Ɛfesɔ̀ 6:20 - WƆŊ FƐ̀Ì EBÒ SÌÀŊ DAYÀA

²⁰ Wo Dayà naim tùɔ̀ŋ wèè ka nyɛ̀nɛ̀ŋ e tòmo lɛɛ̀, yèè e wèè esaɓù lɛɛ̀, àŋ naim sìè maŋ jɔ̀ɔ̀ɔ ko sààŋ nyìwìi. E wèètii zòòloìŋ wèè miŋ kuwìè ke jii miŋ gbòà màànààŋ è kanaŋ lɛ̀.

Ɛfesɔ̀ 6:20 ပူးပေါင်းရင်းမြစ်များ

Nyɛ̀nɛ̀ŋ 21:33

Kpeiŋ wo kànà aŋ kààlòòɗùàa naŋ hnè yèè wò naŋ kùwò wo Pɔɔ̀ yèè àŋ nauŋ sìè maŋ jɔ̀ɔ̀ tìyèe. Kpeiŋ wò naŋ dawè wààŋ, “Ɓòò nàŋ yaà wo felaa wɛɛ̀ yèè kiìŋ wò naŋ nyɛ̀nɛ̀ŋ?”

Nyɛ̀nɛ̀ŋ 26:29

Wo Pɔɔ̀ naŋ fasàì wààŋ, “Sèè pɛɛ e ɓèmè e teenga kpuu ɔ̀ɔ̀ e teenga mùŋlaŋ, mìŋ yaà zòòlò wo Dayà wèè nyɛ̀iŋ nyàŋ gbiŋ naim nàaŋ kumiè nyaŋ niŋ nɔ̀ŋ anyuùŋ hààwe mààŋ miàŋ bì. E kìlà ɓɔ̀ nìŋ nɔ̀ŋ àŋ pèesìnàŋ wèè aiŋ sìà màŋ jɔ̀ɔɔ mɛɛ̀ŋ, màànààŋ àŋ naim miŋ sìè lɛ.”

Nyɛ̀nɛ̀ŋ 28:20

Wèè esaɓù lɛɛ̀ mìŋ naŋ dawè wèè kaum yɛmɛ̀ e kìlà wèè kaum gbòà kɔɔ, nààŋ è yaà esàɓù wo nyùnɔ̀ɔŋ wo yèɔ anyùùŋ Ezɔ̀ɛ̀ nyaŋ kuwa ke jii tùlia sùà wɔ àŋ naim sìè maŋ jɔ̀ɔɔ mɛɛ̀ŋ.”

Nyɛ̀nɛ̀ŋ 28:31

Wò hewa gbòà e nyaàiŋ dè e Kànà Dayàa yèè wo kàà anyùùŋ nyaŋ e nyaàiŋ dè wo Jisɛ̀ Kulaì, yèè wo nyùùŋ gbiŋ gòuŋ wa kèèwè kùàŋ feìŋ.

Nyɛ̀nɛ̀ŋ 5:29

Wo Pììlɛ yèè aŋ keela tàeɗùù gbànaŋ nyàŋ naŋ nyiŋ fasàì nyààŋ, “È kuwa eiŋ nyɛ̀nɛ̀ŋ e yèɛ wo Dayà manaŋ wèè eiŋ nyɛ̀nɛ̀ŋ lɛ, e kuwàìŋ è kpàŋ wèè eiŋ nyɛ̀nɛ̀ŋ è yèɛ anyuùŋ kpùuŋ manaŋ lɛ̀.

2 Kɔliìŋ 3:12

Nààŋ è kùwàìŋ naàŋ ke jii tùlia yɛɛ̀ lɛ, è kuwa jii nyingè wèè gbòa,

2 Kɔliìŋ 5:20

È yààìŋ gbuuyè wèè Jisɛ̀ Kulaì, mààŋ koɓɛ̀i wo Dayà wuŋ bi wò yààìŋ dàwe sùà e yìwìà yàwi sùà lɛ. È gboo wèè Kulaì, tɔ̀ wo Dayà vɔɔnɔ̀iŋ e yìwìà koɓɛ̀ aŋ joouŋ wèè koɓɛ̀ anyuùŋ mɔ̀ɔ̀nɔuŋ.

Ɛfesɔ̀ 3:1

Wèè esaɓù lɛɛ̀ miàim Pɔɔ̀, wo Jisɛ̀ Kulaì naim nyɛ̀nɛŋ wèè ka nɔ̀ŋ wo nyùùŋ màŋ keì wèè nyɛ̀iŋ nààŋ nyùùŋ nyaŋ fè àŋ Juùù nyaŋ.

Ɛfesɔ̀ 4:1

Nààŋ miàim Pɔɔ̀, mìŋ yaà wo nyùùŋ màŋ keì wèè Kanaà lɛ, mìŋ yààìŋ pɔ̀wɔ sùà, nààŋ wo Dayà naiŋ nyààŋ wèè nauŋ haawè maŋ nyiiŋ gèeiŋ màŋ sùà lɛ.

Ɛfesɔ̀ 6:19

Yèè zòòloìŋ e weèim miàŋ pɛɛ, wèè Dayà kiɛ̀im ke miè gbìaŋ sèè mìŋ banaŋ bànàŋ wèè ke gbòà, e wèè ka gbùùyà ke jii nyingè, ka nyɛ̀nɛ̀ŋ aŋ nyìmàŋ ke gbùnuɛ̀ e nyaàiŋ dè ke mìè gbìàŋ ebò siaàŋ.

Fèle 1:20

E yèɛ mìŋ yaà yɛ̀ɛ̀mɛ̀ dòmaŋ, yèè ke jii tùliaà mìŋ kuwa lɛ̀ nàŋ yaà kɛ̀ miŋ naàŋ wa nàwèè nyɛ̀nɛ̀ŋ è keì gbiŋ wèè eim nyìnìàŋ sàngè. Kɛɛ wèè e teenga gbiŋ, yèè sààmɛ pɛɛ, mìŋ do nàŋ kɛ̀ɛ̀nɛ̀ŋ ke jii nyingè, wèè ke kpùnaŋ miɛ̀ŋ gbiŋ ke hìàŋ e ɓɛ̀ɛ̀jàa koɓɛ̀ Jisɛ̀ Kulaìi, sèè pɛɛ ka nɔ̀ŋ wɔŋ nyiiŋ gèe sùà ɔ̀ɔ̀ ka fà.

Fèle 1:7

E kiiŋ nɛ̀ è yaà ke jii miɛ̀ŋ diɛŋ e teenga gbiŋ. Weètii è yaà nɔŋ tɛ̀ɛ̀ wèè ka gòngò e kiiŋ e ɗewe lɛɛ̀ sùà. Nyɛ̀iŋ nààŋ gbiŋ nàŋ nɔ̀ŋ aŋ bàiŋbà wèè e keì sìàŋ lɛɛ̀ e yèɛ wo Dayà naim kiɛ̀ŋ lɛ, e teengaà mìŋ yaà ko sààŋ nyìwìi yèè e teengaà miŋ fè wa è keì dìì wèè ka dè ebò siaàŋ gòlò jɛwɛ e kìlà ka wòò e kii niŋ e tɔ̀ɔ̀nyaàŋ sùà lɛ.

Kòlo 4:3

E tèèngà guùŋ bi, zòòloìŋ weè wi yàwi pɛɛ, kɛ̀ wo Dayà do wi nàŋ kìɛ̀ŋ e ɗeweɛ̀ wèè eiŋ wòò ke miè gbìauŋ nɛɛ̀ŋ e nyaàiŋ dè ke gbùnuɛ̀ wo Kanaà Jisɛ̀ Kulaì sùà. E wèè esàɓù tɛɛ̀ zà mìŋ yaà naàŋ ko sààŋ nyìwì.

Kòlo 4:4

Kɔ̀nɛɛ̀ŋ, zòòloìŋ wèè miŋ woò ke miè gbìaàŋ ke nɔ̀ŋ janjai koɓɛ̀ anyùùŋ nyaŋ.

1Tɛsè 2:2

Nàŋ nyìmàŋ e ɗeweɛ̀ àŋ naŋ wi kùwìè le siwè naanààŋ aŋ wi pɔ̀ɔ̀ɓɛ̀ɛ ko Fèlepì pangàà è naŋ hnè nɛ̀ɛ̀iŋ niìŋ ko Tɛsèlonikà. Jòòpɛɛ aŋ joo wi yaào, kɛɛ wo Dayà wiɔ̀ naŋ wi sìè ke di wèè eiŋ dàànè Ebò Siaàŋ e yèɛ yewe ko nɛ̀ɛ̀uŋ niìŋ lɛ.

2Time 1:16

Tɔ̀ wo Kanaà tɔ̀ɔ̀ ke nyowo koɓɛ̀ ke kpòò Ɔ̀nesifelɔ̀ɛ, esaɓù nàŋ yaà, wò kiɛ̀ìm ke jii fàa e teenga zimgbe sùà. E sàngè gòuŋ nyɛ̀nɛ̀ŋ wèè màŋ jɔ̀ɔ̀ɔ màŋ àŋ naim wa sìè kò sààŋ nyìwìi lɛ.

2Time 2:9

Esàɓù Ebò Siaàŋ mìŋ woà lɛ, mìŋ kuwo e keì nyìnga yèè aim sìà maŋ jɔ̀ɔ̀ɔ mààŋ wo nyuùŋ nyɛ̀nɛ̀ŋ e keì naanààŋ. Kɛɛ ke mìè Dayà ke fè màŋ jɔ̀ɔ̀ɔ sùà,

Felemɔ̀ŋ - PHM 1:10

Mìŋ yààùm dàwe sùà wèè maŋ kpùùmàŋ wo Onisimɔ̀ŋ. Wò yaà mààŋ wo jɔ̀àfelaa ko nɛ̀ɛ̀ŋ miìŋ wo Jisɛ̀ Kulaì sùà, esaɓù kɛ̀ mìŋ naùŋ wa dè ke dòmàŋ Jisɛ̀ Kulaìɛ diɛŋ e teengaà yàwiuŋ yaà wa ko sààŋ nyìwìi lɛ̀.

Felemɔ̀ŋ - PHM 1:9

Kɛɛ mìŋ yààùm dàwe sùà wèè maŋ niŋ nyɛ̀nɛ̀ŋ esàɓù e mànaŋ. Hɛ̀ɛɛ̀ŋ, jòòpɛɛ miàŋ nàŋ yaà Pɔɔ̀ wo nyuùŋ kɔ̀à ke miè gbìàaŋ e kìlà mìŋ yaà wo nyùùŋ màŋ keì wèè wo Jisɛ̀ Kulaì.

1Jɔ̀ɔŋ 3:16

E ɗeweɛ̀ wo Jisɛ̀ Kulaì naŋ wa fɔ̀ lɛ naŋ wi tɔɔ̀ kɛ̀ kiìŋ nàŋ yaà e mànaŋ. Wo Kulaì naŋ wa hèè wɔŋ nyiiuŋ nɔɔ̀ŋ dìì e weè wi, yèè sɔɔ̀ eiŋ hàà maŋ nyiiŋ wi màŋ dìì wèè àŋ wùìya wi nyàŋ.

Juù 1:3

Nyɛiŋ nààŋ dàwi mànaim nyàŋ, tɔɔɓaa mìŋ yaà wa zoolo sɛmɛ e wànàŋ gbee sùà wèè ka sìngà ko nɛ̀ɛ̀iŋ niìŋ e nyaàiŋ dè e jòèyè nɛɛmaàŋ è naiŋ gòònò e fèemàŋ lɛ. Kɛɛ sɔɔ̀ ka sìngà kaiŋ dawè wèè naŋ dè e hààwe bi gòlò jɛwɛ e yèɛ wo Dayà naŋ kìɛ̀ŋ anyunùuŋ nyàŋ yèè e bà gbiŋ gò jòò jɛ̀wɛ̀ lɛ.