Ɛfesɔ̀ 5:14 - WƆŊ FƐ̀Ì EBÒ SÌÀŊ DAYÀA

¹⁴ E gbolòùŋ nɛ nàŋ tɔɔ̀ e nɛ̀ŋ gbiŋ janjai. E wèètii è yaà e wòò niŋ, “Kɛ̀ɛ̀yɛɛ̀, nyùùŋ maŋ jàwèɔ, e kìlà muŋ fòlà e fàa dìì. Kpeiŋ kɛ̀ wo Jisɛ̀ Kulaì nɔ̀ŋ e gbolòùŋ ko diɛum.”

Ɛfesɔ̀ 5:14 ပူးပေါင်းရင်းမြစ်များ

Luù 1:78

E mànàŋ Dayàa yèè e tɛ̀ɛ̀tɛ̀ɛ̀uŋ nɛ̀, do wi nàŋ mɛ̀ɛ̀ŋ diɛŋ mààŋ e gɔɛɛ̀ e yèɛ folo ke nyiliɛ̀ lɛ.

Luù 15:24

Esaɓù kɛ̀ wo jɔ̀àfelaaim wɛɛ̀ naŋ wa fɔ̀, kɛɛ wò yaà naàŋ wɔŋ nyiiŋ gèeɔ̀ sùà. Wò naŋ wa go, kɛɛ kàuŋ naàŋ mɛɛ̀ŋ.’ Yèè wɔŋ ɗaaà naŋ tɔɔtù.

Jɔ̀ɔŋ 8:12

Wo Jisɛ̀ naŋ ɓɛìŋ gbòò koɓɛ̀ anyùùŋ nyaŋ wààŋ, “Miàŋ nàŋ yaà e gbolòùŋ nɛ wèè anyùùŋ nyaŋ e ɗuunyaàŋ! Dèe nìim maŋjɛ̀wɛ, yèè niŋ naàŋ kààìŋ kè nyìwìɛ sùà. Nìŋ do nàŋ yɛ̀mɛ̀ e gbolòùŋ nɛ kiɛ̀ŋ wɔŋ nyiiŋ lɛ̀.”

Jɔ̀ɔŋ 9:5

Miàŋ nàŋ yaà e gbòlòùŋ anyùùŋ nyaŋ e ɗuunyaàŋ e teengaà mìŋ yaà e ɗuunyaàŋ sùà lɛ.”

Nyɛ̀nɛ̀ŋ 13:47

Maŋ keì maŋ wo Kanaà Dayà naŋ wi woò wèè e nyɛ̀nɛ̀iŋ màŋ mɛɛ̀ŋ. Wò naŋ woò wààŋ, ‘Kàiŋ tàeɗùù wèè naŋ nɔ̀ŋ e gbolòùŋ wèè anyùùŋ nyaŋ fè àŋ Juùù nyaŋ. Nìŋ kuwa naŋ kòà e gààŋ jòèyè Dayàa koɓɛ̀ anyùùŋ nyaŋ gbiŋ e dììɛ diɛŋ ɗuunyaàŋ wèè aŋ nɔ̀ŋ jòèye nyiŋ.’ ”

Luùm 6:13

Ɓɔ̀ nìŋ nyimèè wèè màŋ nɛ̀ɛ̀ŋ kɔ̀ɔ̀ màŋ kpùnaiŋ màŋ bà màŋ do nyɛ̀nɛ̀ŋ jùumù. Kɛɛ deìŋ ke dòmàŋ Dayàa diɛŋ, esaɓù kɛ̀ nìŋ yaà wa mààŋ anyùùŋ naŋ fɔ̀, kɛɛ wo Dayà wòiŋ kìɛ̀ŋ wɔŋ nyiiŋ gèe. Kìɛìŋ maŋ kpùnaiŋ màŋ ko nɛ̀ɛ̀uŋ niìŋ wèè wo toomò miŋ e tɔ̀ɔ̀nyaàŋ sùà.

1 Kɔliìŋ 15:34

Ɓèmeìŋ e jiikɛ̀ɛ niŋ gè kùàŋ maŋ jùumùiŋ màŋ sùà. Mìŋ yààìŋ wòo sùà e kèì sàngè tiŋ nàŋ yaà kɛ̀ nyɛ̀iŋ nɛɛ̀ŋ bà nyiŋ niŋ nyimààŋ Dayà.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

Ɛfesɔ̀ 2:1

E gɔuɛ̀ sùà, nìŋ naŋ wa fɔ̀ wo jinàiŋ nɔɔ̀ŋ sùà esàɓù maŋ keì naanààŋ, yèè maŋ jùumùiŋ màŋ.

Ɛfesɔ̀ 2:5

E teengaà è yààìŋ wa aŋ fà wi wo jinàaŋ sùà esàɓù maŋ keì naanààŋ wi màŋ lɛ, wò naŋ wi kɛ̀lɛ̀ɛ̀ wɔŋ nyiiŋ gèeɔ̀ sùà yàwi nààŋ Jisɛ̀ Kulaì. È naiŋ yɛ̀mɛ̀ e jòèye esàɓù e tɛ̀ɛ̀tɛ̀ɛ̀ Dayàa sùà.

Kòlo 3:1

Wo Dayà naiŋ wa gè e fàaà dìì nyɛ̀iŋ wo Jisɛ̀ Kulaì koɓɛ̀ guùŋ, weètii jàaìŋ maŋ jiiŋ màŋ koɓɛ̀ manɛ̀ŋ maŋ yaà ko àìjɛnɛ̀ŋ maŋ, ko yèi wo Jisɛ̀ Kulaì jaa ke kpùà kanauŋ nɛɛ̀ŋ diɛŋ wɔŋ kùàŋ jìkà Dayàa lɛ̀.

1Tɛsè 5:6

Wèètii, ɓɔ̀ è nɔ̀iŋ màŋjàwè mààŋ ànyuùŋ gbànaŋ nyàŋ, jèè wiìŋ e fɛɛ̀ wòwò, yèè maŋ gòngo wi màŋ jilɛ̀ŋ.

2Time 1:10

kɛɛ è naàŋ nɔ̀ŋ tɔ̀ɔ niŋ ko nɛ̀ɛ̀ŋ wiì e yìwìà e hnàŋ Nyuùŋ Jòèye wiɔ̀, wo Jisɛ̀ Kulaì. Wò hìàŋ e gààŋ fàa ko dìa yèè e yìwìà Ebò Siaàŋ sùà wò wi tɔ̀ɔ̀ wɔŋ nyiiŋ gèe gò jùàa.

2Time 2:26

E jiikɛ̀ɛ do nyiŋ nàŋ dè aŋ fòlà ke gbàù Dɛwìɔ sùà, wo yèɔ naŋ nyiŋ wa kùwò yèè wò naŋ nyiŋ nyɛ̀nɛ̀ŋ wèè aŋ jɔ̀ɔ̀lɔ̀ e gaàuŋ nɛ̀ dìì nyaŋ.