Fèle 2:10 - WƆŊ FƐ̀Ì EBÒ SÌÀŊ DAYÀA

¹⁰ Weètii, e yìwìà ɓɛ̀ɛ̀jàa gbee e nyaàiŋ dè e dèè Jisɛ̀ɛ, anyùùŋ nyaŋ gbiŋ ko àìjɛnɛ̀ŋ, e ɗuunyaàŋ, yèè e dììɛ dìì, do nàŋ dè maŋ gɛ̀ɛ̀nìŋ nyiŋ màŋ dìì ko fɛɛ̀fenùuŋ,

Fèle 2:10 ပူးပေါင်းရင်းမြစ်များ

Maafiù 12:40

E ɗèwè guùŋ nɛ sùà nɔŋ wo Joonàŋ naŋ nɔ̀ŋ wo kɛì gbeeɔ̀ ko sùà wèè maŋ ɗɔ̀ɔ̀ taai yèè maŋ dùùm taai lɛ̀, yɛi nɔŋ miàim wo Jɔ̀àfèlàà Nyuùŋ kpùnɔɔ̀ŋ do nàŋ nɔ̀ŋ e dììɛ dìì wèè maŋ ɗɔ̀ɔ̀ taai yèè maŋ dùùm taai.

Maafiù 27:29

Kpeiŋ àŋ naŋ bàànè ke ɓɔ̀ɗì kana e jèì maŋ dɛiŋ, àŋ nauŋ nyiŋ jàà ɗì, yèè àŋ nauŋ hɔ̀ɔ̀ ke sèìŋ ko sìwè wɔŋ kùàŋ jìkauŋ nɔɔ̀ŋ. Àŋ naŋ dè maŋ gɛ̀ɛ̀nìŋ nyiŋ màŋ dììnaŋ ko fɛɛ̀fenùuŋ, yèè àŋ nauŋ tɔ̀ɔ̀tù hììle àŋ yaà woo nyààŋ, “Jòòwò wiìŋ, wo Kànà aŋ Juùù nyaŋ!”

Maafiù 28:18

Wo Jisɛ̀ naŋ nyiŋ bɔ̀mɔ̀ŋ kɔɔ wò naŋ nyiŋ woò wààŋ, “E gààaŋ gbiŋ ko àìjɛnɛ̀ŋ yèè e ɗuunyaàŋ è nɔ̀ŋ kìɛŋ niŋ ko nɛ̀ɛ̀ŋ miìŋ.

Luùm 11:4

Kiìŋ è fàsai wo Dayà nauŋ wa kiɛ̀ŋ? Wo Kanaà Dayà naŋ wa wòò wo Ìlaajà wààŋ, “Kòò mìŋ kuwa nɔŋ anyùùŋ màŋjɛ̀wɛ̀ tààsùùŋ nɔɔnɔŋ lè tìyèe aŋ yè nyaŋ kòò àŋ zòòlò wò dayà tòaà àŋ nyaaŋ Baaà wɔ.”

Ɛfesɔ̀ 1:10

E ɗèweɛ̀ wo Dayà do yaà nàŋ nyɛ̀nɛ̀ŋ sèè e teenga nyiŋ nɛ̀ è haì lɛ, nàŋ yaà wèè wo hìàŋ manɛ̀ŋ bàneuŋ màŋ gbiŋ koɓɛ̀ guùŋ. E nɛ̀ŋ gbiŋ naŋ nɔ̀ŋ ko àìjɛnɛ̀ŋ yaà e ɗuunyaàŋ diɛŋ, yèè wo Jisɛ̀ Kulaì nɔ̀ŋ wo ɓɛ̀èɗìɔ e weè miŋ.

Ɛfesɔ̀ 3:14

E wèè esaɓù lɛɛ̀ mìŋ naŋ dè maŋ gɛ̀nìim màŋ e dìì wèè ka zoolò koɓɛ̀ Dèdaà

Ɛfesɔ̀ 4:9

Kpeiŋ nɛ̀, ke mìè gbòaà naŋ woò wààŋ, “wò naŋ jòwò,” kiìŋ nàŋ yaà e fàsai nyiŋ nɛ̀? E fasàì nyiŋ nɛ̀ nàŋ yaà kɛ̀ wo Jisɛ̀ Kulaì naŋ dèyè ɗuunyaŋ wo hàì ko nyùùm sɔ̀.

Hiɓu 1:6

Kɛɛ wèè paŋ wo Dayà tùàŋ wa wo Jɔ̀àfelaa kòmaŋ jiɛjiɛɛ̀uŋ nɔɔ̀ŋ koɓɛ̀ anyùùŋ nyaŋ e ɗuunyaàŋ, wò naŋ woò wààŋ, “Aŋ màìkà Dayà nyaŋ gbiŋ kuwa auŋ zoolò.”

Maŋ kèì nyɛɛnɛŋ 20:13

wɔŋ juwoɔ̀ naŋ fùlìè anyuùŋ fàa nyàŋ yaà wuùŋ ko sùà nyaŋ. E fàa yèè e ɗùùnyàŋ anyuùŋ fàa nyàŋ naŋ kìɛ̀ŋ anyuùŋ fàa nyàŋ àŋ kuwa wa nyàŋ. Àŋ naŋ wa gbàì aŋ gbiŋ e nyaàiŋ dè e nɛ̀ɛŋ àŋ naŋ wa nyɛ̀nɛ̀ŋ lɛ.

Maŋ kèì nyɛɛnɛŋ 4:10

aŋ màmàŋkùmɛŋ kpɛ̀ùŋ jɛ̀wɛ̀ tiinàŋ nyaŋ dè maŋ gɛ̀ɛ̀nìŋ nyiŋ màŋ ko dììnaŋ, ko fɛ̀ɛ̀fèìŋ wo nyùnɔ̀ɔŋ jaa ke kpùà kanaà diɛŋ wɔ̀. Nààŋ àŋ zoolà wo yèɔ yaà wɔŋ nyiiŋ gèeɔ̀ sùà wèè julɔfɔ yèè julɔfɔ wò jaa ke kpùà kanaà diɛŋ wɔ̀, àŋ haà maŋ ɓɔ̀ɗì kana nyiŋ màŋ ke kpùà kanaà feìŋ e kìlà aŋ woò nyààŋ,

Maŋ kèì nyɛɛnɛŋ 5:3

Kɛɛ wo nyùùŋ bà gbiŋ fè wa kò àìjɛnɛ̀ŋ ɔ̀ɔ̀ è dììɛ diɛŋ, yèè è dììɛ dìì kòɓɛ̀i ànyuùŋ fàa nyàŋ yaà lɛ, wèè wo ɓɛ̀nɛ̀ŋ vùlɔ̀ŋ wɔŋ fɛi fùngò fungoɔ̀ wo wuŋ yɛ̀mɛ̀ sùà.