Ɛfesɔ̀ 6:19 - WƆŊ FƐ̀Ì EBÒ SÌÀŊ DAYÀA

¹⁹ Yèè zòòloìŋ e weèim miàŋ pɛɛ, wèè Dayà kiɛ̀im ke miè gbìaŋ sèè mìŋ banaŋ bànàŋ wèè ke gbòà, e wèè ka gbùùyà ke jii nyingè, ka nyɛ̀nɛ̀ŋ aŋ nyìmàŋ ke gbùnuɛ̀ e nyaàiŋ dè ke mìè gbìàŋ ebò siaàŋ.

Ɛfesɔ̀ 6:19 ပူးပေါင်းရင်းမြစ်များ

Nyɛ̀nɛ̀ŋ 13:46

Kɛɛ wo Pɔɔ̀ yaà wo Bànaŋɓà naŋ ngèè ɓɛìŋ gbòò maŋ jii nyingè sùà nyààŋ, “È yaà weè tɛ̀ɛ̀ wèè eiŋ gbòà ke mìè Dayàa ko nɛ̀ɛ̀iŋ niìŋ jiɛ̀. Kɛɛ nààŋ niŋ gò nyiŋ jàà kùàŋ dìì yèè niŋ gò ɓèmè nyɛ̀iŋ bi wèè naŋ nɔ̀ŋ anyuùŋ kɛnɛ wèè wɔŋ nyiiŋ gèe gò jùà lɛ̀, è yààìŋ jòà sùà eiŋ kìlà koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 14:3

Wo Pɔɔ̀ yaà wo Bànaŋɓà naŋ wa nɔ̀ŋ aŋ seì e hààwe nyiŋ nɛ̀ wo Kanaà Jisɛ̀ sùà, yèè àŋ nao nɔ̀ŋ wèè e teenga kpàa bà, àŋ yaà gbùùyè ke mìè Dayàa ke jii nyingèò sùà koɓɛ̀ anyùùŋ nyaŋ. Wo Kanaà Jisɛ̀ naŋ nyiŋ wa kìɛ̀ŋ e gààŋ wèè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì. Wo Kanaà naŋ wa tɔɔ̀ kɛ̀ ke miè gbìaŋ nyiŋ nɛɛ̀ŋ e nyaàiŋ dè ke kpèè siauŋ nɛɛ̀ŋ kè yaà wa tɔ̀ɔ̀nyaàŋ.

Nyɛ̀nɛ̀ŋ 18:26

Wo Àpolò naŋ tɔ̀ɔ̀tù gbòa janyai ko sààŋ zòòlò aŋ Juùù nyaŋ. Kɛɛ nààŋ wo Pɛ̀silià yèè wo Àkuilà nauŋ kumiè, àŋ nauŋ ɓemè auŋ kòà ko gboo nyiŋ noo yèè àŋ nauŋ kaà wèè wo nyìmàŋ e làngì Dayàa tɛ̀ɛ̀.

Nyɛ̀nɛ̀ŋ 19:8

Wo Pɔɔ̀ naŋ ɓèmè maŋ wàà taai wò yaà kɔ̀ɔ̀yɛ̀ ko sààŋ zòòlò aŋ Juùù nyaŋ ko gbùùyè anyùùŋ nyaŋ kɔɔ ke jii nyingè sùà e nyaàiŋ dè e Kànà Dayàa. Wò yaà wa kààmè e ɗewe wèè wo kìlà nyiŋ koɓɛ̀ Dayài.

Nyɛ̀nɛ̀ŋ 2:4

Kpeiŋ wo Jìnàŋ Nɛɛmaàŋ naŋ wa dìè aŋ gbiŋ maŋ jiio sùà, yèè àŋ naŋ tɔ̀ɔ̀tù maŋ kaìŋ joo gbùùyà sùà nààŋ wo Jìnàŋ Nɛɛmaàŋ naŋ nyiŋ wa nyɛ̀nɛ̀ŋ wèè aŋ miŋ gbòà lɛ.

Nyɛ̀nɛ̀ŋ 28:31

Wò hewa gbòà e nyaàiŋ dè e Kànà Dayàa yèè wo kàà anyùùŋ nyaŋ e nyaàiŋ dè wo Jisɛ̀ Kulaì, yèè wo nyùùŋ gbiŋ gòuŋ wa kèèwè kùàŋ feìŋ.

Nyɛ̀nɛ̀ŋ 4:13

È naŋ wa fòònò anyùùŋ gbèègbèè fuɔɔ̀ŋ wèè aŋ yɛ̀mɛ̀ wo Pììlɛ yèè wo Jɔ̀ɔŋ aŋ gbòà ko nɛ̀ɛ̀ŋ nyiŋ niìŋ janyai, tiŋ zà kɛ̀ aŋ fèlàà tìyèe nyɛɛ̀ŋ hewa jòò ko vàaì yèè aŋ gò wa kà kò sààŋ fɛi gbèe wèè aŋ gbèè wɔŋ fɛi. Kpeiŋ anyùùŋ gbèègbèè fuɔɔ̀ŋ naŋ ngàà jààèjii kɛ̀ aŋ fèlàà tìyèe nyɛɛ̀ŋ yaà wa wo Jisɛ̀ maŋjɛ̀wɛ.

Nyɛ̀nɛ̀ŋ 4:29

Weètii Kanaà, kùmiàŋ e yèɛ àŋ wòà lɛ yèè e kèè e nànàaŋ àŋ manaŋ aŋ wi jàà lɛ, yèè muŋ gè wi, aŋ ɓɔìjɔ̀àuŋ nyàŋ, nyààŋ diɛŋ, e jùù ɓɔ̀ è nyɛ̀nɛ̀ŋ wi wèè eiŋ wòò ke miè gbìaŋ mɔɛ̀ŋ janyai.

Nyɛ̀nɛ̀ŋ 4:31

Nààŋ àŋ naŋ wa kpɛ̀ɛ̀yɛ̀ Dayà zòòlo, koɓɛ̀i àŋ naŋ wa deenè lɛ naŋ wa mɛɛmɛ̀ɛ̀ŋ. Wo Jìnàŋ Nɛɛmaàŋ naŋ nyiŋ wa dìèsùà yèè àŋ naŋ tɔ̀ɔ̀tù ke mìè Dayàa gbòa janyai ke jii nyingè sùà.

Nyɛ̀nɛ̀ŋ 9:27

Kɛɛ wo Bànaŋɓà nauŋ wa ɓemè, yèè wò nauŋ hìɛ̀ŋ koɓɛ̀ aŋ keela tàeɗùù nyaŋ. Wò naŋ nyiŋ kìɛ̀ŋ ke jii gbài e nyaàiŋ dè e ɗeweɛ̀ wo Sɔɔ̀, ke dòmàŋ kààìuŋ nɛɛ̀ŋ diɛŋ wò naŋ yɛ̀mɛ̀ wo Kanaà Jisɛ̀, yèè wo Kanaà nauŋ gbòò kɔɔ. Yèè wo Bànaŋɓà naŋ nyiŋ ɓɛìŋ woò kɛ̀ e teengaà wo Sɔɔ̀ yaà ko Dàmakɔ̀ lɛ, wò naŋ gbòò janyai e dèè Jisɛ̀ɛ diɛŋ.

Nyɛ̀nɛ̀ŋ 9:29

Wo Sɔɔ̀ hewa gbòà janyai e dèè Kanaà sùà. Wuŋ yèè aŋ Juùù gbòà Guliì mie nyàŋ hewa kpaane kpàànè, yèè àŋ naŋ kàmè ɗewe wèè auŋ jìwà.

Luùm 15:30

Nyɛ̀iŋ nààŋ wùìyaim nyàŋ, e yìwìà e gààŋ Kanaà Jisɛ̀ Kulaìɛ sùà yèè e mànaàŋ yewe wo Jìnàŋ Nɛɛmaàŋ sìwè lɛ, mìŋ yààìŋ pɔ̀wɔ sùà wèè yàwi nààŋ gbiŋ eiŋ zòòlò wo Dayà koɓɛ̀ guùŋ e weèim.

Luùm 16:25

Jòòwò wiìŋ e tɛ̀ɛ̀tɛ̀ɛ̀ Dayàa! Wò ɓɛ̀nɛ̀ŋ nyɛ̀nɛ̀ŋ e hààwe mɔ̀ɛ̀ e nyìngà sùà wèè julɔfɔ esàɓù Ebò Siaàŋ mìŋ naiŋ woò lɛ e nyaàiŋ dè wo Jisɛ̀ Kulaì. Tɛɛ̀ nàŋ yaà ɓɛìŋ e yèɛ ke gbùnuɛ̀ yaà wa ko nyɛɛnɛŋ maŋ doà gɔu bà sùà yɛ.

1 Kɔliìŋ 1:5

Esàɓù e nɔ̀iŋ aŋ bàiŋbà wo Jisɛ̀ Kulaì sùà, nìŋ naŋ nɔ̀ŋ anyuùŋ bàne manɛ̀ŋ maŋ gbiŋ sùà, e kpùlìà maŋ mìè gbòa yaà e jiikɛ̀ɛɛ̀ gbiŋ.

1 Kɔliìŋ 2:7

E jiikɛ̀ɛɛ̀ mìŋ woà e kiiŋ niŋ nɛ̀, wo Dayà nàŋ kanaŋ e jììkɛ̀ɛ̀ gbùnu bi, e yèɛ yaà ko nyɛɛnɛŋ koɓɛ̀ anyuùŋ kpùuŋ nyàŋ lɛ, kɛɛ wòiŋ wa tàeɗùù tɛ wèè e nɔ̀ŋ wèè e jòòwo wilɛ̀ pangàà pɛɛ wò naŋ wa bànè e ɗuunyaàŋ.

1 Kɔliìŋ 4:1

Kɛ̀ɛ̀nɛɛ̀ìŋ e gòngo wèè wi mààŋ aŋ ɓɔìjɔ̀à wèè Jisɛ̀ Kulaì, aŋ yè nyaŋ àŋ naŋ kìɛ̀ŋ e tòmo wèè aŋ gɔ̀àì ke mìè gbìàŋ ke gbùnù Dayàa sùà nyaŋ.

2 Kɔliìŋ 1:11

Nyɛ̀iŋ pɛɛ kpùùmaìŋ niŋ zoolò weè wi, wèè anyuùŋ zimgbe aŋ gè Dayà ɓaikà wèè wi, wèè e kìɛɛ̀ŋ wò naŋ wi fè e yìwìà maŋ zòòlo zimgbe màŋ wò naŋ jàà kùàŋ dìì maŋ.

2 Kɔliìŋ 3:12

Nààŋ è kùwàìŋ naàŋ ke jii tùlia yɛɛ̀ lɛ, è kuwa jii nyingè wèè gbòa,

2 Kɔliìŋ 6:11

Èiŋ gbòà e kɔɔ janjai nyɛ̀iŋ nààŋ nyùùŋ Kɔliìŋ nyaŋ, yèè èiŋ yìlè maŋ jii wi màŋ gbòlòùŋ.

2 Kɔliìŋ 7:4

Mìŋ kùwàìŋ ke jii tùlia gbee sùà, yèè mìŋ kuwa e ɓɛ̀ɛ̀jàa gbee weèiŋ. E kìlà ke di naim diè, yèè kpùlìà maŋ keì nyìnga wi màŋ gbiŋ sùà, mìŋ naŋ dìè, ke jii nyingè yèè e zɔlɔ̀ zimgbe yaà jii miɛ̀ŋ.

2 Kɔliìŋ 8:7

Kpeiŋ nààŋ nìŋ yaà naàŋ kɔ̀ɔ̀yɛ̀ feìŋ tɛ̀ɛ̀ manɛ̀ŋ maŋ gbiŋ sùà, e hààwe sùà, e gbòà kii sùà, e jiikɛ̀ɛ sùà, e wùànàŋ e kpùùmaiŋ nɛ̀ gbiŋ sùà, yèè e mànaàŋ nìŋ kuwa weè wilɛ̀. E wèètii e mànaiŋ nɛ̀ sùà ɓɔ̀ nìŋ nyìngà kò sìwè wèè è tòmò kìɛŋ lɛɛ̀.

Ɛfesɔ̀ 1:9

Esàɓù e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ lɛ sùà, wo Dayà naŋ wi nyɛ̀nɛ̀ŋ wèè eiŋ nyìmàŋ e ɗèweɛ̀ wò kuwa ke gbùnu sùà, yèè wò naŋ naàŋ ɗewè tɛ wèè wo niŋ kpɛ̀ɛ̀yɛ̀ nyɛ̀nɛŋ esàɓù Jisɛ̀ Kulaì sùà.

Ɛfesɔ̀ 3:9

yèè wèè ka nyɛ̀nɛ̀ŋ anyùùŋ nyaŋ gbiŋ nyìmàŋ e ɗeweɛ̀ ke gbùnù Dayàa kuwa ke nɔ̀ŋ tòòmo nyiŋ lɛ̀. Wo Dayà wo yèɔ naŋ bànè e nɛ̀ŋ gbiŋ wɔ̀, naŋ wa nyɛ̀ɛ̀nɛ̀ŋ ke gbùnuuŋ nɛɛ̀ŋ e teenga lii gbiŋ sùà.

Kòlo 2:2

Mìŋ nyɛnɛŋ tɛɛ̀ wèè ka nyiŋ kiɛ̀ŋ ke jii nyingè e kìlà ka nyiŋ jàànè koɓɛ̀ guùŋ e mànaŋ sùà, wo Dayà do nyiŋ nàŋ kìɛ̀ŋ e kpùùmaŋ gbee wèè aŋ nyìmàŋ kɛ̀ kiìŋ e nɛ̀ŋ nyìmaŋ kɛnɛ hiàŋ. E ɗewe lɛɛ̀ sùà, àŋ do nàŋ nyìmè ke gbùnù Dayàa. Ke gbùnu bi zà nàŋ yaà wo Jisɛ̀ Kulaì wuŋ bi.

Kòlo 4:3

E tèèngà guùŋ bi, zòòloìŋ weè wi yàwi pɛɛ, kɛ̀ wo Dayà do wi nàŋ kìɛ̀ŋ e ɗeweɛ̀ wèè eiŋ wòò ke miè gbìauŋ nɛɛ̀ŋ e nyaàiŋ dè ke gbùnuɛ̀ wo Kanaà Jisɛ̀ Kulaì sùà. E wèè esàɓù tɛɛ̀ zà mìŋ yaà naàŋ ko sààŋ nyìwì.

1Tɛsè 2:2

Nàŋ nyìmàŋ e ɗeweɛ̀ àŋ naŋ wi kùwìè le siwè naanààŋ aŋ wi pɔ̀ɔ̀ɓɛ̀ɛ ko Fèlepì pangàà è naŋ hnè nɛ̀ɛ̀iŋ niìŋ ko Tɛsèlonikà. Jòòpɛɛ aŋ joo wi yaào, kɛɛ wo Dayà wiɔ̀ naŋ wi sìè ke di wèè eiŋ dàànè Ebò Siaàŋ e yèɛ yewe ko nɛ̀ɛ̀uŋ niìŋ lɛ.

1Tɛsè 5:25

Wùìya wi nyàŋ, zòòloìŋ weè wi yàwi pɛɛ.

2Tɛsè 3:1

Ko jèè e ɗìi nyɛ̀iŋ nààŋ wùìya wi nyàŋ, zòòloìŋ weè wi wèè ke mìè gbìàŋ Kanaà Jisɛ̀ ke kunò nɔŋ ɓààye keleiŋ, yèè ke yɛmɛ̀ kuàŋ jàà dìì e ɓɛ̀ɛ̀jàa sùà, màànààŋ nɔŋ è naŋ kaaìŋ e teengaà è yààìŋ e tɛɛ lɛ̀.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

Felemɔ̀ŋ - PHM 1:22

Kɔ̀nɛɛ̀ŋ bànè ko sààŋ nyùùnèènyɛiŋ e weèim. Mìŋ kuwa ke jii tùliaà kɛ̀ wo Dayà doum naŋ kpuumò wo jàà e zòòloìŋ nɛ̀ kùàŋ dìì, yèè mìŋ doum nàŋ jààmè.

Hiɓu 13:18

Zòòloìŋ weè wi e teenga gbiŋ. Èiŋ hààwè kɛ̀ è kùwàìŋ maŋ jii sengèì, esaɓù kɛ̀ è manaŋ eiŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ e teenga gbiŋ.