Ɛfesɔ̀ 5:18 - WƆŊ FƐ̀Ì EBÒ SÌÀŊ DAYÀA

¹⁸ Ɓɔ̀ nìŋ tìà maŋ tala muaŋ màŋ wèè maiŋ kùwà, e yèɛ kɛ̀ màŋ pɔɔ̀ìŋ nɔŋ lɛ̀, kɛɛ wo Jìnàŋ Nɛɛmaàŋ nɔ̀ìŋ sùà.

Ɛfesɔ̀ 5:18 ပူးပေါင်းရင်းမြစ်များ

Maafiù 23:25

“E keì nyìnga do nàŋ nɔ̀ŋ ko nɛ̀ɛ̀iŋ niìŋ, nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ yèè nyɛ̀iŋ nààŋ Fɛlosiì nyaŋ! Nìŋ yaà nyùùŋ fɛ̀ɛ̀ ɗòònààkeì. Nìŋ guo maŋ kpòò tììyaiŋ màŋ yèè maŋ tɛnyɛ̀iŋ màŋ jɛwɛ. Manɛ̀ŋ foo bi ko sùà nìŋ sie manɛ̀ŋ maŋ nìŋ gè anyùùŋ ko sìwè maŋ gàangàaŋ e mànàŋ nyɛ̀iŋ biɛ̀ sùà.

Maafiù 24:49

kɛ̀ wo tɔ̀ɔ̀tù ɓùlà aŋ ɓɔìjɔ̀à dàwiuŋ nyàŋ e kìlà wuŋ yaà anyuùŋ tìà maŋ mùàŋ, àŋ kùùnò jììyà e nɛ̀ŋje yèè aŋ tiià maŋ mùàŋ koɓɛ̀ guùŋ.

Luù 1:15

Wo Jɔ̀ɔŋ do nàŋ nɔ̀ŋ wo ɓɔ̀ìjɔ̀à nɛɛmaŋ wèè wo Kanaà Dayà. Julɔfɔ ɓɔ̀ wò tìà màŋ tala muaŋ ɔ̀ɔ̀ è biyà, yèè e gààŋ wo Jìnàŋ Nɛɛmaàŋ douŋ nàŋ nɔ̀ŋ diɛŋ e yìwìà ke ɗɔɔɛ̀ àŋ douŋ nàŋ kòmò lɛ.

Luù 11:13

Jòòpɛɛ nìŋ kuwa maŋ kpèè naanààŋ, kɛɛ nàŋ nyìmàŋ e ɗèwè manɛ̀ŋ kɛnɛ kìɛŋ koɓɛ̀ aŋ jɔ̀àiŋ nyàŋ. Dièsɔa nìŋ naŋ ɓɛ̀nɛ̀ŋ gòngo kɛ̀ wo Dèdaiŋ nɔɔ̀ŋ ko àìjɛnɛ̀ŋ wo naàŋ kìɛ̀ŋ wò Jìnàŋ Nɛɛmaàŋ kòɓɛ̀ ànyùùŋ nyaŋ dawàuŋ nyaŋ?”

Luù 12:45

Kɛɛ sèè wo ɓɔìjɔ̀à wii wo wòò ke jiiuŋ nɛɛ̀ŋ sùà wààŋ, ‘Wo kààmɔɔŋ miɔ̀ŋ yaà dɔɔnɔŋ wèè wo kɛ̀ɛ̀ maŋjɛ̀wɛ,’ yèè wo tɔ̀ɔ̀tù ɓùlà aŋ ɓɔìjɔ̀à dàwiuŋ nyàŋ, kpeiŋ wuŋ yaà anyùùŋ aŋ jènɛ̀ŋ yèè aŋ tìyà maŋ mùàŋ koɓɛ̀ guùŋ e jèèsùà maŋ mùàŋ maŋ mauŋ kùwà.

Luù 21:34

Wo Jisɛ̀ naŋ ɓɛìŋ woò wààŋ, “Yɛ̀mɛìŋ nyɛ̀iŋ bi diɛŋ! Ɓɔ̀ nìŋ dangè è wànàŋ gbana yaà màŋ muàŋ tìa e kpùlìà ke jìì sɛ̀ɛ̀ wɔ̀ŋ nyiiŋ gèe wɛɛ̀ŋ wɔŋ doiŋ dìà màŋ jiio sùà, esaɓù wèè ke ɗɔɔ yii goiŋ wa nàwèè nàŋ foonò

Jɔ̀ɔŋ 2:10

yèè wò nauŋ woò wààŋ, “Wo nyùùŋ gbiŋ wɔŋ ɗaa gèeo sùà wò kiɛ̀ŋ wa maŋ tala muaŋ kɛnɛ màŋ jiɛ̀ koɓɛ̀ anyùùŋ nyaŋ. Yèè sèè àŋ tie naàŋ zimgbe maŋ jii fà nyìŋ, kɛ̀ wò ngàà hìàŋ maŋ zɔwùù maŋ. Kɛɛ mùŋ naŋ miŋ jèè kɛɛnɛŋ e hàì ko dìà wɔŋ ɗaaà!”

Nyɛ̀nɛ̀ŋ 11:24

Wo Bànaŋɓà kuwa wa ke kpèè siaŋ yèè e hààwe gbee, yèè wo Jìnàŋ Nɛɛmaàŋ nauŋ wa dìèsùà. Esàɓù ke kpèèuŋ nɛɛ̀ŋ anyuùŋ zimgbe naŋ wa kɛ̀ɛ̀nɛ̀ŋ hààwe.

Luùm 13:13

Tùwo wiìŋ tɛ̀ɛ̀, màànààŋ anyùùŋ nyaŋ nyɛnɛŋ wɔŋ niìsìaà sùà lɛ. Ɓɔ̀ è nɔ̀iŋ nɔŋ màaŋ sùà wèè è gbana nyɛ̀nɛŋ ɔ̀ɔ̀ màŋ muàŋ tìa yèè màŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyɛ̀nɛŋ. Ɓɔ̀ è nyɛ̀nɛ̀iŋ nyaàŋ tàaŋ ɔ̀ɔ̀ eiŋ gììyà aŋ dàwi wi nyàŋ koo.

1 Kɔliìŋ 11:21

Nìŋ tɔɔtù ngèè pɛɛ e nɛ̀ŋje jèe paŋgàà anyùùŋ nyaŋ kpɛ̀ɛ̀yɛ̀ dèèneɛ̀ hnàŋ sùà, yèè nyɛ̀iŋ nààŋ bà nyiŋ nìŋ kɔà e jìè, aŋ bà nyiŋ àŋ tie.

1 Kɔliìŋ 5:11

Kɛɛ e nɛ̀ɛŋ mìŋ yaà wòo sùà lɛ nàŋ yaà kɛ̀, wo nyùnɔ̀ɔŋ naŋ nyààŋ wuŋ bi wo wùìya, è hààweɛ̀ sùà wɔ, kɛɛ wò yaà maŋ kpèè nàànààŋ hmɔŋtu sùà, ɔ̀ɔ̀ wò yaà e kèè nɛ̀ŋje ɔ̀ɔ̀ wò zoolà maŋ gòò, ɔ̀ɔ̀ wò yaà nyuùŋ nàànààŋ ko nyààŋ, ɔ̀ɔ̀ wo nyuùŋ tìà maŋ mùàŋ, ɔ̀ɔ̀ wò wuo, nyɛ̀iŋ nyùùŋ mààŋ wii ɓɔ̀ nìŋ mɔɔnɔ̀ŋ yèè ɓɔ̀ nìŋ jiiyà è nɛ̀ŋje kòɓɛ̀ guùŋ.

1 Kɔliìŋ 6:10

ɔ̀ɔ̀ wo nyùnɔ̀ɔŋ wuo wɔ̀, ɔ̀ɔ̀ wo nyùùŋ kèè nɛ̀ŋjè, ɔ̀ɔ̀ anyuùŋ tìà maŋ mùàŋ, ɔ̀ɔ̀ wo nyuùŋ nàànààŋ ko nyààŋ, ɔ̀ɔ̀ anyuùŋ wùa, e Kànà Dayàa bà gbiŋ naàŋ wa nàwèè nàŋ nɔ̀ŋ wèè àŋ bà gbiŋ.

1Tɛsè 5:7

E dùùm anyùùŋ jiwìà, yèè e dùùm maŋ mùàŋ kùwò nyiìŋ.

Taitɔ̀ 1:6

Wo màmàŋkùmɛŋ ɓɔ̀ wò kuwìè è tɔ̀mɛ, wo nɔ̀ŋ wo fèlàà jɔ̀ùŋ guùŋ kpò, yèè aŋ jɔ̀àuŋ nyàŋ aŋ nɔ̀ŋ anyuùŋ kùwìè hààwe, ɓɔ̀ àŋ nɔ̀ŋ ànyuùŋ kuwìè ebò waasu ɔ̀ɔ̀ ànyuùŋ gò jɔɔlɔ̀.