Ɛfesɔ̀ 5:21 - WƆŊ FƐ̀Ì EBÒ SÌÀŊ DAYÀA

²¹ Jɔ̀ɔ̀lɔìŋ aŋ dàwiiŋ nyàŋ dìì esàɓù e dùàŋ Jisɛ̀ Kulaìɛ sùà.

Ɛfesɔ̀ 5:21 ပူးပေါင်းရင်းမြစ်များ

1 Kɔliìŋ 16:16

wèè naŋ jɔ̀ɔ̀lɔ̀ aŋ sìèfeìŋ mààŋ nyɛɛ̀ŋ ko dìì, yaà anyuùŋ tòmo gbànaŋ nyàŋ gbiŋ yaà nyiìŋ tòòmò maŋjɛ̀wɛ nyàŋ.

2 Kɔliìŋ 5:11

Èiŋ nyìmàŋ kɛ̀ kiìŋ nàŋ yaà e fasàìɛ wèè e jùù nɔ̀ŋ nyùùŋ kɔɔ sùà wèè Kanaà, wèètii è fɛɛ wèè eiŋ kpàà anyùùŋ ɗì wèè aŋ haawè. Wo Dayà wò wi nyìmàŋ è jùà jɛ̀wɛ̀ gbɛlɛiŋ. Mìŋ yààìŋ yɛ̀ɛ̀mɛ̀ dòmaŋ wèè naim nyìmàŋ maŋ jiiŋ màŋ sùà miàŋ pɛɛ.

2 Kɔliìŋ 7:1

Nyɛ̀iŋ nààŋ wùìya wi nyàŋ, wo Dayà ɓèmè maŋ ɗààhiì mɛɛ̀ŋ gbiŋ ko nɛ̀ɛ̀ŋ wiì, e wèètii, gùà wiìŋ yàwi bi sengei e gèiŋ maŋ tɔ̀mɛ màŋ gbiŋ yaà maŋ keìŋ wi màŋ sùà yèè aŋ jinàŋ wi nyàŋ sùà lɛ, e nɔ̀iŋ e nɛɛmaŋ sùà kpɛlɛmɛɛŋ esàɓù e jùùɛ yaà wì kɔɔ wèè Dayà lɛ.

Gàla 5:13

Wùìyaim nyaŋ, àŋ naiŋ wa tàeɗùù wèè naŋ nɔ̀ŋ e bìlɛiŋ e yìwìà e ɗo dìì. Ɓɔ̀ nìŋ toomò è bìlɛiŋ bi e nɔ̀ŋ kè kàfaì wèè naŋ nyɛ̀nɛ̀ŋ è yèɛ nìŋ manaŋ lɛ̀. Tòòmoìŋ niŋ e nɔ̀ŋ keì sìàŋ maŋ kpùnaiŋ màŋ sùà wèè naŋ kìɛ̀ŋ aŋ dàwi e mànaŋ.

Ɛfesɔ̀ 5:22

Nyɛ̀iŋ nààŋ jɔ̀ùŋ nèè yɛ̀ɛ̀ nyaŋ, jɔ̀ɔ̀lɔìŋ aŋ faniŋ nyàŋ dìì màànààŋ nìŋ jɔɔlɔ̀ Kanaà dìì lɛ.

Ɛfesɔ̀ 5:24

E wèètii aŋ jɔ̀ùŋ nèè yɛ̀ɛ̀ nyaŋ sɔɔ̀ aŋ jɔ̀ɔ̀lɔ̀ àŋ faiŋ nyiŋ nyàŋ dìì màànààŋ nɔŋ ke gbòò anyuùŋ hààwe nyàŋ jɔɔlɔ̀ Jisɛ̀ Kulaì dìì lɛ.

Fèle 2:3

Ɓɔ̀ nìŋ gè lè koo ɔ̀ɔ̀ naŋ ɓèmè nyɛ̀iŋ bi gbee. Dèèyeìŋ nyɛ̀iŋ bi yèè niŋ ɓemè aŋ wùìyaiŋ nyàŋ aŋ nɔ̀ŋ anyùùŋ sɛmɛmaŋ e nìàŋ nyɛ̀iŋ bi.

1Time 2:11

Aŋ jɔùŋ nyaŋ nɔ̀ŋ dìì tɔùŋ, e kìlà aŋ jɔɔlɔ̀ aŋ sìèfeìŋ anyùùŋ hààwe nyàŋ dìì.

1Time 3:4

Wo sìèfèìŋ anyuùŋ hààwe nyàŋ wo nɔ̀ŋ wo nyùnɔ̀ɔŋ yɛ̀mɛ̀ ke kpòò wuŋ biɛ̀ diɛŋ tɛ̀ɛ̀ kaiŋ wɔ̀, yèè wo nyɛ̀nɛ̀ŋ aŋ jɔ̀àuŋ nyàŋ aŋ jɔɔlɔ̀uŋ dìì e ɓɛ̀ɛ̀jàa sùà.

Hiɓu 13:17

Jɔ̀ɔ̀lɔìŋ anyuùŋ gbeegbèèiŋ nyàŋ dìì, e kìlà niŋ nyɛ̀nɛ̀ŋ e nɛ̀ɛŋ àŋ woàìŋ lɛ. Àŋ naiŋ jàà fɛ̀ɛ̀ diɛŋ e kèè Dayàa sùà, yèè àŋ kuwa aŋ kìɛ̀ŋ e jìwààjɛ̀wɛ̀ koɓɛ̀ Dayài wèè e tòmoɛ̀ àŋ naŋ nyɛ̀nɛ̀ŋ lɛ. Ɓɔ̀ nìŋ nyɛ̀nɛ̀ŋ màŋ jii nyiŋ màŋ do mɔɔnɛ̀ŋ sèè àŋ nɔ̀ŋ nyìnìè e tòmo nyiŋ nɛ̀, kɛɛ nyɛ̀nɛìŋ nyiŋ àŋ nɔ̀ŋ zɔlɔ̀ sùà. Sèè nìŋ go niŋ nyɛ̀nɛ̀ŋ, aŋ naàŋ ɓɛnɛ̀ŋ wèè aiŋ kpuumàŋ.

1Pììlɛ 2:13

Esàɓù Kànà è gunɔ̀ɔŋ sùà, jɔ̀ɔ̀lɔìŋ e kànà kɛ̀ɛ̀ nyuùŋkpùuŋ gbiŋ dìì. Wo kanaà kuwa e gaàŋ gbeeɛ̀ wɔ,

1Pììlɛ 2:17

Kùwiè e ɓɛ̀ɛ̀jàa wèè nyùùŋ gbiŋ, mànaìŋ ke gbòò aŋ wùìya nyàŋ, niŋ dùàŋ Dayà yèè niŋ kiɛ̀ŋ wo Kànà Gbèè fuɔɔ̀ŋ e ɓɛ̀ɛ̀jàa.

1Pììlɛ 5:5

E ɗèwè guùŋ bi sùà nyɛ̀iŋ nààŋ nyuùŋ bɔwɔ nyàŋ sɔɔ̀ naŋ jɔ̀ɔ̀lɔ̀ àŋ màmàŋkùmɛŋ nyaŋ dìì. Nyɛ̀iŋ nààŋ gbiŋ, wo nyùùŋ gbiŋ ɓɔ̀ wò ɓemè wuŋ bi gbee. Màànààŋ wɔŋ fɛ̀ì Dayàa naŋ woò wààŋ, “Wo Dayà giiyà wo nyùnɔ̀ɔŋ ɓemàŋ wuŋ bi gbee wɔ̀ maŋhɛɛ, kɛɛ wò kiɛ̀ŋ wo nyùnɔ̀ɔŋ fè ɓèmè wuŋ bi gbeeɔ̀ e keì sìàŋ.”