Ɛfesɔ̀ 6:18 - WƆŊ FƐ̀Ì EBÒ SÌÀŊ DAYÀA

¹⁸ Nyìniaìŋ tɛɛ̀ gbiŋ e zòòlo sùà, nìŋ yaà dààwè Dayà wèè e kpùùmaŋ. Zòòloìŋ ke nyɛ̀nɛŋ gbiŋ sùà, nààŋ nɔŋ wo Jinàaŋ siàìŋ feìŋ nɛ. E wèè esaɓù lɛɛ̀, nɔ̀ɔìŋ fɛɛ̀ wòwò yèè e bɔ̀mɔ̀ŋ ɓɔ̀ è wùìyàiŋ, zòòloìŋ e teenga gbiŋ wèè anyùùŋ nɛɛmaŋ nyàŋ.

Ɛfesɔ̀ 6:18 ပူးပေါင်းရင်းမြစ်များ

Maafiù 17:21

E zòòlo yèè ke tɔùŋ kùwa nɔŋ nàŋ gè wo jinàŋ naanààŋ mààŋ wɛɛ̀ wo nyùùŋ maŋjɛ̀wɛ.”]

Maafiù 26:41

Yɛ̀mɛìŋ nyɛ̀iŋ bi diɛŋ, yèè niŋ zoolò wèè e wàà e keì nyìnga goiŋ nàŋ hnè feìŋ. Kà nyìmàŋ kɛ̀ nìŋ manaŋ naŋ nyɛ̀nɛ̀ŋ e yèɛ yaà tɛ̀ɛ̀ lɛ, kɛɛ niŋ fè niŋ ɓɛ̀nɛ̀ŋ nyɛ̀nɛŋ è gààŋ è kèìŋ nyuùŋkpùuŋ nɛ̀ sùà.”

Luù 21:36

Yɛ̀mɛìŋ nyɛ̀iŋ bi diɛŋ yèè niŋ dawè wo Dayà e teenga gbiŋ wo kiɛ̀iŋ e gààŋ wèè maŋ keì mɛɛ̀ŋ do yaà nàŋ kaaìŋ maŋ gbaàiŋ bòìbòì e kìlà miàim wo Jɔ̀àfèlàà Nyuùŋ Kpùnɔɔ̀ŋ nɔ̀ŋ ke jii fàa sùà weèiŋ.”

Luù 22:46

Yèè wo Jisɛ̀ naŋ nyiŋ woò wààŋ, “Wèè kiìŋ nìŋ yaà maŋ jàwè? Yèwaìŋ dìì niŋ zoolò wèè niŋ go nàŋ kɔ̀ e wàa dìì.”

Luù 3:26

Wo Nagaì nàŋ yaà wa wo jɔ̀àfèlàà Maàa. Wo Maaà nàŋ yaà wa wo jɔ̀àfèlàà Màtatiàa. Wo Màtatià nàŋ yaà wa wo jɔ̀àfèlàà Sɛmɛ̀ɔŋ. Wo Sɛmɛ̀ŋ nàŋ yaà wa wo jɔ̀àfèlàà Josɛ̀ɔ. Wo Josɛ̀ naŋ yaà wa wo jɔ̀àfèlàà Jooɗàa.

Luù 3:37

Wo Lamì nàŋ yaà wa wo jɔ̀àfèlàà Mɛ̀tusìlàa. Wo Mɛ̀tusìlà naŋ yaà wa wo jɔ̀àfèlàà Inɔ̀ɔ. Wo Inɔ̀ nàŋ yaà wa wo jɔ̀àfèlàà Jalɛ̀ɔ. Wo Jalɛ̀ nàŋ yaà wa wo jɔ̀àfèlàà Màŋhelalìɔ. Wo Màŋhelalì nàŋ yaà wa wo jɔ̀àfèlàà Kenàaŋ.

Nyɛ̀nɛ̀ŋ 1:14

Anyuùŋ hààwe nyàŋ e kpùlìà aŋ jɔùŋ nyaŋ yaà wo Mèèle wo nààŋ Jisɛ̀ɔ yèè aŋ wùìyà Kanaà Jisɛ̀ nyaŋ hewa dèènè koɓɛ̀ guùŋ e teenga gbiŋ wèè aŋ zòòlò koɓɛ̀ guùŋ.

Nyɛ̀nɛ̀ŋ 10:2

Wo Kɔ̀nilìɔ̀ yaà anyunùuŋ nyàŋ ko gboounoo kuwa wa e hààwe yèè àŋ duɔŋ wa wo Dayà. Wò hewa kpùùmàŋ anyuùŋ pɔ̀ɔ nyàŋ zimgbe, yèè wò hewa zòòlò Dayà e teengaà diɛŋ.

Nyɛ̀nɛ̀ŋ 12:5

Wò naŋ wa gbìɛ̀ŋ wo Pììlɛ ko sààŋ nyìwì, kɛɛ anyuùŋ hààwe nyàŋ naŋ wa nɔ̀ŋ zoolo koɓɛ̀ Dayài wèè Pììlɛ.

Nyɛ̀nɛ̀ŋ 6:4

Kpeiŋ yàwi bi, è doiŋ naŋ kìlè e gòngo wilɛ̀ gbiŋ koɓɛ̀ e zòòlo yèè e tòmò ke mìè Dayàa gbòa.”

Luùm 12:12

Tɔ̀ ke jii tùlia mɔɛ̀ŋ ke nɔ̀ŋ e zɔlɔ̀ sùà, sèè mùŋ nɔ̀ŋ e keì nyìnga sùà, kɛ̀ɛ̀nɛɛ̀ŋ ke jii tɔumtɔ̀ùm yèè muŋ zoolò e teenga gbiŋ.

Luùm 8:15

Wo Jinàaŋ wo Dayà naŋ wi kiɛ̀ŋ wɔ, wo fè wi mììnè àŋ ɗo, yèè wo fè wi sìà jùù. Kɛɛ wò nyɛ̀nɛ̀ŋ wì eiŋ nɔ̀ŋ aŋ jɔ̀àuŋ yèè euŋ nyààŋ wo Dèda wiɔ̀.

Gàla 4:6

Kɛɛ nààŋ è yààìŋ aŋ jɔ̀à Dayà lɛ, wo Dayà naŋ tùɔ̀ŋ wo Jìnàŋ Jɔ̀àfelaauŋ nɔɔ̀ŋ maŋ jii wi màŋ sùà. E kìlà wo Jìnàaŋ naŋ gòlò wààŋ, “Dèda miɔ̀ŋ, Dèda miɔ̀ŋ wɔ.”

Ɛfesɔ̀ 1:16

kòò mìŋ hùànè wò Dayà gè sɛ̀ weèiŋ. Mìŋ jààìŋ jii maŋ zòòloim màŋ sùà

Ɛfesɔ̀ 2:22

Ke saaàŋ wo Jisɛ̀ Kulaì naŋ nyɛ̀lɛ̀ wèè Dayà nɔ̀ŋ dìì wo Jinàaŋ sùà yɛ, nìŋ yaà aŋ bà nyiŋ bà.

Ɛfesɔ̀ 3:18

Mìŋ zoolà e weèiŋ, e kpùlìà anyùùŋ nɛɛmaŋ gbànaŋ nyàŋ gbiŋ wèè naŋ nyìmàŋ e ɗeweɛ̀ e mànàŋ Jisɛ̀ Kulaìɛ naŋ dɛ̀ɛ̀ e nìàŋ nɛ̀ŋ gbiŋ lɛ̀.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

Ɛfesɔ̀ 6:19

Yèè zòòloìŋ e weèim miàŋ pɛɛ, wèè Dayà kiɛ̀im ke miè gbìaŋ sèè mìŋ banaŋ bànàŋ wèè ke gbòà, e wèè ka gbùùyà ke jii nyingè, ka nyɛ̀nɛ̀ŋ aŋ nyìmàŋ ke gbùnuɛ̀ e nyaàiŋ dè ke mìè gbìàŋ ebò siaàŋ.

Fèle 1:4

e kìlà e teenga gbiŋ mìŋ zoolà e weèiŋ, mìŋ zoolà e zɔlɔ̀ sùà,

Fèle 4:6

Ɓɔ̀ mùŋ dangè è gòngo mɔ̀ɛ̀ è doum jìwà, kɛɛ sèè mùŋ zoolà koɓɛ̀ Dayài, wòòuŋ kɛ̀ kiìŋ mùŋ manaŋ wo nyɛ̀nɛ̀ŋ weèum. Yèè e teenga gbiŋ sèè mùŋ zoolà, gè wo Dayà ke sɛ̀.

Kòlo 1:3

E teenga gbiŋ è kiɛ̀ìŋ ke sɛ̀ gèe koɓɛ̀ Dayài, wo Dèdà Kana wiɔ̀ Jisɛ̀ Kulaì, sèè è zoolà weèiŋ.

Kòlo 1:4

Èiŋ kòmàŋ e kèè e hààweɛ̀ niŋ kuwa wo Jisɛ̀ Kulaì sùà, yèè e mànaàŋ nìŋ kuwa wèè anyùùŋ nɛɛmaŋ nyàŋ gbiŋ lɛ̀.

Kòlo 4:2

Zòòloiŋ e teenga gbiŋ, yèè niŋ yɛmɛ̀ nyɛiŋ bi diɛŋ e teengaà nìŋ nɔ̀ŋ zoolo lɛ̀, e kìlà niŋ kɛɛnɛ̀ŋ ke sɛ̀ gèe koɓɛ̀ Dayài.

1Tɛsè 5:17

Zòòloìŋ e teenga gbiŋ.

1Time 2:1

E jiɛ̀jiɛ̀ nàŋ yaà, mìŋ yààìŋ dàwe sùà wèè naŋ zoolò wèè anyùùŋ nyaŋ gbiŋ. Dàweìŋ Dayà, yèè niŋ kiɛ̀ŋ ke sɛ̀ gèe wèè anyùùŋ Dayà nyaŋ gbiŋ.

2Time 1:3

Mìŋ naŋ gè wo Dayà ke sɛ̀, wo yèɔ mìŋ zoolà e gòngo sengèì sùà wɔ, màànààŋ aŋ nèwàènèweim nyàŋ naŋ wa nyɛ̀nɛ̀ŋ lɛ. Mìŋ nauŋ gè sɛ̀ màànààŋ nɔŋ mìŋ naum jàà jii e teenga gbiŋ e zoolo mɛ̀ sùà e dùùm yaà maŋ gɔɛ lɛ̀.

Felemɔ̀ŋ - PHM 1:5

Mìŋ naŋ kòmò e kèè e hààweɛ̀ mùŋ kuwa wo Kana wiɔ̀ wo Jisɛ̀ Kulaì sùà lɛ, yaà e mànaŋ mɔ̀ɛ̀ koɓɛ̀ anyùùŋ nɛɛmaŋ nyàŋ gbiŋ wèè wo Dayà.

Hiɓu 5:7

E teengaà wo Jisɛ̀ yaà wa e ɗuunyaàŋ lɛ, wò naŋ wa zoolò yèè wò naŋ dàwè wo Dayà ke mìè gòla gbee sùà yaà maŋ fɛɛ̀màì sùà wèè wo joeyèuŋ. Wo Dayà kuwa wa e gààaŋ wèè wo jòèyè ke kpùnàŋ Jisɛ̀ɛ wèè wo gò wa nàŋ fɔ̀. Nààŋ wò naŋ wa dèèyè wùŋ bi wèè wo nyɛ̀nɛ̀ŋ e yèɛ wo Dayà manaŋ wa wo nyɛ̀nɛ̀ŋ lɛ, wo Dayà naŋ jàà e zòòlouŋ nɛ̀ kùàŋ dìì.

1Pììlɛ 4:7

Ko dìaì wèè manɛ̀ŋ maŋ gbiŋ kò gbɛ̀ɛ̀. Weètii, sìaìŋ ke di yèè niŋ nɔ̀ŋ ɗìòsùà sengei niŋ zoolò.

Juù 1:20

Kɛɛ sèè è nɔ̀ŋ wèè nyɛ̀iŋ nààŋ dàwi mànaim nyàŋ, kùnoìŋ nɔŋ nyɛ̀nɛ̀ŋ nyɛ̀iŋ bi wèè niŋ nyìngà sùà wèè e hààwè nɛɛmaàŋ nìŋ kuwa lɛ̀. Zòòloìŋ e gààŋ Jìnàŋ Dayàa sùà,