Fèle 1:14 - WƆŊ FƐ̀Ì EBÒ SÌÀŊ DAYÀA

¹⁴ E nɔ̀ɔŋ mɛ̀ ko sààŋ nyìwìi, naŋ nyɛ̀nɛ̀ŋ anyuùŋ hààwe nyàŋ zimgbe nyiŋ naŋ kɛ̀ɛ̀nɛ̀ŋ jii tùlia wo Kanaà sùà, yèè e jùù naŋ nyiŋ ɓàà kɔɔ wèè aŋ gbòà ke mìè Dayàa janjai e teenga gbiŋ koɓɛ̀ gbiŋ.

Fèle 1:14 ပူးပေါင်းရင်းမြစ်များ

2 Kɔliìŋ 3:12

Nààŋ è kùwàìŋ naàŋ ke jii tùlia yɛɛ̀ lɛ, è kuwa jii nyingè wèè gbòa,

2 Kɔliìŋ 7:4

Mìŋ kùwàìŋ ke jii tùlia gbee sùà, yèè mìŋ kuwa e ɓɛ̀ɛ̀jàa gbee weèiŋ. E kìlà ke di naim diè, yèè kpùlìà maŋ keì nyìnga wi màŋ gbiŋ sùà, mìŋ naŋ dìè, ke jii nyingè yèè e zɔlɔ̀ zimgbe yaà jii miɛ̀ŋ.

Ɛfesɔ̀ 3:13

E wèètii kɔ̀nɛɛ̀ŋ maŋ jiiiŋ màŋ ɓɔ̀ màŋ mɔɔnɛ̀ŋ esaɓù kɛ̀ mìŋ yaà kò mɔɔnɛŋ è weèiŋ, e gbiŋ yaà nɔŋ e jòòwo wèè nyɛ̀iŋ bi.

Fèle 1:20

E yèɛ mìŋ yaà yɛ̀ɛ̀mɛ̀ dòmaŋ, yèè ke jii tùliaà mìŋ kuwa lɛ̀ nàŋ yaà kɛ̀ miŋ naàŋ wa nàwèè nyɛ̀nɛ̀ŋ è keì gbiŋ wèè eim nyìnìàŋ sàngè. Kɛɛ wèè e teenga gbiŋ, yèè sààmɛ pɛɛ, mìŋ do nàŋ kɛ̀ɛ̀nɛ̀ŋ ke jii nyingè, wèè ke kpùnaŋ miɛ̀ŋ gbiŋ ke hìàŋ e ɓɛ̀ɛ̀jàa koɓɛ̀ Jisɛ̀ Kulaìi, sèè pɛɛ ka nɔ̀ŋ wɔŋ nyiiŋ gèe sùà ɔ̀ɔ̀ ka fà.

Fèle 1:7

E kiiŋ nɛ̀ è yaà ke jii miɛ̀ŋ diɛŋ e teenga gbiŋ. Weètii è yaà nɔŋ tɛ̀ɛ̀ wèè ka gòngò e kiiŋ e ɗewe lɛɛ̀ sùà. Nyɛ̀iŋ nààŋ gbiŋ nàŋ nɔ̀ŋ aŋ bàiŋbà wèè e keì sìàŋ lɛɛ̀ e yèɛ wo Dayà naim kiɛ̀ŋ lɛ, e teengaà mìŋ yaà ko sààŋ nyìwìi yèè e teengaà miŋ fè wa è keì dìì wèè ka dè ebò siaàŋ gòlò jɛwɛ e kìlà ka wòò e kii niŋ e tɔ̀ɔ̀nyaàŋ sùà lɛ.

Fèle 4:1

Nyɛ̀iŋ nààŋ wùìyaim nyàŋ, mìŋ mànàiŋ zimgbe, yèè nìŋ naŋ nyɛ̀nɛ̀ŋ e zɔlɔ̀ naim diè zimgbe. Nyɛ̀iŋ nàŋ yaà mààŋ ke ɓɔ̀ɗì kana miɛ̀ŋ. Jèeìŋ e hààwe sùà koɓɛ̀ wo Kanaà.

Kòlo 4:4

Kɔ̀nɛɛ̀ŋ, zòòloìŋ wèè miŋ woò ke miè gbìaàŋ ke nɔ̀ŋ janjai koɓɛ̀ anyùùŋ nyaŋ.

Kòlo 4:7

Wo wùìya mànaŋ wiɔ̀ Tachikɔ̀, wò yaà wo ɓɔìjɔ̀à tùlìà jii, e kìlà wò naŋ wi tòòmò maŋjɛ̀wɛ wèè eiŋ tomo wèè wo Kanaà wɔ, wò doiŋ nàŋ kìɛ̀ŋ ke miè gbìaàŋ e nyaàiŋ eim dè.

1Tɛsè 2:2

Nàŋ nyìmàŋ e ɗeweɛ̀ àŋ naŋ wi kùwìè le siwè naanààŋ aŋ wi pɔ̀ɔ̀ɓɛ̀ɛ ko Fèlepì pangàà è naŋ hnè nɛ̀ɛ̀iŋ niìŋ ko Tɛsèlonikà. Jòòpɛɛ aŋ joo wi yaào, kɛɛ wo Dayà wiɔ̀ naŋ wi sìè ke di wèè eiŋ dàànè Ebò Siaàŋ e yèɛ yewe ko nɛ̀ɛ̀uŋ niìŋ lɛ.

2Time 2:9

Esàɓù Ebò Siaàŋ mìŋ woà lɛ, mìŋ kuwo e keì nyìnga yèè aim sìà maŋ jɔ̀ɔ̀ɔ mààŋ wo nyuùŋ nyɛ̀nɛ̀ŋ e keì naanààŋ. Kɛɛ ke mìè Dayà ke fè màŋ jɔ̀ɔ̀ɔ sùà,