Fèle 1:19 - WƆŊ FƐ̀Ì EBÒ SÌÀŊ DAYÀA

¹⁹ esaɓù kà nyìmàŋ kɛ̀ e zòòloiŋ nɛ̀ yèè e kpùùmaàŋ yewe wo Jìnàŋ Jisɛ̀ Kulaìɔ sùà lɛ, mìŋ do nàŋ nɔ̀ŋ e bìlɛim.

Fèle 1:19 ပူးပေါင်းရင်းမြစ်များ

Nyɛ̀nɛ̀ŋ 16:7

Nààŋ àŋ naŋ wa hàì ke konaàŋ fèemàŋ ko Masià, àŋ manaŋ wa weè aŋ kà ko Bɛ̀tenìà, kɛɛ wo Jìnàŋ Jisɛ̀ɔ gò nyiŋ wa nyimèè.

Luùm 8:28

Wo Dayà tomàŋ wèè e tɛ̀ɛ̀tɛ̀ɛ̀ anyùùŋ nyaŋ mànauŋ nyaŋ. Nyiŋ nàŋ yaà anyùùŋ nyaŋ wo Dayà naŋ nyààŋ wèè aŋ nyɛ̀nɛ̀ŋ e yèɛ wò manaŋ lɛ̀.

Luùm 8:9

Ɓɔ̀ mùŋ nyɛ̀nɛ̀ŋ nɔŋ è nɛ̀ɛŋ kè kpùnaŋ mɔɛ̀ŋ manaŋ lɛ̀, kɛɛ nyɛnɛ̀ŋ e nɛ̀ɛŋ wo Jìnàŋ Dayàa manaŋ lɛ̀, esaɓù kɛ̀ wò joàùm ko sùà. Wo nyùnɔ̀ɔŋ gbiŋ gò jàà wò Jìnàŋ Jisɛ̀ Kulaìɔ kùàŋ dìì wɔ, wo fè wò bàuŋbà kòɓɛ̀ Jisɛ̀ Kulaìi.

1 Kɔliìŋ 4:17

E wèè esaɓù lɛɛ̀, mìŋ yaà tùaŋ sùà wo Timetè ko nɛ̀ɛ̀ŋ niìŋ, wo yèɔ yaà wo jɔ̀à mànaŋ tùlìà jii miɔ̀ŋ e hààweɛ̀ sùà wɔ, ke gbòò anyuùŋ hààwè Dayà nyaŋ e tɛɛ. Wèè woo dè maŋ jiiiŋ màŋ koɓɛ̀ maŋ keì ɗì maŋ mìŋ naŋ dè maŋjɛ̀wɛ wɔŋ nyiiŋ jɛiɔ̀ ke gbòò Jisɛ̀ Kulaìɛ sùà lɛ, maŋ yè maŋ mìŋ naŋ kaà maŋ ke gbòò anyuùŋ hààwe nyàŋ gbiŋ sùà koɓɛ̀i gbiŋ mìŋ kɔ̀ lɛ.

2 Kɔliìŋ 1:11

Nyɛ̀iŋ pɛɛ kpùùmaìŋ niŋ zoolò weè wi, wèè anyuùŋ zimgbe aŋ gè Dayà ɓaikà wèè wi, wèè e kìɛɛ̀ŋ wò naŋ wi fè e yìwìà maŋ zòòlo zimgbe màŋ wò naŋ jàà kùàŋ dìì maŋ.

Gàla 3:5

Wo Dayà naiŋ kìɛ̀ŋ wo Jinàuŋ nɔɔ̀ŋ, yèè wò naŋ nyɛ̀nɛ̀ŋ maŋ kèè mèè e tɛɛiŋ esaɓù kɛ̀ nìŋ naŋ wa jɔ̀ɔ̀lɔ̀ ke Sàwàa dìì, ɔ̀ɔ̀ esaɓù kɛ̀ nìŋ naŋ wa kòmò e Ebò Siaàŋ yèè nìŋ naŋ niŋ haawè?

Gàla 4:6

Kɛɛ nààŋ è yààìŋ aŋ jɔ̀à Dayà lɛ, wo Dayà naŋ tùɔ̀ŋ wo Jìnàŋ Jɔ̀àfelaauŋ nɔɔ̀ŋ maŋ jii wi màŋ sùà. E kìlà wo Jìnàaŋ naŋ gòlò wààŋ, “Dèda miɔ̀ŋ, Dèda miɔ̀ŋ wɔ.”

Fèle 1:18

Tɛɛ̀ fè è keì gbiŋ. E zɔlɔ̀ yààìm weè niŋ, nààŋ àŋ yaà wòò e kèè wo Jisɛ̀ Kulaì, sèè pɛɛ aŋ niŋ nyìnìàŋ tɔ̀ɔ̀nyaàŋ ɔ̀ɔ̀ àŋ go niŋ nyìnìàŋ tɔ̀ɔ̀nyaàŋ diɛŋ. Mìŋ do nàŋ nɔ̀ŋ e zɔlɔ̀ sùà e teenga gbiŋ,

1Pììlɛ 1:11

Àŋ naŋ fɛ̀ɛ̀ wèè aŋ nyìmàŋ kɛ̀ kiìŋ nàŋ do nàŋ nɔ̀ŋ e teengaà, yèè dièsɔa è do nàŋ hnè. Tɛɛ̀ nàŋ yaà wa e teengaà, e yèɛ wo Jìnàŋ Jisɛ̀ Kulaìɔ yàà nyiìŋ sùà wɔ, yaà wa tɔ̀ɔ sùà kiiyò, nààŋ wò yaà nyiìŋ wa wòò e kèì ko dòmàŋfeìŋ e nyaàiŋ dè e keì nyìngaà wo Jisɛ̀ Kulaì kuwa wèè wo kà dìì yèè e jòòwo gbeeɛ̀ doiŋ nàŋ dè maŋjɛ̀wɛ lɛ̀.