Ɛfesɔ̀ 5:17 - WƆŊ FƐ̀Ì EBÒ SÌÀŊ DAYÀA

¹⁷ Sèè è nɔ̀ŋ yɛi, kɛ̀ ɓɔ̀ nìŋ nɔ̀ŋ ànyuùŋ gò kɛ̀ɛ̀nɛ̀ŋ jiikɛ̀ɛ, kɛɛ fɛ̀ɛìŋ niŋ nyìmàŋ kɛ̀ kiìŋ wo Kanaà manaŋ wèè naŋ nyɛ̀nɛ̀ŋ.

Ɛfesɔ̀ 5:17 ပူးပေါင်းရင်းမြစ်များ

Jɔ̀ɔŋ 7:17

Sèè wo nyùùŋ gbiŋ mɔnɔŋ wèè wo kaikpɔ nyɛ̀nɛ̀ŋ e yèɛ wo Dayà manaŋ wo nyɛ̀nɛ̀ŋ lɛ, wò do naŋ nyìmè sèè mààŋ e yèɛ mìŋ kaà lɛ è yewe wo Dayà sìwè ɔ̀ɔ̀ è yewe e gààŋ miàŋ biɔ̀ sùà.

Luùm 12:2

Ɓɔ̀ nìŋ nyimèè wèè naŋ nyɛ̀nɛ̀ŋ è nɛ̀ɛŋ anyuùŋ gò kɛ̀ɛ̀nɛ̀ŋ hààwe nyàŋ woàìŋ kɛ̀ è yaà tɛ̀ɛ̀ wèè naŋ nyɛ̀nɛ̀ŋ lɛ è ɗuunyaŋ lɛɛ̀ dìì, kɛɛ tɔ̀ wo Dayà vɔɔnɔ̀ŋ e ɗeweɛ̀ nìŋ gongà lɛ. Tɛɛ̀ do nàŋ nyɛ̀nɛ̀ŋ naŋ tùàŋ maŋ nɔnɔŋ wèè naŋ nyìmàŋ e ɗèwè keì sìàŋ nyɛ̀nɛŋ yaà e yèɛ do nàŋ fɔ̀ɔ̀yɛ̀ Dayà jii lɛ̀.

Ɛfesɔ̀ 5:15

E wèètii yɛ̀mɛìŋ maŋ nyiiŋ màŋ diɛŋ. Ɓɔ̀ nìŋ nɔ̀ŋ fuɔŋ mààŋ ànyuùŋ gò kùwìè jiikɛ̀ɛ, kɛɛ nɔ̀ɔìŋ fuɔ̀ŋ mààŋ anyuùŋ kùwìè kɛ̀ɛ̀jii. Tòòmoìŋ e teenga siaàŋ gbiŋ nìŋ kuwa lɛ̀ tɛ̀ɛ̀.

Kòlo 1:9

E wèè esaɓù lɛɛ̀, è zoolà e weèiŋ e teenga gbiŋ e yìwìà ke ɗɔɔ jiɛ̀jiɛ̀ɛ è naiŋ wa kòmò e kèè hààweiŋ nɛ̀ lɛ. È zoolàìŋ wèè wo Dayà woiŋ tɔ̀ɔ̀ e nɛ̀ɛŋ gbiŋ wò manaŋ naŋ nyɛ̀nɛ̀ŋ lɛ, yèè woiŋ kìɛ̀ŋ e jiikɛ̀ɛ e kìlà woiŋ nyɛ̀nɛ̀ŋ naŋ nyìmàŋ e yèɛ wo Jinàuŋ nɔɔ̀ŋ kiɛ̀ŋ lɛ,

Kòlo 4:5

Tòòmoìŋ jiikɛ̀ɛ sùà e nyaàiŋ dè e ɗeweɛ̀ nìŋ tuwà koɓɛ̀ anyùùŋ nyaŋ kuwà hààwe nyàŋ. Tòòmoìŋ e teenga siaàŋ gbiŋ nìŋ kuwa lɛ̀ wèè niŋ kiɛ̀ŋ ke miè gbìaàŋ ko nɛ̀ɛ̀ŋ nyiŋ niìŋ.

1Tɛsè 5:18

Gèeìŋ Dayà sɛ̀ e keì gbiŋ sùà. Tii nàŋ yaà e nɛ̀ɛŋ wò mànàìŋ sìwè wɔŋ nyiiŋ gèeiŋ nɔɔ̀ŋ sùà nààŋ nìŋ yaà aŋ bàiŋbà wo Jisɛ̀ Kulaìɛ sùà lɛ.

1Pììlɛ 4:2

Weètii, wɔŋ nyiiŋ gèe gbànaiŋ nɔɔ̀ŋ maŋ kèìŋ maŋ sùà, fè ɓɛìŋ è gòngò nyuùŋkpùuŋ dìi. Wɔ̀ŋ yaà naàŋ e gààŋ Dayàa dìì.