Ɛfesɔ̀ 6:9 - WƆŊ FƐ̀Ì EBÒ SÌÀŊ DAYÀA

⁹ Nyuùŋ kɛ̀ɛ̀nɛ̀ŋ ɗo nyàŋ, kùwaìŋ aŋ ɗoiŋ nyàŋ e ɓɛ̀ɛ̀jàa guùŋ nɛɛ̀ sùà, hùàneìŋ nyiŋ sìà e jùù. Jàaìŋ jii kɛ̀ nyɛ̀iŋ yèè aŋ ɗoiŋ nyàŋ, nìŋ kuwa wo kɛ̀ɛ̀nɛ̀ŋ guùŋ ko àìjɛnɛ̀ŋ, yèè wo fè nyangè.

Ɛfesɔ̀ 6:9 ပူးပေါင်းရင်းမြစ်များ

Maafiù 22:10

Aŋ ɓɔìjɔ̀à nyaŋ naŋ kɔ̀ maŋ tèetì maŋ diɛŋ yèè àŋ naŋ hìɛ̀ŋ anyùùŋ nyaŋ gbiŋ àŋ naŋ wa ɓɛ̀nɛ̀ŋ mɛ̀ɛŋ nyàŋ, aŋ siaŋ sìàŋ nyiŋ yèè aŋ naanààŋ nyiŋ. Wɔŋ zɛ̀mɛ̀ɛ̀ŋ gbèè wɔŋ ɗàà ke yɛɛ̀ gbìaàŋ naŋ wa dìè anyùùŋ.

Maafiù 22:8

Kpeiŋ wò naŋ nyààŋ aŋ ɓɔìjɔ̀àuŋ nyàŋ yèè wò naŋ nyiŋ woò wààŋ, ‘E tèèngà wɔŋ ɗàà ke yɛɛ̀ gbìaàŋ è haì, yèè anyùùŋ nyaŋ mìŋ naŋ nyààŋ nyaŋ aŋ fè tɛ̀ɛ̀ wèè aŋ hnàŋ.

Maafiù 24:48

Kɛɛ sèè wo ɓɔìjɔ̀à kɛ̀ɛ̀nɛ̀ŋ ke kpèè naanààŋ wii wo wòò ke jiiuŋ nɛɛ̀ŋ sùà wààŋ, ‘Wo kààmɔɔŋ miɔ̀ŋ yaà dɔɔnɔŋ,’

Maafiù 24:51

Wo ɓɔìjɔ̀à wɛɛ̀ do nàŋ kɔ̀ e keì nyìnga dìì yèè auŋ gbìàŋ koɓɛ̀ nyùùŋ fɛ̀ɛ̀ ɗòònààkeì nyaŋ. Kuŋ àŋ do nàŋ nɔ̀ŋ àŋ golo yèè àŋ gbile le sìaŋ e keì nyìnga sùà.”

Maafiù 7:12

“Tùwoìŋ tɛ̀ɛ̀ koɓɛ̀ anyuùŋ kpùuŋ dàwiiŋ nyàŋ màànààŋ nìŋ manaŋ wèè aiŋ tuwò lɛ. Tɛɛ̀ nàŋ yaà e fàsàì maŋ Sàwà Dayà maŋ yaà e yèɛ aŋ wɛ̀ijì nyaŋ naŋ wa kaà lɛ.

Luù 6:31

Tùwoìŋ tɛ̀ɛ̀ koɓɛ̀ anyuùŋ kpùuŋ dàwiiŋ nyàŋ màànààŋ nìŋ manaŋ wèè aiŋ tuwò lɛ.”

Jɔ̀ɔŋ 13:13

Yèè wo Jisɛ̀ naŋ nyiŋ ɓɛìŋ woò wààŋ, “Nìŋ nyààìm wò Kààmɔɔŋ yèè wo Kana, e tɔɔɓaaà lii, esaɓù kɛ̀ mìŋ yaà wo Kààmɔɔŋ yèè wo Kana.

Nyɛ̀nɛ̀ŋ 10:34

Wo Pììlɛ naŋ tɔ̀ɔ̀tù gbòa wààŋ, “Kà naàŋ nyìmàŋ kɛ̀ è yaà tɔ̀ɔ̀nyaàŋ kɛ̀ wo Dayà kuwà wò nyuùŋ mànaŋ titi, kɛɛ wò manaŋ anyùùŋ nyaŋ gbiŋ e seenè kpaŋ.

Luùm 2:11

Wo Dayà do tɛɛ̀ nàŋ nyɛ̀nɛ̀ŋ e tɔ̀ɔ̀nyaàŋ sùà, esaɓù kɛ̀ wo fè nyangè e kìlà wò gbaì anyùùŋ nyaŋ gbiŋ e ɗèwè guùŋ nɛ sùà.

1 Kɔliìŋ 1:2

naŋ yaà sìngìè wɔŋ fɛi wɛɛ̀ŋ koɓɛ̀ ke gbòò anyuùŋ hààwe nyàŋ yaà ko Kɔliìŋ yɛ. Nyɛ̀iŋ nyàŋ gbiŋ wo Dayà naŋ nyààŋ wèè naŋ nɔ̀ŋ anyùùŋ nɛ̀ɛ̀màŋ Dayà nyaŋ, aŋ yè nyaŋ yaà aŋ bà nyiŋ bà Jisɛ̀ɛ Kulaì sùà nyaŋ, e kpùlìà anyuùŋ gbànaŋ nyàŋ koɓɛ̀ gbiŋ àŋ naŋ nɔ̀ŋ, aŋ yè nyaŋ humo wo Kana wiɔ̀ Jisɛ̀ Kulaì nyaŋ, wo Kànà yàwi nààŋ gbiɔ̀ŋ.

1 Kɔliìŋ 7:22

Wo ɗoɔ̀ wo Kanaà naŋ nyààŋ wɔ, wò yaà wo nyuùŋ gè nyààŋ diɛŋ wèè Kanaà, e ɗèwè guùŋ bi sùà, wo nyùnɔ̀ɔŋ àŋ naŋ gè nyààŋ diɛŋ wèè wo ka, yèè wo Jisɛ̀ Kulaì naum nyààŋ wɔ wò yaà wo ɗo wèè Jisɛ̀ Kulaì.

Kòlo 3:25

Anyuùŋ nyɛ̀nɛ̀ŋ maŋ tùwo naanààŋ nyaŋ gbiŋ do nàŋ yɛ̀mɛ̀ e jìwààjɛ̀wɛ̀ wèè maŋ tùwo naanààŋ maŋ gbiŋ àŋ naŋ nyɛ̀nɛ̀ŋ maŋ, esaɓù kɛ̀ wo Dayà gbaì anyùùŋ gbiŋ e ɗèwè guùŋ nɛ sùà.

Kòlo 4:1

Nyɛ̀iŋ nààŋ nyuùŋ kɛ̀ɛ̀nɛ̀ŋ ɗo nyàŋ, nɔ̀iŋ e tɔ̀ɔ̀nyaàŋ sùà wèè e ɗewe kiiɛ̀ nìŋ kuwo aŋ ɗoiŋ nyàŋ lɛ. Kɛ̀ɛ̀nɛìŋ jii jàa kɛ̀ nyɛ̀iŋ pɛɛ nìŋ kuwa wo Kɛ̀ɛ̀nɛŋ ko àìjɛnɛ̀ŋ.

Jìiiŋ 2:13

E kèì gbài Dayàa sùà wa nàwèè wo naàŋ kùwìè kè nyowo wèè wò nyùnɔ̀ɔŋ gò wa kùwìè kè nyowo wɔ̀, kɛɛ e keì gbàiɛ̀ sùà pɛɛ wo Dayà kuwa ke nyowo.

Jìiiŋ 2:8

Sèè tɔɔɓaa tiŋ naŋ jɔ̀ɔ̀lɔ̀ ke sàwà e Kànà Dayàa dìì màànààŋ wɔŋ fɛ̀ì Dayàa yaà woo lɛ̀, “Manàŋ wo nyuùŋkpùuŋ dàwi mɔɔ̀ŋ mààŋ muàŋ bi lɛ̀,” kɛ̀ màŋ nyɛ̀nɛ̀ŋ tɛ̀ɛ̀.

Jìiiŋ 5:4

Yɛ̀mɛìŋ naàŋ anyùùŋ nyaŋ naŋ tomo maŋ ɓùiŋ màŋ sùà yèè niŋ gò nyiŋ paawà nyaŋ, àŋ yaaìŋ gùlìè dèè. Yèè maŋ mìè gòlà anyùùŋ nyaŋ naŋ gbònògbònò manɛ̀iŋ màŋ maŋ ɓùiŋ màŋ sùà nyaŋ è sɛ̀ɛ̀ Dayà maŋ nùŋ, wo Kànà Gaàŋ Gbeeɔ̀.