Fèle 1:16 - WƆŊ FƐ̀Ì EBÒ SÌÀŊ DAYÀA

¹⁶ Anyùùŋ nyɛɛ̀ŋ nyɛnɛŋ tɛɛ̀ e yìwìà e mànaŋ sùà, esaɓù àŋ nyìmàŋ kɛ̀ wo Dayà naim kìɛ̀ŋ e tòmoɛ̀ wèè ka wòò e tɔ̀ɔ̀nyaàaŋ e nyaàiŋ dè Ebò Siaàŋ.

Fèle 1:16 ပူးပေါင်းရင်းမြစ်များ

1 Kɔliìŋ 9:17

Sèè e tòmo lɛɛ̀ e yìwìà ke jii miàŋ biɛ̀ diɛŋ wèè kaiŋ nyɛ̀nɛ̀ŋ, kɛ̀ kà ɓɛ̀nɛ̀ŋ yɛ̀mɛ̀ e pààwa, kɛɛ sèè pɛɛ mìŋ go mànàŋ wèè ka niŋ nyɛ̀nɛ̀ŋ, wo Dayà naim tàeɗùù ke gbòòɛ sùà wèè ka nyɛ̀nɛ̀ŋ e tòmouŋ nɛ̀.

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

Fèle 1:10

wèè kɛ̀ nìŋ naŋ ɓɛ̀nɛ̀ŋ tùàŋ maŋ nɔnɔŋ wèè naŋ nyimèè kɛ̀ kiìŋ nàŋ yaà e nɛ̀ŋ kɛnɛ. Tɛɛ̀ do nàŋ nyɛ̀nɛ̀ŋ naŋ nɔ̀ŋ sengei e kìlà e keì gbiŋ e naàìŋ nɔ̀ŋ ke ɗɔɔɛ̀ wo Jisɛ̀ Kulaì do nàŋ hnè lɛ.

Fèle 1:12

Nɛ̀iŋ nààŋ wùìyaim nyàŋ, mìŋ manaŋ naŋ nyìmàŋ kɛ̀ e nɛ̀ɛŋ naim kaaìŋ lɛ, naŋ kìɛ̀ŋ e kpùùmaŋ wèè Ebò Siaàŋ e ɓaayè,

Fèle 1:5

wèè esàɓù e ɗeweɛ̀ è naiŋ tòòmò koɓɛ̀ guùŋ, wèè eiŋ ɓààyè Ebò Siaàŋ e yìwìà ke ɗɔɔ jiɛ̀jiɛ̀ɛ nìŋ naŋ niŋ wa kòmò lɛ, e hàì e teenga lɛɛ̀ nàaŋ.

Fèle 1:7

E kiiŋ nɛ̀ è yaà ke jii miɛ̀ŋ diɛŋ e teenga gbiŋ. Weètii è yaà nɔŋ tɛ̀ɛ̀ wèè ka gòngò e kiiŋ e ɗewe lɛɛ̀ sùà. Nyɛ̀iŋ nààŋ gbiŋ nàŋ nɔ̀ŋ aŋ bàiŋbà wèè e keì sìàŋ lɛɛ̀ e yèɛ wo Dayà naim kiɛ̀ŋ lɛ, e teengaà mìŋ yaà ko sààŋ nyìwìi yèè e teengaà miŋ fè wa è keì dìì wèè ka dè ebò siaàŋ gòlò jɛwɛ e kìlà ka wòò e kii niŋ e tɔ̀ɔ̀nyaàŋ sùà lɛ.

Fèle 2:22

Kɛɛ nyɛ̀iŋ bi nàŋ nyìmàŋ e ɗeweɛ̀ wò naŋ tɔɔ̀ kɛ̀ wò yaà nyuùŋkpùuŋ kɛnɛ tùlìà jii lɛ̀. Wo Timetè naŋ nɔ̀ŋ mààŋ wo jɔ̀àfelaa ko nɛ̀ɛ̀ŋ miìŋ, yèè wòim tòòmò kùàŋ sùà wèè e ɓaayè Ebò Siaàŋ.

Fèle 4:15

Nyɛ̀iŋ nààŋ nyùùŋ Fèlepì nyaŋ, nàŋ nyìmàŋ kɛ̀ dièsɔa maŋ keì kààìŋ kii màŋ yaà wa, yèè nyɛ̀iŋ nɔŋ naŋ wa nɔ̀ŋ aŋ bàiŋbà ke gbòò anyuùŋ hààwe nyàŋ tɛɛ, wèè naŋ kìɛ̀ŋ e kpùùmaŋ e teengaà mìŋ naŋ wa tɔ̀ɔ̀tù wòò Ebò Siaàŋ ko Mɛ̀sèdonià lɛ.

Fèle 4:3

Muàŋ pɛɛ nyuùŋ hààwe dàwi tùlìà jii miɔ̀ŋ, mìŋ dawàùm wèè maŋ kpùùmàŋ aŋ jɔùŋ nyɛɛ̀ŋ. Aŋ jɔùŋ nyɛɛ̀ŋ, naŋ tòòmò yàwi wo Kilɛmɛ̀ŋ kùàŋ sùà, e kpùlìà anyuùŋ tòmo dàwi gbànaŋ wi nyàŋ wèè eiŋ ɓààyè Ebò Siaàŋ. Maŋ deè nyiŋ màŋ yaà naàŋ sìnga miŋ wɔŋ fɛ̀ì Dayàa sùà, wɔŋ yèɔ wo Dayà naŋ sìngè maŋ dèè anyùùŋ nyaŋ do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ nyàŋ.