Ɛfesɔ̀ 5:27 - WƆŊ FƐ̀Ì EBÒ SÌÀŊ DAYÀA

²⁷ Wò naŋ yɛi nyɛ̀nɛ̀ŋ wèè wo kɛɛnɛ̀ŋ ke gbòò anyuùŋ hààwe nyàŋ e jòòwo yèè e nɛɛmaŋ sùà, wèè ɓɔ̀ kè kuwìè lè fee ɔ̀ɔ̀ è tɔ̀mɛ bà gbiŋ.

Ɛfesɔ̀ 5:27 ပူးပေါင်းရင်းမြစ်များ

2 Kɔliìŋ 11:2

Mìŋ yaà le koo zimgbe wèè muàŋ, nààŋ nɔŋ wo Dayà yaà lɛ, mùŋ yaà mààŋ wo jɔ̀ùŋ jɔ̀à bɛ̀ɛ̀ zɛ̀nɛŋ wo yèɔ mìŋ naŋ ɓèmè e ɗààhiì ke yɛɛ̀ gbìàuŋ koɓɛ̀ wo fèlàà guùŋ kpò nɔŋ wɔ̀, tèènè mààŋ wo Jisɛ̀ Kulaì wuŋ bi.

2 Kɔliìŋ 4:14

Eiŋ nyìmàŋ kɛ̀ wo Dayà, wo yèɔ naŋ gè wo Kanaà Jisɛ̀ e fàaà dìì wɔ, wò do wi nàŋ gè dìì yàwi pɛɛ e kpùlìà Jisɛ̀, wo wi kɔà e hààwè nyɛ̀iŋ nààŋ gbiŋ diɛŋ ko fɛ̀ɛ̀fèìŋ wuŋ biì.

Ɛfesɔ̀ 1:4

Wèè paŋ wo Dayà wa bànè e ɗuunyaŋ lɛɛ̀, wò wi wa kpɛ̀ɛ̀yɛ̀ tàeɗùù gɔu wèè eiŋ nɔ̀ŋ anyunùuŋ esàɓù e nɔ̀ŋ wilɛ̀ ke gbòò anyuùŋ hààwè Jisɛ̀ Kulaì nyaŋ sùà, wèè kɛ̀ eiŋ nɔ̀ŋ anyùùŋ nɛɛmaŋ gò kùwìè è tɔ̀mɛ kò fɛɛ̀ fenìuŋ. Esàɓù e mànauŋ nɛ̀ sùà,

Kòlo 1:22

kɛɛ esàɓù e fà ke kpùnàŋ wo Jɔ̀àfelaauŋ nɔɔ̀ŋ, wo Dayà wòiŋ nyɛ̀nɛ̀ŋ nàŋ nɔ̀ŋ anyuùŋ mɔ̀ɔ̀nɔuŋ, wèè wo nyɛ̀nɛ̀iŋ niŋ nɔ̀ŋ nɛɛmaŋ, niŋ zɛ̀nɛŋ, e kìlà ɓɔ̀ niŋ kɛɛnɛ̀ŋ tɔ̀mɛ kò fɛɛ̀fenùuŋ.

Kòlo 1:28

Weètii, è daanàìŋ ebò Jisɛ̀ Kulaìɛ koɓɛ̀ anyùùŋ nyaŋ gbiŋ. È toomàìŋ e jiikɛ̀ɛ wilɛ̀ gbiŋ wèè eiŋ kìɛ̀ŋ e gòo yèè eiŋ kàà anyùùŋ nyaŋ gbiŋ, e kìlà wèè e hìàŋ wo bà guùŋ gbiŋ ko fɛ̀ɛ̀fèìŋ Dayài, mààŋ wo nyuùŋ kàmaiŋ wo yèɔ yaà wo bàuŋbà wo Jisɛ̀ Kulaì sùà wɔ.

1Tɛsè 5:23

Tɔ̀ wo Dayàa naŋ wi fè jii fàa wɔ̀ wo nyɛ̀nɛ̀iŋ niŋ nɔ̀ŋ e nɛɛmaŋ sùà dòmaŋ nyaaŋ gbiŋ, yèè wo haà saɓù e tɔ̀mɛ gbiŋ ɓɔ̀ è nɔ̀ŋ è kpùnuiŋ nɛ̀, wò jinàiŋ nɔɔ̀ŋ, yaà kè kpùnaiŋ nɛɛ̀ŋ è teengaà wò Kana wiɔ̀ Jisɛ̀ Kulaì hnàŋ wa nàwèè lɛ.

Hiɓu 9:14

Nààŋ tɛɛ̀ è yaà tɔɔɓaa lɛ̀, maŋ sɛ̀ìŋ Jisɛ̀ Kulaì maŋ kuwa ngèè e gaàŋ e nìàŋ miiŋ gbiŋ, nààŋ wò naŋ wa wùɔ̀ŋ maŋ sɛ̀ìŋ e teengaà àŋ nauŋ wa jìwè lɛ. E yìwìà esàɓù wo Jìnàŋ Nɛɛmaàŋ yaà wɔŋ nyiiŋ gèeɔ̀ sùà wèè julɔfɔ wɔ̀, wò naŋ kìɛ̀ŋ wuŋ bi wèè wo nɔ̀ŋ e nɛ̀ŋ kìɛŋ, e saaà gèe tùlìà jii sùà koɓɛ̀ Dayài. Maŋ sɛnùuŋ màŋ do nàŋ nyɛ̀nɛ̀ŋ maŋ jii wi màŋ maŋ zɛ̀nɛ̀ŋ e yìwìà maŋ langi foo sùà, wèè kɛ̀ è naiŋ ɓɛ̀nɛ̀ŋ zòòlò wo Dàyà nyiiŋ gèeɔ̀.

1Pììlɛ 1:19

È yaà wa maŋ sɛ̀ìŋ nyìngà ɓàà Jisɛ̀ Kulaì maŋ wò naŋ gììyè saàà lɛ, wo yèɔ yaà wa mààŋ wo Ɓaawaa gò kùwìè è tɔ̀mɛ dòmaŋ nyaaŋ gbiŋ wɔ̀.

2Pììlɛ 3:14

E wèètii nyɛ̀iŋ nààŋ wùìyaim nyàŋ, nààŋ nìŋ yaà fùlìè ke ɗɔɔ bi, nyɛ̀nɛìŋ e yèɛ gbiŋ nìŋ naŋ ɓɛnɛ̀ŋ lɛ wèè niŋ zɛ̀nɛ̀ŋ, yèè e tɔ̀mɛ ɓɔ̀ è nɔ̀iŋ fɛ̀ɛ̀fèìŋ Dayà, e kìlà naŋ nɔ̀ŋ jii fàa sùà koɓɛ̀ Dayài.

Juù 1:21

yèè nyɛ̀iŋ bi niŋ nɔ̀ŋ e mànàŋ Dayàa sùà, niŋ fòlà wo Kana wiɔ̀ Jisɛ̀ Kulaì wo kiɛ̀iŋ wɔŋ nyiiŋ gèe gò jùà e yìwìà ke nyowouŋ nɛɛ̀ŋ sùà.

Juù 1:24

Wo Dayà wuŋ guùŋ nɔŋ naum ɓɛ̀nɛ̀ŋ yɛ̀mɛ̀ diɛŋ wèè muŋ go nàŋ sɔ̀ɔ̀, e kìla woum nyɛ̀nɛ̀ŋ maŋ nɔ̀ŋ zɛ̀nɛum yèè e zɔlɔ̀ sùà e jòòwouŋ nɛ̀ fɛɛ̀feìŋ.

Maŋ kèì nyɛɛnɛŋ 14:4

Anyùùŋ nyɛɛ̀ŋ nyiŋ guùŋ nɔŋ nàŋ yaà aŋ felaa nyàŋ nààŋ kòò àŋ sìè è hààwe nyiŋ nɛ̀ ninaŋ, aŋ yè nyaŋ nyimààŋ kèè jɔùŋ nyaŋ. Àŋ dè wo Ɓaawaaà maŋjɛ̀wɛ àŋ kà koɓɛ̀i gbiŋ wò kɔ̀à lɛ. Àŋ naŋ nyiŋ bilɛ̀ŋ e yìwìà anyuùŋ kpùuŋ ziì nyaŋ gbiŋ sùà e dììɛ diɛŋ, yèè nyiŋ nàŋ yaà aŋ jiɛ̀jiɛ̀ nyaŋ do nàŋ nɔ̀ŋ kìɛŋ nyiŋ koɓɛ̀ Dayài yèè koɓɛ̀ wo Ɓaawaaà.