Fèle 1:7 - WƆŊ FƐ̀Ì EBÒ SÌÀŊ DAYÀA

⁷ E kiiŋ nɛ̀ è yaà ke jii miɛ̀ŋ diɛŋ e teenga gbiŋ. Weètii è yaà nɔŋ tɛ̀ɛ̀ wèè ka gòngò e kiiŋ e ɗewe lɛɛ̀ sùà. Nyɛ̀iŋ nààŋ gbiŋ nàŋ nɔ̀ŋ aŋ bàiŋbà wèè e keì sìàŋ lɛɛ̀ e yèɛ wo Dayà naim kiɛ̀ŋ lɛ, e teengaà mìŋ yaà ko sààŋ nyìwìi yèè e teengaà miŋ fè wa è keì dìì wèè ka dè ebò siaàŋ gòlò jɛwɛ e kìlà ka wòò e kii niŋ e tɔ̀ɔ̀nyaàŋ sùà lɛ.

Fèle 1:7 ပူးပေါင်းရင်းမြစ်များ

Nyɛ̀nɛ̀ŋ 20:23

Ko jawa gbee gbiŋ mìŋ kɔ̀à, wo Jìnàŋ Nɛɛmaàŋ kiɛ̀ìm e gòo kɛ̀ àŋ doim nàŋ gbìɛ̀ŋ ko sààŋ nyiwì yèè mìŋ do nàŋ nɔ̀ŋ e keì nyìnga dìì ko Jùlusɛ̀làm.

Nyɛ̀nɛ̀ŋ 21:33

Kpeiŋ wo kànà aŋ kààlòòɗùàa naŋ hnè yèè wò naŋ kùwò wo Pɔɔ̀ yèè àŋ nauŋ sìè maŋ jɔ̀ɔ̀ tìyèe. Kpeiŋ wò naŋ dawè wààŋ, “Ɓòò nàŋ yaà wo felaa wɛɛ̀ yèè kiìŋ wò naŋ nyɛ̀nɛ̀ŋ?”

1 Kɔliìŋ 13:7

E mànaŋ fè soò, yèè e hààwe niŋ nɛ̀, e jii tùlia niŋ nɛ̀, yèè e tɔumtɔ̀ùm niŋ nɛ̀ e fè sɔ̀à.

1 Kɔliìŋ 9:23

Mìŋ nyɛnɛŋ tɛɛ̀ gbiŋ esàɓù ke mìè gbìàŋ Ebò Siaàŋ sùà, wèè ka nɔ̀ŋ wo bà nyiŋ bà e kpùùmaŋ nyiŋ nɛ̀ sùà.

2 Kɔliìŋ 3:2

Nyɛ̀iŋ bi nàŋ yaà wɔŋ fɛiɔ̀ è kuwa wɔ̀ŋ, wɔ̀ŋ yaà e sìnga wuŋ maŋ jii wi màŋ diɛ̀ŋ wèè anyùùŋ nyaŋ gbiŋ aŋ wuŋ nyìmàŋ e kìlà aŋ wuŋ kpɛ̀nɛ̀ŋ.

2 Kɔliìŋ 7:3

Miŋ gò tɛɛ̀ woò wèè kaiŋ jèè keì, màànààŋ nɔŋ mìŋ naŋ woò lɛ, nìŋ yaà maŋ jii wi màŋ diɛŋ è doiŋ nàŋ nɔ̀ŋ wɔŋ nyiiŋ gèeɔ̀ sùà koɓɛ̀ guùŋ, yèè eiŋ fɔ̀ɔ̀yɛ̀ koɓɛ̀ guùŋ.

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Ɛfesɔ̀ 3:1

Wèè esaɓù lɛɛ̀ miàim Pɔɔ̀, wo Jisɛ̀ Kulaì naim nyɛ̀nɛŋ wèè ka nɔ̀ŋ wo nyùùŋ màŋ keì wèè nyɛ̀iŋ nààŋ nyùùŋ nyaŋ fè àŋ Juùù nyaŋ.

Ɛfesɔ̀ 4:1

Nààŋ miàim Pɔɔ̀, mìŋ yaà wo nyùùŋ màŋ keì wèè Kanaà lɛ, mìŋ yààìŋ pɔ̀wɔ sùà, nààŋ wo Dayà naiŋ nyààŋ wèè nauŋ haawè maŋ nyiiŋ gèeiŋ màŋ sùà lɛ.

Ɛfesɔ̀ 6:20

Wo Dayà naim tùɔ̀ŋ wèè ka nyɛ̀nɛ̀ŋ e tòmo lɛɛ̀, yèè e wèè esaɓù lɛɛ̀, àŋ naim sìè maŋ jɔ̀ɔ̀ɔ ko sààŋ nyìwìi. E wèètii zòòloìŋ wèè miŋ kuwìè ke jii miŋ gbòà màànààŋ è kanaŋ lɛ̀.

Fèle 1:12

Nɛ̀iŋ nààŋ wùìyaim nyàŋ, mìŋ manaŋ naŋ nyìmàŋ kɛ̀ e nɛ̀ɛŋ naim kaaìŋ lɛ, naŋ kìɛ̀ŋ e kpùùmaŋ wèè Ebò Siaàŋ e ɓaayè,

Fèle 1:13

esàɓù tɛɛ̀, anyuùŋ tùnìàŋ ke sààŋ gbèè kanaà yaà anyuùŋ gbànaŋ nyàŋ gbiŋ, naŋ nyìmè kɛ̀ mìŋ yaà kià ko sààŋ nyìwì, esaɓù kɛ̀ mìŋ yaà wo ɓɔìjɔ̀à wèè wo Jisɛ̀ Kulaì.

Fèle 1:14

E nɔ̀ɔŋ mɛ̀ ko sààŋ nyìwìi, naŋ nyɛ̀nɛ̀ŋ anyuùŋ hààwe nyàŋ zimgbe nyiŋ naŋ kɛ̀ɛ̀nɛ̀ŋ jii tùlia wo Kanaà sùà, yèè e jùù naŋ nyiŋ ɓàà kɔɔ wèè aŋ gbòà ke mìè Dayàa janjai e teenga gbiŋ koɓɛ̀ gbiŋ.

Fèle 1:5

wèè esàɓù e ɗeweɛ̀ è naiŋ tòòmò koɓɛ̀ guùŋ, wèè eiŋ ɓààyè Ebò Siaàŋ e yìwìà ke ɗɔɔ jiɛ̀jiɛ̀ɛ nìŋ naŋ niŋ wa kòmò lɛ, e hàì e teenga lɛɛ̀ nàaŋ.

Fèle 2:22

Kɛɛ nyɛ̀iŋ bi nàŋ nyìmàŋ e ɗeweɛ̀ wò naŋ tɔɔ̀ kɛ̀ wò yaà nyuùŋkpùuŋ kɛnɛ tùlìà jii lɛ̀. Wo Timetè naŋ nɔ̀ŋ mààŋ wo jɔ̀àfelaa ko nɛ̀ɛ̀ŋ miìŋ, yèè wòim tòòmò kùàŋ sùà wèè e ɓaayè Ebò Siaàŋ.

Fèle 4:14

Kɛɛ nìŋ naŋ wa nyɛ̀nɛ̀ŋ e keì sìàŋ, wèè naŋ nɔ̀ŋ àŋ bàiŋbà wèè naim kìɛ̀ŋ e kpùùmaŋ, e teengaà mìŋ yaà wa kɔ̀ɔ̀yɛ̀ e keì nyìnga dìì lɛ.

Fèle 4:15

Nyɛ̀iŋ nààŋ nyùùŋ Fèlepì nyaŋ, nàŋ nyìmàŋ kɛ̀ dièsɔa maŋ keì kààìŋ kii màŋ yaà wa, yèè nyɛ̀iŋ nɔŋ naŋ wa nɔ̀ŋ aŋ bàiŋbà ke gbòò anyuùŋ hààwe nyàŋ tɛɛ, wèè naŋ kìɛ̀ŋ e kpùùmaŋ e teengaà mìŋ naŋ wa tɔ̀ɔ̀tù wòò Ebò Siaàŋ ko Mɛ̀sèdonià lɛ.

Fèle 4:3

Muàŋ pɛɛ nyuùŋ hààwe dàwi tùlìà jii miɔ̀ŋ, mìŋ dawàùm wèè maŋ kpùùmàŋ aŋ jɔùŋ nyɛɛ̀ŋ. Aŋ jɔùŋ nyɛɛ̀ŋ, naŋ tòòmò yàwi wo Kilɛmɛ̀ŋ kùàŋ sùà, e kpùlìà anyuùŋ tòmo dàwi gbànaŋ wi nyàŋ wèè eiŋ ɓààyè Ebò Siaàŋ. Maŋ deè nyiŋ màŋ yaà naàŋ sìnga miŋ wɔŋ fɛ̀ì Dayàa sùà, wɔŋ yèɔ wo Dayà naŋ sìngè maŋ dèè anyùùŋ nyaŋ do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ nyàŋ.

Kòlo 4:18

Wɔŋ kùàŋ miàŋ biɔ̀ naŋ tɛɛ̀ sìngè. E zùùmo e yìwìà miàim Pɔɔ̀ sìwè. Ɓɔ̀ nìŋ nyɛɛnɛ̀ŋ kɛ̀ kòò mìŋ yaà nɔŋ maŋ jɔ̀ɔɔ ko sààŋ nyìwìi. Mìŋ zoolà wèè wo Dayà wo nɔ̀ŋ tɛ̀ɛ̀ ko nɛ̀ɛ̀iŋ niìŋ.

Kòlo 4:3

E tèèngà guùŋ bi, zòòloìŋ weè wi yàwi pɛɛ, kɛ̀ wo Dayà do wi nàŋ kìɛ̀ŋ e ɗeweɛ̀ wèè eiŋ wòò ke miè gbìauŋ nɛɛ̀ŋ e nyaàiŋ dè ke gbùnuɛ̀ wo Kanaà Jisɛ̀ Kulaì sùà. E wèè esàɓù tɛɛ̀ zà mìŋ yaà naàŋ ko sààŋ nyìwì.

1Tɛsè 5:5

Yàwi nààŋ nyuùŋ hààwe nyàŋ gbiŋ è nyɛ̀nɛ̀ìŋ e yèɛ yaà e tɔ̀ɔ̀nyaàŋ lɛ màànààŋ anyùùŋ nyaŋ nyɛnɛŋ niìsìaà sùà lɛ. E fèìŋ ànyuùŋ nyɛ̀nɛ̀ŋ màŋ keì naanààŋ mààŋ ànyùùŋ nyaŋ bà nyiŋ nyɛnɛŋ kè nyìwìɛ sùà lɛ.

2Time 1:8

Ɓɔ̀ mùŋ nyɛ̀nɛ̀ŋ è sàngè, wèè maŋ gbòà kè mìè seì è nyaàiŋ dè wo Kana wiɔ̀ Jisɛ̀ Kulaì. E kìlà ɓɔ̀ mùŋ nyiniàm è sàngè, esaɓù kɛ̀ mìŋ yaà wo nyùùŋ màŋ keì esàɓù Jisɛ̀ Kulaìɛ sùà. Kɛɛ, ɓèmè e jeum keì nyìngàà wèè Ebò Siaàŋ, màànààŋ wo Dayà naum kìɛ̀ŋ e gààŋ wèè maŋ niŋ nyɛ̀nɛ̀ŋ lɛ.

2Time 2:9

Esàɓù Ebò Siaàŋ mìŋ woà lɛ, mìŋ kuwo e keì nyìnga yèè aim sìà maŋ jɔ̀ɔ̀ɔ mààŋ wo nyuùŋ nyɛ̀nɛ̀ŋ e keì naanààŋ. Kɛɛ ke mìè Dayà ke fè màŋ jɔ̀ɔ̀ɔ sùà,

Felemɔ̀ŋ - PHM 1:13

Mìŋ do weè nàŋ mɔ̀nɔ̀ŋ wo kià nɔ̀ŋ ko nɛ̀ɛ̀ŋ miìŋ, wèè wo dè e ɓɛ̀iŋ e nyaàiŋ dè e kpùùmaàŋ nìŋ he weè nàŋ nyɛ̀nɛ̀ŋ e weèim e teengaà mìŋ yaà kià ko sààŋ nyìwìi wèè Ebò Siaàŋ dààne lɛ.

Hiɓu 3:1

Nyɛ̀iŋ nààŋ nyuùŋ hààwe dàwium nyàŋ, wo Dayà naiŋ tàeɗùù wèè naŋ nɔ̀ŋ anyùùŋ nɛɛmauŋ. Weètii gòngoìŋ e kèè wo Jisɛ̀, wo yèɔ wo Dayà naŋ tàeɗùù wèè wo nɔ̀ŋ wo keela yèè wo Kànà Sìèfèìŋ Zòòlo Gbeeɔ̀ wèè e hààweɛ̀ è kuwàìŋ lɛ.

1Pììlɛ 4:13

Kɛɛ gèeiŋ zɔlɔ̀ kɛ̀ e keì nyìngaà wo Jisɛ̀ naŋ kɔ̀ɛ̀ sùà lɛ, nìŋ yaà e bàiŋbà, wèè niŋ dià zɔlɔ̀ sèè wo Jisɛ̀ Kulaì hnàŋ wa nàwèè wò tɔɔ̀ e jòòwo gbeeuŋ nɛ̀.

1Pììlɛ 5:1

Miàŋ bi, mìŋ yaà wo màmàŋkùmɛŋ, mìŋ yaà dàwè sùà aŋ màmàŋkùmɛŋ nyàŋ e tɛɛiŋ. Mìŋ yaà wo sèì Jisɛ̀ Kulaì wèè maŋ keì nyìnga màŋ wò naŋ kɔ̀ dìì maŋ. Yèè e jòòwoɛ̀ do nàŋ hnè lɛ, wuŋ nàŋ kànaìŋ yèè mìŋ do nàŋ nɔ̀ŋ bà nyiŋ bà.

2Pììlɛ 1:13

Kà gongò kɛ̀ è yaà nɔŋ e tɔ̀ɔ̀nyaàŋ wèè ka nɔ̀ŋ dììka sùà maŋ keì mɛɛ̀ŋ maŋ jiiiŋ màŋ diɛŋ e teengaà mìŋ yaà nɔŋ ke kpùnaàŋ sùà lɛ.

1Jɔ̀ɔŋ 3:14

Sèè e weè nɔ̀ŋ e keì wòo, èiŋ nyìmàŋ kɛ̀ e fèiŋ ɓɛìŋ è fàa dìì. È yààìŋ naàŋ wɔŋ nyiiŋ gèe sùà. Esaɓù kɛ̀, è mànàìŋ anyuùŋ hààwe dàwi wi nyàŋ. Wo nyùnɔ̀ɔŋ gbiŋ manàŋ wo dàwiuŋ nɔɔ̀ŋ wɔ, wò yaà e gààŋ fàa dìì.