Fèle 2:30 - WƆŊ FƐ̀Ì EBÒ SÌÀŊ DAYÀA

³⁰ esaɓù kɛ̀ wò naŋ joo tòloò wèè wo fà wèè e tòmò Dayàa wò yaà nyinie wèè wo Jisɛ̀ Kulaì lɛ, yèè wò naŋ jàà wɔŋ nyiiuŋ nɔɔ̀ŋ sɛɛ wèè woim kìɛ̀ŋ e kpùùmaàŋ nyɛ̀iŋ bi nìŋ fèim weè nàŋ kiɛ̀ŋ lɛ.

Fèle 2:30 ပူးပေါင်းရင်းမြစ်များ

Nyɛ̀nɛ̀ŋ 20:24

Kɛɛ miŋ gò kpɛɛ̀ŋ kɛ̀ kiìŋ nàŋ do nàŋ kaaìŋ wɔ̀ŋ nyiiŋ miɔ̀ŋ, sèè nɔŋ mìŋ kpɛɛyɛ̀ e tòmoɛ̀ wo Kanaà Jisɛ̀ naim kiɛ̀ŋ wèè ka nyɛ̀nɛ̀ŋ lɛ. Yèè e tòmo lɛɛ̀ nàŋ yaà wèè ka wòò Ebò Siaàŋ e nyaàiŋ dè e tɛ̀ɛ̀tɛ̀ɛ̀ Dayàa.

Luùm 16:4

Anyùùŋ nyɛɛ̀ŋ naŋ jàà maŋ nyiiŋ nyiŋ màŋ sɛɛ e weèim. Maŋ jii wi màŋ naŋ fɔ̀ weè nyiŋ, miàŋ yèè ke gbòò anyuùŋ hààwe nyàŋ gbiŋ maŋ sààŋ zòòlò anyùùŋ nyaŋ fè àŋ Juùù nyaŋ dìì.

1 Kɔliìŋ 15:53

Maŋ kpùnaŋ wi màŋ fà màŋ hewe lɛ do nàŋ vɔɔnɔ̀ŋ koɓɛ̀ maŋ kpùnaŋ gò fà ɔ̀ɔ̀ maŋ hèwà.

1 Kɔliìŋ 16:10

Sèè wo Timetè hnàŋ wɔŋ faàiŋ nɔɔ̀ŋ, nyɛ̀nɛìŋ niŋ e kpàŋ è kɔɔiŋ niŋ jààuŋ kùàŋ dìì, e fèfoo, wò yaà toomo wèè Kanaà màànààŋ nɔŋ mìŋ yaà toomo lɛ̀.

1 Kɔliìŋ 16:17

Mìŋ naŋ gè zɔlɔ̀ wèè e hnàŋ Sìfanà yaà wo Fɔtùnatɔ̀, yèè wo Àkiiliɔ̀. E teengaà muŋ fè kià lɛ, nyiŋ naŋ dè e bɛ̀um,

2 Kɔliìŋ 12:15

Ke jii doim nàŋ fɔ̀ wèè ka mààŋ e nɛ̀ɛŋ gbiŋ mìŋ kuwa lɛ̀ e hàwè miàŋ bi diɛŋ, wèè maŋ nyiiiŋ màŋ. Sèè mìŋ kuwìà e mànaŋ zimgbe weèiŋ, nìŋ do nàŋ kùwìè e mànaŋ jɔa weèim?

2 Kɔliìŋ 4:12

Tɛɛ̀ naŋ tɔɔ̀ kɛ̀ e fàa yaà wì sùà è yaà toomo, kɛɛ wɔŋ nyiiŋ yààìŋ sùà wɔ̀ŋ yaà toomo.

Fèle 2:17

Maŋ sɛnìim màŋ wɛ̀i ɓɛ̀nɛ̀ŋ nɔ̀ŋ wùaŋ miŋ mààŋ e nɛ̀ŋ kìɛŋ manɛ̀ŋ saaà maŋ diɛŋ e nyaàiŋ dè e hààweiŋ nɛ̀ koɓɛ̀ Dayài. Sèè è nɔ̀ŋ yɛi, ke jii naim fɔ̀ wèè ka nɔ̀ŋ wo bàimbà e tòmouŋ nɛ̀ sùà, yèè nyɛ̀iŋ pɛɛ naŋ nɔ̀ŋ aŋ bàiŋbà zɔlɔ̀ gèe mɛ̀ sùà.

Fèle 2:27

E tɔɔɓaaà ngèè nàŋ yaà, wò naŋ mɛ̀iŋ sààŋ ebɛ̀ŋ fàa. Kɛɛ wo Dayà nauŋ yɛ̀mɛ̀ ke nyowo, e kpùlìà miàŋ bi pɛɛ, yèè wò naim gè ke nyòwò jii mɔ̀ɔ̀nɛŋ bi diɛŋ.

Fèle 4:10

Nààŋ mìŋ nyiniàŋ wɔŋ nyiiŋ gèe miɔ̀ŋ wo Kanaà Jisɛ̀ sùà, e zɔlɔ̀ gbee naim diè, wèè ka nyìmàŋ kɛ̀ nìŋ naŋ ɓɛìŋ kɛ̀ɛ̀nɛ̀ŋ e gòngo e weèim e yìwìà e teenga mùnlaŋ. Tɔɔɓaa, nìŋ hewa gòngò kiim, kɛɛ niŋ kuwà wa è ɗewe wèè naŋ niŋ tɔɔ̀ janjai.

Fèle 4:18

Wɔŋ fɛ̀ì ke sɛ̀ gèe miɔ̀ŋ wɛɛ̀ŋ, wèè manɛ̀ŋ maŋ gbiŋ nìŋ naim kiɛ̀ŋ maŋ, yèè manɛ̀ŋ bi naŋ gàŋ zimgbe. Ke jii miɛ̀ŋ naŋ fɔ̀ wèè manɛ̀ŋ maŋ gbiŋ nìŋ naŋ kìɛ̀ŋ wo Ɛ̀pàfoditɔ̀ wèè woim hiàŋ maŋ. Manɛ̀ŋ kìɛŋ mɛɛ̀ŋ, màŋ yaà mààŋ manɛ̀ŋ kɛnɛ àŋ naŋ gììyè saaà koɓɛ̀ Dayài.

Felemɔ̀ŋ - PHM 1:13

Mìŋ do weè nàŋ mɔ̀nɔ̀ŋ wo kià nɔ̀ŋ ko nɛ̀ɛ̀ŋ miìŋ, wèè wo dè e ɓɛ̀iŋ e nyaàiŋ dè e kpùùmaàŋ nìŋ he weè nàŋ nyɛ̀nɛ̀ŋ e weèim e teengaà mìŋ yaà kià ko sààŋ nyìwìi wèè Ebò Siaàŋ dààne lɛ.

Maŋ kèì nyɛɛnɛŋ 12:11

Aŋ wùìya wi nyàŋ naŋ ɓùlò wo Sɛ̀tanàŋ, esàɓù maŋ sɛ̀ìŋ wo Ɓaawaaà, yèè esàɓù ke mìè seìɛ àŋ naŋ kiɛ̀ŋ lɛ. È yaà wa e kèì jii nyiŋ wèè aŋ kìɛ̀ŋ maŋ nyiiŋ nyiŋ màŋ e kìlà aŋ fà wèè e tɔ̀ɔ̀nyaàŋ.