Fèle 2:15 - WƆŊ FƐ̀Ì EBÒ SÌÀŊ DAYÀA

¹⁵ wèè kɛ̀ nìŋ naŋ ɓɛ̀nɛ̀ŋ nɔ̀ŋ aŋ jɔ̀à gò kɛ̀ɛ̀nɛ̀ŋ tɔ̀mɛ nyàŋ, aŋ yè nyaŋ e keì gò jeè nyaŋ wèè wo Dayà. Nìŋ joà anyùùŋ e tɛɛ e ɗuunyaàŋ aŋ yè nyaŋ naŋ dìè kàaɓì yaà maŋ keì naanààŋ. Kàmeìŋ ɗewe niŋ mɛ̀ɛ̀ŋ mààŋ e gbòlòùŋ maŋ ɗu ke nyiliɛ̀,

Fèle 2:15 ပူးပေါင်းရင်းမြစ်များ

Maafiù 10:16

“Kùmiàŋ nìim, mìŋ yààìŋ tùàŋ sùà mààŋ aŋ ɓaawaa ke gbòò anyuùŋ kpùuŋ e tɛɛ, aŋ yè nyaŋ kuwa maŋ kpèè naanààŋ màànààŋ aŋ pɔ̀ɔ̀wɛ̀i yaà lɛ. Dùaìŋ nyiŋ e jiikɛ̀ɛ sùà màànààŋ nɔŋ nìŋ duɔŋ aŋ kaì naanààŋ lɛ, e kìlà niŋ kɛɛnɛ̀ŋ maŋ kpèè ɓɛ̀ɛ̀jàa màànààŋ aŋ bòòùm yaà lɛ, aŋ yè nyaŋ fè nɛ̀ɛ̀mùŋ nyùùŋ nyaŋ.

Maafiù 17:17

Wo Jisɛ̀ naŋ nyiŋ woò wààŋ, “Kuoo nyɛ̀iŋ nààŋ nyuùŋ gò kùwìè hààwe yèè kpèè naanààŋ nyɛɛ̀ŋ! Kiìŋ è teenga mùnlaŋ mìŋ doiŋ naŋ nɔ̀ŋ e kɔɔ? Kiìŋ è teenga mùŋlaŋ mìŋ do nàŋ kùwò ke jii maŋjɛ̀wɛiŋ? Hìaìŋ kià wo felaajɔaà ko nɛ̀ɛ̀ŋ miìŋ.”

Maafiù 5:45

Kpeiŋ kɛ̀ nàŋ nɔ̀ŋ aŋ jɔ̀à koɓɛ̀ wo Dèdaiŋ nɔɔ̀ŋ ko àìjɛnɛ̀ŋ. Esaɓù kɛ̀ wò nyɛnɛŋ e gɔɛɛ dììkà anyùùŋ tɔ̀ɔ̀nyaàŋ nyaŋ yaà anyuùŋ naanààŋ nyaŋ diɛŋ, e kìlà wò nyɛnɛŋ maŋ gɔ̀à maŋ sɔ̀à anyùùŋ tɔ̀ɔ̀nyaàaŋ nyaŋ yèè anyuùŋ nyɛ̀nɛ̀ŋ maŋ tùwo naanààŋ nyaŋ diɛŋ.

Maafiù 5:48

Nìŋ kuwa naŋ nɔ̀ŋ anyùùŋ tɔ̀ɔ̀nyaàŋ, màànààŋ nɔŋ wo Dèdaiŋ nɔɔ̀ŋ ko àìjɛnɛ̀ŋ yaà lɛ.

Luù 1:6

Wo Dayà naŋ wa nyimèè kɛ̀ nyiŋ tìyèe naŋ wa nyìnìè wɔŋ nyiiŋ gèe nyiŋ nɔɔ̀ŋ e tɔ̀ɔ̀nyaàŋ sùà, esaɓù kɛ̀ àŋ naŋ wa jɔ̀ɔ̀lɔ̀ maŋ Sàwà Dayà maŋ gbiŋ dìì.

Luù 6:35

Kɛɛ mànaìŋ aŋ jooiŋ nyàŋ e kìlà niŋ nyinìàŋ nyiŋ keì sìàŋ. Ɓɔ̀ nìŋ kiɛ̀ŋ nyiŋ fòfoo nìŋ manaŋ wèè aiŋ niŋ ɓɛìŋ kɛlɛ̀ɛ̀. Sèè nìŋ nyɛnɛŋ tii, wo Dayà doiŋ nàŋ kìɛ̀ŋ e jìwààjɛ̀wɛ̀ gbee. E kìlà nìŋ do nàŋ nɔ̀ŋ aŋ jɔ̀à wèè wo Dayà Gaàŋ Gbeeɔ̀. Esaɓù kɛ̀ wo Dayà tuwà tɛ̀ɛ̀ koɓɛ̀ wo nyuùŋ gò nyìmàŋ saɓùɔ yaà wo nyuùŋ nyɛ̀nɛ̀ŋ tùwo naanààaŋ.

Jɔ̀ɔŋ 5:35

Wo Jɔ̀ɔŋ yaà wa mààŋ e laumpò e yèɛ kiɛ̀ŋ e gbolòùŋ gbee, maŋ jiiiŋ màŋ naŋ wa fɔ̀ yèè nìŋ naŋ niŋ wa jikà wèè e teenga bà.

Nyɛ̀nɛ̀ŋ 2:40

Wo Pììlɛ naŋ nyiŋ kìɛ̀ŋ maŋ mìè gòo zimgbe e kìlà wò naŋ nyiŋ dawè yèè wò naŋ nyiŋ kiɛ̀ŋ maŋ jii nyingè wààŋ, “Jòèyeìŋ nyɛ̀iŋ bi e yìwìà e keì nyìnga gbeeɛ̀ yaà hìnìè anyùùŋ maŋ tùwo naanààŋ nyaŋ diɛŋ lɛ̀.”

Nyɛ̀nɛ̀ŋ 20:30

Anyùùŋ nyɛ̀iŋ bi nyàŋ bà do nàŋ hnè aŋ wòò e tòa wèè kàìsa aŋ gè anyùùŋ màŋjɛ̀wɛ̀ Kanaà maŋ jiio sùà wèè aŋ kìlà wɔŋ faà nyiŋ nɔɔ̀ŋ.

Luùm 16:19

Ke jii naim fɔ̀ esaɓù kɛ̀ anyùùŋ nyaŋ gbiŋ àŋ nyìmàŋ e ɗeweɛ̀ nìŋ jɔɔlɔ̀ wo Kanaà dìì tɛ̀ɛ̀ lɛ. Kɛɛ e tèèngà guùŋ bi sùà, mìŋ manaŋ wèè naŋ nyìmàŋ kɛ̀ kiìŋ nàŋ siaŋ yèè ɓɔ̀ nìŋ kɛɛnɛ̀ŋ è nɛ̀ŋ gbiŋ wèè nìŋ do nyìnìàŋ è keì naanààŋ.

1 Kɔliìŋ 1:8

E kìlà wò doiŋ nàŋ yɛ̀mɛ̀ diɛŋ wo nyɛ̀nɛ̀ŋ naŋ nyìngà sùà e jèèsùà naŋ hàì ko dìaì, e wèè e tɔ̀mɛ goiŋ nàŋ nɔ̀ŋ kè ɗɔ̀ɔ̀ è hnàŋ Kanaà Jisɛ̀ Kulaìɛ diɛŋ.

2 Kɔliìŋ 6:17

E wèètii wo Kanaà wààŋ, “Sɔɔ̀ naŋ nyiŋ dangè yèè ɓɔ̀ nìŋ nɔ̀ŋ nyiŋ è fèemàŋ. Ɓɔ̀ nìŋ kuwìè è nɛ̀ŋ bà gbiŋ wèè naŋ nyìnìàŋ è nɛ̀ŋ gò zɛ̀nɛ̀ŋ, kɛ̀ mìŋ doiŋ nàŋ jàà kùàŋ dìì.

Ɛfesɔ̀ 5:27

Wò naŋ yɛi nyɛ̀nɛ̀ŋ wèè wo kɛɛnɛ̀ŋ ke gbòò anyuùŋ hààwe nyàŋ e jòòwo yèè e nɛɛmaŋ sùà, wèè ɓɔ̀ kè kuwìè lè fee ɔ̀ɔ̀ è tɔ̀mɛ bà gbiŋ.

Fèle 1:10

wèè kɛ̀ nìŋ naŋ ɓɛ̀nɛ̀ŋ tùàŋ maŋ nɔnɔŋ wèè naŋ nyimèè kɛ̀ kiìŋ nàŋ yaà e nɛ̀ŋ kɛnɛ. Tɛɛ̀ do nàŋ nyɛ̀nɛ̀ŋ naŋ nɔ̀ŋ sengei e kìlà e keì gbiŋ e naàìŋ nɔ̀ŋ ke ɗɔɔɛ̀ wo Jisɛ̀ Kulaì do nàŋ hnè lɛ.

Fèle 3:6

E wànàŋ zimgbe yààìm wa wèè ka nìmìlà ke gbòò anyuùŋ hààwe nyàŋ. Nààŋ nɔŋ wo nyùùŋ naŋ ɓɛ̀nɛ̀ŋ nɔ̀ŋ wo nyùùŋ tɔ̀ɔ̀nyaàŋ nààŋ wò jɔɔlɔ̀ maŋ keì maŋ wo Dayà naŋ woò maŋ ke Sàwàa sùà lɛ, miŋ gò wa nyɛ̀nɛ̀ŋ è keì naanààŋ.

1Tɛsè 5:23

Tɔ̀ wo Dayàa naŋ wi fè jii fàa wɔ̀ wo nyɛ̀nɛ̀iŋ niŋ nɔ̀ŋ e nɛɛmaŋ sùà dòmaŋ nyaaŋ gbiŋ, yèè wo haà saɓù e tɔ̀mɛ gbiŋ ɓɔ̀ è nɔ̀ŋ è kpùnuiŋ nɛ̀, wò jinàiŋ nɔɔ̀ŋ, yaà kè kpùnaiŋ nɛɛ̀ŋ è teengaà wò Kana wiɔ̀ Jisɛ̀ Kulaì hnàŋ wa nàwèè lɛ.

1Time 3:10

Aŋ kɔà nyiŋ e wɔ̀à dìì jiɛ̀, yèè kɛ̀, sèè aŋ maaŋ e wɔ̀à lɛɛ̀ dìì e yèɛ e keì gò nyiŋ jèè lɛ, kɛ̀ àŋ ɓɛ̀nɛ̀ŋ nyɛ̀nɛ̀ŋ e tòmoɛ̀.

1Time 3:2

Wo sìèfèìŋ anyuùŋ hààwe nyàŋ, kuwa wo nɔ̀ŋ wo nyùnɔ̀ɔ̀ŋ kuwà è tɔ̀mɛ wɔ̀. Wo nɔ̀ŋ nyuùŋ kɛ̀ɛ̀nɛ̀ŋ wo jɔ̀ùŋ guùŋ, ɓɔ̀ wò nɔ̀ŋ wò nyuùŋ tìà mùàŋ, wo yɛmɛ̀ wuŋ bi diɛŋ, yèè wo nɔ̀ŋ ke jii fàa sùà. Wo nɔ̀ŋ nyuùŋ jàà aŋ nyùnèènyɛiŋ kùàŋ dìì ko gboouŋ noo, e kìlà wo nyìmàŋ e ɗèwè kàa.

1Time 5:14

Weètii mìŋ do naŋ mɔ̀nɔ̀ŋ aŋ jɔ̀ùnèèdàà bɔwɔ nyàŋ aŋ gè aŋ felaa, aŋ kòmàŋ aŋ jɔ̀à, yèè aŋ yɛ̀mɛ̀ maŋ kpoo nyiŋ màŋ diɛŋ, wèè aŋ go nàŋ kìɛ̀ŋ àŋ joo wi nyàŋ e ɗeweɛ̀ wèè àŋ do wòò màŋ keì naanààŋ è weè wi.

1Time 5:20

Gbùùyaà aŋ yè nyaŋ gbiŋ naŋ nyɛ̀nɛ̀ŋ jùumù ko ɓài nyàŋ, wèè e jùù nyɛ̀nɛ̀ŋ anyuùŋ gbànaŋ nyàŋ.

1Time 5:7

Kàà maŋ keì wòo mɛɛ̀ŋ anyùùŋ nyaŋ gbiŋ, wèè ɓɔ̀ àŋ nyɛ̀nɛ̀ŋ màŋ kpèè naanààŋ.

Taitɔ̀ 1:6

Wo màmàŋkùmɛŋ ɓɔ̀ wò kuwìè è tɔ̀mɛ, wo nɔ̀ŋ wo fèlàà jɔ̀ùŋ guùŋ kpò, yèè aŋ jɔ̀àuŋ nyàŋ aŋ nɔ̀ŋ anyuùŋ kùwìè hààwe, ɓɔ̀ àŋ nɔ̀ŋ ànyuùŋ kuwìè ebò waasu ɔ̀ɔ̀ ànyuùŋ gò jɔɔlɔ̀.

Taitɔ̀ 2:10

ɔ̀ɔ̀ ɓɔ̀ àŋ wùà àŋ kɛ̀ɛ̀nɛŋ nyiŋ nyàŋ sìwè. Kɛɛ aŋ tɔɔ̀ kɛ̀ e teenga gbiŋ àŋ yaà tɛ̀ɛ̀ yèè aŋ nɔ̀ŋ anyuùŋ tùlìà jii, kpeiŋ kɛ̀ tɛɛ̀ do nàŋ tɔ̀ɔ̀ e ɓɛ̀ɛ̀jàa gbee koɓɛ̀ e kàaà e nyaàiŋ dè wo Dayà wo Nyuùŋ Jòèye wiɔ̀ maŋ keì nyɛ̀nɛŋ nyiŋ màŋ gbiŋ sùà.

Taitɔ̀ 2:15

Kàà nyiŋ maŋ keì mɛɛ̀ŋ e gaàŋ mɔ̀ɛ̀ sùà, màànààŋ nɔŋ mùŋ fè anyùùŋ nyaŋ kumìàùm nyaŋ maŋ jii nyingè, e kìlà mùŋ dè nyiìŋ dòmaŋ diɛŋ lɛ̀. Ɓɔ̀ mùŋ dangè wò bà gbiŋ doum nììngè fɛ̀ɛ̀.

Hiɓu 7:26

Wo Jisɛ̀ nàŋ yaà wo Kànà Sìèfèìŋ Zòòlo Gbee wiɔ̀ wo yèɔ kiɛ̀ŋ wì e nɛ̀ɛŋ gbiŋ è naiŋ kpɛɛ̀ŋ weè niŋ lɛ. Wò yaà wo nyùùŋ nɛɛmaŋ. Wo kuwà è tɔ̀mɛ yèè màŋ jùumù. Wo Dayà nauŋ wa jàà ɓùla è gbà e yìwìà anyùùŋ jùumù nyàŋ fèemàŋ, yèè wò nauŋ joowò wouŋ nyɛ̀nɛ̀ŋ wo ɓɛ̀màŋɗì manɛ̀ŋ maŋ gbiŋ diɛŋ ko àìjɛnɛ̀ŋ.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

1Pììlɛ 2:9

Kɛɛ nyɛ̀iŋ nàŋ yaà anyuùŋ tàeɗùù Dayà nyaŋ, aŋ sìèfèìŋ e zòòlò Kanaà, wɔŋ fùɔ̀ŋ nɛɛmaàŋ, anyùùŋ Dayà nyaŋ wuŋ bi naŋ tàeɗùù, wèè aŋ daanè ebò maŋ kpèè sìàŋ Dayà maŋ wò nyɛnɛŋ màŋ, wo yèɔ naiŋ nyààŋ wò naiŋ gè ke nyìwì sùà, yèè wò naiŋ hnìɛ̀ŋ e gbòlòùŋ gbèè wuŋ bi sùà lɛ.

2Pììlɛ 3:14

E wèètii nyɛ̀iŋ nààŋ wùìyaim nyàŋ, nààŋ nìŋ yaà fùlìè ke ɗɔɔ bi, nyɛ̀nɛìŋ e yèɛ gbiŋ nìŋ naŋ ɓɛnɛ̀ŋ lɛ wèè niŋ zɛ̀nɛ̀ŋ, yèè e tɔ̀mɛ ɓɔ̀ è nɔ̀iŋ fɛ̀ɛ̀fèìŋ Dayà, e kìlà naŋ nɔ̀ŋ jii fàa sùà koɓɛ̀ Dayài.

Maŋ kèì nyɛɛnɛŋ 2:5

Gòngoìŋ e kèè koɓɛ̀i nìŋ yaà wa paŋgàà nìŋ naŋ sɔ̀ɔ̀ lɛ. Kìlaìŋ koɓɛ̀ Dayài niŋ nyɛ̀nɛ̀ŋ e yèɛ nìŋ naŋ wa nyɛ̀nɛ̀ŋ jiɛ̀ lɛ. Sèè nìŋ go kìlà, mìŋ do nàŋ hnè ko nɛ̀ɛ̀iŋ niìŋ ka ɓèmè maŋ kuù sɛ̀ɛ̀ laumpòiŋ màŋ e yìwìà koɓɛ̀i màŋ jaa lɛ̀.

Maŋ kèì nyɛɛnɛŋ 3:9

Kòmaìŋ tɛɛ̀! Sèè è nɔ̀ŋ wèè anyùùŋ nyiiŋ, ke gbòò anyùùŋ màŋjɛ̀wɛ̀ Sɛ̀tanàŋ nyaŋ, anyuùŋ tòa nyiiŋ naŋ yɛi ɓèmè nyiŋ bi wèè aŋ nɔ̀ŋ aŋ Juùù nyuuŋ kɛɛ aŋ fè àŋ Juùù nyaŋ, mìŋ do nyiŋ nàŋ nyɛ̀nɛ̀ŋ aŋ hnàŋ aiŋ kìɛ̀ŋ ɓɛ̀ɛ̀jàa. Àŋ do nàŋ nyìmè kɛ̀ mìŋ mànàìŋ.