Ɛfesɔ̀ 5:11 - WƆŊ FƐ̀Ì EBÒ SÌÀŊ DAYÀA

¹¹ Ɓɔ̀ nìŋ nɔ̀ŋ àŋ bàiŋbà kòɓɛ̀ màŋ keì naanààŋ maŋ anyùùŋ nyaŋ nyɛnɛŋ màŋ, maŋ keì maŋ kaaàŋ ke nyìwìɛ sùà maŋ. Kɛɛ fùlià miŋ ko gbolòùŋ.

Ɛfesɔ̀ 5:11 ပူးပေါင်းရင်းမြစ်များ

Maafiù 18:15

“Sèè wo wùìya mɔɔ̀ŋ wò jààùm e nànàŋ, kɔ̀à ko nɛ̀ɛ̀uŋ niìŋ muŋ woòuŋ niŋ. Kɛɛ nyɛnɛ̀ŋ niŋ ke gbùnuo sùà nyɛiŋ tìyèe fèemàŋ. Sèè wò kumiàŋ e yèɛ mùŋ naŋ woò lɛ, kɛ̀ wò kìlà ko nɛ̀ɛ̀ŋ muìŋ.

Luù 3:19

Wo Jɔ̀ɔŋ Gùà Nyùnɔ̀ɔŋ naŋ wa wòò wo Kanaà Hɛɛlɔ̀ wààŋ, “E fè tɔ̀ɔ̀nyaàŋ wèè maŋ ɓèmè wò Hɛ̀lolìà, wò jàwè wùìya mɔɔ̀ŋ wèè wò do nɔ̀ŋ wò jawèum.” Wò nauŋ wa ɓɛìŋ gbuuyè wèè maŋ tùwo naanààŋ gbànauŋ màŋ wò yaà wa nyinie màŋ.

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Luùm 13:12

Wɔŋ dùmɔ̀ɔŋ joo tòloò wèè wɔŋ jùà, yèè sààmɛ e nììɛ do nàŋ sìè. Hɔ̀ànè wiìŋ nyɛ̀nɛ̀ŋ maŋ keì maŋ anyùùŋ nyaŋ nyɛnɛŋ ke nyìwìɛ sùà maŋ, yèè e nɔ̀iŋ bànèbane wi wèè e nɔ̀iŋ e gbolòùŋ nɛ sùà.

Luùm 16:17

Mìŋ yààìŋ dàwè sùà, nyɛ̀iŋ nààŋ wùìyaim nyàŋ kɛ̀, jàaìŋ fɛ̀ɛ̀ dìì wèè anyùùŋ nyaŋ nyɛnɛŋ anyùùŋ aŋ gòònò e tɛɛ, yèè aŋ sùmìàŋ aŋ dàwi wèè e hààweɛ̀ nìŋ naŋ jàà kùàŋ dìì lɛ. Ɓɔ̀ nìŋ ka nyiŋ è tɛɛ!

Luùm 6:21

Kiìŋ è naiŋ wa nafà wèè maŋ keì maŋ nìŋ naŋ wa nyɛ̀nɛ̀ŋ yèè e sàngè yààìŋ naàŋ wèè naŋ miŋ ɓɛìŋ nyɛ̀nɛ̀ŋ lɛ? E jìwààjɛ̀wɛ̀ maŋ keì bi zà nàŋ yaà e fàa!

Gàla 6:8

Sèè naŋ nyùàŋ e yìwìà e ɗèwè maŋ kèìŋ nyuùnkpùuŋ màŋ sùà, nìŋ do naŋ kpàà e nànàŋ fàa e yìwìà e ɗèwe bi sùà, kɛɛ sèè naŋ nyùàŋ e yìwìà e ɗèwè wo Jìnàŋ Nɛɛmaàŋ sùà, nìŋ do wa nàwèè naŋ kpàà wɔŋ nyiiŋ gèe gò jùà.

Ɛfesɔ̀ 4:22

Àŋ naiŋ woò kɛ̀ maŋ ɗèwè e ɓàaɓàa màŋ nìŋ kuwa màŋ, doiŋ nàŋ pɔ̀ɔ̀pɔ̀ɔ̀ e wèètii gèeìŋ kùàŋ wɔŋ nyiiŋ gèe gɔuiŋ nɔɔ̀ŋ sùà, yàà maŋ kpèè naanààŋ wuŋ màŋ gbiŋ.

Ɛfesɔ̀ 5:12

Tɔɔɓaa è yaà ngèè pɛɛ e kèì sàngè, wèè aŋ wòò manɛ̀ŋ maŋ àŋ nyɛnɛŋ ke gbùnu sùà lɛ.

Ɛfesɔ̀ 5:7

E wèètii, e keì bà gbiŋ ɓɔ̀ è nɔ̀ŋ fèèmàŋ nyɛ̀iŋ nààŋ nyùùŋ mààŋ nyiiŋ.

1Tɛsè 5:7

E dùùm anyùùŋ jiwìà, yèè e dùùm maŋ mùàŋ kùwò nyiìŋ.

2Tɛsè 3:14

È ɓɛ̀nɛ̀ŋ hɛ̀ɛ̀nɛŋ kɛ̀ anyùuŋ bà kui, aŋ naàŋ jɔ̀ɔ̀lɔ̀ kè miè gbìaàŋ è naŋ tùɔ̀ŋ wɔ̀ŋ fɛi wɛɛ̀ŋ sùà yɛ dìì. Sèè tɛɛ̀ è kaaìŋ yɛi, jàaìŋ nyiŋ jii niŋ gè kii nyiŋ kùàŋ sùà wèè e sàngè nyɛ̀nɛ̀ŋ nyiŋ.

2Tɛsè 3:6

Nyɛ̀iŋ nààŋ wùìya wi nyàŋ, è naiŋ naaà e dèè Kana wiɔ̀ Jisɛ̀ Kulaì sùà e wèè ɓɔ̀ nìŋ gbɛ̀ɛ̀ anyuùŋ hààwe nyàŋ gbiŋ àŋ yè nyaŋ yaà wɔ̀ŋ nyiiŋ gèe fà lè kɔɔ sùà, yèè aŋ fè nyɛ̀nɛ̀ŋ mànɛ̀ŋ maŋ è naŋ nyiŋ kiɛ̀ŋ wèè nyɛ̀nɛŋ maŋ.

1Time 5:20

Gbùùyaà aŋ yè nyaŋ gbiŋ naŋ nyɛ̀nɛ̀ŋ jùumù ko ɓài nyàŋ, wèè e jùù nyɛ̀nɛ̀ŋ anyuùŋ gbànaŋ nyàŋ.

1Time 5:22

Ɓɔ̀ mùŋ jèlà ke jii wèè maŋ gbùwà wɔ̀ŋ kùàŋ è zòòlo wò nyùùŋ diɛŋ, wèè wo nɔ̀ŋ e tòmò kanaà Jisɛ̀ Kulaì lɛ sùà. Ɓɔ̀ mùŋ nɔ̀ŋ wò bàumbà wèè màŋ jùùmù nyuùŋ joo, nyɛnɛ̀ŋ muàŋ bi muŋ nɔ̀ŋ sengei.

1Time 6:5

yèè maŋ nyaàŋ tàaŋ gò kɛ̀ɛ̀nɛ̀ŋ dìa e yìwìà anyuùŋ kùwìè maŋ jiikɛ̀ɛ gò tomo nyàŋ, yèè aŋ yè nyaŋ kuwà wa ɓɛìŋ è tɔ̀ɔ̀nyaàŋ lɛ̀. Àŋ gongà kɛ̀ e hààwe nyiŋ nɛ nàŋ yaà e ɗeweɛ̀ wèè aŋ banè.

2Time 3:5

Àŋ do nàŋ jàà e kèè Dayàa fɛ̀ɛ̀ sùà, kɛɛ aŋ gììyà e gaàŋ niŋ nɛ̀ maŋhɛɛ. Ɓɔ̀ mùŋ dè ànyùùŋ mààŋ nyiiŋ màŋjɛ̀wɛ.

2Time 4:2

wèè maŋ wòò ke miè gbìaàŋ. Jèèe nyiŋ woo sèè pɛɛ è naŋ nɔ̀ŋ e teenga kɛnɛɛ̀ ɔ̀ɔ̀ è go nɔ̀ŋ è teenga kɛnɛɛ̀ diɛŋ, wèè maŋ de anyùùŋ ke dòmàŋ diɛŋ, maŋ nyiŋ kìɛ̀ŋ mìè gòo, yèè maŋ nyiŋ kìɛ̀ŋ maŋ jii nyingè, nààŋ mùŋ kaà nyiìŋ maŋ jii tɔumtɔ̀ùm sùà lɛ.

Taitɔ̀ 2:15

Kàà nyiŋ maŋ keì mɛɛ̀ŋ e gaàŋ mɔ̀ɛ̀ sùà, màànààŋ nɔŋ mùŋ fè anyùùŋ nyaŋ kumìàùm nyaŋ maŋ jii nyingè, e kìlà mùŋ dè nyiìŋ dòmaŋ diɛŋ lɛ̀. Ɓɔ̀ mùŋ dangè wò bà gbiŋ doum nììngè fɛ̀ɛ̀.

Maŋ kèì nyɛɛnɛŋ 18:4

Mìŋ naŋ ɓɛìŋ kòmò ke miè joo e yìwìà ko àìjɛnɛ̀ŋ kè naŋ woò wààŋ, “Fòlaìŋ, nyɛ̀iŋ nààŋ nyunùim nyàŋ! Fòlaìŋ wo nìe wɛɛ̀ ko sùà! Ɓɔ̀ nìŋ nɔ̀ŋ àŋ bàiŋbà wèè màŋ jùumùuŋ màŋ. Ɓɔ̀ nìŋ nɔ̀ŋ àŋ bàiŋbà wèè è nimilàa wò do nàŋ kɔ̀ dìì lɛ!