Fèle 1:30 - WƆŊ FƐ̀Ì EBÒ SÌÀŊ DAYÀA

³⁰ Nìŋ naim yɛmɛ̀ mìŋ naŋ kɔ̀ e mɔ̀ɔ̀nɛŋ dìì, yèè kòò nìŋ yaà nɔŋ kùmìè e kèè e keì nyìnga mɛ̀. Nyɛ̀iŋ pɛɛ nìŋ kuwa naŋ kà maŋ keì nyìnga dìì e ɗèwè guùŋ nɛ sùà.

Fèle 1:30 ပူးပေါင်းရင်းမြစ်များ

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Fèle 1:13

esàɓù tɛɛ̀, anyuùŋ tùnìàŋ ke sààŋ gbèè kanaà yaà anyuùŋ gbànaŋ nyàŋ gbiŋ, naŋ nyìmè kɛ̀ mìŋ yaà kià ko sààŋ nyìwì, esaɓù kɛ̀ mìŋ yaà wo ɓɔìjɔ̀à wèè wo Jisɛ̀ Kulaì.

Kòlo 1:29

Wèè ka nyɛ̀nɛ̀ŋ tɛɛ̀ e hɛɛnɛ̀ŋ, mìŋ naŋ tomo nyìnga, yèè mìŋ naŋ tòòmò e gaàŋ gbeeɛ̀ wo Jisɛ̀ Kulaì naim kiɛ̀ŋ è toomàìm ko sùà lɛ.

Kòlo 2:1

Mìŋ manaŋ naŋ nyìmàŋ e tòmo nyìngaà mìŋ naŋ nyɛ̀nɛ̀ŋ e weèiŋ yèè wèè anyuùŋ hààwe nyàŋ ko Làòdisià, yaà anyuùŋ hààwe nyiiŋ gbiŋ aŋ yè nyaŋ kòò àŋ yɛ̀mɛ̀ wa kè kpùnaŋ miɛ̀ŋ nyaŋ.

1Tɛsè 2:2

Nàŋ nyìmàŋ e ɗeweɛ̀ àŋ naŋ wi kùwìè le siwè naanààŋ aŋ wi pɔ̀ɔ̀ɓɛ̀ɛ ko Fèlepì pangàà è naŋ hnè nɛ̀ɛ̀iŋ niìŋ ko Tɛsèlonikà. Jòòpɛɛ aŋ joo wi yaào, kɛɛ wo Dayà wiɔ̀ naŋ wi sìè ke di wèè eiŋ dàànè Ebò Siaàŋ e yèɛ yewe ko nɛ̀ɛ̀uŋ niìŋ lɛ.

1Time 6:12

Nyììneè sùà muŋ dùàŋ e dùàŋ hààweɛ̀ sùà, wèè muŋ kɛɛnɛ̀ŋ wɔŋ nyiiŋ gèe gò jùàa, wɔŋ yèɔ wo Dayà naum wa nyààŋ wèè woum kiɛ̀ŋ nààŋ mùŋ naŋ wa fè ke mìè seì sìàŋ ko fɛ̀ɛ̀fèìŋ aŋ seì zimgbe e nyaàiŋ dè hààwe mɔ̀ɛ̀ lɛ.

2Time 4:7

Kà nyɛ̀nɛ̀ŋ e yèɛ gbiŋ mìŋ naŋ ɓɛnɛ̀ŋ e dùaŋ lɛɛ̀ sùà lɛ, kà dùàŋ ke dòmaàŋ ke jùà, yèè kà jàà e hààweɛ̀ kùàŋ dìì.

Hiɓu 12:1

È kùwàìŋ ke gbòò aŋ seì zimgbe kè naŋ wi kiliè yɛ. Weètii, gèe wiìŋ maŋ keì maŋ gbiŋ kùàŋ sùà, maŋ yè maŋ do wi nàŋ kèèwè kùàŋ feìŋ, yèè maŋ jùumù maŋ do wi nàŋ deeyè maŋ. Ɗèwè wiìŋ wèè e kɛɛnɛ̀ìŋ maŋ kpèè siaŋ maŋ nyiiŋ gèe wi màŋ sùà.

Hiɓu 12:4

E yìwìà maŋ keì nyìngaiŋ màŋ gbiŋ sùà wèè naŋ yɛ̀mɛ̀ nyɛ̀iŋ bi diɛŋ e nyaàiŋ dè anyùùŋ maŋ jùumù, nyɛ̀iŋ nààŋ bà guùŋ gbiŋ kòò nìŋ wùɔ̀ŋ màŋ sɛ̀ìŋ.

Maŋ kèì nyɛɛnɛŋ 12:11

Aŋ wùìya wi nyàŋ naŋ ɓùlò wo Sɛ̀tanàŋ, esàɓù maŋ sɛ̀ìŋ wo Ɓaawaaà, yèè esàɓù ke mìè seìɛ àŋ naŋ kiɛ̀ŋ lɛ. È yaà wa e kèì jii nyiŋ wèè aŋ kìɛ̀ŋ maŋ nyiiŋ nyiŋ màŋ e kìlà aŋ fà wèè e tɔ̀ɔ̀nyaàŋ.