Ɛfesɔ̀ 6:24 - WƆŊ FƐ̀Ì EBÒ SÌÀŊ DAYÀA

²⁴ Mìŋ zoolà wèè e tɛ̀ɛ̀tɛ̀ɛ̀ Dayàa e nɔ̀ŋ wèè anyùùŋ nyaŋ kinɛiŋ kuwa e mànaŋ gò jùà e wèè Kana wiɔ̀ Jisɛ̀ Kulaì nyaŋ.

Ɛfesɔ̀ 6:24 ပူးပေါင်းရင်းမြစ်များ

Maafiù 22:37

Wo Jisɛ̀ naŋ fasàì wààŋ, “Mùniàŋ wo Kanaà wo Dayà mɔɔ̀ŋ ke jii mɔɛ̀ŋ gbiŋ, wɔŋ nyììŋ jinàŋ mɔɔ̀ŋ gbiŋ, e gòngo mɔ̀ɛ̀ gbiŋ, yèè e gaàŋ mɔ̀ɛ̀ gbiŋ.

Maafiù 28:20

e kìlà niŋ kaà nyiŋ wèè aŋ jɔɔlɔ̀ e yèɛ gbiŋ mìŋ naiŋ kaà lɛ dìì. Yèè mìŋ doiŋ nàŋ nɔ̀ŋ maŋjɛ̀wɛ e teenga gbiŋ, e jèesùà e hàì ko dìà e ɗuunyaàŋ.”

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

2 Kɔliìŋ 8:12

Sèè e wùànàŋ e kìɛŋ è nɔ̀ìŋ, wo Dayà do nàŋ jàà e kìɛiŋ nɛ̀ kùàŋ dìì e yìwìà e yèɛ nìŋ kuwa wèè naŋ kiɛ̀ŋ lɛ sùà, e fè wèè è yèɛ fèìŋ sìwè lɛ.

2 Kɔliìŋ 8:8

Miŋ fè hàa sùà màŋ sàwà. Kɛɛ sèè mìŋ nɔ̀ŋ tɔ̀ɔ sùà e ɗeweɛ̀ anyùuŋ bà e wùànàŋ kpùùmaŋ yaà nyiìŋ nɛ, mìŋ yaà fɛ̀ɛ sùà wèè kaiŋ tùàŋ maŋ nɔnɔŋ wèè ka nyìmàŋ kɛ̀ dièsɔa nyɛ̀iŋ bi e mànaiŋ nɛ̀ è yaà.

Ɛfesɔ̀ 6:23

Mìŋ zoolà wèè wo Dayà wo Dèdaà yaà wo Kanaà Jisɛ̀ Kulaì kiɛ̀ŋ aŋ wùìya kùwìè e hààwe nyàŋ gbiŋ ke jii fàa yèè e mànaŋ yaà e hààwe.

Fèle 1:1

E yìwìà miàim Pɔɔ̀ yaà wo Timetè sìwè, aŋ ɓɔ̀ìjɔ̀à Jisɛ̀ Kulaì nyaŋ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ gbiŋ ko Fèlepì, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ, e kpùlìà aŋ sìèfèìŋ anyuùŋ hààwe nyàŋ yaà anyuùŋ tòmo dàwi nyiŋ nyàŋ.

Kòlo 4:18

Wɔŋ kùàŋ miàŋ biɔ̀ naŋ tɛɛ̀ sìngè. E zùùmo e yìwìà miàim Pɔɔ̀ sìwè. Ɓɔ̀ nìŋ nyɛɛnɛ̀ŋ kɛ̀ kòò mìŋ yaà nɔŋ maŋ jɔ̀ɔɔ ko sààŋ nyìwìi. Mìŋ zoolà wèè wo Dayà wo nɔ̀ŋ tɛ̀ɛ̀ ko nɛ̀ɛ̀iŋ niìŋ.

2Time 4:22

Wo Kanaà Jisɛ̀ yɛmɛ̀um diɛŋ. Tɔ̀ e tɛ̀ɛ̀tɛ̀ɛ̀ Dayàa nɔ̀ŋ nyɛ̀ìŋ gbiŋ maŋjɛ̀wɛ.

Taitɔ̀ 2:7

E gbio sùà, muàŋ bi nɔ̀ŋ e tɔ̀ɔ̀màŋsèì maŋ kpèè siaŋ. Mùŋ kuwa maŋ jilɛ̀ŋ, e kìlà maŋ sìà ke di e kàa mɔ̀ɛ̀ sùà.

Taitɔ̀ 3:15

Anyùùŋ nyaŋ gbiŋ kùwàìm maŋjɛ̀wɛ nyàŋ naiŋ tùɔ̀ŋ zùùmo. Zùùmoò aŋ dàwi wi nyàŋ mànàŋ wì e hààweɛ̀ sùà nyaŋ. Mìŋ zoolà wèè e tɛ̀ɛ̀tɛ̀ɛ̀ Dayàa e nɔ̀ŋ nyiŋ gbiŋ diɛŋ.

Hiɓu 13:25

Mìŋ zoolà wèè wo Dayà wo nɔ̀ŋ tɛ̀ɛ̀ ko nɛ̀ɛ̀iŋ niìŋ.