Ɛfesɔ̀ 6:8 - WƆŊ FƐ̀Ì EBÒ SÌÀŊ DAYÀA

⁸ Jàaìŋ jii kɛ̀ wo Kanaà do wa nàwèè nàŋ pààwà wo nyùùŋ gbiŋ, nàŋ nɔ̀ŋ àŋ ɗo, niŋ gò nɔ̀ŋ àŋ ɗo, wèè e tòmò siaàŋ è naiŋ nyɛ̀nɛ̀ŋ lɛ.

Ɛfesɔ̀ 6:8 ပူးပေါင်းရင်းမြစ်များ

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Maafiù 20:7

Yèè anyùùŋ nyaŋ naŋ wòò wo kenàaŋ nyààŋ, ‘È sìàìŋ kià foo esaɓù kɛ̀ wo nyùùŋ gbiŋ kòò wò kìɛ̀ŋ wì è tòmo.’ Yèè wò naŋ nyiŋ woò wààŋ kɛ̀, ‘Kɔ̀àaìŋ niŋ tomo ko ɓù gbɛɛwɛ̀jɛ̀wɛ̀ miìŋ.’

Maafiù 5:12

Sèè tii kaàiŋ, gèeìŋ zɔlɔ̀ yèè niŋ nɔ̀ŋ ke jii fàa sùà, esaɓù kɛ̀ wo Dayà doiŋ nàŋ kìɛ̀ŋ e jìwààjɛ̀wɛ̀ gbee ko àìjɛnɛ̀ŋ. E ɗèwè guùŋ lɛɛ̀ sùà nɔŋ anyùùŋ naŋ wa nìmìlà aŋ wɛ̀ijì nyaŋ yààìŋ wa tɛɛ nyàŋ e teenga gɔu sùà.

Maafiù 6:1

“Sèè mùŋ nɔ̀ŋ nyìnìè e tòmò siaŋ e dèè Dayàa diɛŋ, ɓɔ̀ mùŋ nyɛ̀nɛ̀ŋ niŋ wèè ànyùùŋ àŋ doum yɛmɛ̀. Sèè mùŋ nyɛnɛŋ yɛi wèè anyùùŋ aŋ yɛ̀mɛ̀ e tɔ̀ɔ̀nyaàŋ e yèɛ mùŋ yaà nyinie lɛ̀, wo Dèda mɔɔ̀ŋ ko àìjɛnɛ̀ŋ wo naàum kìɛ̀ŋ e jìwààjɛ̀wɛ̀ siaŋ.

Maafiù 6:4

Kpeiŋ kɛ̀ e nɛ̀ŋ kìɛŋ mɔ̀ɛ̀ e nɔ̀ŋ ke gbùnuo sùà. Yèè wo Dèda mɔɔ̀ŋ yɛmɛ̀ e nɛ̀ŋ nyɛ̀nɛŋ ke gbùnuo sùà wɔ, wò doum nàŋ kìɛ̀ŋ e jìwààjɛ̀wɛ̀ siaŋ.

Luù 14:14

Wo Dayà doum nàŋ kpuumò, esaɓù kɛ̀ anyùùŋ nyiiŋ fòum ɓɛ̀nɛ̀ŋ pààwa. Wo Dayà doum nàŋ paawà ke ɗɔɔɛ̀ anyùùŋ tɔ̀ɔ̀nyaàŋ nyaŋ yewe wa nàwèè e fàaà dìì lɛ.”

Luù 6:35

Kɛɛ mànaìŋ aŋ jooiŋ nyàŋ e kìlà niŋ nyinìàŋ nyiŋ keì sìàŋ. Ɓɔ̀ nìŋ kiɛ̀ŋ nyiŋ fòfoo nìŋ manaŋ wèè aiŋ niŋ ɓɛìŋ kɛlɛ̀ɛ̀. Sèè nìŋ nyɛnɛŋ tii, wo Dayà doiŋ nàŋ kìɛ̀ŋ e jìwààjɛ̀wɛ̀ gbee. E kìlà nìŋ do nàŋ nɔ̀ŋ aŋ jɔ̀à wèè wo Dayà Gaàŋ Gbeeɔ̀. Esaɓù kɛ̀ wo Dayà tuwà tɛ̀ɛ̀ koɓɛ̀ wo nyuùŋ gò nyìmàŋ saɓùɔ yaà wo nyuùŋ nyɛ̀nɛ̀ŋ tùwo naanààaŋ.

1 Kɔliìŋ 12:13

Yɛi nɔŋ, yàwi nààŋ gbiŋ è yààìŋ, èiŋ nɔ̀ŋ aŋ Juùù, ɔ̀ɔ̀ ànyùùŋ nyaŋ fè àŋ Juùù nyaŋ, èiŋ nɔ̀ŋ àŋ ɗo ɔ̀ɔ̀ e fèìŋ àŋ ɗo, wo Jinàŋ guùŋ wɛɛ̀, wò wi gùà e kìlà wò wi gbìàŋ ke kpùnàŋ guùŋ yɛɛ̀ sùà. Yàwi nààŋ gbiŋ è tìèìŋ e yìwìà wo Jìnàŋ guùŋ wɛɛ̀ sìwè.

2 Kɔliìŋ 5:10

Yàwi nààŋ gbiŋ doiŋ nàŋ hnè wo Jisɛ̀ Kulaì ke kpùà keì gbàiuŋ nɛɛ̀ŋ fɛɛ̀feìŋ, wo wi gbaaì. Yàwi nààŋ gbiŋ doiŋ nàŋ yɛ̀mɛ̀ e pààwà keì sìàŋ ɔ̀ɔ̀ keì naanààŋ wèè e nɛ̀ɛŋ gbiŋ è naiŋ nyɛ̀nɛ̀ŋ ke kpùnaŋ yɛɛ̀ sùà lɛ.

Gàla 3:28

E fèemàŋ gòòno bà gbiŋ fè e fèèmàŋ àŋ Juùù ɔ̀ɔ̀ anyùùŋ nyaŋ fè àŋ Juùù nyaŋ, àŋ ɗo ɔ̀ɔ̀ ànyùùŋ nyaŋ fè è ɗo dìì nyaŋ, àŋ felaa ɔ̀ɔ̀ àŋ jɔùŋ, nyɛ̀iŋ nààŋ gbiŋ nìŋ yaà anyùùŋ guùŋ e yìwìà e hààweiŋ nɛ̀ wo Jisɛ̀ Kulaì sùà.

Kòlo 3:11

E tɛɛ gòòno fòo sèè pɛɛ naŋ nɔ̀ŋ anyùùŋ nyaŋ fè àŋ Juùù nyaŋ ɔ̀ɔ̀ àŋ Juùù nyuuŋ, ɔ̀ɔ̀ aiŋ jàà kpùa ɔ̀ɔ̀ naŋ nɔ̀ŋ anyuùŋ gò jàà kpùa, anyùùŋ maŋ fuɔŋ joo, anyùùŋ ɓie gò nyìmàŋ è kèè kò ɓài, aŋ ɗo, yèè anyùùŋ nyaŋ fè àŋ ɗo nyàŋ, kɛɛ wo Jisɛ̀ Kulaì nàŋ yaà e nɛ̀ɛŋ gbiŋ, e kìlà wo Jisɛ̀ Kulaì wò yaà e nɛ̀ɛŋ gbiŋ sùà.

Kòlo 3:24

Jàaìŋ jii kɛ̀ wo Kanaà Jisɛ̀ Kulaì doiŋ nàŋ kiɛ̀ŋ wèè e nɔ̀ŋ e jìwààjɛ̀wɛ̀ e yìwìà e yèɛ wò naŋ bànè hàa wèè anyunùuŋ nyàŋ lɛ sùà. Wo Jisɛ̀ nàŋ yaà wo Kɛ̀ɛ̀nɛŋ kɛnɛɔ̀ nìŋ jɔɔlɔ̀ dìì wɔ.

Kòlo 3:25

Anyuùŋ nyɛ̀nɛ̀ŋ maŋ tùwo naanààŋ nyaŋ gbiŋ do nàŋ yɛ̀mɛ̀ e jìwààjɛ̀wɛ̀ wèè maŋ tùwo naanààŋ maŋ gbiŋ àŋ naŋ nyɛ̀nɛ̀ŋ maŋ, esaɓù kɛ̀ wo Dayà gbaì anyùùŋ gbiŋ e ɗèwè guùŋ nɛ sùà.

Hiɓu 10:35

Kɛ̀ɛ̀nɛìŋ maŋ jii nyingè, esaɓù kɛ̀ màŋ doiŋ nàŋ hìɛ̀ŋ e jìwààjɛ̀wɛ̀ siaŋ gbee.

Hiɓu 11:26

Wo Mòòze wa nyìmàŋ kɛ̀ wèè maŋ kà e keì nyìnga dìì wèè wo nyùnɔ̀ɔŋ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, è kuwa e nàfa e nìàŋ sùlò bàneɛ̀ ko Ijè, esaɓù kɛ̀ wò yaà wa yɛ̀ɛ̀mɛ̀ dòmaŋ wèè e jìwààjɛ̀wɛ̀ ko dòmàŋfeìŋ nɛ.