Ɛfesɔ̀ 5:25 - WƆŊ FƐ̀Ì EBÒ SÌÀŊ DAYÀA

²⁵ Felaa kùwìè jɔùŋ nyaŋ, mànaìŋ aŋ jawèiŋ nyàŋ màànààŋ wo Jisɛ̀ Kulaì naŋ mɔ̀nɔ̀ŋ ke gbòò anyuùŋ hààwe nyàŋ e jèèsùà wo fè wɔŋ nyiiuŋ nɔɔ̀ŋ e weè nyiŋ lɛ̀.

Ɛfesɔ̀ 5:25 ပူးပေါင်းရင်းမြစ်များ

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Jɔ̀ɔŋ 6:51

Miàŋ nàŋ yaà e nɛ̀ŋjè wɔŋ nyiiŋ gèeɔ̀ naŋ dèyè e yìwìà ko àìjɛnɛ̀ŋ lɛ. Sèè wo nyùùŋ gbiŋ wò jè e nɛ̀ŋje lɛɛ̀, wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. E nɛ̀ŋje bi zà nàŋ yaà e kenìŋ mɛ̀, e yèɛ mìŋ kiɛ̀ŋ wèè kɛ̀ anyùùŋ nyaŋ gbiŋ e ɗuunyaàŋ aŋ nɔ̀ŋ wɔŋ nyiiŋ gèeo sùà.”

Nyɛ̀nɛ̀ŋ 20:28

Weètii yɛ̀mɛìŋ nyɛ̀iŋ bi diɛŋ e kpùlìà anyùùŋ nyaŋ kinɛiŋ wo Jìnàŋ Nɛɛmaàŋ naŋ gbìɛ̀ŋ e gaàiŋ nɛ̀ dìì nyaŋ. Nɔ̀iŋ mààŋ anyuùŋ tùnìàŋ aŋ ɓaawaa wèè ke gbòò anyuùŋ hààwè Dayà nyaŋ. Nyiŋ nàŋ yaà aŋ yè nyaŋ wò naŋ jàà e ɓula wèè wuŋ bi e yìwìà maŋ sɛ̀ìŋ wo Jɔ̀àfèlàà wuŋ biɔ̀ sùà.

Gàla 1:4

Wo Jisɛ̀ Kulaì naŋ wa jɔ̀ɔ̀lɔ̀ wo Dèda wiɔ̀ wo Dayà dìì, yèè wò naŋ kiɛ̀ŋ wuŋ bi wèè wo nɔ̀ŋ e nɛ̀ŋ saàà wèè maŋ jùumù wi màŋ, wèè wo joeyè wi e yìwìà e ɗuunyaŋ naanààŋ lɛɛ̀ sùà.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

Ɛfesɔ̀ 5:24

E wèètii aŋ jɔ̀ùŋ nèè yɛ̀ɛ̀ nyaŋ sɔɔ̀ aŋ jɔ̀ɔ̀lɔ̀ àŋ faiŋ nyiŋ nyàŋ dìì màànààŋ nɔŋ ke gbòò anyuùŋ hààwe nyàŋ jɔɔlɔ̀ Jisɛ̀ Kulaì dìì lɛ.

Ɛfesɔ̀ 5:28

Aŋ felaa kùwìè jɔùŋ nyaŋ gbiŋ sɔɔ̀ aŋ kùwìè mànaŋ wèè àŋ jawè nyiŋ nyàŋ màànààŋ nɔ̀ŋ àŋ manaŋ màŋ kpùnaŋ nyiŋ màŋ lɛ. Wo felaaà manaŋ wo jàwè wɔ, wò manaŋ wuŋ bi.

Ɛfesɔ̀ 5:33

Kɛɛ è yaà wèè nyɛ̀iŋ pɛɛ, wo fèlàà jɔùŋ gbiŋ sɔɔ̀ maŋ mànàŋ wò jawè mɔɔ̀ŋ màànààŋ nɔŋ mùŋ manaŋ muàŋ bi lɛ̀, yèè wo jɔ̀ùŋ felaa gbiŋ sɔɔ̀ wo kùwìè è ɓɛ̀ɛ̀jàa è wèè fanuuŋ nɔɔ̀ŋ.

Kòlo 3:19

Nyɛ̀iŋ nààŋ felaa kùwìè jɔùŋ nyaŋ, mànaìŋ aŋ jawèiŋ nyàŋ, yèè ɓɔ̀ nìŋ kuwìà nyiŋ è siwè naanààŋ.

1Time 2:6

wo yèɔ naŋ wa kìɛ̀ŋ wuŋ bi wèè wo nɔ̀ŋ e nɛ̀ŋ saàà wèè wo bìlɛ̀ŋ anyuùŋ kpùuŋ nyàŋ gbiŋ. Kii nàŋ yaà wa ke mìè seìɛ naŋ hnè e teengaà diɛŋ lɛ̀ kɛ̀, wo Dayà manaŋ wèè wo nyùùŋ gbiŋ yɛ̀mɛ̀ e jòèye,

1Pììlɛ 3:7

Sèè mùŋ nɔ̀ŋ wo felaa kùwìè jɔùŋ, kùwiè e gòngo wèè jawè mɔɔ̀ŋ. Kùwiàuŋ e ɓɛ̀ɛ̀jàa, esaɓù màŋ nyìngà sùà màuŋ nìàŋ yèè wò yaà bàuŋbà wèè e tɛ̀ɛ̀tɛ̀ɛ̀ wɔŋ nyiiŋ gèeɔ̀ wo Dayà naiŋ kiɛ̀ŋ wɔŋ. Nyɛ̀nɛìŋ tɛɛ̀ wèè e nɛ̀ŋ gbiŋ go nàŋ kèèwè è zòòloiŋ nɛ̀ feìŋ.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,

Maŋ kèì nyɛɛnɛŋ 5:9

Àŋ naŋ dàà wɔŋ nuùŋ jɛ̀ì nyààŋ, “Mùŋ yaà tɛ̀ɛ̀ wèè maŋ ɓèmè wɔŋ fɛi fùngò fungoɔ̀ yèè maŋ yìlè e fèè manɛ̀ŋ yìlia màŋ yàa wuùŋ maŋ, esaɓù kɛ̀ àŋ naum wa jìwè, yèè e yìwìà maŋ sɛ̀ìŋ muàŋ bi màŋ, mùŋ naŋ bìlɛ̀ŋ anyùùŋ wèè Dayà, anyùùŋ e yìwìà e ziì gbiŋ sùà, maŋ kàìŋ gbiŋ sùà, wɔŋ fuɔŋ gbiŋ sùà, yèè anyuùŋ kpùuŋ ziì gbiŋ.