Fèle 2:11 - WƆŊ FƐ̀Ì EBÒ SÌÀŊ DAYÀA

¹¹ yèè aŋ gbiŋ do nàŋ woò nyààŋ wo Jisɛ̀ Kulaì yaà wo Kana, koɓɛ̀ e jòòwò Dayàa wo Dèdaà.

Fèle 2:11 ပူးပေါင်းရင်းမြစ်များ

Maafiù 10:32

“Anyùùŋ nyaŋ naŋ wòò ko fɛ̀ɛ̀fèìŋ anyùùŋ nyààŋ àŋ yaà aŋ bàimbà nyaŋ, miàŋ pɛɛ mìŋ do wa nàwèè nàŋ wòò ko fɛ̀ɛ̀fèìŋ wo Dèda miɔ̀ŋ ko àìjɛnɛ̀ŋ kɛ̀ àŋ yaà anyùùŋ màŋjɛ̀wɛ̀im.

Luù 2:11

Nàaŋ ke ɗɔɔ yɛɛ̀ ko jàwà Dèèweì, àŋ kòmàŋ wo Nyuùŋ Jòèyeiŋ nɔɔ̀ŋ, wuŋ nàŋ yaà wo Jisɛ̀ Kulaì wo Kanaà.

Jɔ̀ɔŋ 12:42

Jòòpɛɛ anyùùŋ gbèègbèè aŋ Juùù nyaŋ zimgbe nyiŋ naŋ wa hààwè wo Jisɛ̀ sùà, kɛɛ aŋ gò niŋ wa woò gèngee. Esàɓù tɛɛ̀ zà nàŋ yaà kɛ̀, aŋ Fɛlosiì nyaŋ naŋ wa woò kɛ̀ sèè aŋ kòmàŋ wo nyùùŋ gbiŋ wo woò kɛ̀ wò kuwa e hààwe wo Jisɛ̀ sùà, àŋ douŋ nàŋ gè ke sààŋ zòòlò aŋ Juùù nyaŋ dìì wèè julɔfɔ.

Jɔ̀ɔŋ 13:13

Yèè wo Jisɛ̀ naŋ nyiŋ ɓɛìŋ woò wààŋ, “Nìŋ nyààìm wò Kààmɔɔŋ yèè wo Kana, e tɔɔɓaaà lii, esaɓù kɛ̀ mìŋ yaà wo Kààmɔɔŋ yèè wo Kana.

Jɔ̀ɔŋ 13:14

Miàim, wo Kanaiŋ nɔɔ̀ŋ yèè wo Kààmɔɔiŋ nɔɔ̀ŋ, kàiŋ nɔŋ gùà maŋ gòlò, nyɛ̀iŋ pɛɛ nìŋ kuwa naŋ gùà maŋ gòlò aŋ dàwiiŋ nyàŋ nyɛ̀iŋ bi e fèemàŋ.

Jɔ̀ɔŋ 14:13

Yèè e nɛ̀ɛŋ gbiŋ nìŋ do nàŋ dawè weè niŋ e deè mɛ̀ sùà lɛ, mìŋ doiŋ niŋ nàŋ kiɛ̀ŋ. Tɛɛ̀ do nàŋ hìɛ̀ŋ e jòòwo koɓɛ̀ Dèdaà esàɓù miàim wo Jɔ̀àfelaaà sùà.

Jɔ̀ɔŋ 14:23

Wo Jisɛ̀ naŋ fasàì wààŋ, “Anyùùŋ nyaŋ mànàìm nyaŋ, do nàŋ nyɛ̀nɛ̀ŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. Tɛɛ̀ do nàŋ nyɛ̀nɛ̀ŋ wo Dèda miɔ̀ŋ wo nyiŋ mànàŋ, wo Dèda miɔ̀ŋ yèè miàŋ bi è do nàŋ hnè ko nɛ̀ɛ̀ŋ nyiŋ niìŋ wèè eiŋ nɔ̀ŋ koɓɛ̀ guùŋ.

Jɔ̀ɔŋ 17:1

Nààŋ wo Jisɛ̀ naŋ kpɛ̀ɛ̀yɛ̀ gbòà koɓɛ̀ anyùùŋ màŋjɛ̀wɛ̀uŋ nyàŋ, wò naŋ gè fɛ̀ɛ̀ dìì yèè wò naŋ yɛ̀mɛ̀ e tèèngà ko àìjɛnɛ̀ŋ wò naŋ zoolò wààŋ, “Dèda, e teengaà è haì wèè maŋ kìɛ̀ŋ miàim wo Jɔ̀àfelaa mɔɔ̀ŋ e jòòwo, wèè kɛ̀ miàŋ pɛɛ mìŋ naum ɓɛ̀nɛ̀ŋ jòòwo.

Jɔ̀ɔŋ 20:28

Wo Tàmaŋ naŋ fàsàì wo Jisɛ̀ wààŋ, “Muàŋ nàŋ yaà wo Kana miɔ̀ŋ yèè wo Dayà miɔ̀ŋ!”

Jɔ̀ɔŋ 5:23

Wo Dèda miɔ̀ŋ manaŋ anyùùŋ nyaŋ gbiŋ aŋ kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, màànààŋ nɔŋ àŋ kiɛ̀uŋ e ɓɛ̀ɛ̀jàa lɛ̀. Sèè wo nyùùŋ gbiŋ gè maŋhɛɛ wèè wo kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, kɛ̀ wò gè maŋhɛɛ wèè wo kìɛ̀ŋ e ɓɛ̀ɛ̀jàa koɓɛ̀ wo Dèda miɔ̀ŋ naim tɔ̀ùŋ wɔ.

Jɔ̀ɔŋ 9:22

Anyùùŋ kòmàŋ felaaà naŋ yɛi wa gbòò esaɓù kɛ̀ àŋ duɔŋ wa anyùùŋ gbèègbèè aŋ Juùù nyaŋ. Anyuùŋ gbeegbèè nyaŋ wa naàŋ nyimèè tɛ kɛ̀ àŋ do wa nàŋ gè wo nyùùŋ gbiŋ ke sààŋ zòòlò aŋ Juùù nyaŋ dìì sèè wo woò wààŋ wo Jisɛ̀ nàŋ yaà wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ wɔ.

Nyɛ̀nɛ̀ŋ 10:36

Nàŋ nyìmàŋ ke mìè gbìaàŋ wò naŋ wa tùɔ̀ŋ koɓɛ̀ anyùùŋ Ezɔ̀ɛ̀ nyaŋ lɛ̀, nààŋ wò naŋ wa wòò Ebò Siaàŋ e nyaàiŋ dè ke jii fàa esàɓù wo Jisɛ̀ Kulaì sùà, wo Kanaà wèè anyùùŋ nyaŋ gbiŋ.

Nyɛ̀nɛ̀ŋ 2:36

“Weètii tɔ̀ anyùùŋ Ezɔ̀ɛ̀ nyaŋ gbiŋ nyìmàŋ tɛɛ̀ kɛ̀, wo Kanaà Jisɛ̀ wɛɛ̀ nìŋ naŋ yaà wa jìwìè wɔŋ vànèkpaaà diɛŋ wɔ̀, nàŋ yaà wo yèɔ wo Dayà naŋ nyɛ̀nɛ̀ŋ wo Kana titi yèè wo yèɔ wò naŋ tàeɗùù wɔ, wo Kulaìɔ, wèè wo joeyè e ɗuunyaàŋ!”

Luùm 14:11

Wɔŋ fɛ̀ì Dayàa naŋ woò wààŋ, “Wo Kanaà Dayà naŋ woò wààŋ, ‘Nààŋ è yaà tɔɔɓaa kɛ̀ miàŋ nàŋ yaà wo Dàyà nyiiŋ gèeɔ̀ lɛ, anyùùŋ nyaŋ gbiŋ do nàŋ dè maŋ gɛ̀ɛ̀nìŋ nyiŋ màŋ dìì ko fɛɛ̀fenìim, yèè anyùùŋ nyaŋ gbiŋ do nàŋ kìlìè dèè kɛ̀ miàŋ nàŋ yaà wo Kanaà Dayà.’ ”

Luùm 14:9

Esaɓù kɛ̀ wo Jisɛ̀ Kulaì naŋ fɔ̀ yèè wò naŋ yèwè e fàaà dìì wɔŋ nyiiŋ gèeɔ̀ sùà, wèè kɛ̀ wo nɔ̀ŋ Kana wèè anyuùŋ gè nyiiŋ nyàŋ yaà anyuùŋ fàa nyàŋ.

Luùm 15:9

yèè wèè e nyɛ̀nɛ̀ŋ anyùùŋ nyaŋ fè àŋ Juùù nyaŋ aŋ tɛ̀nɛ̀ŋ wo Dayà, wèè ke nyowoɛ̀ wò naŋ nyiŋ wa tɔɔ̀ lɛ. Wɔŋ fɛ̀ì Dayàa naŋ woò wààŋ, “Mìŋ doum nàŋ tɛnɛ̀ŋ anyùùŋ nyaŋ fè àŋ Juùù nyaŋ e fèemàŋ. Mìŋ do nàŋ tɛ̀nɛ̀ŋ e deè mɔ̀ɛ̀.”

1 Kɔliìŋ 12:3

Wèètii, mìŋ manaŋ wèè naŋ nyìmàŋ kɛ̀ wo nyùnɔ̀ɔŋ gbiŋ wo Jìnàŋ Dayàa yaà maŋjɛ̀wɛ wɔ̀ wo fè woò wààŋ, “E gbòòno yaà wo Jisɛ̀ Kulaì màŋjɛ̀wɛ!” Wo nyùùŋ gbiŋ fè ɓɛ̀nɛ̀ŋ wòo wààŋ, “Jisɛ̀ Kulaì yaà Kana,” è yèɛ wo Jìnàŋ Dayàa fèeùŋ màŋjɛ̀wɛ lɛ̀.

1 Kɔliìŋ 15:47

Wo Adamàŋ jiɛ̀jiɛ̀ɔ naŋ fòlò e dììɛ sùà, yèè wo Adamàŋ dìà tìyèeɔ̀ naŋ fòlò ko àìjɛnɛ̀ŋ.

1 Kɔliìŋ 8:6

È kùwàìŋ nɔŋ wo Dàyà guùŋ kpò, wo Dèdaà, wo yèɔ naŋ bànè manɛ̀ŋ maŋ gbiŋ wɔ̀, yèè wèè wo yèɔ è yààìŋ e ɗuunyaŋ wɔ̀. E kìlà è kùwàìŋ nɔŋ wo Kànà guùŋ kpò, wo Kanaà Jisɛ̀ Kulaì wo yèɔ e saɓùuŋ nɛ̀ sùà manɛ̀ŋ maŋ gbiŋ naŋ wa yɛ̀mɛ̀ e bàne wɔ̀, yèè e saɓùuŋ nɛ̀ sùà è yààìŋ fuɔŋ.

1Pììlɛ 1:21

Esàɓù Jisɛ̀ Kulaì sùà nìŋ naŋ hààwè Dayà, wo yèɔ nauŋ gèe dìì e yìwìà e fàa dìì, yèè wò nauŋ fè e jòòwo, wèètii e hààweiŋ nɛ̀ yèè ke jii tùliaiŋ nɛɛ̀ŋ yaà koɓɛ̀ Dayài.

1Jɔ̀ɔŋ 4:15

Wo nyùnɔ̀ɔŋ gbiŋ naŋ woò kɛ̀ wo Jisɛ̀ nàŋ yaà wo Jɔ̀àfèlàà Dayàa wɔ̀, wo Dayà douŋ nàŋ nɔ̀ŋ sùà yèè wuŋ pɛɛ do nàŋ nɔ̀ŋ wo Dayà sùà.

1Jɔ̀ɔŋ 4:2

E ɗewe lɛɛ̀ sùà nìŋ do nàŋ nyìmè sèè mààŋ kɛ̀ wò Jìnàŋ Dayà wo. Wo nyùnɔ̀ɔŋ gbiŋ naŋ jàà jii kɛ̀ wo Jisɛ̀ Kulaì naŋ hnè e kɔ̀ɔ̀ nyuùŋkpùuŋ sùà wɔ, wò kuwa wo Jinàaŋ yewe Dayà sìwè wɔ.

2Jɔ̀ɔŋ 1:7

Aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà, anyùùŋ nyaŋ kuwà è hààweɛ̀ kɛ̀ wo Jisɛ̀ Kulaì naŋ wa hnè mààŋ wo nyuùŋkpùuŋ wɔ̀. Wo nyùùŋ mààŋ wii wò yaà wo nyuùŋ tòa yèè wo joo wèè Kulaì.

Maŋ kèì nyɛɛnɛŋ 3:5

Anyùùŋ nyaŋ do nàŋ ɓùlò nyaŋ, mìŋ do nyiŋ nàŋ kpàà maŋ deè fùà, e kìlà miŋ naàŋ gè màŋ deè nyiŋ màŋ wɔ̀ŋ fɛ̀ì ànyùùŋ nyiiŋ gèe nyàŋ sùà. Mìŋ do nàŋ wòò wo Dèda miɔ̀ŋ yaà aŋ màikàuŋ nyàŋ mìàŋ àŋ yaà anyùùŋ màŋjɛ̀wɛ̀im.”