Ɛfesɔ̀ 6:14 - WƆŊ FƐ̀Ì EBÒ SÌÀŊ DAYÀA

¹⁴ Nɔ̀ɔìŋ e bànèbaneiŋ, ɓèmeìŋ e tɔɔɓaa gbài e nɔ̀ŋ mààŋ e tɛkì niŋ dèkà e tɛɛ kpaŋ, niŋ ɓemè e tɔ̀ɔ̀nyaàŋ nyɛ̀nɛŋ e nɔ̀ŋ mààŋ wɔŋ kaì fàà ɓɔwɔɔ̀ wo kààlò ɗùà gbuwo ke sɔɔ wɔ̀ŋ,

Ɛfesɔ̀ 6:14 ပူးပေါင်းရင်းမြစ်များ

Luù 12:35

“Nɔ̀iŋ bànèbaneiŋ e teenga gbiŋ wèè niŋ nyɛ̀nɛ̀ŋ e tòmò Dayàa, màànààŋ anyùùŋ àŋ kpaa maŋ deè tòòmo nyiŋ màŋ wèè aŋ nyɛ̀nɛ̀ŋ e tòmo nyiŋ nɛ̀ maŋ gɔɛ, e kìlà aŋ bànèbànè maŋ laumpò nyiŋ màŋ wèè aŋ sìà dùùm.

Luùm 13:12

Wɔŋ dùmɔ̀ɔŋ joo tòloò wèè wɔŋ jùà, yèè sààmɛ e nììɛ do nàŋ sìè. Hɔ̀ànè wiìŋ nyɛ̀nɛ̀ŋ maŋ keì maŋ anyùùŋ nyaŋ nyɛnɛŋ ke nyìwìɛ sùà maŋ, yèè e nɔ̀iŋ bànèbane wi wèè e nɔ̀iŋ e gbolòùŋ nɛ sùà.

2 Kɔliìŋ 6:7

esàɓù mìè gbìàŋ tɔ̀ɔ̀nyaàŋ wiɛ̀, yèè esàɓù e gààŋ Dayàa sùà. È kùwàìŋ e tɔ̀ɔ̀nyaàŋ tiŋ nàŋ yaà e kaì nɛ̀ŋ sùmiaŋ wilɛ̀, wèè eiŋ dàà ke gùuŋ, yèè wèè eiŋ yɛ̀mɛ̀ yàwi bi diɛŋ.

Ɛfesɔ̀ 5:9

E gbolòùŋ nɛ è tɔɔ̀ maŋ nɛ̀ŋ siaŋ e yìwìà maŋ nɛ̀ŋ siaŋ kà tinàŋ gbiŋ sùà, e tɔ̀ɔ̀nyaàŋ, yèè e keì sìàŋ.

Ɛfesɔ̀ 6:13

E wèètii, gɔ̀aìŋ naàŋ manɛ̀ŋ sùmiaŋ màŋ wo Dayà naiŋ kiɛ̀ŋ maŋ, wèè kɛ̀ sèè ke ɗɔ̀ɔ̀ ke gbòò aŋ jinàŋ naanààŋ nyaŋ sùmiaŋ kè haì, niŋ fè nyimèè wèè àŋ jooiŋ nyàŋ aiŋ ɓùlà, yèè sèè ke gùnɛɛ̀ŋ kè juo gbɛlɛiŋ, naŋ nɔŋ jèè e suà nyìngaiŋ.

1Tɛsè 5:8

Kɛɛ yàwi nààŋ nyuùŋ hààwe nyàŋ, kuwa wèè eiŋ yɛ̀mɛ̀ yàwi bi diɛŋ mààŋ aŋ nyùùŋ nyaŋ wɔŋ niìsìaà sùà. E kìlà e hààwe wilɛ̀ yaà e mànaŋ wilɛ̀ e nɔŋ mààŋ wɔŋ kaì fàà ɓɔwɔɔɔ̀ wo kààlò ɗùàa gbuwo ke sɔɔ wo kà e ɗùà feìŋ wɔŋ. Ke jii tùliaà è kuwa kɛ̀ è doiŋ nàŋ yɛ̀mɛ̀ e jòèye lɛ̀, kè yaà mààŋ ke ɓɔ̀ɗì ɗùàa wo kààlò ɗùàa gbuwo ko ɗì wo kà e ɗùà feìŋ yɛ.

1Pììlɛ 1:13

Wèètii maŋ gòngoiŋ màŋ nɔ̀ŋ bànèbane miŋ wèè ke nyɛ̀nɛŋ. Ɓɔ̀ nìŋ nyɛɛnɛ̀ŋ, yèè kùwieìŋ jii tùlia gbee e keì sìàŋ lɛɛ̀ sùà, e yèɛ wo Dayà doiŋ nàŋ kiɛ̀ŋ sèè wo Jisɛ̀ Kulaì hnàŋ wa nàwèè lɛ.

Maŋ kèì nyɛɛnɛŋ 9:17

E gɔagòo mɛ̀ sùà, mìŋ naŋ yɛ̀mɛ̀ aŋ sòo nyàŋ yaà anyuùŋ dùùnyaŋ nyiŋ nyàŋ. Àŋ naŋ wa ɓùwìè maŋ sɔɔ̀sùà nyiŋ màŋ maŋ kùmà kaì ɓɔwɔ sùmìàŋ ɗùà. E nɔ̀ŋ kìì maŋ kùmà kaì ɓɔwɔ màŋ wɛnɛŋ wa, màŋ yaà bùluùŋ, yaà bùkpàne. Maŋ ɗì aŋ sòo nyàŋ yaà wa mààŋ maŋ ɗì nyàa, e kìlà e hmɔ̀ɔ̀ŋ, ke kòmò yèè e nɛ̀ŋ kèèkèè dò bà àŋ nyaaŋ sɔfɔ̀ he nyiŋ wa fòlà ko nyààŋ.

Maŋ kèì nyɛɛnɛŋ 9:9

Àŋ naŋ wa ɓùwìè maŋ sɔɔ̀sùà nyiŋ màŋ maŋ kùmà kaì ɓɔwɔ sùmìàŋ ɗuà. E gììmè maŋ gbaŋ nyiŋ màŋ yaà wa mààŋ ebò e gììmè maŋ gɔ̀ sòo nàŋ yaà kɔ̀ɔ̀yɛ̀ ko sùmìè ɗùà.