Fèle 2:12 - WƆŊ FƐ̀Ì EBÒ SÌÀŊ DAYÀA

¹² Weètii nyɛ̀iŋ nààŋ wùìyaim nyàŋ, nààŋ nìŋ naim wa jɔ̀ɔ̀lɔ̀ dìì e teengaà gbiŋ mìŋ yaà wa ko nɛ̀ɛ̀iŋ niìŋ lɛ, è yaà ngèè pɛɛ naàŋ tɛ̀ɛ̀ wèè naim jɔ̀ɔ̀lɔ̀ dìì nààŋ miŋ fèìŋ ɓɛìŋ è tɛɛ lɛ̀. Weètii sìaìŋ ke di e kìlà niŋ tomo nyìnga e nyaàiŋ dè e jòèyeiŋ nɛ̀, wèè niŋ nyìmàŋ kɛ̀ kiìŋ è naŋ fasàì wèè naŋ wa nàwèè yɛ̀mɛ̀ e jòèye,

Fèle 2:12 ပူးပေါင်းရင်းမြစ်များ

Maafiù 11:12

E yìwìà e teengaà wo Jɔ̀ɔŋ Gùà Nyùnɔ̀ɔŋ, naŋ wa gbòò ke mìè Dayàa e hàì ke ɗɔɔ yɛɛ̀ nàaŋ lɛ̀, anyuùŋ dàà ke kpùùnɛɛ̀ àŋ kàmè ɗewe wèè aŋ ɓèmè e Kànà àìjɛnɛ̀ɛŋ e gààŋ sùà.

Maafiù 11:29

Ɓèmeìŋ wɔŋ nɛ̀ŋfoo mùŋga miɔ̀ŋ niŋ jàà wuŋ maŋ gbaiŋ màŋ diɛŋ, yèè niŋ gbeèim sìwè. Esaɓù kɛ̀ mìŋ kuwa ke kpèè siaŋ yèè ke jii tɔumtɔ̀ùm, yèè nìŋ do nàŋ yɛ̀mɛ̀ ko gììyè nyiiŋ wèè wɔŋ nyììŋ jinàiŋ nɔɔ̀ŋ.

Nyɛ̀nɛ̀ŋ 16:29

Wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ naŋ dawè wèè ke sìnga kùwa, yèè wò naŋ kɔ̀ɔ̀ maŋ dùàŋ wo jɔ̀à ko sààŋ nyìwìi; e jùùɛ yaàùŋ wa wò gè jèla kpàkpà yèè wò naŋ kɔ̀ wo sɔ̀à ko dììnaŋ wo Pɔɔ̀ yèè wo Silà fɛɛ̀feìŋ.

Nyɛ̀nɛ̀ŋ 9:6

Wo Jisɛ̀ nauŋ woò wààŋ, “Yewà dìì yèè muŋ ka ko jawa gbeeì, wo nyùùŋ bà doum nàŋ woò kɛ̀ kiìŋ mùŋ do nàŋ nyɛ̀nɛ̀ŋ.”

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

1 Kɔliìŋ 15:58

Wèètii nyɛ̀iŋ nààŋ wùìyaim nyàŋ, sìeìŋ gbàùŋ gbàùŋ, yèè ɓɔ̀ nìŋ jèlà kpàkpà. Kùnoìŋ nɔŋ tòmo e teenga gbiŋ sùà wèè Kanaà, nààŋ nìŋ naŋ nyìmè tɛ kɛ̀ e nɛ̀ŋ gbiŋ nìŋ naŋ nyɛ̀nɛ̀ŋ e tòmò Kanaà sùà e fè nɔ̀ŋ wèè foo lɛ̀.

1 Kɔliìŋ 2:3

Kpeiŋ nààŋ mìŋ naŋ hnè ko nɛ̀ɛ̀iŋ niìŋ, e kɔɔ mɛ̀ naŋ nɔ̀ŋ sùà ɓèèlɛ̀ɛ̀ è jele kpàkpà wèè e jùù,

1 Kɔliìŋ 4:14

Miŋ fè sìnga sùà wèè kaiŋ sìà sàngè, mìŋ manaŋ wèè kaiŋ kpuumàŋ nyɛ̀iŋ nààŋ jɔ̀àim nyàŋ màànààŋ anyuùŋ kòmaŋ kpuumàŋ aŋ jɔ̀à nyiiŋ bi nyàŋ lɛ.

2 Kɔliìŋ 7:15

E wèètii e mànauŋ nɛ̀ weèiŋ naŋ ngèè ɓɛìŋ nyìngè sùà, nààŋ wò naŋ jàà jii e ɗeweɛ̀ nyɛ̀iŋ nààŋ gbiŋ nìŋ naŋ banebànè wèè naŋ jɔ̀ɔ̀lɔ̀ e mìè nyaàuŋ nɛ̀ dìì, e ɗeweɛ̀ nìŋ nauŋ ɓèè e jùù yaà e kɔɔ jèla sùà lɛ.

Ɛfesɔ̀ 6:5

Ɗo nyàŋ, e kɔɔiŋ nɛ̀ jèlà kpàkpà e jùù sùà wèè niŋ jɔɔlɔ̀ aŋ kɛ̀ɛ̀nɛiŋ nyàŋ dìì, yèè niŋ nyinìàŋ niŋ ke jìì guùŋ, mààŋ nìŋ yaà nyinie wèè Jisɛ̀ Kulaì lɛ.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

Fèle 1:29

Wo Dayà naiŋ kìɛ̀ŋ e ɗeweɛ̀ wèè naŋ tomo wèè wo Jisɛ̀ Kulaì, e fè nɔŋ wèè nauŋ kùwìè è hààwe tiŋ guùŋ sùà, kɛɛ sɔɔ̀ naŋ kà e keì nyìnga dìì e weèuŋ.

Fèle 1:5

wèè esàɓù e ɗeweɛ̀ è naiŋ tòòmò koɓɛ̀ guùŋ, wèè eiŋ ɓààyè Ebò Siaàŋ e yìwìà ke ɗɔɔ jiɛ̀jiɛ̀ɛ nìŋ naŋ niŋ wa kòmò lɛ, e hàì e teenga lɛɛ̀ nàaŋ.

Fèle 1:6

Weètii mìŋ naŋ haawè kɛ̀ wo Dayà wo yèɔ naiŋ tɔ̀ɔ̀tù nyìnìàŋ e tòmo siaŋ sìàŋ lɛɛ̀ sùà wɔ, do niŋ nàŋ kɔ̀ɔ̀ feìŋ e jèèsùà e jùà ke ɗɔɔɛ̀ wo Jisɛ̀ Kulaì do nàŋ hnè lɛ diɛŋ.

Fèle 2:19

Sèè è nɔ̀ŋ wèè esàɓù wo Kanaà Jisɛ̀, mìŋ kuwa ke jii tùlia kɛ̀ wò doim nàŋ gè nyààŋ diɛŋ wèè ka tùàŋ wo Timetè ko nɛ̀ɛ̀iŋ niìŋ e teenga kpuu sùà, wèè kɛ̀ mìŋ naŋ ɓɛ̀nɛ̀ŋ kɛ̀ɛ̀nɛ̀ŋ ke jii nyingè wèè ebò lɛ mìŋ naŋ kòmò lɛ e nyaàiŋ eiŋ dè.

Fèle 4:1

Nyɛ̀iŋ nààŋ wùìyaim nyàŋ, mìŋ mànàiŋ zimgbe, yèè nìŋ naŋ nyɛ̀nɛ̀ŋ e zɔlɔ̀ naim diè zimgbe. Nyɛ̀iŋ nàŋ yaà mààŋ ke ɓɔ̀ɗì kana miɛ̀ŋ. Jèeìŋ e hààwe sùà koɓɛ̀ wo Kanaà.

Fèle 4:15

Nyɛ̀iŋ nààŋ nyùùŋ Fèlepì nyaŋ, nàŋ nyìmàŋ kɛ̀ dièsɔa maŋ keì kààìŋ kii màŋ yaà wa, yèè nyɛ̀iŋ nɔŋ naŋ wa nɔ̀ŋ aŋ bàiŋbà ke gbòò anyuùŋ hààwe nyàŋ tɛɛ, wèè naŋ kìɛ̀ŋ e kpùùmaŋ e teengaà mìŋ naŋ wa tɔ̀ɔ̀tù wòò Ebò Siaàŋ ko Mɛ̀sèdonià lɛ.

1Tɛsè 1:3

Esaɓù kɛ̀ èiŋ jàà jii ko fɛ̀ɛ̀fèìŋ Dayà wo Dèdaà wiɔ̀ e ɗeweɛ̀ nìŋ naŋ gbìɛ̀ŋ e hààweiŋ nɛ̀ e gbèe maŋjɛ̀wɛ yèè eɗewɛ̀ e mànaiŋ nɛ̀ naŋ nyɛ̀nɛ̀ŋ nìŋ naŋ tomo nyìnga, e kìlà e ɗeweɛ̀ ke jii tùliaiŋ nɛɛ̀ŋ wo Kana wiɔ̀ Jisɛ̀ Kulaì sùà naŋ nyìngè sùà lɛ.

2Time 2:10

weètii mìŋ kɔ̀à maŋ keì nyìnga mɛɛ̀ŋ dìì, wèè esàɓù anyùùŋ Dayà nyaŋ wò naŋ tàeɗùù nyaŋ, wèè kɛ̀ nyiiŋ pɛɛ aŋ yɛmɛ̀ e jòèyeɛ̀ naŋ hnè esàɓù Jisɛ̀ Kulaì sùà lɛ, yèè e hìàŋ e jòòwo gò jùà.

Hiɓu 12:1

È kùwàìŋ ke gbòò aŋ seì zimgbe kè naŋ wi kiliè yɛ. Weètii, gèe wiìŋ maŋ keì maŋ gbiŋ kùàŋ sùà, maŋ yè maŋ do wi nàŋ kèèwè kùàŋ feìŋ, yèè maŋ jùumù maŋ do wi nàŋ deeyè maŋ. Ɗèwè wiìŋ wèè e kɛɛnɛ̀ìŋ maŋ kpèè siaŋ maŋ nyiiŋ gèe wi màŋ sùà.

Hiɓu 4:1

Nààŋ wo Dayà naŋ woò wààŋ wò do wi nàŋ kìɛ̀ŋ e nyiiŋ gèe, e yèɛ wò naŋ jɔ̀ɔ̀ ɗààhiì wèè wo wi kiɛ̀ŋ lɛ, è kuwa eiŋ yɛ̀mɛ̀ yàwi bi diɛŋ, wèè yàwi nààŋ bà guùŋ gbiŋ go niŋ nàŋ sòò yɛ̀mɛ.

Hiɓu 4:11

Weètii nyɛ̀nɛ̀ŋ wiìŋ e tɛ̀ɛ̀tɛ̀ɛ̀ɛ gbiŋ è naiŋ ɓɛ̀nɛ̀ŋ nyɛ̀nɛŋ wèè e yɛmɛ̀iŋ e nyiiŋ gèe lii, wèè kɛ̀ yàwi nààŋ bà guùŋ gbiŋ gòiŋ niŋ nàŋ sòò yɛ̀mɛ, màànààŋ àŋ naŋ wa nyɛ̀nɛ̀ŋ esàɓù e hààwe gò kɛ̀ɛ̀nɛ̀ŋ nyiŋ nɛ̀.

Hiɓu 5:9

E keì nyìngaà wo Jisɛ̀ naŋ wa kɔ̀ dìì lɛ, naŋ nyɛ̀nɛ̀ŋ wò naŋ wa nɔ̀ŋ wo nyuùŋ tùlìà jii dìà sùà, e kìlà wò naŋ nɔ̀ŋ ko tɔɔtuì wèè e jòèyè anyùùŋ nyaŋ jɔɔlɔ̀uŋ dìì nyaŋ,

1Pììlɛ 2:11

Nyɛ̀iŋ nààŋ dàwiim nyàŋ, nààŋ nìŋ yaà anyùùŋ fuɔŋ joo yèè aŋ nyùnèènyɛiŋ e ɗuunyaŋ lɛɛ̀ sùà lɛ, mìŋ yààìŋ pɔ̀wɔ sùà, ɓɔ̀ nìŋ gbɛ̀ɛ̀ mànɛ̀ŋ mànàŋ màŋ kèìŋ maŋ yè maŋ kuwìà wɔŋ nyììŋ jinàiŋ nɔɔ̀ŋ kè gùuŋ e teenga gbiŋ sùà lɛ.

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.