Fèle 2:25 - WƆŊ FƐ̀Ì EBÒ SÌÀŊ DAYÀA

²⁵ Mìŋ naŋ gongò kɛ̀ è yaà tɛ̀ɛ̀, wèè ka ɓɛìŋ tùàŋ wo wùìya wiɔ̀ yèè wo nyuùŋ tòmo dàwi miɔ̀ŋ Ɛ̀pàfoditɔ̀ ko nɛ̀ɛ̀iŋ niìŋ. Wò yaà wo ɓɔìjɔ̀à yèè wo nyùùŋ màŋjɛ̀wɛ̀ wèè wo Kanaà, wo yèɔ nìŋ naŋ tùɔ̀ŋ wèè woim wa kpuumàŋ wɔ.

Fèle 2:25 ပူးပေါင်းရင်းမြစ်များ

Jɔ̀ɔŋ 13:16

Miŋ woòiŋ e tɔɔɓaaà kɛ̀, aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ, e kìlà aŋ keela kuwà è gààŋ àŋ do nìàŋ wò nyùnɔ̀ɔŋ naŋ nyiŋ tùɔ̀ŋ wɔ.

Jɔ̀ɔŋ 17:18

Mìŋ yaà nyiìŋ tùàŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ mùŋ naim wa tùɔ̀ŋ lɛ.

Luùm 16:3

Mìŋ naŋ tùɔ̀ŋ maŋ mìè gbìàŋ zùùmo titi mɛɛ̀ŋ koɓɛ̀ wo nìeɔ̀ Pikà yaà wo fanuuŋ nɔɔ̀ŋ Àkuilà, anyuùŋ tòmo dàwiim nyàŋ wo Jisɛ̀ Kulaì sùà.

Luùm 16:9

Mìŋ zuumàŋ ɓɛìŋ wo Ɔbanɔ̀, wo nyuùŋ tòmo dàwi wiɔ̀ wo Jisɛ̀ Kulaì sùà, yaà wo Sitachè, wo dàwi mɔ̀ɔ̀nɔŋ siaŋ miɔ̀ŋ.

1 Kɔliìŋ 3:9

Yàwi Àpolò è yaà anyuùŋ tòmo dàwi, yèè è yaà tòòmò koɓɛ̀ guùŋ wèè Dayà, yèè nìŋ yaà mààŋ wɔŋ ɓù wèè Dayàa. E kìlà nìŋ yaà mààŋ maŋ saaŋ wèè Dayà.

2 Kɔliìŋ 2:13

Kɛɛ ke jii miɛ̀ŋ naŋ sɛɛɛ̀ tiwìtiwì esaɓù kɛ̀ miŋ gòo mɛ̀ɛ̀ŋ wò wùìya wiɔ̀ Taitɔ̀. Wèètii mìŋ naŋ gbìɛ̀ŋ anyùùŋ nyaŋ e dìàmaaŋ, yèè mìŋ naŋ kɔ̀ ko Mɛ̀sèdonià.

Fèle 2:26

Wò yaà nyìnìè e wùànàŋ wèè woiŋ yɛmɛ̀, yèè wò kuwa ke jii mɔ̀ɔ̀nɛŋ esaɓù kɛ̀ nìŋ naŋ kòmò kɛ̀ wò yaà mɛ̀iŋ siinyɛŋ.

Fèle 4:18

Wɔŋ fɛ̀ì ke sɛ̀ gèe miɔ̀ŋ wɛɛ̀ŋ, wèè manɛ̀ŋ maŋ gbiŋ nìŋ naim kiɛ̀ŋ maŋ, yèè manɛ̀ŋ bi naŋ gàŋ zimgbe. Ke jii miɛ̀ŋ naŋ fɔ̀ wèè manɛ̀ŋ maŋ gbiŋ nìŋ naŋ kìɛ̀ŋ wo Ɛ̀pàfoditɔ̀ wèè woim hiàŋ maŋ. Manɛ̀ŋ kìɛŋ mɛɛ̀ŋ, màŋ yaà mààŋ manɛ̀ŋ kɛnɛ àŋ naŋ gììyè saaà koɓɛ̀ Dayài.

Fèle 4:3

Muàŋ pɛɛ nyuùŋ hààwe dàwi tùlìà jii miɔ̀ŋ, mìŋ dawàùm wèè maŋ kpùùmàŋ aŋ jɔùŋ nyɛɛ̀ŋ. Aŋ jɔùŋ nyɛɛ̀ŋ, naŋ tòòmò yàwi wo Kilɛmɛ̀ŋ kùàŋ sùà, e kpùlìà anyuùŋ tòmo dàwi gbànaŋ wi nyàŋ wèè eiŋ ɓààyè Ebò Siaàŋ. Maŋ deè nyiŋ màŋ yaà naàŋ sìnga miŋ wɔŋ fɛ̀ì Dayàa sùà, wɔŋ yèɔ wo Dayà naŋ sìngè maŋ dèè anyùùŋ nyaŋ do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ nyàŋ.

Kòlo 1:7

Nìŋ naŋ wa kòmò e kèè e tɛ̀ɛ̀tɛ̀ɛ̀ Dayàa e yìwìà wo Ɛpafilè sìwè, wo ɓɔìjɔ̀à tòmo dàwi siaŋ wiɔ̀. Wò yaà wo ɓɔìjɔ̀à tòmo tùlìà jii dàwì wi wo Jisɛ̀ Kulaì sùà.

Kòlo 4:11

Wo Jàasùà, wo yèɔ àŋ nyaaŋ wo Jɔtù wɔ, naiŋ tùɔ̀ŋ e zùùmo wuŋ pɛɛ. Aŋ fèlàà taai nyɛɛ̀ŋ, nàŋ yaà aŋ Juùù nyuuŋ kɛ̀ɛ̀nɛ̀ŋ hààwe nyàŋ nɔŋ è naiŋ tòòmò koɓɛ̀ guùŋ wèè e Kànà Dayàa, e kìlà àŋ naim kìɛ̀ŋ e kpùùmaŋ gbee.

1Tɛsè 3:2

yèè è naiŋ tùɔ̀ŋ wo Timetè wùìya wiɔ̀, è yààìŋ tòòmò koɓɛ̀ guùŋ wèè Dayà, nààŋ è woàìŋ Ebò Siaàŋ nyaàiŋ dè wo Jisɛ̀ Kulaì lɛ. È nauŋ tùɔ̀ŋ nɛ̀ɛ̀iŋ niìŋ wèè woiŋ nyììnè maŋ jii, yèè wo kpùùmàŋ e hààweiŋ nɛ̀,

Felemɔ̀ŋ - PHM 1:24

Yèè anyuùŋ gbànaŋ nyɛɛ̀ŋ tèènè mààŋ wo Mài, wo Àlètakɔ̀, wo Dimà, yèè wo Luù, anyuùŋ tòmo dàwiim nyàŋ, naiŋ tùɔ̀ŋ e zùùmo nyiìŋ pɛɛ.

Hiɓu 3:1

Nyɛ̀iŋ nààŋ nyuùŋ hààwe dàwium nyàŋ, wo Dayà naiŋ tàeɗùù wèè naŋ nɔ̀ŋ anyùùŋ nɛɛmauŋ. Weètii gòngoìŋ e kèè wo Jisɛ̀, wo yèɔ wo Dayà naŋ tàeɗùù wèè wo nɔ̀ŋ wo keela yèè wo Kànà Sìèfèìŋ Zòòlo Gbeeɔ̀ wèè e hààweɛ̀ è kuwàìŋ lɛ.