Ɛfesɔ̀ 6:5 - WƆŊ FƐ̀Ì EBÒ SÌÀŊ DAYÀA

⁵ Ɗo nyàŋ, e kɔɔiŋ nɛ̀ jèlà kpàkpà e jùù sùà wèè niŋ jɔɔlɔ̀ aŋ kɛ̀ɛ̀nɛiŋ nyàŋ dìì, yèè niŋ nyinìàŋ niŋ ke jìì guùŋ, mààŋ nìŋ yaà nyinie wèè Jisɛ̀ Kulaì lɛ.

Ɛfesɔ̀ 6:5 ပူးပေါင်းရင်းမြစ်များ

Maafiù 6:22

“Le fɛ̀ɛ̀ mɔ̀ɛ̀ è yaà mààŋ e laumpò wèè ke kpùnaŋ mɔɛ̀ŋ. Sèè le fɛɛ̀ mɔ̀ɛ̀ è nɔ̀ŋ sengei, ke kpùnaŋ mɔɛ̀ŋ gbiŋ do nàŋ nɔ̀ŋ e gbolòùŋ sùà.

Maafiù 6:24

“Wo nyùùŋ gbiŋ fè ɓɛ̀nɛ̀ŋ nɔ̀ŋ wò ɗo wèè àŋ kààmɔ̀ɔ̀ŋ ɗì tìyèe. Mùŋ do nàŋ mɔ̀nɔ̀ŋ wò guùŋ e nìàŋ wo bàa, ɔ̀ɔ̀ mùŋ do nàŋ jɔ̀ɔ̀lɔ̀ wò guùŋ dìì e nìàŋ wo bàa. Muŋ fè ɓɛ̀nɛ̀ŋ zòòlò wò Dayà yaà è nɛɛnɛŋ.

Maafiù 8:9

Mìŋ naŋ tɛɛ̀ haawè esaɓù kɛ̀, miàŋ pɛɛ mìŋ yaà wo nyùùŋ e gààŋ anyuùŋ gbeegbèè dìì. Sèè àŋ woàìm nyààŋ nyɛnɛ̀ŋ tɛɛ̀, ka niŋ nyɛ̀nɛ̀ŋ. Mìŋ kuwa ɓɛìŋ aŋ kààlòòɗùà aŋ yè nyaŋ toomàìm dìì. Sèè mìŋ woà wo bà guùŋ mìàŋ, ‘Kɔ̀à!’ wò do nàŋ kɔ̀. Sèè mìŋ woà ɓɛìŋ wo bà mìàŋ ‘Hnaàŋ!’ wò do nàŋ hnè. Mìŋ woà wo ɓɔìjɔ̀à miɔ̀ŋ mìàŋ, ‘Nyɛnɛ̀ŋ tɛɛ̀!’ wò do niŋ nàŋ nyɛ̀nɛ̀ŋ.”

Nyɛ̀nɛ̀ŋ 2:46

Ke ɗɔɔ gbiŋ anyuùŋ hààwe nyàŋ hewa dèènè koɓɛ̀ guùŋ ke gbòò sùà ko Saaŋ Zòòlò Dayài. Aŋ gbiŋ hewa jììyà e nɛ̀ŋje koɓɛ̀ guùŋ maŋ gboò nyiŋ màŋ sùà ke jii fàa yèè e ɓɛ̀ɛ̀jàa sùà,

Luùm 9:3

wèè anyunùim nyàŋ, e kèìŋ yèè maŋ sɛ̀ìŋ miàŋ bi màŋ! Wèè esàɓù aŋ wùìyaim nyàŋ, aŋ Juùù nyaŋ, mìŋ he weè nàŋ mɔ̀nɔ̀ŋ ka nɔ̀ŋ e gbòònò Dayàa dìì, yèè wèè woim gè anyùùŋ màŋjɛ̀wɛ̀ nyaŋ sùà wo Kulaì maŋjɛ̀wɛ.

1 Kɔliìŋ 2:3

Kpeiŋ nààŋ mìŋ naŋ hnè ko nɛ̀ɛ̀iŋ niìŋ, e kɔɔ mɛ̀ naŋ nɔ̀ŋ sùà ɓèèlɛ̀ɛ̀ è jele kpàkpà wèè e jùù,

1 Kɔliìŋ 7:22

Wo ɗoɔ̀ wo Kanaà naŋ nyààŋ wɔ, wò yaà wo nyuùŋ gè nyààŋ diɛŋ wèè Kanaà, e ɗèwè guùŋ bi sùà, wo nyùnɔ̀ɔŋ àŋ naŋ gè nyààŋ diɛŋ wèè wo ka, yèè wo Jisɛ̀ Kulaì naum nyààŋ wɔ wò yaà wo ɗo wèè Jisɛ̀ Kulaì.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 7:15

E wèètii e mànauŋ nɛ̀ weèiŋ naŋ ngèè ɓɛìŋ nyìngè sùà, nààŋ wò naŋ jàà jii e ɗeweɛ̀ nyɛ̀iŋ nààŋ gbiŋ nìŋ naŋ banebànè wèè naŋ jɔ̀ɔ̀lɔ̀ e mìè nyaàuŋ nɛ̀ dìì, e ɗeweɛ̀ nìŋ nauŋ ɓèè e jùù yaà e kɔɔ jèla sùà lɛ.

Ɛfesɔ̀ 5:22

Nyɛ̀iŋ nààŋ jɔ̀ùŋ nèè yɛ̀ɛ̀ nyaŋ, jɔ̀ɔ̀lɔìŋ aŋ faniŋ nyàŋ dìì màànààŋ nìŋ jɔɔlɔ̀ Kanaà dìì lɛ.

Ɛfesɔ̀ 6:24

Mìŋ zoolà wèè e tɛ̀ɛ̀tɛ̀ɛ̀ Dayàa e nɔ̀ŋ wèè anyùùŋ nyaŋ kinɛiŋ kuwa e mànaŋ gò jùà e wèè Kana wiɔ̀ Jisɛ̀ Kulaì nyaŋ.

Fèle 2:12

Weètii nyɛ̀iŋ nààŋ wùìyaim nyàŋ, nààŋ nìŋ naim wa jɔ̀ɔ̀lɔ̀ dìì e teengaà gbiŋ mìŋ yaà wa ko nɛ̀ɛ̀iŋ niìŋ lɛ, è yaà ngèè pɛɛ naàŋ tɛ̀ɛ̀ wèè naim jɔ̀ɔ̀lɔ̀ dìì nààŋ miŋ fèìŋ ɓɛìŋ è tɛɛ lɛ̀. Weètii sìaìŋ ke di e kìlà niŋ tomo nyìnga e nyaàiŋ dè e jòèyeiŋ nɛ̀, wèè niŋ nyìmàŋ kɛ̀ kiìŋ è naŋ fasàì wèè naŋ wa nàwèè yɛ̀mɛ̀ e jòèye,

Felemɔ̀ŋ - PHM 1:16

kɛɛ wo fè hinie mààŋ wò ɗo. Wo Onisimɔ̀ŋ yaà wo wùìya kɛnɛ e nìàŋ wo ɗo. Wò yaà wo wùìya mɔ̀ɔ̀nɔŋ kɛnɛ ko nɛ̀ɛ̀ŋ miìŋ yèè kai kai ngèè ko nɛ̀ɛ̀ŋ muìŋ, nààŋ wo yaà nyuùŋkpùuŋ wɔŋ kɔɔ sùà yèè wo nyùùŋ màŋjɛ̀wɛ Kanaà Jisɛ̀ Kulaì.

1Pììlɛ 3:2

E fèfoo àŋ do nàŋ yɛ̀mɛ̀ e ɗeweɛ̀ e zɛ̀nɛ̀ŋ kiium mɔ̀ɛ̀ yèe e jùù yààùm wèè Dayà, e kìlà e tɔ̀mɛ fè è tùwò kiium mɔ̀ɛ̀ sùà lɛ.