Ɛfesɔ̀ 4:7 - WƆŊ FƐ̀Ì EBÒ SÌÀŊ DAYÀA

⁷ Wo Jisɛ̀ Kulaì naŋ gòònò maŋ keì sìàŋ titiuŋ màŋ ko nɛ̀ɛ̀ŋ wiì.

Ɛfesɔ̀ 4:7 ပူးပေါင်းရင်းမြစ်များ

Maafiù 25:15

Wò naŋ wa kìɛ̀ŋ wo bà guùŋ gbiŋ e nɛɛnɛŋ jika, nààŋ wò naŋ wa nyìmè e ɗèwè e nɛ̀ŋ nyɛ̀nɛŋ kiiuŋ nɛ̀ lɛ. Wò naŋ kìɛ̀ŋ wò guùŋ e pàtaà tààsùùŋ nɔɔnɔŋ (5,000), wò naŋ ɓɛìŋ kìɛ̀ŋ wò guùŋ e pàtaà tààsùùŋ tìyèe (2,000), yèè wò naŋ kìɛ̀ŋ wò guùŋ e pàtaà tààsùùŋ guùŋ (1,000). Kpeiŋ wò naŋ kɔ̀ wɔŋ fuɔŋ joo bà sùà.

Jɔ̀ɔŋ 3:34

Wo nyùnɔ̀ɔŋ wo Dayà naŋ tùɔ̀ŋ wɔ naŋ wòò ke mìè gbìàŋ Dayàa. E fèfoo wo Dayà naŋ nyɛ̀nɛ̀ŋ wo Jinàuŋ nɔɔ̀ŋ wo nɔ̀ŋ wo nyùùŋ bi diɛŋ.

Luùm 12:3

Kà nyìmàŋ kɛ̀ wo Dayà naim kìɛ̀ŋ e tɛ̀ɛ̀tɛ̀ɛ̀uŋ nɛ̀ zimgbe, yèè weètii tɔ̀ miŋ woò nyɛ̀iŋ nààŋ bà guùŋ gbiŋ kɛ̀, ɓɔ̀ mùŋ ɓemè muàŋ bi gbee è do nìàŋ è ɗeweɛ̀ mùŋ yaà lɛ, tiŋ zà muŋ fè yɛi. Tòòmoò e gòngo siaŋ yèè muŋ gbaì muàŋ bi e nyaàiŋ dè e hààweɛ̀ wo Dayà naum kiɛ̀ŋ lɛ.

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.

Ɛfesɔ̀ 3:2

Tɔɔɓaa kà haawè nàŋ kòmàŋ kɛ̀ wo Dayà, e yìwìà e tɛ̀ɛ̀tɛ̀ɛ̀uŋ nɛ̀uŋ nɛ̀ sùà wò naim kìɛ̀ŋ e tòmo lɛɛ̀ wèè ka niŋ nyɛ̀nɛ̀ŋ e nɔ̀ŋ kpùùmaŋ e weèiŋ.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

Hiɓu 2:4

Wo Dayà wuŋ bi naŋ kìɛ̀ŋ ke mìè seì, nààŋ wò naŋ tɔ̀ɔ̀ maŋ tɔ̀ɔ̀màŋsèì keì, yèè maŋ kèè mèè, e kìlà wò naŋ wa kìɛ̀ŋ wo Jìnàŋ Nɛɛmaàŋ koɓɛ̀ wo nyùnɔ̀ɔŋ gbiŋ wò manaŋ wouŋ kiɛ̀ŋ wɔ.

1Pììlɛ 4:10

Wo ɓɔìjɔ̀àa yɛ̀mɛ̀ manɛ̀ŋ kìɛ̀ŋ Dayà maŋ diɛŋ wɔ̀, maŋ kìɛŋ titi maŋ wò naŋ gè Dayà sìwè maŋ sɔɔ̀ wo miŋ toomò wèè e tɛ̀ɛ̀tɛ̀ɛ̀ koɓɛ̀ anyuùŋ hààwe dàwiuŋ nyàŋ.