Ɛfesɔ̀ 5:23 - WƆŊ FƐ̀Ì EBÒ SÌÀŊ DAYÀA

²³ Esaɓù kɛ̀ wo felaaà kuwa e gààŋ wo jàwè diɛŋ màànààŋ wo Jisɛ̀ Kulaì kuwa e gààŋ ke gbòò anyuùŋ hààwe nyàŋ diɛŋ lɛ̀. Yèè wo Jisɛ̀ Kulaì wuŋ bi nàŋ yaà wo Nyuùŋ Jòèyeɔ̀ wèè ke gbòò anyuùŋ hààwe nyàŋ, nyiŋ zà nàŋ yaà ke kpùnauŋ nɛɛ̀ŋ.

Ɛfesɔ̀ 5:23 ပူးပေါင်းရင်းမြစ်များ

Nyɛ̀nɛ̀ŋ 20:28

Weètii yɛ̀mɛìŋ nyɛ̀iŋ bi diɛŋ e kpùlìà anyùùŋ nyaŋ kinɛiŋ wo Jìnàŋ Nɛɛmaàŋ naŋ gbìɛ̀ŋ e gaàiŋ nɛ̀ dìì nyaŋ. Nɔ̀iŋ mààŋ anyuùŋ tùnìàŋ aŋ ɓaawaa wèè ke gbòò anyuùŋ hààwè Dayà nyaŋ. Nyiŋ nàŋ yaà aŋ yè nyaŋ wò naŋ jàà e ɓula wèè wuŋ bi e yìwìà maŋ sɛ̀ìŋ wo Jɔ̀àfèlàà wuŋ biɔ̀ sùà.

1 Kɔliìŋ 6:13

Wo nyuùŋ joo bà do nàŋ woò wààŋ, “E nɛ̀ŋje yaà wèè ko sùà, yèè ko sùà yaà wèè e nɛ̀ŋje.” Hɛ̀ɛɛ̀ŋ kɛɛ, wo Dayà do nàŋ hìɛ̀ŋ tiŋ tìyèe ko dìa. Ke kpùnaàŋ fè nɛ̀ŋ tòòmo wèè è hmɔŋtu nyìniaŋ, sɔɔ̀ e tòmo wèè Kanaà, yèè wo Kanaà do nàŋ kìɛ̀ŋ ke kpùnaàŋ.

Ɛfesɔ̀ 4:15

Kɛɛ gbàì wiìŋ tɔ̀ɔ̀nyaàŋ e mànaŋ sùà, kɛ̀ è doiŋ nàŋ dɛɛ̀ maŋ dòmaŋ nyaaŋ màŋ gbiŋ sùà koɓɛ̀ Jisɛ̀ Kulaìi, wo yèɔ yaà wo ɓɛ̀èɗìɔ wɔ̀.

Ɛfesɔ̀ 5:24

E wèètii aŋ jɔ̀ùŋ nèè yɛ̀ɛ̀ nyaŋ sɔɔ̀ aŋ jɔ̀ɔ̀lɔ̀ àŋ faiŋ nyiŋ nyàŋ dìì màànààŋ nɔŋ ke gbòò anyuùŋ hààwe nyàŋ jɔɔlɔ̀ Jisɛ̀ Kulaì dìì lɛ.

Kòlo 1:18

Wuŋ nàŋ yaà wo ɓɛ̀màŋɗì ke kpùnauŋ nɛɛ̀ŋ, ke gbòò anyuùŋ hààwe nyàŋ. Wuŋ nàŋ yaà ko tɔ̀ɔ̀tù wɔŋ nyììŋ ke gbòò anyuùŋ hààwe nyàŋ. Wuŋ nàŋ yaà wo Jɔ̀àfelaa jiɛ̀jiɛ̀ɔ naŋ nɔ̀ŋ kòmauŋ wɔ̀, wo yèɔ wo Dayà naŋ wa gè e fàaà dìì wɔŋ nyiiŋ gèeɔ̀ sùà, wèè e nyɛ̀nɛ̀ŋ wuŋ guùŋ wo ɓemè ko jɛ̀i jiɛ̀jiɛ̀i manɛ̀ŋ maŋ gbiŋ diɛŋ.

1Tɛsè 1:10

yèè wèè naŋ fòlà jɔ̀àfelaauŋ nɔɔ̀ŋ Jisɛ̀ Kulaì e yìwìà ko àìjɛnɛ̀ŋ wo yèɔ wò naŋ gè e fàaà dìì yèè wò naŋ wi joeyè e yìwìà e wùàŋ Dayàa yaà hinie lɛ̀.

Maŋ kèì nyɛɛnɛŋ 19:7

Gè wììŋ zɔlɔ̀ e kìlà e nɔ̀iŋ ke jii fàa sùà. Tɛ̀nɛ̀ŋ wiìŋ e gaàŋ gbeeuŋ nɛ̀, esaɓù kɛ̀ e teengaà è haì wèè wo Ɓaawaaà ɓèmè wo jɔùŋ, yèè wo jawèuŋ nɔɔ̀ŋ bànèbànè wuŋ bi weè niŋ.

Maŋ kèì nyɛɛnɛŋ 5:9

Àŋ naŋ dàà wɔŋ nuùŋ jɛ̀ì nyààŋ, “Mùŋ yaà tɛ̀ɛ̀ wèè maŋ ɓèmè wɔŋ fɛi fùngò fungoɔ̀ yèè maŋ yìlè e fèè manɛ̀ŋ yìlia màŋ yàa wuùŋ maŋ, esaɓù kɛ̀ àŋ naum wa jìwè, yèè e yìwìà maŋ sɛ̀ìŋ muàŋ bi màŋ, mùŋ naŋ bìlɛ̀ŋ anyùùŋ wèè Dayà, anyùùŋ e yìwìà e ziì gbiŋ sùà, maŋ kàìŋ gbiŋ sùà, wɔŋ fuɔŋ gbiŋ sùà, yèè anyuùŋ kpùuŋ ziì gbiŋ.