Ɛfesɔ̀ 4:4 - WƆŊ FƐ̀Ì EBÒ SÌÀŊ DAYÀA

⁴ Ke kpùnaàŋ kè yaà kè guùŋ, wo Jinàaŋ yaà wò guùŋ màànààŋ nɔŋ wo Dayà naiŋ wa kìɛ̀ŋ ke jìì tùlìà guùŋ e teengaà wò naiŋ wa tàeɗùù wèè naŋ nɔ̀ŋ anyunùuŋ lɛ̀.

Ɛfesɔ̀ 4:4 ပူးပေါင်းရင်းမြစ်များ

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Nyɛ̀nɛ̀ŋ 15:11

Kɛɛ è naiŋ haawè kɛ̀ è doiŋ nàŋ jòèyè esàɓù ke kpèè sìàŋ wo Kanaà Jisɛ̀ɛ sùà, màànààŋ nɔŋ nyiŋ pɛɛ do nàŋ nɔ̀ŋ lɛ.”

Luùm 11:29

Wo Dayà fè kìlà kè jiiuŋ nɛɛ̀ŋ wèè wo nyùnɔ̀ɔŋ wò naŋ tàeɗùù yèè wò kiɛ̀ŋ e kpùùmaŋ wɔ̀.

1 Kɔliìŋ 10:17

Ke gbɔ̀uɛ̀ kè yaà kè guùŋ, wèè yàwi nààŋ gbiŋ, jòòpɛɛ è naiŋ mùŋgò, kɛɛ è yààìŋ ke kpùnàŋ guùŋ, esaɓù kɛ̀ è yààìŋ aŋ bàiŋbà koɓɛ̀ ke gbɔ̀ù guùŋ bi.

1 Kɔliìŋ 12:20

Nààŋ è yaà yɛi le, manɛ̀ŋ è kɔ̀ɔ̀ màŋ naŋ gàŋ kɛɛ ke kpùnaàŋ yaà kè guùŋ kpò.

2 Kɔliìŋ 11:4

È naiŋ wòò e kèè Jisɛ̀ Kulaì, yèè nìŋ naŋ jàà wo Jìnàŋ Dayàa yaà ke miè gbìaŋ Ebò Siaŋ wiɛ̀ kùàŋ dìì. Kɛɛ aŋ anyùùŋ bà àiŋ wòò e kèè wo Jisɛ̀ joo. Nàŋ naàŋ banebànè wèè naŋ jàà wo jinàŋ joo yèè ke mìè gbìaŋ joo kùàŋ dìì.

Ɛfesɔ̀ 1:18

Mìŋ dawà wèè maŋ jiiiŋ màŋ maŋ yilè e kìlà niŋ yɛmɛ̀ e gbolòùuŋ nɛ, e wèè niŋ nyìmàŋ kɛ̀ kiìŋ nàŋ yaà ke jii tùliaà ke yèɛ wò naiŋ nyààŋ e weè nyiŋ nɛ̀, kɛ̀ nìŋ do nàŋ yɛ̀mɛ̀ e ɗeweɛ̀ maŋ kpùùmàŋ e keì sìàŋ gbeeuŋ nɛ̀ naŋ banè lɛ, maŋ yè maŋ wò naŋ ɓèmè e ɗààhiì wèè wo fè anyùùŋ nɛɛmauŋ nyàŋ gbiŋ lɛ̀,

Ɛfesɔ̀ 2:16

E fà Jisɛ̀ Kulaìɛ wɔŋ vànèkpaàa diɛŋ naŋ kpɛ̀ɛ̀yɛ̀ e wùònoɛ̀ e fèèmàŋ maŋ zìì tìyèe màŋ, yèè esàɓù e fàauŋ nɛ̀ wɔŋ vànèkpaàa diɛŋ, wò naŋ hìnyɛ̀ŋ maŋ kpùnàŋ tìyèe màŋ koɓɛ̀ guùŋ sùà, yèè wò naŋ nyiŋ kɛ̀lɛ̀ɛ̀ maŋjɛ̀wɛ koɓɛ̀ Dayài.

Ɛfesɔ̀ 2:18

Esàɓù Jisɛ̀ Kulaì sùà, aŋ Juùù nyaŋ yèè anyùùŋ nyaŋ fè àŋ Juùù nyaŋ, yàwi nààŋ gbiŋ è naiŋ ɓɛnɛ̀ŋ wèè eiŋ hnàŋ wo Jìnàŋ gunɔ̀ɔŋ sùà ko fɛ̀ɛ̀fèìŋ Dèdaì.

Ɛfesɔ̀ 2:22

Ke saaàŋ wo Jisɛ̀ Kulaì naŋ nyɛ̀lɛ̀ wèè Dayà nɔ̀ŋ dìì wo Jinàaŋ sùà yɛ, nìŋ yaà aŋ bà nyiŋ bà.

Ɛfesɔ̀ 4:1

Nààŋ miàim Pɔɔ̀, mìŋ yaà wo nyùùŋ màŋ keì wèè Kanaà lɛ, mìŋ yààìŋ pɔ̀wɔ sùà, nààŋ wo Dayà naiŋ nyààŋ wèè nauŋ haawè maŋ nyiiŋ gèeiŋ màŋ sùà lɛ.

Ɛfesɔ̀ 5:30

Esaɓù kɛ̀ è yààìŋ aŋ bàwibà ke kpùnauŋ nɛɛ̀ŋ sùà.

Kòlo 1:5

E teengaà ke mìè gbìàŋ tɔ̀ɔ̀nyààŋ Ebò Siaàŋ naŋ wa hnè ko nɛ̀ɛ̀iŋ niìŋ jiɛ̀ lɛ, nìŋ naŋ wa kòmò e kèè ke jii tùliaà è kiɛ̀ŋ lɛ. Weètii e hààweɛ̀ yèè e mànaàŋ nìŋ kuwa lɛ̀, nàŋ yaà e yèɛ nìŋ yaà kaame ke jii tùlia sùà lɛ, e yèɛ yaà bàànè hàa weèiŋ ko àìjɛnɛ̀ŋ lɛ.

Kòlo 3:15

Ke jii fàaà wo Jisɛ̀ Kulaì kiɛ̀ŋ lɛ nàŋ yaà wèè keiŋ yɛ̀mɛ̀ diɛŋ e nyaàiŋ dè e ɗèweɛ̀ nìŋ nyɛnɛ̀ŋ lɛ̀. E wèè esàɓù ke jii fàa yɛɛ̀ wo Dayà naiŋ nyààŋ koɓɛ̀ guùŋ ke kpùnàŋ guùŋ sùà, weètii kɛ̀ɛ̀nɛìŋ ke sɛ̀ gèe koɓɛ̀ Dayài.

2Tɛsè 2:16

Tɔ̀ wo Kana wiɔ̀ Jisɛ̀ Kulaì wuŋ bi yèè wo Dayà wo Dèdaà, wo yèɔ mànàŋ wì e kìlà wò kiɛ̀ŋ wì keì sìàŋ yèè e yìwìà e tɛ̀ɛ̀tɛ̀ɛ̀uŋ nɛ̀ sùà wò kiɛ̀ŋ wi ke jìì nyìngè nyiiŋ gèe gò jùà, yèè ke jii tùlia nyìngà sùà wɔ,

1Time 1:1

E yìwìà miàim Pɔɔ̀ sìwè, mìŋ yaà wo keela tàeɗùù wèè Jisɛ̀ Kulaì e yìwìà e gààŋ Dayàa wo Nyuùŋ Jòèye wiɔ̀ yaà wo Jisɛ̀ Kulaì yèɔ kiɛ̀ŋ wì ke jii tùlia wɔ.

Taitɔ̀ 1:2

e yèɛ nyaàiŋ naŋ dè ke jii tùlia wèè nyiiŋ gèe gò jùà. Wo Dayà, wo yèɔ fè tòà wɔ, naŋ wa ɓèmè e ɗààhiì pangàà ko tɔ̀ɔ̀tù e ɗuunyaàŋ,

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

Taitɔ̀ 3:7

Wò naŋ tɛɛ̀ nyɛ̀nɛ̀ŋ e wèè kɛ̀ esàɓù e tɛ̀ɛ̀tɛ̀ɛ̀ Jisɛ̀ Kulaìɛ sùà, wuŋ Dayà wo wi jàà kùàŋ dìì koɓɛ̀ wuŋ biì mààŋ anyùùŋ tɔ̀ɔ̀nyaàŋ, wèè eiŋ kùwìè ke jii tùliaà kɛ̀ è doiŋ nàŋ kɛ̀ɛ̀nɛ̀ŋ wɔŋ nyiiŋ gèe gò jùàa wo Dayà naŋ wi wa sɔ̀ dèè wɔŋ.

1Pììlɛ 1:21

Esàɓù Jisɛ̀ Kulaì sùà nìŋ naŋ hààwè Dayà, wo yèɔ nauŋ gèe dìì e yìwìà e fàa dìì, yèè wò nauŋ fè e jòòwo, wèètii e hààweiŋ nɛ̀ yèè ke jii tùliaiŋ nɛɛ̀ŋ yaà koɓɛ̀ Dayài.

1Jɔ̀ɔŋ 3:3

Wo nyùnɔ̀ɔŋ gbiŋ kuwa ke jii tùlia yɛɛ̀ wo Jisɛ̀ Kulaì sùà wɔ, wò nyɛnɛŋ wuŋ bi sengei màànààŋ wo Jisɛ̀ wuŋ bi yaà sengei lɛ̀.