Ɛfesɔ̀ 5:24 - WƆŊ FƐ̀Ì EBÒ SÌÀŊ DAYÀA

²⁴ E wèètii aŋ jɔ̀ùŋ nèè yɛ̀ɛ̀ nyaŋ sɔɔ̀ aŋ jɔ̀ɔ̀lɔ̀ àŋ faiŋ nyiŋ nyàŋ dìì màànààŋ nɔŋ ke gbòò anyuùŋ hààwe nyàŋ jɔɔlɔ̀ Jisɛ̀ Kulaì dìì lɛ.

Ɛfesɔ̀ 5:24 ပူးပေါင်းရင်းမြစ်များ

Luù 10:17

Anyuùŋ kpɛ̀ɛ̀ùŋ taai jɛ̀wɛ̀ zììyà jɛ̀wɛ̀ tìyèe nyàŋ naŋ kɛ̀ɛ̀ maŋjɛ̀wɛ e zɔlɔ̀ gbee sùà yèè àŋ naŋ wòo nyààŋ, “Kanaà, aŋ jinàŋ naanààŋ nyaŋ pɛɛ naŋ wi jɔ̀ɔ̀lɔ̀ dìì nààŋ è naŋ nyiŋ wòò e keì e deè mɔ̀ɛ̀ diɛŋ.”

Ɛfesɔ̀ 5:23

Esaɓù kɛ̀ wo felaaà kuwa e gààŋ wo jàwè diɛŋ màànààŋ wo Jisɛ̀ Kulaì kuwa e gààŋ ke gbòò anyuùŋ hààwe nyàŋ diɛŋ lɛ̀. Yèè wo Jisɛ̀ Kulaì wuŋ bi nàŋ yaà wo Nyuùŋ Jòèyeɔ̀ wèè ke gbòò anyuùŋ hààwe nyàŋ, nyiŋ zà nàŋ yaà ke kpùnauŋ nɛɛ̀ŋ.

Ɛfesɔ̀ 5:25

Felaa kùwìè jɔùŋ nyaŋ, mànaìŋ aŋ jawèiŋ nyàŋ màànààŋ wo Jisɛ̀ Kulaì naŋ mɔ̀nɔ̀ŋ ke gbòò anyuùŋ hààwe nyàŋ e jèèsùà wo fè wɔŋ nyiiuŋ nɔɔ̀ŋ e weè nyiŋ lɛ̀.

Ɛfesɔ̀ 5:33

Kɛɛ è yaà wèè nyɛ̀iŋ pɛɛ, wo fèlàà jɔùŋ gbiŋ sɔɔ̀ maŋ mànàŋ wò jawè mɔɔ̀ŋ màànààŋ nɔŋ mùŋ manaŋ muàŋ bi lɛ̀, yèè wo jɔ̀ùŋ felaa gbiŋ sɔɔ̀ wo kùwìè è ɓɛ̀ɛ̀jàa è wèè fanuuŋ nɔɔ̀ŋ.

Kòlo 3:20

Jɔ̀àkàiŋ jɔa nyàŋ, jɔ̀ɔ̀lɔìŋ anyuùŋ kòmaiŋ nyàŋ dìì e teenga gbiŋ, tɛɛ̀ nàŋ fɔɔyɛ̀ wo Dayà jii.

Kòlo 3:22

Nyɛ̀iŋ nààŋ ɗo nyàŋ, jɔ̀ɔ̀lɔìŋ aŋ kɛ̀ɛ̀nɛiŋ nyàŋ dìì e teenga gbiŋ. Ɓɔ̀ nìŋ nyɛ̀nɛ̀ŋ niŋ nɔŋ esaɓù kɛ̀ àŋ yààìŋ yɛɛmɛ ɔ̀ɔ̀ èsaɓù kɛ̀ nìŋ manaŋ aiŋ mànàŋ. Nyɛ̀nɛìŋ niŋ e tɔ̀ɔ̀nyaàŋ e yìwìà maŋ jiiŋ màŋ sùà esàɓù e ɓɛ̀ɛ̀jàa nìŋ kuwa wèè wo Kanaà lɛ.

Taitɔ̀ 2:7

E gbio sùà, muàŋ bi nɔ̀ŋ e tɔ̀ɔ̀màŋsèì maŋ kpèè siaŋ. Mùŋ kuwa maŋ jilɛ̀ŋ, e kìlà maŋ sìà ke di e kàa mɔ̀ɛ̀ sùà.

Taitɔ̀ 2:9

Wòò aŋ ɗo nyàŋ aŋ jɔɔlɔ̀ aŋ kɛ̀ɛ̀nɛŋ nyiŋ nyàŋ dìì e teenga gbiŋ sùà, e kìlà aŋ nyɛ̀nɛ̀ŋ maŋ jii nyiŋ màŋ fà e keì gbiŋ sùà. Ɓɔ̀ àŋ kɛlɛ̀ɛ̀ nyiŋ màŋ mìè gbòa naanààŋ,