Fèle 2:19 - WƆŊ FƐ̀Ì EBÒ SÌÀŊ DAYÀA

¹⁹ Sèè è nɔ̀ŋ wèè esàɓù wo Kanaà Jisɛ̀, mìŋ kuwa ke jii tùlia kɛ̀ wò doim nàŋ gè nyààŋ diɛŋ wèè ka tùàŋ wo Timetè ko nɛ̀ɛ̀iŋ niìŋ e teenga kpuu sùà, wèè kɛ̀ mìŋ naŋ ɓɛ̀nɛ̀ŋ kɛ̀ɛ̀nɛ̀ŋ ke jii nyingè wèè ebò lɛ mìŋ naŋ kòmò lɛ e nyaàiŋ eiŋ dè.

Fèle 2:19 ပူးပေါင်းရင်းမြစ်များ

Maafiù 12:21

yèè anyùùŋ nyaŋ fè àŋ Juùù nyaŋ, aŋ gbiŋ douŋ nàŋ sìè maŋ jii tùlia nyiŋ màŋ sùà.”

Nyɛ̀nɛ̀ŋ 16:1

Wo Pɔɔ̀ yèè wo Silà naŋ kɛ̀ɛ̀ maŋjɛ̀wɛ ko Dɛɓì yèè ko Lesità. Kuŋ àŋ naŋ wa mɛ̀ɛ̀ŋ wo nyùùŋ màŋjɛ̀wɛ̀ɔ bà guùŋ àŋ nyaaŋ wo Timetè. Wo yèyeuŋ nɔɔ̀ŋ wuŋ pɛɛ yaà wa wo nyuùŋ hààwe, kɛɛ wò yaà wa wo Juùù nyuuŋ, yèè wo dèdauŋ nɔɔ̀ŋ yaà wa wo Guliì nyuuŋ.

Luùm 15:12

Wo Àzaayà naŋ ɓɛìŋ woò wààŋ, “Wo nyùùŋ e yìwìà ke kpòò Jɛ̀seɛ̀ sùà do nàŋ hnè. Wò do nàŋ hnè wo nɔ̀ŋ wo kana wèè anyùùŋ nyaŋ fè àŋ Juùù nyaŋ diɛŋ, yèè àŋ douŋ nàŋ sìè maŋ jii tùlia nyiŋ màŋ sùà.”

Luùm 16:21

Wo Timetè, wo nyuùŋ tòmo dàwi miɔ̀ŋ, naiŋ tùɔ̀ŋ zùùmo. E kìlà aŋ Juùù nyuuŋ dàwiim nyàŋ tèènè mààŋ wo Lusìù, wo Jasɔ̀ŋ, yèè wo Sòsipatɔ̀, naiŋ tùɔ̀ŋ zùùmo nyiŋ pɛɛ.

1 Kɔliìŋ 4:17

E wèè esaɓù lɛɛ̀, mìŋ yaà tùaŋ sùà wo Timetè ko nɛ̀ɛ̀ŋ niìŋ, wo yèɔ yaà wo jɔ̀à mànaŋ tùlìà jii miɔ̀ŋ e hààweɛ̀ sùà wɔ, ke gbòò anyuùŋ hààwè Dayà nyaŋ e tɛɛ. Wèè woo dè maŋ jiiiŋ màŋ koɓɛ̀ maŋ keì ɗì maŋ mìŋ naŋ dè maŋjɛ̀wɛ wɔŋ nyiiŋ jɛiɔ̀ ke gbòò Jisɛ̀ Kulaìɛ sùà lɛ, maŋ yè maŋ mìŋ naŋ kaà maŋ ke gbòò anyuùŋ hààwe nyàŋ gbiŋ sùà koɓɛ̀i gbiŋ mìŋ kɔ̀ lɛ.

Ɛfesɔ̀ 1:13

Nyɛ̀iŋ pɛɛ nìŋ naŋ nɔ̀ŋ anyùùŋ Dayà nààŋ nìŋ naŋ kòmò ke miè gbìàŋ tɔ̀ɔ̀nyaàaŋ, e nyaàiŋ dè Ebò Siaàŋ doiŋ nàŋ joeyè lɛ. Nìŋ naŋ hààwè Jisɛ̀ Kulaì sùà, yèè wo Dayà naiŋ sìè e fee wèè e tɔɔ̀ kɛ̀ wuŋ nàŋ kànàìŋ. E fee bi nàŋ yaà wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

Fèle 1:1

E yìwìà miàim Pɔɔ̀ yaà wo Timetè sìwè, aŋ ɓɔ̀ìjɔ̀à Jisɛ̀ Kulaì nyaŋ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ gbiŋ ko Fèlepì, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ, e kpùlìà aŋ sìèfèìŋ anyuùŋ hààwe nyàŋ yaà anyuùŋ tòmo dàwi nyiŋ nyàŋ.

Fèle 2:18

E ɗèwè guùŋ bi sùà, nyɛ̀iŋ pɛɛ nìŋ kuwa naŋ nɔ̀ŋ e zɔlɔ̀ sùà, yèè miàŋ pɛɛ ka nɔ̀ŋ wo bàimbà e zɔlɔ̀ gèiŋ nɛ̀ sùà.

Fèle 2:28

Mìŋ yaà naàŋ e wànàŋ gbee sùà, wèè ka ɓɛìŋ tùàŋ wo Ɛ̀pàfoditɔ̀ ko nɛ̀ɛ̀iŋ niìŋ. Maŋ jiiŋ màŋ do nàŋ fɔ̀ sèè nìŋ yɛmɛ̀uŋ ɓɛìŋ, yèè ke jìì sɛ̀ɛ̀ nyowo miɛ̀ŋ dò nàŋ jùò.

1Tɛsè 3:2

yèè è naiŋ tùɔ̀ŋ wo Timetè wùìya wiɔ̀, è yààìŋ tòòmò koɓɛ̀ guùŋ wèè Dayà, nààŋ è woàìŋ Ebò Siaàŋ nyaàiŋ dè wo Jisɛ̀ Kulaì lɛ. È nauŋ tùɔ̀ŋ nɛ̀ɛ̀iŋ niìŋ wèè woiŋ nyììnè maŋ jii, yèè wo kpùùmàŋ e hààweiŋ nɛ̀,

1Tɛsè 3:5

Miŋ gò niŋ ɓɛ̀nɛ̀ŋ dìì, wèètii mìŋ naŋ tùɔ̀ŋ wo Timetè. Mìŋ nauŋ tùɔ̀ŋ wèè wo nyɛ̀nɛ̀ŋ maŋ nɔnɔŋ tùaŋ e nyaàiŋ dè e hààweiŋ nɛ̀. Tɔɔɓaa tiŋ e fè ɓɛ̀nɛ̀ŋ nɔ̀ŋ kɛ̀ wo Dɛwìɔ wòiŋ gɛ̀ɛ̀ jɛ̀wɛ̀ e tòmo wilɛ̀ gbiŋ nɔ̀ŋ wèè foo.

2Tɛsè 1:3

Nyɛ̀iŋ nààŋ wùìya wi nyàŋ, è kuwa eiŋ gè wo Dayà ke sɛ̀ e teenga gbiŋ e weèiŋ. È yaà tɔ̀ɔ̀nyaàŋ wèè eiŋ tɛɛ̀ nyɛ̀nɛ̀ŋ, e fèfoo kɛ̀ e hààweiŋ nɛ̀ è yaà dɛ̀ɛ sùà zimgbe, yèè e mànaàŋ nìŋ kuwa wèè aŋ dàwiiŋ nɛ̀, è yaà gàaŋ sùà gbee.

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

Jìiiŋ 4:15

E nɛ̀ɛŋ nìŋ henàŋ woò lɛ nàŋ yaà, “Sèè wo Kanaà Dayà nyimààŋ, è doiŋ nàŋ nɔ̀ŋ nyiiŋ gèeɔ̀ sùà eiŋ tɛɛ̀ nyɛ̀nɛ̀ŋ eiŋ tii nyɛ̀nɛ̀ŋ.”

1Pììlɛ 1:21

Esàɓù Jisɛ̀ Kulaì sùà nìŋ naŋ hààwè Dayà, wo yèɔ nauŋ gèe dìì e yìwìà e fàa dìì, yèè wò nauŋ fè e jòòwo, wèètii e hààweiŋ nɛ̀ yèè ke jii tùliaiŋ nɛɛ̀ŋ yaà koɓɛ̀ Dayài.