Fèle 1:20 - WƆŊ FƐ̀Ì EBÒ SÌÀŊ DAYÀA

²⁰ E yèɛ mìŋ yaà yɛ̀ɛ̀mɛ̀ dòmaŋ, yèè ke jii tùliaà mìŋ kuwa lɛ̀ nàŋ yaà kɛ̀ miŋ naàŋ wa nàwèè nyɛ̀nɛ̀ŋ è keì gbiŋ wèè eim nyìnìàŋ sàngè. Kɛɛ wèè e teenga gbiŋ, yèè sààmɛ pɛɛ, mìŋ do nàŋ kɛ̀ɛ̀nɛ̀ŋ ke jii nyingè, wèè ke kpùnaŋ miɛ̀ŋ gbiŋ ke hìàŋ e ɓɛ̀ɛ̀jàa koɓɛ̀ Jisɛ̀ Kulaìi, sèè pɛɛ ka nɔ̀ŋ wɔŋ nyiiŋ gèe sùà ɔ̀ɔ̀ ka fà.

Fèle 1:20 ပူးပေါင်းရင်းမြစ်များ

Jɔ̀ɔŋ 21:19

Wo Jisɛ̀ naŋ wa tɛɛ̀ woò wèè wo tɔ̀ɔ̀ wo Pììlɛ e ɗewe kiiɛ̀ wò do wa nàŋ fɔ̀ lɛ yèè e yèɛ do wa nàŋ hìɛ̀ŋ e jòòwo koɓɛ̀ Dayài lɛ̀. Yèè wo Jisɛ̀ nauŋ tɛɛ̀ woò wààŋ, “Dèim maŋjɛ̀wɛ ke kpèè miɛ̀ŋ sùà, yèè e nɔ̀ŋ kii mɛ̀ sùà.”

Nyɛ̀nɛ̀ŋ 20:24

Kɛɛ miŋ gò kpɛɛ̀ŋ kɛ̀ kiìŋ nàŋ do nàŋ kaaìŋ wɔ̀ŋ nyiiŋ miɔ̀ŋ, sèè nɔŋ mìŋ kpɛɛyɛ̀ e tòmoɛ̀ wo Kanaà Jisɛ̀ naim kiɛ̀ŋ wèè ka nyɛ̀nɛ̀ŋ lɛ. Yèè e tòmo lɛɛ̀ nàŋ yaà wèè ka wòò Ebò Siaàŋ e nyaàiŋ dè e tɛ̀ɛ̀tɛ̀ɛ̀ Dayàa.

Nyɛ̀nɛ̀ŋ 21:13

Kɛɛ wo Pɔɔ̀ naŋ nyiŋ fasàì wààŋ, “Wèè kiìŋ nìŋ yaà gulie e kìlà nìŋ yaà pɔ̀ɔ̀pɔɔ sùà ke jii miɛ̀ŋ? Miŋ gò nɔŋ nyimèè wèè aim gbìàŋ kò sààŋ nyìwì wèè èsàɓù e dèè wò Kanaà Jisɛ̀, kɛɛ mìŋ naŋ ngèè pɛɛ nyimèè wèè ka fà e weèuŋ ko Jùlusɛ̀làm!”

Nyɛ̀nɛ̀ŋ 4:31

Nààŋ àŋ naŋ wa kpɛ̀ɛ̀yɛ̀ Dayà zòòlo, koɓɛ̀i àŋ naŋ wa deenè lɛ naŋ wa mɛɛmɛ̀ɛ̀ŋ. Wo Jìnàŋ Nɛɛmaàŋ naŋ nyiŋ wa dìèsùà yèè àŋ naŋ tɔ̀ɔ̀tù ke mìè Dayàa gbòa janyai ke jii nyingè sùà.

Luùm 12:1

Nyɛ̀iŋ nààŋ wùìyaim nyàŋ, wo Dayà naŋ wi tɔ̀ɔ̀ ke nyowo gbee e ɗewe kii zimgbe sùà. Weètii mìŋ yààìŋ pɔɔwɔ e tɔ̀ɔ̀nyaàŋ sùà, wèè naŋ kìɛ̀ŋ maŋ kpùnaiŋ màŋ ko nɛ̀ɛ̀uŋ niìŋ e sàà gè nɛɛmaŋ yèè wɔŋ nyiiŋ gèe sùà. Sìaìŋ ke di wèè niŋ tòmo weèuŋ e kìlà e fɔɔyɛ̀uŋ jii. Tɛɛ̀ nàŋ yaà e zòòlo kɛnɛɛ̀ wèè naŋ kiɛ̀ŋ.

Luùm 5:5

Ke jii tùlia yɛɛ̀ fè wi zuwò, esaɓù kɛ̀ wo Dayà gbìàŋ e mànauŋ nɛ̀ maŋ jii wi màŋ sùà, esàɓù wo Jìnàŋ Nɛɛmaàŋ wo yèɔ wò naŋ wi kiɛ̀ŋ wɔ.

Luùm 6:13

Ɓɔ̀ nìŋ nyimèè wèè màŋ nɛ̀ɛ̀ŋ kɔ̀ɔ̀ màŋ kpùnaiŋ màŋ bà màŋ do nyɛ̀nɛ̀ŋ jùumù. Kɛɛ deìŋ ke dòmàŋ Dayàa diɛŋ, esaɓù kɛ̀ nìŋ yaà wa mààŋ anyùùŋ naŋ fɔ̀, kɛɛ wo Dayà wòiŋ kìɛ̀ŋ wɔŋ nyiiŋ gèe. Kìɛìŋ maŋ kpùnaiŋ màŋ ko nɛ̀ɛ̀uŋ niìŋ wèè wo toomò miŋ e tɔ̀ɔ̀nyaàŋ sùà.

Luùm 6:19

Mìŋ toomàŋ maŋ mìè maŋ è gbòòìŋ ke ɗɔɔ gbiŋ maŋ nyiiŋ gèe wi màŋ sùà, esàɓù e zɔ̀kpɔ̀ɛ yaà e kɔɔiŋ nɛ̀ sùà e nyaàiŋ dè e yèɛ nìŋ naŋ nyìmè lɛ. E teenga guùŋ bà nìŋ naŋ wa kìlè nyɛ̀iŋ bi aŋ ɗo wèè naŋ nyɛ̀nɛ̀ŋ maŋ keì kùwà ninaŋ yaà maŋ keì naanààŋ maŋ kpùnaiŋ màŋ sùà, nààŋ maŋ gòngoiŋ màŋ naiŋ wa hiiyè wèè naŋ miŋ nyɛ̀nɛ̀ŋ lɛ. E ɗèwè guùŋ nɛɛ̀ sùà, nìŋ kuwa naŋ niŋ nyɛ̀nɛ̀ŋ e kpààŋ kɔɔiŋ wèè maŋ gòngoiŋ màŋ hiiyà maŋ kpùnaiŋ màŋ maŋ kìlà e tɔ̀ɔ̀nyaàŋ sùà, wèè kɛ̀ niŋ nɔ̀ŋ anyùùŋ nɛɛmaŋ koɓɛ̀ Dayài.

Luùm 8:19

Manɛ̀ŋ maŋ gbiŋ wo Dayà naŋ banè maŋ e ɗuunyaàŋ lɛ, màŋ yaà fùlìè e teenga titiɛ̀ wèè wo Dayà tɔɔ̀ kɛ̀ ɓòò nàŋ yaà aŋ jɔ̀àuŋ nyàŋ.

Luùm 9:33

Màànààŋ nɔŋ wo Dayà naŋ woò wɔŋ fɛ̀ì Dayàa sùà lɛ wààŋ, “Yɛ̀mɛìŋ, mìŋ yaà hàa sùà ke dùò ko Zanyɔ̀ŋ, ke dùòɛ ke yèɛ do nàŋ nyɛ̀nɛ̀ŋ anyùùŋ aŋ duonò, ke dùòɛ ke yèɛ do nyiŋ nàŋ nyɛ̀nɛ̀ŋ aŋ sɔ̀à dìì fukpù. Kɛɛ wo nyùnɔ̀ɔŋ gbiŋ haawà Dayà wɔ e sàngè naàuŋ kùwò.”

1 Kɔliìŋ 15:31

Nyɛ̀iŋ nààŋ wùìyaim nyàŋ, mìŋ sia e fàa fɛɛ̀feìŋ ke ɗɔɔ gbiŋ. E zɔlɔ̀ɛ mìŋ kuwa e nyaàiŋ eiŋ dè wɔŋ nyiiŋ gèe wiɔ̀ sùà, nààŋ è yààìŋ aŋ bàwibà Jisɛ̀ Kulaì wo Kana wiɔ̀ sùà lɛ, naim nyɛ̀nɛ̀ŋ mìŋ naŋ tɛɛ̀ woò.

1 Kɔliìŋ 6:20

Wo Dayà naiŋ dìnìè e ɓaà gbee. Wèètii, tòòmoìŋ ke kpùnaiŋ nɛɛ̀ŋ wèè niŋ kiɛ̀uŋ e ɓɛ̀ɛ̀jàa.

1 Kɔliìŋ 7:34

Kɛ̀ e kèì jiiuŋ nɛ̀ è gòònò sùà. Wo jɔùŋ gò kùwìè felaaà ɔ̀ɔ̀ wo jɔ̀ùŋ jɔ̀à bɛ̀ɛ̀ɔ wò yaà maŋ hòwò wèè e tòmò Kanaà, e kìlà wèè wo nɔ̀ŋ e nɛɛmaŋ ke kpùnauŋ nɛɛ̀ŋ sùà yèè wo jinàaŋ sùà, kɛɛ wo jɔ̀ùŋ felaaà wò yaà maŋ hòwò wèè maŋ kèì ɗuunyaŋ màŋ, esaɓù kɛ̀ wò manaŋ wo nyɛ̀nɛ̀ŋ wo faniuŋ nɔɔ̀ŋ ke jiiuŋ nɛɛ̀ŋ ke fà.

2 Kɔliìŋ 10:8

Sèè weè pɛɛ eiŋ kɛ̀ɛ̀ maŋ nyòngà e mààŋ nyààŋ tòloò e nyaàiŋ dè e gààaŋ wo Kanaà naŋ wi kiɛ̀ŋ wèè eiŋ nyɛ̀nɛ̀ŋ naŋ nyìngà sùà lɛ, e yèɛ e fè wèè eiŋ pɔɔpɔ̀ɔ̀ gbiŋ lɛ̀, e sàngè fèiŋ nyɛ̀nɛ̀ŋ.

2 Kɔliìŋ 3:12

Nààŋ è kùwàìŋ naàŋ ke jii tùlia yɛɛ̀ lɛ, è kuwa jii nyingè wèè gbòa,

2 Kɔliìŋ 4:10

E teenga gbiŋ è koàìŋ e fà Jisɛ̀ɛ maŋ kpùnaŋ wi màŋ sùà, wèè kɛ̀ aŋ yɛ̀mɛ̀ wɔŋ nyiiuŋ nɔɔ̀ŋ wuŋ pɛɛ maŋ kpùnaŋ wi màŋ sùà.

2 Kɔliìŋ 5:15

Wò naŋ fɔ̀ wèè yàwi nààŋ gbiŋ, wèè kɛ̀ anyùùŋ nyaŋ kuwa nyiiŋ gèe nyàŋ, ɓɔ̀ àŋ nɔ̀ŋ ɓɛìŋ fuɔŋ wèè nyiŋ bi, sɔɔ̀ wèè wo Jisɛ̀ Kulaì wo yèɔ naŋ fɔ̀, yèè wo Dayà nauŋ gè e fàaà dìì wèè esaɓù nyiŋ nɛ̀ sùà wɔ.

2 Kɔliìŋ 7:14

Mìŋ naŋ kɛ̀ɛ̀ maŋ nyòngà ko nɛ̀ɛ̀uŋ niìŋ e nyaàiŋ eiŋ dè, yèè kòò nìŋ sìèìm sàngè. E teenga gbiŋ è woàìŋ e tɔ̀ɔ̀nyaàaŋ, yèè maŋ nyongà guùŋ maŋ è naŋ kɛ̀ɛ̀ koɓɛ̀ Taitɔ̀i màŋ nàŋ tɔ̀ɔ̀ e tɔ̀ɔ̀nyaàŋ.

2 Kɔliìŋ 7:4

Mìŋ kùwàìŋ ke jii tùlia gbee sùà, yèè mìŋ kuwa e ɓɛ̀ɛ̀jàa gbee weèiŋ. E kìlà ke di naim diè, yèè kpùlìà maŋ keì nyìnga wi màŋ gbiŋ sùà, mìŋ naŋ dìè, ke jii nyingè yèè e zɔlɔ̀ zimgbe yaà jii miɛ̀ŋ.

Fèle 1:14

E nɔ̀ɔŋ mɛ̀ ko sààŋ nyìwìi, naŋ nyɛ̀nɛ̀ŋ anyuùŋ hààwe nyàŋ zimgbe nyiŋ naŋ kɛ̀ɛ̀nɛ̀ŋ jii tùlia wo Kanaà sùà, yèè e jùù naŋ nyiŋ ɓàà kɔɔ wèè aŋ gbòà ke mìè Dayàa janjai e teenga gbiŋ koɓɛ̀ gbiŋ.

Fèle 2:17

Maŋ sɛnìim màŋ wɛ̀i ɓɛ̀nɛ̀ŋ nɔ̀ŋ wùaŋ miŋ mààŋ e nɛ̀ŋ kìɛŋ manɛ̀ŋ saaà maŋ diɛŋ e nyaàiŋ dè e hààweiŋ nɛ̀ koɓɛ̀ Dayài. Sèè è nɔ̀ŋ yɛi, ke jii naim fɔ̀ wèè ka nɔ̀ŋ wo bàimbà e tòmouŋ nɛ̀ sùà, yèè nyɛ̀iŋ pɛɛ naŋ nɔ̀ŋ aŋ bàiŋbà zɔlɔ̀ gèe mɛ̀ sùà.

Kòlo 1:24

E zɔlɔ̀ naim diè, wèè kɛ̀ mìŋ naŋ ɓɛ̀nɛ̀ŋ kà e mɔ̀ɔ̀nɛŋ dìì e weèiŋ. Esàɓù e mɔ̀ɔ̀nɛɛ̀ŋ mìŋ yaà kɔ̀ɔ̀yɛ̀ dìì lɛ, mìŋ yaà kìɛŋ sùà kpùùmaŋ wèè ka kpɛ̀ɛ̀yɛ̀ e mɔ̀ɔ̀nɛŋ kiiɛ̀ wo Jisɛ̀ Kulaì naŋ wa kɔ̀ dìì lɛ nààŋ wò naŋ wùɔ̀ŋ maŋ sɛ̀ìŋ, wèè esàɓù ke kpùnauŋ nɛɛ̀ŋ. Ke kpùnauŋ nɛɛ̀ŋ zà nàŋ yaà ke gbòò anyuùŋ hààwe nyàŋ.

1Tɛsè 5:23

Tɔ̀ wo Dayàa naŋ wi fè jii fàa wɔ̀ wo nyɛ̀nɛ̀iŋ niŋ nɔ̀ŋ e nɛɛmaŋ sùà dòmaŋ nyaaŋ gbiŋ, yèè wo haà saɓù e tɔ̀mɛ gbiŋ ɓɔ̀ è nɔ̀ŋ è kpùnuiŋ nɛ̀, wò jinàiŋ nɔɔ̀ŋ, yaà kè kpùnaiŋ nɛɛ̀ŋ è teengaà wò Kana wiɔ̀ Jisɛ̀ Kulaì hnàŋ wa nàwèè lɛ.

1Pììlɛ 4:16

E ɗewe gbiŋ sùà, sèè nìŋ nɔ̀ŋ kɔ̀ɔ̀yɛ̀ keì nyìnga dìì esaɓù kɛ̀ nìŋ yaà anyuùŋ hààwe, e sàngè tii ɓɔ̀ è nyɛ̀nɛ̀iŋ. Kɛɛ fèeìŋ Dayà ɓɛ̀ɛ̀jàa wèè e dèè Jisɛ̀ Kulaìɛ jààìŋ nɛ.

1Jɔ̀ɔŋ 2:28

Nyɛ̀iŋ nààŋ jɔ̀àim nyàŋ, jèeìŋ aŋ bàiŋbà wo Jisɛ̀ Kulaì sùà, e wèè sèè wo hnàŋ wa nàwèè eiŋ kɛ̀ɛ̀nɛ̀ŋ ke jii tùlia yèè e naìŋ nyɛ̀ɛ̀nɛ̀ŋ è sàngè sùà kè ɗɔ̀ɔ̀ hnàauŋ nɛɛ̀ŋ diɛŋ.