Ɛfesɔ̀ 6:1 - WƆŊ FƐ̀Ì EBÒ SÌÀŊ DAYÀA

¹ Jɔ̀àkàiŋ nyàŋ, nààŋ nìŋ yaà anyùùŋ màŋjɛ̀wɛ̀ Kanaà lɛ, jɔ̀ɔ̀lɔìŋ anyuùŋ kòmaiŋ nyàŋ dìì, tɛɛ̀ nàŋ yaà e keì tɔ̀ɔ̀nyaàŋ wèè naŋ nyɛ̀nɛ̀ŋ.

Ɛfesɔ̀ 6:1 ပူးပေါင်းရင်းမြစ်များ

Luù 2:51

Kpeiŋ wo Jisɛ̀ naŋ nyiŋ dè maŋjɛ̀wɛ àŋ naŋ kɔ̀ ko Naazɔ̀ɛ̀, yèè wò he nyiŋ wa jɔ̀ɔ̀lɔ̀ dìì. Wo Mèèle naŋ wa bànè maŋ keì wòo mɛɛ̀ŋ gbiŋ hàa ke jiiuŋ nɛɛ̀ŋ sùà.

Luùm 12:2

Ɓɔ̀ nìŋ nyimèè wèè naŋ nyɛ̀nɛ̀ŋ è nɛ̀ɛŋ anyuùŋ gò kɛ̀ɛ̀nɛ̀ŋ hààwe nyàŋ woàìŋ kɛ̀ è yaà tɛ̀ɛ̀ wèè naŋ nyɛ̀nɛ̀ŋ lɛ è ɗuunyaŋ lɛɛ̀ dìì, kɛɛ tɔ̀ wo Dayà vɔɔnɔ̀ŋ e ɗeweɛ̀ nìŋ gongà lɛ. Tɛɛ̀ do nàŋ nyɛ̀nɛ̀ŋ naŋ tùàŋ maŋ nɔnɔŋ wèè naŋ nyìmàŋ e ɗèwè keì sìàŋ nyɛ̀nɛŋ yaà e yèɛ do nàŋ fɔ̀ɔ̀yɛ̀ Dayà jii lɛ̀.

Luùm 16:2

Jàa nùuŋ kùàŋ dìì e dèè Kanaà diɛŋ, màànààŋ anyùùŋ nɛɛmaŋ nyàŋ wèè Dayà àŋ nyɛnɛŋ lɛ̀. Kìɛŋ nùuŋ e kpùùmaàŋ gbiŋ wò manaŋ lɛ̀. Wuŋ bi wò tɔɔ̀ janjai kɛ̀ wò nɔ̀ŋ e kpùùmaŋ gbee koɓɛ̀ anyuùŋ zimgbe e kpùlìà miàŋ bi.

Luùm 7:12

Kpeiŋ kɛ̀, ke sàwàa yaà nɛɛmaŋ esaɓù kɛ̀ kè yewe koɓɛ̀ Dayài, yèè maŋ mìè go nyiŋ màŋ yaà nɛɛmaŋ e fèfoo miiŋ pɛɛ màŋ yewe koɓɛ̀ Dayài, esaɓù kɛ̀ màŋ yaà tɔ̀ɔ̀nyaàŋ, e kìlà màŋ yaà tɛ̀ɛ̀.

1 Kɔliìŋ 15:58

Wèètii nyɛ̀iŋ nààŋ wùìyaim nyàŋ, sìeìŋ gbàùŋ gbàùŋ, yèè ɓɔ̀ nìŋ jèlà kpàkpà. Kùnoìŋ nɔŋ tòmo e teenga gbiŋ sùà wèè Kanaà, nààŋ nìŋ naŋ nyìmè tɛ kɛ̀ e nɛ̀ŋ gbiŋ nìŋ naŋ nyɛ̀nɛ̀ŋ e tòmò Kanaà sùà e fè nɔ̀ŋ wèè foo lɛ̀.

1Time 5:4

Kɛɛ sèè wo jɔ̀ùŋèèdààa kɛɛnɛ̀ŋ aŋ jɔ̀à ɔ̀ɔ̀ aŋ jɔ̀ɛ̀ɛ, aŋ jɔ̀à nyɛɛ̀ŋ aŋ yɛmɛ̀ e kèè anyuùŋ kòmaŋ nyiŋ nyàŋ dììo sùà jiɛ̀ kɛ̀ àŋ yaà toomo wèè Dayà. Tɛɛ̀ do nàŋ nɔ̀ŋ e jìwààjɛ̀wɛ̀ siaŋ e weè nyiŋ yèè tɛɛ̀ nàŋ fà wo Dayà jii.

1Pììlɛ 2:13

Esàɓù Kànà è gunɔ̀ɔŋ sùà, jɔ̀ɔ̀lɔìŋ e kànà kɛ̀ɛ̀ nyuùŋkpùuŋ gbiŋ dìì. Wo kanaà kuwa e gaàŋ gbeeɛ̀ wɔ,