̀ɛ̀nɛ̀ŋ ke jii mɔ̀ɔ̀nɛŋ wèè e nɛ̀ŋjeɛ̀ mùŋ manaŋ wèè jèe lɛ̀, kɛ̀ muŋ kuwà è mànaŋ kè jii mɔɛ̀ŋ sùà. Ɓɔ̀ mùŋ dangè è wànàŋ nɛ̀ŋjeɛ̀ mùŋ jè lɛ e jìwà e hààwè wo nyùùŋ màŋjɛ̀wɛ̀ Jisɛ̀ Kulaìɔ bà gbiŋ kpɛlɛmɛɛŋ.

Luùm 15:3

Wo Jisɛ̀ Kulaì gò wa nɔ̀ŋ wɔ̀ŋ nyiiŋ gèeɔ̀ sùà wèè wo nyɛ̀nɛ̀ŋ è kèì wùmauŋ. Wɔŋ fɛ̀ì Dayàa naŋ woò wààŋ, “Maŋ mìè ɓɛ̀ɛ̀pɔ̀ɔ maŋ aŋ naiŋ kiɛ̀ŋ maŋ, maŋ mìè ɓɛ̀ɛ̀pɔ̀ɔ bi naim kpɛ̀lɛ̀.”

Luùm 15:5

Tɔ̀ wo Dayà, ko tɔ̀ɔ̀tù ke jii tɔumtɔ̀ùm yèè ke jii nyingè, nyɛ̀nɛ̀ŋ e kɛɛnɛ̀iŋ e gòngò guùŋ nɛ yàwi bi e fèemàŋ, nààŋ è dèìŋ e tɔ̀ɔ̀màŋsèì Jisɛ̀ Kulaì lɛ maŋjɛ̀wɛ,

1 Kɔliìŋ 10:33

Nyɛ̀nɛìŋ nɔŋ màànààŋ mìŋ nyɛnɛŋ lɛ̀, mìŋ fɛɛ wèè ka nyɛ̀nɛ̀ŋ wo nyùùŋ gbiŋ ke jiiuŋ nɛɛ̀ŋ ke fà maŋ nɛ̀ŋ nyɛ̀nɛim màŋ gbiŋ sùà. Miŋ fè gongò wèè è kèì sìàŋ miàŋ biɛ̀, sɔɔ̀ e kèì sìàŋ wèè anyùùŋ nyaŋ gbiŋ e wèè aŋ yɛmɛ̀ e jòèye.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

Fèle 1:1

E yìwìà miàim Pɔɔ̀ yaà wo Timetè sìwè, aŋ ɓɔ̀ìjɔ̀à Jisɛ̀ Kulaì nyaŋ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ gbiŋ ko Fèlepì, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ, e kpùlìà aŋ sìèfèìŋ anyuùŋ hààwe nyàŋ yaà anyuùŋ tòmo dàwi nyiŋ nyàŋ.

1Pììlɛ 2:21

Wèè tɛɛ̀ wo Dayà naiŋ nyààŋ, wo Jisɛ̀ Kulaì wuŋ bi naŋ mɔɔnɛ̀ŋ weèiŋ yèè wò naŋ jòò e tɔ̀ɔ̀màŋseì, e wèè naŋ dè e gòlò feeuŋ nɛ̀ maŋjɛ̀wɛ.

1Pììlɛ 4:1

Wo Jisɛ̀ Kulaì naŋ mɔɔnɛ̀ŋ maŋ kèìŋ maŋ sùà. Weètii sɔɔ̀ nyɛ̀iŋ pɛɛ naŋ banebànè wèè naŋ mɔɔnɛ̀ŋ màànààŋ wò naŋ nyɛ̀nɛ̀ŋ lɛ, e fèfoo e mɔ̀ɔ̀nɛŋ tɔɔ̀ kɛ̀ nàŋ hɔ̀ànè maŋ jùumù nyɛ̀nɛŋ.

1Jɔ̀ɔŋ 2:6

Wo nyùnɔ̀ɔŋ gbiŋ naŋ woò wààŋ wò naŋ hààwè wo Dayà wɔ, wò kuwa wo dè e tɔ̀ɔ̀màŋsèì ke kpèè Jisɛ̀ Kulaìɛ maŋjɛ̀wɛ.