Ɛfesɔ̀ 5:4 - WƆŊ FƐ̀Ì EBÒ SÌÀŊ DAYÀA

⁴ Gbeeiŋ ngèè wèè naŋ gbòà maŋ mìè gbòa naanààŋ, maŋ mìè gbòà sàngè kà tinàŋ gbiŋ, ɔ̀ɔ̀ maŋ mìè gbòa gò kùwìè jiikɛ̀ɛ, kɛɛ naŋ gè wo Dayà ke sɛ̀.

Ɛfesɔ̀ 5:4 ပူးပေါင်းရင်းမြစ်များ

Jɔ̀ɔŋ 6:23

Anyùùŋ bà naŋ wa hìɛ̀ŋ maŋ gɔ e yìwìà ko Tàbilià yèè àŋ naŋ hnè koɓɛ̀i e faaàŋ naŋ wa jè e nɛ̀ŋjeɛ̀ lɛ nààŋ wo Kanaà Jisɛ̀ naŋ wa kìɛ̀ŋ ke sɛ̀ gèe koɓɛ̀ Dayài weè niŋ.

Luùm 1:28

Nààŋ anyùùŋ nyɛɛ̀ŋ naŋ gè maŋhɛɛ wèè aŋ ngèè pɛɛ gòngò e kèè Dayàa, wò dangà wèè maŋ jìì kòmàŋ kàaɓì nyiŋ màŋ maŋ nyiŋ toomò. Weètii àŋ nyɛnɛŋ maŋ keì sàngè maŋ yè maŋ gò tɛɛwɛ̀ wèè aŋ nyɛ̀nɛ̀ŋ maŋ.

2 Kɔliìŋ 1:11

Nyɛ̀iŋ pɛɛ kpùùmaìŋ niŋ zoolò weè wi, wèè anyuùŋ zimgbe aŋ gè Dayà ɓaikà wèè wi, wèè e kìɛɛ̀ŋ wò naŋ wi fè e yìwìà maŋ zòòlo zimgbe màŋ wò naŋ jàà kùàŋ dìì maŋ.

2 Kɔliìŋ 9:15

Gè wiìŋ wo Dayà ke sɛ̀ wèè e kìɛŋ siaŋ gbeeuŋ nɛ̀ e fèiŋ ɓɛ̀nɛ̀ŋ gbɛ̀ɛ̀nɛ̀ŋ è nɛ̀ŋ gbiŋ lɛ̀!

Ɛfesɔ̀ 1:16

kòò mìŋ hùànè wò Dayà gè sɛ̀ weèiŋ. Mìŋ jààìŋ jii maŋ zòòloim màŋ sùà

Ɛfesɔ̀ 4:29

Maŋ mìè gbòa naanààŋ ɓɔ̀ màŋ fòlàiŋ nyààŋ kòɓɛ̀ ànyuùŋ kpùuŋ dàwiiŋ nyàŋ, sɔɔ̀ maŋ yè maŋ kuwa e kpùùmaŋ, wèè maŋ nyɛ̀nɛ̀ŋ wo nyùùŋ nyìngà sùà e kìlà maŋ hìàŋ e nɛ̀ɛŋ wo nyùùŋ manaŋ lɛ̀, kɛ̀ e nɛ̀ɛŋ mùŋ woà lɛ è do nàŋ nɔ̀ŋ e keì sìàŋ koɓɛ̀ anyùùŋ nyaŋ komo e nɛ̀ɛŋ nìŋ woà lɛ.

Fèle 4:6

Ɓɔ̀ mùŋ dangè è gòngo mɔ̀ɛ̀ è doum jìwà, kɛɛ sèè mùŋ zoolà koɓɛ̀ Dayài, wòòuŋ kɛ̀ kiìŋ mùŋ manaŋ wo nyɛ̀nɛ̀ŋ weèum. Yèè e teenga gbiŋ sèè mùŋ zoolà, gè wo Dayà ke sɛ̀.

Kòlo 3:8

Kɛɛ nìŋ kuwa naŋ gè maŋ keì mɛɛ̀ŋ kùàŋ sùà. Ɓɔ̀ nìŋ tuù àŋ dàwiiŋ nyàŋ sìwè, ɓɔ̀ nìŋ wùàŋ ànyùùŋ, yèè ɓɔ̀ nìŋ nyiniàŋ àŋ dàwi è hɔ̀ɛŋ. Ɓɔ̀ nìŋ woò ɓɛìŋ màŋ mìè ɓɛ̀ɛ̀pɔ̀ɔ naanààŋ è nyaàiŋ dè àŋ dàwiiŋ nyàŋ.

1Tɛsè 3:9

Èiŋ naàŋ ngàà ɓɛ̀nɛ̀ŋ gè wo Dayà ke sɛ̀ e weèiŋ. È gèìŋ wo Dayà ke sɛ̀ wèè e zɔlɔ̀ɛ è kuwa ko fɛɛ̀ fenìuŋ esaɓùiŋ nɛ̀ sùà lɛ.

1Tɛsè 5:18

Gèeìŋ Dayà sɛ̀ e keì gbiŋ sùà. Tii nàŋ yaà e nɛ̀ɛŋ wò mànàìŋ sìwè wɔŋ nyiiŋ gèeiŋ nɔɔ̀ŋ sùà nààŋ nìŋ yaà aŋ bàiŋbà wo Jisɛ̀ Kulaìɛ sùà lɛ.

Felemɔ̀ŋ - PHM 1:8

Wo Jisɛ̀ Kulaì naim kìɛ̀ŋ ke jii nyingè, wèè kaìŋ woò kɛ̀ kiìŋ nìŋ nyɛnɛŋ.

Hiɓu 13:15

E saaà gèe wilɛ̀ nɔ̀ŋ e tɛ̀nɛŋ koɓɛ̀ Dayài e teenga gbiŋ, e yìwìà e dèè Jisɛ̀ɛ sùà.

2Pììlɛ 2:18

Maŋ nyaàŋ gbeegbèè zùwo foo màŋ àŋ gboo màŋ, àŋ toomàŋ maŋ kpèè nàànààŋ kɔɔ nyiŋ màŋ wèè aŋ kùwà anyùùŋ nyaŋ maŋ gbaù sùà aŋ yè nyaŋ naŋ nɔŋ tɔ̀ɔ̀tù fòlà anyùùŋ nyaŋ yaà maŋ keì ɓàa dìì nyaŋ e tɛɛ.

2Pììlɛ 2:7

Wo Lɔɔ̀ wo yèɔ yaà wa wo nyùùŋ tɔ̀ɔ̀nyaàŋ wɔ, yèè wò yaà wa ke jii mɔ̀ɔ̀nɛŋ sùà wèè maŋ kpèè nàànààŋ anyuùŋ gò nɔ̀ŋ màŋ sàwà dìì nyaŋ wɔ̀, wo Dayà nauŋ wa joeyè.

Juù 1:10

Kɛɛ anyùùŋ nyɛɛ̀ŋ àŋ diɛ̀ŋ e nɛ̀ŋ gbiŋ e yèɛ fè nyiŋ dìkà jiikɛ̀ɛ lɛ̀, e kpùlìà manɛ̀ŋ maŋ àŋ kuwa jiikɛ̀ɛ weè miŋ màŋ, àŋ yaà mààŋ aŋ yìlì, yèè manɛ̀ŋ guùŋ miiŋ nàŋ jìwè nyiìŋ.

Juù 1:13

Maŋ kpèè sàngè nyiŋ màŋ tɔɔ̀ miŋ bi mààŋ e fɔ̀ù bɔ̀ìŋ juwo diɛŋ. Àŋ yaà mààŋ maŋ ɗu gò jɛ̀ì è dìì aŋ yè nyaŋ wo Dayà wa bànè ke nyiwì kpùɛ dìì ko hàa weè nyiŋ ko jàhamaŋ wèè julɔfɔ lɛ̀.