Ɛfesɔ̀ 4:32 - WƆŊ FƐ̀Ì EBÒ SÌÀŊ DAYÀA

³² Kɛɛ nɔ̀ɔìŋ tɛ̀ɛ̀, yèè niŋ kuwìè maŋ jìì nyowo wèè aŋ dàwiiŋ nyàŋ niŋ juuyà anyùùŋ hakɛ̀ màànààŋ wo Dayà naiŋ jùùyè hakɛ̀ esàɓù Jisɛ̀ Kulaì sùà lɛ.

Ɛfesɔ̀ 4:32 ပူးပေါင်းရင်းမြစ်များ

Maafiù 6:12

Jùùyaà wi hakɛ̀ wèè maŋ keì nàànààŋ wi màŋ, màànààŋ è juuyà aŋ dàwi wi nyàŋ hakɛ̀ wèè maŋ keì naanààŋ maŋ àŋ naŋ wi jàà maŋ.

Luù 1:78

E mànàŋ Dayàa yèè e tɛ̀ɛ̀tɛ̀ɛ̀uŋ nɛ̀, do wi nàŋ mɛ̀ɛ̀ŋ diɛŋ mààŋ e gɔɛɛ̀ e yèɛ folo ke nyiliɛ̀ lɛ.

Luù 11:4

Jùùyaà wi hakɛ̀ wèè maŋ keì naanààŋ maŋ è naiŋ nyɛ̀nɛ̀ŋ maŋ, màànààŋ nɔŋ è juuyà aŋ dàwi wi nyàŋ hakɛ̀ wèè maŋ keì naanààŋ maŋ àŋ jàà wì maŋ. Ɓɔ̀ mùŋ koà wi è wàa nyìnga dìì.’ ”

Luù 17:4

Sèè woum ɓèèmè e jùumù diɛŋ e sùà nɔɔnɔŋ le tìyèe ke ɗɔ̀ɔ̀ guùŋ sùà, yèè e teenga gbiŋ wò yaà hìnìè ko nɛ̀ɛ̀ŋ muìŋ wààŋ, ‘Hɔ̀nè, kɔ̀nɛɛ̀ŋ jùùyaàim hakɛ̀,’ mùŋ kuwa mauŋ jùùyà hakɛ̀.”

Luù 6:35

Kɛɛ mànaìŋ aŋ jooiŋ nyàŋ e kìlà niŋ nyinìàŋ nyiŋ keì sìàŋ. Ɓɔ̀ nìŋ kiɛ̀ŋ nyiŋ fòfoo nìŋ manaŋ wèè aiŋ niŋ ɓɛìŋ kɛlɛ̀ɛ̀. Sèè nìŋ nyɛnɛŋ tii, wo Dayà doiŋ nàŋ kìɛ̀ŋ e jìwààjɛ̀wɛ̀ gbee. E kìlà nìŋ do nàŋ nɔ̀ŋ aŋ jɔ̀à wèè wo Dayà Gaàŋ Gbeeɔ̀. Esaɓù kɛ̀ wo Dayà tuwà tɛ̀ɛ̀ koɓɛ̀ wo nyuùŋ gò nyìmàŋ saɓùɔ yaà wo nyuùŋ nyɛ̀nɛ̀ŋ tùwo naanààaŋ.

Luù 6:37

“Ɓɔ̀ nìŋ kilià è kiti ànyùùŋ diɛŋ wèè màŋ jùumù nyiŋ màŋ, kpeiŋ kɛ̀ wo Dayà naìŋ kìlìè kiti diɛŋ wèè màŋ jùumùiŋ màŋ nyɛ̀iŋ pɛɛ. Jùùyaìŋ aŋ dàwiiŋ nyàŋ hakɛ̀ wèè e keì naanààaŋ àŋ naiŋ jàà lɛ, kpeiŋ kɛ̀ wo Dayà wòiŋ jùùyà hakɛ̀ nyɛ̀iŋ pɛɛ.

Nyɛ̀nɛ̀ŋ 28:2

Anyùùŋ ziì joo nyàŋ joà wa koɓɛ̀ bi nyàŋ naŋ wi wa kpuumò. Nààŋ maŋ gɔ̀à maŋ naŋ wa tɔ̀ɔ̀tù sɔ̀àa yèè ke fòìɛ naŋ wa gàŋ, àŋ naŋ wa dììyè e hmɔ̀ɔ̀ŋ weè wi.

Luùm 12:10

Mànaìŋ aŋ dàwi tɛ̀ɛ̀ mààŋ aŋ wùìyà ke kpòò guùŋ. Yèè nɔ̀iŋ e wùànàŋ sùà wèè niŋ tɔɔ̀ e ɓɛ̀ɛ̀jàa koɓɛ̀ aŋ dàwiiŋ nyàŋ.

1 Kɔliìŋ 13:4

E mànaŋ naŋ tɔumtɔ̀ùm, yèè è kuwìà nyùùŋ le siwè sìàŋ, e fè gè lè koo ɔ̀ɔ̀ e kɛ̀ɛ̀ màŋ nyongà ɔ̀ɔ̀ e ɓèmè tiŋ bi gbee.

2 Kɔliìŋ 2:10

Sèè nìŋ juuyà anyùùŋ hakɛ̀ wèè e nɛ̀ɛŋ àŋ naŋ nyɛ̀nɛ̀ŋ lɛ, miàŋ pɛɛ mìŋ juuyà nyiìŋ hakɛ̀. Sèè mìŋ juuyà nyùùŋ hakɛ̀, sèè tɔɔɓaa mìŋ kuwa wèè ka jùùyà nɛ̀ŋ gbiŋ hakɛ̀, mìŋ nyɛ̀nɛìŋ ko fɛ̀ɛ̀fèìŋ Jisɛ̀ Kulaì esàɓù nyɛ̀iŋ sùà,

2 Kɔliìŋ 2:7

E ɗewe gbiŋ sùà, nìŋ kuwa nauŋ jùùyà hakɛ̀ yèè nauŋ fè ke jii nyingè, e wèè ke nyowo gouŋ nàŋ mààŋ nyiiŋ zimgbe wo dàà kùàŋ kpɛlɛmɛɛŋ.

2 Kɔliìŋ 6:6

E gòiŋ nyɛ̀nɛ̀ŋ kèì sàngè, yèè è naŋ kùwìè jiikɛ̀ɛ, è naŋ kùwò jii, e kìlà è naŋ nyɛ̀nɛ̀ŋ keì sìàŋ. Wo Jìnàŋ Dayàa naŋ wi nɔ̀ŋ maŋjɛ̀wɛ, yèè e mànaŋ wilɛ̀ naŋ nɔ̀ŋ e kɛnɛ niŋ,

Ɛfesɔ̀ 5:1

Nààŋ nìŋ yaà aŋ jɔ̀à è jìì Dayà lɛ, fɛ̀ɛìŋ niŋ nyɛ̀nɛ̀ŋ mààŋ Dayà nyɛnɛŋ lɛ̀.

Jìiiŋ 5:11

Anyùùŋ nyaŋ naŋ kɔ̀ e mɔ̀ɔ̀nɛŋ dìì nyaŋ è nyààìŋ nyiìŋ anyuùŋ kɛ̀ɛ̀nɛ̀ŋ zɔlɔ̀. Nàŋ kòmàŋ ebò e ɗeweɛ̀ wo Jòo naŋ wa kùwò jii lɛ̀, yèè nàŋ nyìmàŋ e ɗeweɛ̀ wo Dayà nauŋ wa kiɛ̀ŋ ko diemeì lɛ. Wo Dayà naŋ dìè ke nyowo yèè e hakɛ̀ jùùya.

2Pììlɛ 1:7

yèè maŋ nyiiiŋ màŋ kìla koɓɛ̀ Dayà tòòyaìŋ niŋ e kpɛ̀ɛŋ wèè anyuùŋ hààwe dàwiiŋ nyàŋ, yèè e kpɛ̀ɛiŋ nɛ̀ wèè anyuùŋ hààwe dàwiiŋ nyàŋ tòòyaìŋ niŋ e mànaŋ.

1Jɔ̀ɔŋ 1:9

Kɛɛ sèè eiŋ kìlìà maŋ jùumù wi màŋ dèè koɓɛ̀ Dayài, wo Dayà wò yaà wo nyuùŋ jìlɛŋ yèè wo nyùùŋ tɔ̀ɔ̀nyaàŋ, èuŋ ɓɛ̀nɛ̀ŋ tùlìà jii wèè wo wi jùùyà hakɛ̀ e kìlà wo gùà maŋ jùumù wi màŋ.

1Jɔ̀ɔŋ 2:12

Miàim Jɔ̀ɔŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ jɔ̀àim nyàŋ, esàɓù e dèè Jisɛ̀ɛ sùà, wo Dayà naŋ jùùyè maŋ jùumùiŋ màŋ e hakɛ̀.