Fèle 2:13 - WƆŊ FƐ̀Ì EBÒ SÌÀŊ DAYÀA

¹³ esaɓù kɛ̀ wo Dayà kòò wò yààìŋ tòòmò sùà, wèè woiŋ nyɛ̀nɛ̀ŋ naŋ nyimèè yèè naŋ ɓɛnɛ̀ŋ wèè nauŋ jɔ̀ɔ̀lɔ̀ dìì.

Fèle 2:13 ပူးပေါင်းရင်းမြစ်များ

Luù 12:32

“E jùù ɓɔ̀ è nyɛ̀nɛ̀iŋ, nyɛ̀iŋ nààŋ nyùùŋ nyaŋ yaà mààŋ aŋ ɓaawaa nyàŋ. Wo Dèdaiŋ nɔɔ̀ŋ ko àìjɛnɛ̀ŋ manaŋ woiŋ kìɛ̀ŋ e Kanaà.

Luù 2:14

“E jòòwo gbee yaà wèè Dayà ko àìjɛnɛ̀ŋ, yèè ke jii fàa nɔ̀ŋ koɓɛ̀ anyuùŋ kpùuŋ nyàŋ e ɗuunyaàŋ aŋ yè nyaŋ nauŋ fɔ̀ɔ̀yɛ̀ ke jii nyàŋ.”

Jɔ̀ɔŋ 3:27

Wo Jɔ̀ɔŋ naŋ nyiŋ fasàì wààŋ, “E keì mààŋ tɛɛ̀ fè ɓɛ̀nɛ̀ŋ kàaiŋ kòɓɛ̀ wò nyùùŋ gbiŋ sɔɔ̀ wo Dayà e yìwìà ko àìjɛnɛ̀ŋ wouŋ gè nyààŋ diɛŋ.

Jɔ̀ɔŋ 6:45

Wo wɛ̀ijìɔ bà guùŋ naŋ wa sìngè wò naŋ woò wààŋ, ‘Wo Dayà do nàŋ kàà anyùùŋ nyaŋ gbiŋ.’ Weètii wo nyùnɔ̀ɔŋ gbiŋ naŋ kòmò yèè wò naŋ gbèè e yèɛ wo Dèdaà naŋ woò lɛ wò do nàŋ hnè ko nɛ̀ɛ̀ŋ miìŋ.

Jɔ̀ɔŋ 6:65

Kpeiŋ wo Jisɛ̀ naŋ nyiŋ ɓɛìŋ woò wààŋ, “Niŋ fè ɓɛ̀nɛ̀ŋ nɔ̀ŋ ànyùùŋ màŋjɛ̀wɛ̀im, sɔɔ̀ nɔŋ wo Dèdaà woiŋ gè nyààŋ diɛŋ wèè naim dè maŋjɛ̀wɛ. Esaɓùɛ lɛɛ̀ mìŋ naiŋ wòò maŋ keì mɛɛ̀ŋ gbiŋ.”

Nyɛ̀nɛ̀ŋ 11:21

E gààŋ Kanaà yaà nyiìŋ wa maŋjɛ̀wɛ, yèè anyuùŋ zimgbe naŋ wa kìlè koɓɛ̀ wo Kanaà yèè àŋ nauŋ sìè e hààwe sùà.

Luùm 12:3

Kà nyìmàŋ kɛ̀ wo Dayà naim kìɛ̀ŋ e tɛ̀ɛ̀tɛ̀ɛ̀uŋ nɛ̀ zimgbe, yèè weètii tɔ̀ miŋ woò nyɛ̀iŋ nààŋ bà guùŋ gbiŋ kɛ̀, ɓɔ̀ mùŋ ɓemè muàŋ bi gbee è do nìàŋ è ɗeweɛ̀ mùŋ yaà lɛ, tiŋ zà muŋ fè yɛi. Tòòmoò e gòngo siaŋ yèè muŋ gbaì muàŋ bi e nyaàiŋ dè e hààweɛ̀ wo Dayà naum kiɛ̀ŋ lɛ.

Luùm 9:11

Kɛɛ wèè paŋ aŋ jɔ̀àfèlàà tìyèe nyàŋ aŋ nɔ̀ŋ wa kòmaŋ nyiŋ, ɔ̀ɔ̀ wèè paŋ aŋ nyɛ̀nɛ̀ŋ wa e keì sìàŋ ɔ̀ɔ̀ e keì naanààŋ gbiŋ, wo Dayà naŋ wòò wo Lòbɛkà wààŋ, “Wo jɔ̀àfelaa jiɛ̀jiɛ̀ mɔɔ̀ŋ do nàŋ tòòmò wo nanàuŋ nɔɔ̀ŋ dìì.” Wo Dayà naŋ wa tɛɛ̀ woò wèè e tɔɔ̀ kɛ̀ wò naŋ wa ɗewè yèè wò manaŋ wa nɔŋ wo tà wo jɔ̀àfèlàà guùŋ ɗùù. Kɛɛ e fè wa wèè è keì ɗewe bà gbiŋ è yèɛ àŋ naŋ wa nyɛ̀nɛ̀ŋ lɛ.

Luùm 9:16

Sèè è nɔ̀ŋ yɛi, manɛ̀ŋ maŋ gbiŋ naŋ tùlìè ke nyowoɛ̀ wo Dayà tɔɔ̀ lɛ jii, yèè e fè è yèɛ ànyuùŋ kpùuŋ manaŋ ɔ̀ɔ̀ àŋ nyɛnɛŋ lɛ̀.

1 Kɔliìŋ 12:6

Yàwi nààŋ gbiŋ è nyɛ̀nɛ̀ìŋ maŋ tòmo gbàgbà, kɛɛ wo Dàyà gunɔ̀ɔŋ nàŋ fè gààŋ koɓɛ̀ nyùùŋ gbiŋ wèè maŋ tòmo titi nyiŋ màŋ nyɛ̀nɛŋ.

1 Kɔliìŋ 15:10

Kɛ̀ɛ̀ esàɓù e kèì sìàŋ Dayàa sùà, mìŋ yaà naàŋ wo nyùnɔ̀ɔŋ mìŋ yaà wɔ, yèè e kìɛɛ̀ŋ wò naim kiɛ̀ŋ lɛ e gò nɔ̀ŋ wèè foo. Wɔŋ fàa bàa, mìŋ naŋ tomo nyìnga e nìàŋ aŋ keela tàeɗùù gbànaŋ nyàŋ bà gbiŋ, jòòpɛɛ e gò guùŋ nɔ̀ŋ kè nyɛ̀nɛ̀ŋ miàŋ bi sùà, sɔɔ̀ e kìɛ̀ŋ Dayàa yèɛ yààìm maŋjɛ̀wɛ lɛ̀.

2 Kɔliìŋ 3:5

E nɛ̀ŋ bà gbiŋ fè wì sùà wèè e wi gè nyààŋ diɛŋ eiŋ woò kɛ̀ èiŋ ɓɛ̀nɛ̀ŋ nyɛ̀nɛ̀ŋ tomo lɛɛ̀. E nɛ̀ɛŋ è kuwa wèè eiŋ nyɛ̀nɛ̀ŋ e tòmo lɛɛ̀ lɛ è yewe Dayà sìwè.

Ɛfesɔ̀ 1:11

Wo Dayà nyɛnɛŋ e yèɛ gbiŋ wò ɗewà lɛ e kaaìŋ, e wèètii wò naŋ wa tà wo Jisɛ̀ Kulaì ke ɗùù wèè wo wi ɓemè.

Ɛfesɔ̀ 1:5

wo Dayà wa kpɛ̀ɛ̀yɛ̀ ɗèwe kɛ̀ esàɓù Jisɛ̀ Kulaì sùà, wò do wi naŋ ɓemè wèè eiŋ nɔ̀ŋ aŋ jɔ̀àuŋ, tɛɛ̀ nàŋ yaà wa e kèè jiiuŋ nɛ̀, e yèɛ wò manaŋ wa wèè e kaaìŋ lɛ.

Ɛfesɔ̀ 1:9

Esàɓù e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ lɛ sùà, wo Dayà naŋ wi nyɛ̀nɛ̀ŋ wèè eiŋ nyìmàŋ e ɗèweɛ̀ wò kuwa ke gbùnu sùà, yèè wò naŋ naàŋ ɗewè tɛ wèè wo niŋ kpɛ̀ɛ̀yɛ̀ nyɛ̀nɛŋ esàɓù Jisɛ̀ Kulaì sùà.

Ɛfesɔ̀ 2:8

E yìwìà e tɛ̀ɛ̀tɛ̀ɛ̀ Dayàa sùà wò naiŋ joeyè, esàɓù e hààwe sùà. Niŋ gò nyɛ̀nɛ̀ŋ è nɛ̀ŋ bà gbiŋ weè niŋ, e wèè wo nyùùŋ gbiŋ go nàŋ kɛ̀ɛ̀ màŋ nyòngà, esaɓù kɛ̀ è yaà e nɛ̀ŋ kìɛŋ wo Dayà naiŋ niŋ kiɛ̀ŋ.

2Tɛsè 1:11

Wèè esaɓù lɛɛ̀, è zoolà weèiŋ e teenga gbiŋ. È dawà wo Dayà wiɔ̀ wèè woiŋ nyɛ̀nɛ̀ŋ naŋ ɓɛnɛ̀ŋ wèè naŋ wɔŋ nyiiŋ gèeɔ̀ wò naiŋ nyààŋ wèè naŋ nɔ̀ŋ sùà wɔŋ. È dawà wèè e gààŋ Dayàa eiŋ kpuumàŋ naŋ nyɛ̀nɛ̀ŋ maŋ keì siaŋ sìàŋ maŋ gbiŋ nìŋ manaŋ naŋ nyɛ̀nɛ̀ŋ maŋ, yèè naŋ kpɛ̀ɛ̀yɛ̀ e tòmò hààweiŋ nɛ̀.

2Time 1:9

Wò naŋ wi joeyè, yèè wò naŋ wi nyààŋ wèè e nɔ̀ŋ anyùùŋ nɛɛmauŋ nyàŋ e fè wèè èsàɓù kè nyɛ̀nɛŋ wiɛ̀, kɛɛ è yaà esàɓù e ɗèwè wuŋ biɛ̀ yaà e tɛ̀ɛ̀tɛ̀ɛ̀uŋ nɛ̀. Wò naŋ wi kìɛ̀ŋ e tɛ̀ɛ̀tɛ̀ɛ̀ lɛɛ̀ e yìwìà wo Jisɛ̀ Kulaì sùà paŋ ngàà e ɗuunyaàŋ naŋ wa nɔ̀ŋ bàne niŋ,

1Pììlɛ 1:3

Gè wiìŋ wo Dayà ke sɛ̀ wo dèdà Kana wiɔ̀ Jisɛ̀ Kulaìɔ! Esàɓù ke nyowo gbeeuŋ nɛɛ̀ŋ sùà, wò naŋ wi kìɛ̀ŋ wɔŋ nyiiŋ gèe jɛi nààŋ wò naŋ gè wo Jisɛ̀ Kulaì e fàa dìì. Tɛɛ̀ naŋ wi dììyè wɔŋ nyiiŋ gèe tùlìà jii ko sùà,