Fèle 1:6 - WƆŊ FƐ̀Ì EBÒ SÌÀŊ DAYÀA

⁶ Weètii mìŋ naŋ haawè kɛ̀ wo Dayà wo yèɔ naiŋ tɔ̀ɔ̀tù nyìnìàŋ e tòmo siaŋ sìàŋ lɛɛ̀ sùà wɔ, do niŋ nàŋ kɔ̀ɔ̀ feìŋ e jèèsùà e jùà ke ɗɔɔɛ̀ wo Jisɛ̀ Kulaì do nàŋ hnè lɛ diɛŋ.

Fèle 1:6 ပူးပေါင်းရင်းမြစ်များ

Jɔ̀ɔŋ 6:29

Wo Jisɛ̀ naŋ nyiŋ fasàì wààŋ, “Wo Dayà manaŋ maŋ kɛ̀ɛ̀nɛ̀ŋ e hààwe miàim wo yèɔ wò naŋ tùɔ̀ŋ wɔ sùà.”

Nyɛ̀nɛ̀ŋ 11:18

Nààŋ àŋ naŋ wa kòmò e yèɛ wo Pììlɛ naŋ woò lɛ, aŋ gbiŋ naŋ wa kumiè yèè àŋ naŋ tɛ̀nɛ̀ŋ wo Dayà. Àŋ naŋ woò nyààŋ, “Wo Dayà naàŋ nyɛ̀nɛ̀ŋ anyùùŋ nyaŋ fè àŋ Juùù nyaŋ àŋ fè maŋ tùwo naanààŋ nyiŋ màŋ jɛwɛ, e kìlà wò nyiŋ kìɛ̀ŋ wɔŋ nyiiŋ gèe.”

Nyɛ̀nɛ̀ŋ 16:14

Wo nìeɔ̀ àŋ nyaaŋ wo Leɗià wɔ nàŋ yaà wa wo nyùnɔ̀ɔŋ bà guùŋ naŋ wi wa kumìè wɔ. Wò yewe wa ko jawa gbeeì aŋ nyaaŋ Tàyatilà, wò yaà wa wo nyuùŋ mààŋ maŋ dèè sɛ̀ìŋ tɔɔ nyìngà ɓaà titi, yèè wò hewa zòòlò Dayà. Wo Kanaà naŋ wa yìlè ke jiiuŋ nɛɛ̀ŋ wèè wo kumiàŋ e yèɛ wo Pɔɔ̀ yaà wa woo lɛ̀.

1 Kɔliìŋ 1:8

E kìlà wò doiŋ nàŋ yɛ̀mɛ̀ diɛŋ wo nyɛ̀nɛ̀ŋ naŋ nyìngà sùà e jèèsùà naŋ hàì ko dìaì, e wèè e tɔ̀mɛ goiŋ nàŋ nɔ̀ŋ kè ɗɔ̀ɔ̀ è hnàŋ Kanaà Jisɛ̀ Kulaìɛ diɛŋ.

2 Kɔliìŋ 1:15

Tɛɛ̀ mìŋ naŋ tùlìè jii kpeiŋ yèè e ɗèwe jiɛ̀jiɛ̀ mɛ̀ naŋ nɔ̀ŋ wèè kaiŋ hìàŋ a jààme, wèè niŋ yɛmɛ̀ e kèì sìàŋ sùà tìyèe.

2 Kɔliìŋ 2:3

Wèètii mìŋ naŋ sìngè wɔŋ fɛi wiiŋ ko nɛ̀ɛ̀ŋ niìŋ. Miŋ gò mànàŋ wèè ka hnàŋ kò nɛ̀ɛ̀ŋ niìŋ wèè kè jii miɛ̀ŋ ke mɔɔnɛ̀ŋ è yìwìà ànyùùŋ guùŋ nyaŋ mìŋ naŋ tùlìè jii wèè aŋ nyɛ̀nɛ̀ŋ jii miɛ̀ŋ ke fà nyaŋ. Kà nyìmàŋ kɛ̀ sèè mìŋ nɔ̀ŋ ke jii fàa sùà, kɛ̀ nyɛ̀ìŋ nààŋ gbiŋ nìŋ yaà ke jii fàa sùà nyɛ̀iŋ pɛɛ.

2 Kɔliìŋ 7:16

E zɔlɔ̀ yààìm esaɓù kɛ̀ kàiŋ ɓɛ̀nɛ̀ŋ tùlìà jii kpɛlɛmɛɛŋ.

2 Kɔliìŋ 9:4

E ɗewe gbiŋ, sèè aŋ fèlàà Mɛ̀sèdonià nyaŋ hnàŋ yàwiiŋ nyiŋ aŋ yɛmɛ̀ kɛ̀ niŋ fè è bànèbaneiŋ, e sàngè do wi nàŋ kùwò wèè e gbòaà nyaàiŋ eiŋ dè, kɛɛ e jeiŋ nɛ̀ nìàŋ esaɓù kɛ̀ è naiŋ weè naàŋ sìè e hààwe sùà.

Gàla 5:10

Kɛɛ kòò mìŋ kùwa nɔŋ ke jii tùlìà e nyaàìŋ eiŋ dè. E nɔ̀ɔŋ wilɛ̀ aŋ bàwibà wo Kanaà Jisɛ̀ Kulaì sùà naim kìɛ̀ŋ ke jii tùliaà kɛ̀ niŋ naàŋ nyɛ̀nɛ̀ŋ è yèɛ wò nyùùŋ bà woàìŋ wèè naŋ nyɛ̀nɛ̀ŋ lɛ, yèè wo nyùnɔ̀ɔ̀ŋ gbiŋ naŋ gongò wèè wo nyɛ̀nɛ̀ŋ maŋ jiiŋ màŋ gɔ̀àgɔ̀à sùà wɔ, wo Dayà douŋ wa nàwèè nàŋ nimilà ke ɗɔ̀ɔ̀ e gbàiɛ̀ diɛŋ.

Ɛfesɔ̀ 4:12

Wò naŋ tɛɛ̀ nyɛ̀nɛ̀ŋ wèè wo bànèbànè anyùùŋ nɛɛmaŋ nyàŋ gbiŋ wèè e tòmò Dayàa nyɛ̀nɛŋ, e wèè aŋ nyɛ̀nɛ̀ŋ anyùùŋ màŋjɛ̀wɛ̀ Jisɛ̀ Kulaì nyaŋ aŋ kɛɛnɛ̀ŋ gààŋ ke kpùnàŋ guùŋ sùà.

Fèle 1:10

wèè kɛ̀ nìŋ naŋ ɓɛ̀nɛ̀ŋ tùàŋ maŋ nɔnɔŋ wèè naŋ nyimèè kɛ̀ kiìŋ nàŋ yaà e nɛ̀ŋ kɛnɛ. Tɛɛ̀ do nàŋ nyɛ̀nɛ̀ŋ naŋ nɔ̀ŋ sengei e kìlà e keì gbiŋ e naàìŋ nɔ̀ŋ ke ɗɔɔɛ̀ wo Jisɛ̀ Kulaì do nàŋ hnè lɛ.

Fèle 1:29

Wo Dayà naiŋ kìɛ̀ŋ e ɗeweɛ̀ wèè naŋ tomo wèè wo Jisɛ̀ Kulaì, e fè nɔŋ wèè nauŋ kùwìè è hààwe tiŋ guùŋ sùà, kɛɛ sɔɔ̀ naŋ kà e keì nyìnga dìì e weèuŋ.

Fèle 2:12

Weètii nyɛ̀iŋ nààŋ wùìyaim nyàŋ, nààŋ nìŋ naim wa jɔ̀ɔ̀lɔ̀ dìì e teengaà gbiŋ mìŋ yaà wa ko nɛ̀ɛ̀iŋ niìŋ lɛ, è yaà ngèè pɛɛ naàŋ tɛ̀ɛ̀ wèè naim jɔ̀ɔ̀lɔ̀ dìì nààŋ miŋ fèìŋ ɓɛìŋ è tɛɛ lɛ̀. Weètii sìaìŋ ke di e kìlà niŋ tomo nyìnga e nyaàiŋ dè e jòèyeiŋ nɛ̀, wèè niŋ nyìmàŋ kɛ̀ kiìŋ è naŋ fasàì wèè naŋ wa nàwèè yɛ̀mɛ̀ e jòèye,

Fèle 2:13

esaɓù kɛ̀ wo Dayà kòò wò yààìŋ tòòmò sùà, wèè woiŋ nyɛ̀nɛ̀ŋ naŋ nyimèè yèè naŋ ɓɛnɛ̀ŋ wèè nauŋ jɔ̀ɔ̀lɔ̀ dìì.

Fèle 2:16

nààŋ nìŋ kiɛ̀ŋ nyiìŋ ke mìè gbìàŋ nyiiŋ gèeɔ̀. Sèè nìŋ nyɛnɛŋ yɛi, e dɛ̀ɛ̀kɛ doim nàŋ nɔ̀ŋ e weèiŋ ke ɗɔɔɛ̀ wo Jisɛ̀ Kulaì do wa nàwèè nàŋ kɛ̀ɛ̀ maŋjɛ̀wɛ lɛ̀, esaɓù è do nàŋ tɔɔ̀ kɛ̀ ke di sìa miɛ̀ŋ yaà e tòmoɛ̀ mìŋ naŋ nyɛ̀nɛ̀ŋ lɛ, e gò nɔ̀ŋ wèè foo.

Kòlo 2:12

Nààŋ àŋ naiŋ wa gùò, è yaà wa mààŋ àŋ naiŋ sììyè nyɛ̀iŋ wo Jisɛ̀ Kulaì koɓɛ̀ guùŋ. E yìwìà e gùa lɛɛ̀ sùà, wo Dayà naiŋ wa gè e fàaà dìì nyɛ̀iŋ Jisɛ̀ Kulaì koɓɛ̀ guùŋ, esaɓù e hààweɛ̀ nìŋ kuwa e gààŋ Dayàa dìì lɛ, wo yèɔ naŋ wa gè wo Jisɛ̀ Kulaì e fàa dìì wɔŋ nyiiŋ gèeɔ̀ sùà wɔ.

1Tɛsè 1:3

Esaɓù kɛ̀ èiŋ jàà jii ko fɛ̀ɛ̀fèìŋ Dayà wo Dèdaà wiɔ̀ e ɗeweɛ̀ nìŋ naŋ gbìɛ̀ŋ e hààweiŋ nɛ̀ e gbèe maŋjɛ̀wɛ yèè eɗewɛ̀ e mànaiŋ nɛ̀ naŋ nyɛ̀nɛ̀ŋ nìŋ naŋ tomo nyìnga, e kìlà e ɗeweɛ̀ ke jii tùliaiŋ nɛɛ̀ŋ wo Kana wiɔ̀ Jisɛ̀ Kulaì sùà naŋ nyìngè sùà lɛ.

2Tɛsè 1:11

Wèè esaɓù lɛɛ̀, è zoolà weèiŋ e teenga gbiŋ. È dawà wo Dayà wiɔ̀ wèè woiŋ nyɛ̀nɛ̀ŋ naŋ ɓɛnɛ̀ŋ wèè naŋ wɔŋ nyiiŋ gèeɔ̀ wò naiŋ nyààŋ wèè naŋ nɔ̀ŋ sùà wɔŋ. È dawà wèè e gààŋ Dayàa eiŋ kpuumàŋ naŋ nyɛ̀nɛ̀ŋ maŋ keì siaŋ sìàŋ maŋ gbiŋ nìŋ manaŋ naŋ nyɛ̀nɛ̀ŋ maŋ, yèè naŋ kpɛ̀ɛ̀yɛ̀ e tòmò hààweiŋ nɛ̀.

2Tɛsè 3:4

Wo Kanaà naŋ nyɛ̀nɛ̀ŋ è naiŋ kùwìè ke jii tùlia sùà yèè è naŋ haawè kɛ̀ nìŋ yaà nyinie, yèè nìŋ do nàŋ nɔ̀ŋ nyìnìè e yèɛ è naiŋ woò lɛ.

Felemɔ̀ŋ - PHM 1:21

Mìŋ kuwa ke jii tùliaà kɛ̀, mùŋ do naŋ nyɛ̀nɛ̀ŋ e yèɛ gbiŋ mìŋ naŋ dawè wèè maŋ nyɛ̀nɛ̀ŋ lɛ, yèè mùŋ do naŋ nyɛ̀nɛ̀ŋ e zimgbe niŋ.

Hiɓu 10:35

Kɛ̀ɛ̀nɛìŋ maŋ jii nyingè, esaɓù kɛ̀ màŋ doiŋ nàŋ hìɛ̀ŋ e jìwààjɛ̀wɛ̀ siaŋ gbee.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

1Pììlɛ 5:10

Sèè nìŋ kɔɛ̀ maŋ keì nyìnga mɛɛ̀ŋ sùà wèè e teenga kpuu sùà, wo Dayàa kuwa maŋ tɛ̀ɛ̀tɛ̀ɛ̀ maŋ gbiŋ wɔ̀, wo yèɔ naiŋ nyààŋ wèè wo goonòiŋ e jòòwò nyiiŋ gèe gò jùà ke gbòò Jisɛ̀ Kulaì sùà wɔ, wuŋ bi doiŋ nàŋ nyɛ̀nɛ̀ŋ sengei yèè woiŋ fè e kɔɔ nyingè, woiŋ sìà e gààŋ woiŋ jàà ko tɔɔtu tùlìà jii.

2Pììlɛ 3:10

Kɛɛ ke ɗɔ̀ɔ̀ Kanaà do nàŋ hnè mààŋ e ɗeweɛ̀ wo nyuùŋ wùa hnàŋ lɛ. Ke ɗɔɔ bi diɛŋ maŋ àìjɛnɛ̀ŋ maŋ do nàŋ jɔɔnɔ̀ŋ e giimè gbee sùà kpeiŋ manɛ̀ŋ sìàŋ sìàŋ àìjɛnɛ̀ŋ maŋ do nàŋ hèwè maŋ pɔɔpɔ̀ɔ̀, e kìlà e nɛ̀ŋ gbiŋ naŋ nɔ̀ŋ e dììɛ diɛŋ e jɔɔnɔ̀ŋ.