Ɛfesɔ̀ 5:16 - WƆŊ FƐ̀Ì EBÒ SÌÀŊ DAYÀA

¹⁶ E wèètii, sèè e ɗewe gbiŋ naiŋ nɔ̀ŋ, tòòmoìŋ niŋ tɛ̀ɛ̀ kaiŋ, esaɓù kɛ̀ maŋ niìsìa mɛɛ̀ŋ maŋ fè tɛ̀ɛ̀.

Ɛfesɔ̀ 5:16 ပူးပေါင်းရင်းမြစ်များ

Maafiù 25:17

Wo ɓɔìjɔ̀àa naŋ wa yɛ̀mɛ̀ e tààsùùŋ tìyèeɛ̀ wɔ naŋ nyɛ̀nɛ̀ŋ e kèì guùŋ nɛ, yèè wò naŋ yɛ̀mɛ̀ e tààsùùŋ tìyèe e nɛɛnɛuŋ nɛ̀ diɛŋ.

Jɔ̀ɔŋ 12:35

Wo Jisɛ̀ naŋ nyiŋ fasàì wààŋ, “E gbolòùŋ nɛ do nàŋ nɔ̀ŋ ko nɛ̀ɛ̀iŋ niìŋ wèè e teenga kpuu. Kàaìŋ e gbolòùŋ nɛ sùà e teengaà nìŋ yɛmɛ̀ niìŋ lɛ. Wo nyùnɔ̀ɔŋ kaaìŋ ke nyìwìɛ sùà wɔ fè nyìmàŋ kɛ̀ kòò wò yaà kɔɔyɛ.

Luùm 13:11

Yɛ̀mɛìŋ nyɛ̀iŋ bi diɛŋ, e kìlà niŋ nyɛ̀nɛ̀ŋ maŋ keì mɛɛ̀ŋ gbiŋ, esaɓù kɛ̀ nàŋ nyìmàŋ e teengaà è haì wèè eiŋ kɛɛyɛ̀. Nàŋ nyìmàŋ kɛ̀ ke ɗɔɔɛ̀ wèè wo Dayà wo wi joeyè kè naàŋ gbɛ̀ɛ̀, e nìàŋ e teenga jiɛ̀jiɛ̀ɛ è naiŋ wa sìè e hààwe wilɛ̀ wo Kanaà Jisɛ̀ Kulaì sùà lɛ.

1 Kɔliìŋ 7:26

Sèè naŋ hòà e fɛ̀ɛ̀ e kèè maŋ jii mɔ̀ɔ̀nɛŋ màŋ yaà naàŋ e teenga lɛɛ̀ sùà maŋ, kà gongò kɛ̀ è yaà tɛ̀ɛ̀ wèè wo kpàkòò nɔ̀ŋ wɔŋ kùàŋ e wùmauŋ màànààŋ wò yaà lɛ.

Gàla 1:4

Wo Jisɛ̀ Kulaì naŋ wa jɔ̀ɔ̀lɔ̀ wo Dèda wiɔ̀ wo Dayà dìì, yèè wò naŋ kiɛ̀ŋ wuŋ bi wèè wo nɔ̀ŋ e nɛ̀ŋ saàà wèè maŋ jùumù wi màŋ, wèè wo joeyè wi e yìwìà e ɗuunyaŋ naanààŋ lɛɛ̀ sùà.

Gàla 6:10

Kpeiŋ kɛ̀, nààŋ nɔŋ è kùwàìŋ yɛi e ɗeweɛ̀ le, nyɛ̀nɛ̀ŋ wiìŋ e kpùùmaŋ tɛ̀ɛ̀ koɓɛ̀ anyùùŋ nyaŋ gbiŋ, egbèìngèìŋ ngèè aŋ yè nyaŋ yaà ke kpòò e hààweɛ̀ sùà nyaŋ.

Ɛfesɔ̀ 6:13

E wèètii, gɔ̀aìŋ naàŋ manɛ̀ŋ sùmiaŋ màŋ wo Dayà naiŋ kiɛ̀ŋ maŋ, wèè kɛ̀ sèè ke ɗɔ̀ɔ̀ ke gbòò aŋ jinàŋ naanààŋ nyaŋ sùmiaŋ kè haì, niŋ fè nyimèè wèè àŋ jooiŋ nyàŋ aiŋ ɓùlà, yèè sèè ke gùnɛɛ̀ŋ kè juo gbɛlɛiŋ, naŋ nɔŋ jèè e suà nyìngaiŋ.

Ɛfesɔ̀ 6:15

e wùànàŋ ke mìè gbìàŋ ebò siaàŋ nyaàiŋ dè ke jii fàa, e nɔ̀ŋ mààŋ maŋ ba gòlòiŋ màŋ.

Kòlo 4:5

Tòòmoìŋ jiikɛ̀ɛ sùà e nyaàiŋ dè e ɗeweɛ̀ nìŋ tuwà koɓɛ̀ anyùùŋ nyaŋ kuwà hààwe nyàŋ. Tòòmoìŋ e teenga siaàŋ gbiŋ nìŋ kuwa lɛ̀ wèè niŋ kiɛ̀ŋ ke miè gbìaàŋ ko nɛ̀ɛ̀ŋ nyiŋ niìŋ.