Fèle 1:5 - WƆŊ FƐ̀Ì EBÒ SÌÀŊ DAYÀA

⁵ wèè esàɓù e ɗeweɛ̀ è naiŋ tòòmò koɓɛ̀ guùŋ, wèè eiŋ ɓààyè Ebò Siaàŋ e yìwìà ke ɗɔɔ jiɛ̀jiɛ̀ɛ nìŋ naŋ niŋ wa kòmò lɛ, e hàì e teenga lɛɛ̀ nàaŋ.

Fèle 1:5 ပူးပေါင်းရင်းမြစ်များ

Nyɛ̀nɛ̀ŋ 2:42

Àŋ naŋ wa jɔ̀ɔ̀lɔ̀ e yèɛ gbiŋ aŋ keela tàeɗùù nyaŋ naŋ nyiŋ kaà lɛ, e kìlà aŋ gbiŋ deenàŋ wa wèè aŋ zoolò koɓɛ̀ guùŋ e kìlà aŋ jììyà e nɛ̀ŋje koɓɛ̀ guùŋ.

Luùm 11:17

Nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, nìŋ yaà mààŋ maŋ kuù kpee wèè ke ɔlè kùù gbee ke yèɛ naŋ wùìyè kùàŋ kiiŋ bi yɛ̀, yèè wo Dayà naŋ nyɛ̀nɛ̀ŋ màŋ naŋ nɔ̀ŋ maŋ bà miŋ bà wèè ke ɔlè kùlɛ̀ɛ àŋ naŋ nyùɔ̀ŋ yɛ. Wo Dayà wòiŋ nyɛ̀nɛ̀ŋ nàŋ ɓèmè maŋ jɛ̀ì maŋ kuù kpee màŋ wò naŋ gbèyè maŋ e yìwìà ke yèɛ àŋ naŋ nyùɔ̀ŋ yɛ. Wèè esaɓù lɛɛ̀, nìŋ jikà e kpùùmaàŋ folo e gùlò ke kuù nyùaŋ yii sùà lɛ, nààŋ nìŋ naŋ nɔ̀ŋ aŋ bà nyiŋ bà.

Luùm 12:13

Kìɛìŋ kpùùmaŋ koɓɛ̀ anyùùŋ nɛ̀ɛ̀màŋ Dayà dàwiiŋ nyàŋ kuwà nɛ̀ŋ nyaŋ, e kìlà niŋ jaà aŋ nyùùnèènyɛiŋ kùàŋ dìì tɛ̀ɛ̀ maŋ gbooiŋ màŋ sùà.

Luùm 15:26

Maŋ gbòò anyuùŋ hààwe nyàŋ ko Mɛ̀sèdonià yèè ko Àkaayà naŋ gbònògbònò e nɛɛnɛŋ, wèè ka niŋ kòà koɓɛ̀ anyùùŋ nɛɛmaŋ nyàŋ ko Jùlusɛ̀làm, wèè e nɔ̀ŋ e kpùùmaŋ koɓɛ̀ anyuùŋ pɔ̀ɔ nyàŋ.

1 Kɔliìŋ 1:9

Wo Dayà yaà wo nyuùŋ tùlìà jii, wo Dayàa naiŋ nyààŋ wèè naŋ nɔ̀ŋ ke gbòò anyuùŋ hààwe nyàŋ sùà nyɛ̀iŋ nààŋ Jɔ̀àuŋ nɔɔ̀ŋ Jisɛ̀ Kulaì wo Kana wiɔ̀ wɔ.

2 Kɔliìŋ 8:1

Wùìya wi nyàŋ, è manaŋ wèè naŋ nyìmàŋ e nɛ̀ɛŋ e tɛ̀ɛ̀tɛ̀ɛ̀ Dayà naŋ nyɛ̀nɛ̀ŋ è naŋ hɛɛnɛ̀ŋ maŋ gbòò anyuùŋ hààwe nyàŋ sùà ko Mɛ̀sèdonià lɛ.

Ɛfesɔ̀ 3:6

Ke gbùnu bi nàŋ yaà kɛ̀, esàɓù Jisɛ̀ Kulaì sùà, ke mìè gbìàŋ Ebò Siaàŋ kè nɔ̀ŋ esàɓù anyùùŋ nyaŋ fè àŋ Juùù nyaŋ àŋ nɔ̀ŋ aŋ bà nyiŋ bà koɓɛ̀ e ɗààhiìɛ wo Dayà naŋ wa ɓemè koɓɛ̀ aŋ Juùù nyaŋ lɛ̀, e kìlà wo Dayà nyɛ̀nɛ̀ŋ àŋ nɔ̀ŋ aŋ bà nyiŋ bà ke gbòò Jisɛ̀ Kulaìɛ sùà.

Fèle 1:12

Nɛ̀iŋ nààŋ wùìyaim nyàŋ, mìŋ manaŋ naŋ nyìmàŋ kɛ̀ e nɛ̀ɛŋ naim kaaìŋ lɛ, naŋ kìɛ̀ŋ e kpùùmaŋ wèè Ebò Siaàŋ e ɓaayè,

Fèle 1:16

Anyùùŋ nyɛɛ̀ŋ nyɛnɛŋ tɛɛ̀ e yìwìà e mànaŋ sùà, esaɓù àŋ nyìmàŋ kɛ̀ wo Dayà naim kìɛ̀ŋ e tòmoɛ̀ wèè ka wòò e tɔ̀ɔ̀nyaàaŋ e nyaàiŋ dè Ebò Siaàŋ.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

Fèle 1:7

E kiiŋ nɛ̀ è yaà ke jii miɛ̀ŋ diɛŋ e teenga gbiŋ. Weètii è yaà nɔŋ tɛ̀ɛ̀ wèè ka gòngò e kiiŋ e ɗewe lɛɛ̀ sùà. Nyɛ̀iŋ nààŋ gbiŋ nàŋ nɔ̀ŋ aŋ bàiŋbà wèè e keì sìàŋ lɛɛ̀ e yèɛ wo Dayà naim kiɛ̀ŋ lɛ, e teengaà mìŋ yaà ko sààŋ nyìwìi yèè e teengaà miŋ fè wa è keì dìì wèè ka dè ebò siaàŋ gòlò jɛwɛ e kìlà ka wòò e kii niŋ e tɔ̀ɔ̀nyaàŋ sùà lɛ.

Fèle 2:12

Weètii nyɛ̀iŋ nààŋ wùìyaim nyàŋ, nààŋ nìŋ naim wa jɔ̀ɔ̀lɔ̀ dìì e teengaà gbiŋ mìŋ yaà wa ko nɛ̀ɛ̀iŋ niìŋ lɛ, è yaà ngèè pɛɛ naàŋ tɛ̀ɛ̀ wèè naim jɔ̀ɔ̀lɔ̀ dìì nààŋ miŋ fèìŋ ɓɛìŋ è tɛɛ lɛ̀. Weètii sìaìŋ ke di e kìlà niŋ tomo nyìnga e nyaàiŋ dè e jòèyeiŋ nɛ̀, wèè niŋ nyìmàŋ kɛ̀ kiìŋ è naŋ fasàì wèè naŋ wa nàwèè yɛ̀mɛ̀ e jòèye,

Fèle 2:22

Kɛɛ nyɛ̀iŋ bi nàŋ nyìmàŋ e ɗeweɛ̀ wò naŋ tɔɔ̀ kɛ̀ wò yaà nyuùŋkpùuŋ kɛnɛ tùlìà jii lɛ̀. Wo Timetè naŋ nɔ̀ŋ mààŋ wo jɔ̀àfelaa ko nɛ̀ɛ̀ŋ miìŋ, yèè wòim tòòmò kùàŋ sùà wèè e ɓaayè Ebò Siaàŋ.

Fèle 4:3

Muàŋ pɛɛ nyuùŋ hààwe dàwi tùlìà jii miɔ̀ŋ, mìŋ dawàùm wèè maŋ kpùùmàŋ aŋ jɔùŋ nyɛɛ̀ŋ. Aŋ jɔùŋ nyɛɛ̀ŋ, naŋ tòòmò yàwi wo Kilɛmɛ̀ŋ kùàŋ sùà, e kpùlìà anyuùŋ tòmo dàwi gbànaŋ wi nyàŋ wèè eiŋ ɓààyè Ebò Siaàŋ. Maŋ deè nyiŋ màŋ yaà naàŋ sìnga miŋ wɔŋ fɛ̀ì Dayàa sùà, wɔŋ yèɔ wo Dayà naŋ sìngè maŋ dèè anyùùŋ nyaŋ do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ nyàŋ.

Felemɔ̀ŋ - PHM 1:17

Sèè nìŋ naim jàà kùàŋ dìì wèè ka nɔ̀ŋ wo wùìyaiŋ esàɓù Jisɛ̀ Kulaìɛ sùà, kɛ̀ jàaìŋ wo Onisimɔ̀ŋ kùàŋ dìì wo nɔ̀ŋ dàwiiŋ màànààŋ nìŋ doim weè nàŋ jàà kùàŋ dìì lɛ.

Hiɓu 3:14

Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.

1Jɔ̀ɔŋ 1:3

E yèɛ è naiŋ yɛmɛ̀ yèè è naiŋ kòmò lɛ tiŋ è naiŋ woò, wèè naŋ wi dè maŋjɛ̀wɛ wèè eiŋ nɔ̀ŋ ke gbòò Dayà zòòloɛ̀ sùà, yèè ke gbòò zòòlo yɛɛ̀ kè yaà wèè wo Dèdaà yèè wo jɔ̀àfelaauŋ nɔɔ̀ŋ Jisɛ̀ Kulaì.

1Jɔ̀ɔŋ 1:7

Kɛɛ sèè eiŋ kààìŋ e gbolòùŋ nɛ sùà, màànààŋ wo Dayà yaà e gbolòuŋ sùà lɛ, kɛ̀ è doiŋ nàŋ nɔ̀ŋ ke gbòò Dayà zòòloɛ̀ sùà, yèè maŋ sɛ̀ìŋ Jisɛ̀ maŋ, wo Jɔ̀àfèlàà Dayàa, do naŋ gùò maŋ jùumù wi maŋ gbiŋ.