Fèle 2:20 - WƆŊ FƐ̀Ì EBÒ SÌÀŊ DAYÀA

²⁰ Wuŋ guùŋ nɔŋ nàŋ yaà wo bàimbà wèè e gòngo siaàŋ mìŋ kuwa yèè tɔɔɓaa wo yèɔ naŋ kpɛɛ̀ŋ weèiŋ wɔ̀.

Fèle 2:20 ပူးပေါင်းရင်းမြစ်များ

Jɔ̀ɔŋ 10:13

Aŋ ɓɔìjɔ̀à tòmo nyàŋ duɔŋ aŋ nyiŋ jòà esaɓù kɛ̀ aŋ gò kpɛɛ̀ŋ weè aŋ ɓaawaa nyàŋ.

Jɔ̀ɔŋ 12:6

E gò tɔɔ̀ kɛ̀ wò Judà naŋ wa kpɛɛ̀ŋ wèè ànyuùŋ pɔ̀ɔ nyàŋ. Wò naŋ wa tɛɛ̀ woò esaɓù kɛ̀ wuŋ nàŋ hewa kɛ̀ɛ̀nɛ̀ŋ e sùlò nɛɛnɛɛ̀ŋ, yèè e teenga bà wò heo wa hòà kùàŋ woo gè e nɛɛnɛɛ̀ŋ bà wèè wuŋ bi.

Luùm 15:5

Tɔ̀ wo Dayà, ko tɔ̀ɔ̀tù ke jii tɔumtɔ̀ùm yèè ke jii nyingè, nyɛ̀nɛ̀ŋ e kɛɛnɛ̀iŋ e gòngò guùŋ nɛ yàwi bi e fèemàŋ, nààŋ è dèìŋ e tɔ̀ɔ̀màŋsèì Jisɛ̀ Kulaì lɛ maŋjɛ̀wɛ,

1 Kɔliìŋ 16:10

Sèè wo Timetè hnàŋ wɔŋ faàiŋ nɔɔ̀ŋ, nyɛ̀nɛìŋ niŋ e kpàŋ è kɔɔiŋ niŋ jààuŋ kùàŋ dìì, e fèfoo, wò yaà toomo wèè Kanaà màànààŋ nɔŋ mìŋ yaà toomo lɛ̀.

Fèle 2:2

Mìŋ yààìŋ daawe, wèè naim nyɛ̀nɛ̀ŋ ka kɛ̀ɛ̀nɛ̀ŋ zɔlɔ̀ zimgbe. Kɛ̀ɛ̀nɛìŋ gòngo, tɔ̀ɔìŋ e mànaŋ, yèè niŋ nɔ̀ŋ ke gbòò guùŋ e kìlà niŋ kɛɛnɛ̀ŋ ke jìì guùŋ.

Fèle 2:22

Kɛɛ nyɛ̀iŋ bi nàŋ nyìmàŋ e ɗeweɛ̀ wò naŋ tɔɔ̀ kɛ̀ wò yaà nyuùŋkpùuŋ kɛnɛ tùlìà jii lɛ̀. Wo Timetè naŋ nɔ̀ŋ mààŋ wo jɔ̀àfelaa ko nɛ̀ɛ̀ŋ miìŋ, yèè wòim tòòmò kùàŋ sùà wèè e ɓaayè Ebò Siaàŋ.

Kòlo 4:11

Wo Jàasùà, wo yèɔ àŋ nyaaŋ wo Jɔtù wɔ, naiŋ tùɔ̀ŋ e zùùmo wuŋ pɛɛ. Aŋ fèlàà taai nyɛɛ̀ŋ, nàŋ yaà aŋ Juùù nyuuŋ kɛ̀ɛ̀nɛ̀ŋ hààwe nyàŋ nɔŋ è naiŋ tòòmò koɓɛ̀ guùŋ wèè e Kànà Dayàa, e kìlà àŋ naim kìɛ̀ŋ e kpùùmaŋ gbee.

1Time 1:2

Mìàŋ nàŋ yaà sìngìè wɔŋ fɛi wɛɛ̀ŋ koɓɛ̀ muàŋ Timetèi, wo jɔ̀àfelaa kɛnɛ miɔ̀ŋ, e hààweɛ̀ sùà. Tɔ̀ wo Dayà wo Dèda wiɔ̀ yaà Kanaà Jisɛ̀ Kulaì wo Kana wiɔ̀, kiɛ̀iŋ e tɛ̀ɛ̀tɛ̀ɛ̀, ke nyowo, yèè ke jii fàa.

1Time 4:6

Sèè maŋ kàà maŋ keì wòo mɛɛ̀ŋ koɓɛ̀ anyuùŋ hààwe nyàŋ, mùŋ do nàŋ nɔ̀ŋ wo ɓɔìjɔ̀à tòmo siaŋ wèè wo Jisɛ̀ Kulaì, mùŋ do naŋ dììyè muàŋ bi e nɛɛmaŋ e yìwìà ke mìè hààweɛ̀ yèè e kàà tɔ̀ɔ̀nyaàaŋ e yèɛ mùŋ naŋ dè maŋjɛ̀wɛ lɛ̀.

2Time 1:5

Mìŋ naŋ jàà e hààwè tɔ̀ɔ̀nyaàaŋ mùŋ kuwa lɛ̀ ke jii, e hààwè guùŋ bi nɔŋ wo màmaŋ mɔɔ̀ŋ Luì yaà wo yèye mɔɔ̀ŋ Yunè nyiŋ pɛɛ àŋ kuwa wa. Mìŋ kuwa e hààweɛ̀ kɛ̀ e hààwe kɛnɛ bi nɔŋ mùŋ kuwa.

2Time 3:10

Mùŋ naŋ dè e kàa mɛ̀, ke kpèè miɛ̀ŋ, yèè esàɓù wɔŋ nyiiŋ gèe miɔ̀ŋ maŋjɛ̀wɛ, màŋ tùàŋ e hààwe mɛ̀, ke jii tɔumtɔ̀ùm miɛ̀ŋ, e mànàŋ mɛ̀, yèè ke jii nyìngè miɛ̀ŋ wèè e keì nyìnga kuwa mɛ̀ gbiŋ maŋ nɔnɔŋ.