Ɛfesɔ̀ 6:11 - WƆŊ FƐ̀Ì EBÒ SÌÀŊ DAYÀA

¹¹ Gɔ̀aìŋ manɛ̀ŋ sùmiaŋ màŋ gbiŋ wo Dayà naiŋ kiɛ̀ŋ maŋ, yèè niŋ dè gòlò jɛ̀wɛ̀ wèè e kààɓì Dɛwìɔ.

Ɛfesɔ̀ 6:11 ပူးပေါင်းရင်းမြစ်များ

Luùm 13:12

Wɔŋ dùmɔ̀ɔŋ joo tòloò wèè wɔŋ jùà, yèè sààmɛ e nììɛ do nàŋ sìè. Hɔ̀ànè wiìŋ nyɛ̀nɛ̀ŋ maŋ keì maŋ anyùùŋ nyaŋ nyɛnɛŋ ke nyìwìɛ sùà maŋ, yèè e nɔ̀iŋ bànèbane wi wèè e nɔ̀iŋ e gbolòùŋ nɛ sùà.

Luùm 13:14

Nɔ̀ŋ wiìŋ bànèbane wi, wèè wo Kanaà Jisɛ̀ Kulaì yɛmɛ̀ wi diɛŋ e kìlà e nɔ̀iŋ mààŋ wuŋ, wèè kɛ̀ anyuùŋ joo aŋ nyìmàŋ kɛ̀ kiìŋ wò nyùùŋ wò yaà, mààŋ maŋ dèè maŋ è gɔaìŋ maŋ wèè anyùùŋ nyìmàŋ ke gbòòɛ è fòlòìŋ sùà yɛ. Sèè mùŋ nyɛnɛŋ tɛɛ̀, kɛ̀ muŋ naàŋ nyɛ̀nɛ̀ŋ è keì wèè maŋ fɔ̀ɔ̀yɛ̀ kè kpùnaŋ mɔɛ̀ŋ jii.

1 Kɔliìŋ 10:13

E wàa gbiŋ mùŋ naŋ jàà jii kɛ̀ mùŋ naŋ kɔ̀ dìì lɛ, tii nàŋ yaà e wàa ziìɛ è hnàŋ wa koɓɛ̀ nyùùŋ gbiŋ lɛ̀. Kɛɛ wo Dayà yɛmɛ̀ e ɗààhiìuŋ nɛ̀ diɛŋ, yèè wo naàŋ dangè wèè è jɛwɛ̀ gɛ̀ɛ̀ɛ nìnyaum è yèɛ mùŋ fè ɓɛnɛ̀ŋ lɛ eum hnàŋ feìŋ. Wò doum nàŋ kìɛ̀ŋ e gààaŋ wèè maŋ niŋ kà dìì, yèè woum tɔ̀ɔ̀ ke dòmaŋ wèè maŋ niŋ fòlà sùà.

2 Kɔliìŋ 10:4

Manɛ̀ŋ sùmiaŋ màŋ è sumìàìŋ maŋ, maŋ fè mànɛ̀ŋ sùmiaŋ è yìwìà è ɗuunyaŋ lɛɛ̀ sùà, sɔɔ̀ manɛ̀ŋ sùmìàŋ gààŋ maŋ wo Dayà kuwa màŋ, miiŋ è toomàìŋ eiŋ pɔ̀ɔ̀pɔ̀ɔ̀ ko gììyè nyììŋ aŋ joo nyàŋ. È pɔɔpɔ̀ɔ̀ìŋ maŋ hɛ̀ɛ̀ gè tòa

2 Kɔliìŋ 11:3

Kɛɛ e jùù yààìm kɔɔ kɛ̀ àŋ doum nàŋ zuwò, màànààŋ nɔŋ wo kaìɔ naŋ wa zùwò wo Màmaŋ Hàwa e tòa sùà lɛ. E jùù yààìm kɔɔ kɛ̀ mùŋ do nàŋ hùànè e gòngo sengèì mɔ̀ɛ̀ kùwie wèè e kèè Jisɛ̀ Kulaìɛ jɔ̀ɔ̀lɔ̀ dììɛ.

2 Kɔliìŋ 2:11

e wèè wo Sɛ̀tanàaŋ go nàŋ kùwìè wɔŋ kùàŋ gààŋ ko diɛŋ wi, esaɓù kɛ̀ èiŋ nyìmàŋ maŋ ɗèweuŋ màŋ.

2 Kɔliìŋ 4:4

E wèè wɔŋ fàà anyuùŋ gò kɛ̀ɛ̀nɛ̀ŋ è hààwe nyàŋ, wo dàyà ɗuunyaŋ lɛɛ̀ naŋ nyiŋ dììyè le fɛ̀ɛ̀ wèè ɓɔ̀ àŋ yɛmɛ̀ è gbolòùŋ nɛ yewe kè mìè gbìàŋ Èbò Siaàŋ sùà e nyaàiŋ dè e jòòwò Jisɛ̀ Kulaìɛ, wo yèɔ naŋ tèènè Dayà wɔ.

2 Kɔliìŋ 6:7

esàɓù mìè gbìàŋ tɔ̀ɔ̀nyaàŋ wiɛ̀, yèè esàɓù e gààŋ Dayàa sùà. È kùwàìŋ e tɔ̀ɔ̀nyaàŋ tiŋ nàŋ yaà e kaì nɛ̀ŋ sùmiaŋ wilɛ̀, wèè eiŋ dàà ke gùuŋ, yèè wèè eiŋ yɛ̀mɛ̀ yàwi bi diɛŋ.

Ɛfesɔ̀ 4:14

Kpeiŋ ɓɔ̀ è tomoiŋ ɓɛìŋ mààŋ àŋ jɔ̀à kaiŋ, ɓɔ̀ è nyimèèiŋ wèè ànyuùŋ tòa aŋ wi kaaɓì màŋ kàà tòa nyiŋ màŋ sùà, màŋ yè maŋ yaà mààŋ wɔŋ dùfòìɔ, duladùlà wì fàà maŋ gbiŋ wɔ̀ŋ.

Ɛfesɔ̀ 4:24

yèè wo nyɛ̀nɛ̀ŋ niŋ nɔ̀ŋ anyuùŋ jɛ̀ì. Wo Dayà naiŋ wa banè wèè naŋ nɔ̀ŋ mààŋ wuŋ, wèètii sɔɔ̀ naŋ nyɛ̀nɛ̀ŋ ke jiiuŋ nɛɛ̀ŋ fàa yèè naŋ nɔ̀ŋ anyùùŋ nɛɛmaŋ e tɔ̀ɔ̀nyaàŋ sùà.

Ɛfesɔ̀ 6:13

E wèètii, gɔ̀aìŋ naàŋ manɛ̀ŋ sùmiaŋ màŋ wo Dayà naiŋ kiɛ̀ŋ maŋ, wèè kɛ̀ sèè ke ɗɔ̀ɔ̀ ke gbòò aŋ jinàŋ naanààŋ nyaŋ sùmiaŋ kè haì, niŋ fè nyimèè wèè àŋ jooiŋ nyàŋ aiŋ ɓùlà, yèè sèè ke gùnɛɛ̀ŋ kè juo gbɛlɛiŋ, naŋ nɔŋ jèè e suà nyìngaiŋ.

Kòlo 3:10

Nyɛ̀iŋ nààŋ bà guùŋ gbiŋ mùŋ yaà naàŋ wo nyuùŋ jɛ̀ì. Yèè wo Dayà, wo nyùnɔ̀ɔŋ naum bànè wɔ, kòò wò yààùm naàŋ nyinie wèè maŋ kɛ̀ɛ̀nɛ̀ŋ ke kpèè siaŋ mààŋ ke yèɛ nauŋ teenè yɛ, yèè mùŋ douŋ nàŋ nyìmè tɛ̀ɛ̀.

1Tɛsè 5:8

Kɛɛ yàwi nààŋ nyuùŋ hààwe nyàŋ, kuwa wèè eiŋ yɛ̀mɛ̀ yàwi bi diɛŋ mààŋ aŋ nyùùŋ nyaŋ wɔŋ niìsìaà sùà. E kìlà e hààwe wilɛ̀ yaà e mànaŋ wilɛ̀ e nɔŋ mààŋ wɔŋ kaì fàà ɓɔwɔɔɔ̀ wo kààlò ɗùàa gbuwo ke sɔɔ wo kà e ɗùà feìŋ wɔŋ. Ke jii tùliaà è kuwa kɛ̀ è doiŋ nàŋ yɛ̀mɛ̀ e jòèye lɛ̀, kè yaà mààŋ ke ɓɔ̀ɗì ɗùàa wo kààlò ɗùàa gbuwo ko ɗì wo kà e ɗùà feìŋ yɛ.

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.

Jìiiŋ 4:7

Wèètii, feìŋ nyɛ̀iŋ bi wo Dayà. Gàngaìŋ wo Sɛ̀tanàaŋ sìwè kɛ̀ wò doiŋ nàŋ dùɔ̀ŋ e kɔɔ.

1Pììlɛ 5:8

Ɓɔ̀ nìŋ nyɛɛnɛ̀ŋ, yɛ̀mɛìŋ nyɛ̀iŋ bi diɛ̀ŋ yèè niŋ nɔ̀ŋ fɛɛ̀ wòwò! Wo jooiŋ nɔɔ̀ŋ wo Dɛwìɔ, kòò wò gèe gììne wò kilià mààŋ wo nyàà e wùàŋ, wò yaà kààmè nyùùŋ wèè wo gbìlà.

Juù 1:24

Wo Dayà wuŋ guùŋ nɔŋ naum ɓɛ̀nɛ̀ŋ yɛ̀mɛ̀ diɛŋ wèè muŋ go nàŋ sɔ̀ɔ̀, e kìla woum nyɛ̀nɛ̀ŋ maŋ nɔ̀ŋ zɛ̀nɛum yèè e zɔlɔ̀ sùà e jòòwouŋ nɛ̀ fɛɛ̀feìŋ.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.

Maŋ kèì nyɛɛnɛŋ 19:20

Kɛɛ wo Dayà naŋ wa kùwò wo yilì kùùnoɔ̀ e kpùlìà wo wɛ̀ijì tòaà, wo yèɔ naŋ wa tɔ̀ɔ̀ e tɔ̀ɔ̀màŋsèì maŋ kèè mèè ko fɛ̀ɛ̀fèìŋ wo yilì kùùnoɔ̀ wɔ, wèè wo zuwò wa anyùùŋ nyaŋ gbiŋ kuwa wa e fèè wo yilì kùùnoɔ̀ e kìlà àŋ naŋ wa zòòlò wo dayà jooɔ̀ nyaŋ. Wo Dayà naŋ wa gbìɛ̀ŋ wo yilì kùùnoɔ̀ yaà wo wɛ̀ijì tòaà e hmɔɔ̀ŋ kùwa gbee kàànè sɔfɔ̀ sùà wɔŋ nyiiŋ gèe sùà.

Maŋ kèì nyɛɛnɛŋ 2:24

“Kɛɛ nyɛ̀iŋ nààŋ gbànaŋ nyàŋ ko Tàyatilà kòò nìŋ dè è kàa naanààŋ lɛɛ̀ màŋjɛ̀wɛ. Kòò nìŋ gbèè è nɛ̀ɛŋ ànyuùŋ gbànaŋ nyàŋ nyaaŋ nyààŋ, ‘ke gbùnù zutùùɛŋ wèè wo Sɛ̀tanàŋ.’ Tɔ̀ miŋ woòiŋ kɛ̀ miŋ naàiŋ gbùwò wɔ̀ŋ nɛ̀ŋfoo mùnga bà gbiŋ ɗi.