Ɛfesɔ̀ 4:31 - WƆŊ FƐ̀Ì EBÒ SÌÀŊ DAYÀA

³¹ E wèètii gè kùàŋ e kèè e keì sìà jii sùà, ɓɔ̀ mùŋ wùàŋ nyùùŋ, dàngè e kèè tùu yèè e keì jèla. Ɓɔ̀ mùŋ kpiinyàŋ nyùùŋ, gbeeiŋ ngèè wèè maŋ dìɛ̀ŋ nyùùŋ, ɔ̀ɔ̀ maŋ keì miiŋ bà gbiŋ.

Ɛfesɔ̀ 4:31 ပူးပေါင်းရင်းမြစ်များ

Nyɛ̀nɛ̀ŋ 21:30

E gbɔ̀ɔ gbee naŋ wa sɔ̀ɔ̀ ko jawa gbeeì, e kìlà anyùùŋ naŋ hnè àŋ yaà duunyɛŋ e yìwìà maŋ tàta màŋ gbiŋ sùà ko jawaì. Àŋ naŋ kùwò wo Pɔɔ̀ auŋ gɔ̀ɛ̀ɛ̀ dìì auŋ gè ko Saaŋ Zòòlò Dayài, ko fɛɛ̀feìŋ àŋ naŋ yìlè maŋ gbemgbee màŋ gbiŋ ko Saaŋ Zòòlò Dayài.

Luùm 3:14

Maŋ mìè gbòa nyiŋ màŋ naŋ dìè maŋ gbòòno fiifìì.

1 Kɔliìŋ 14:20

Nyɛ̀iŋ nààŋ wùìyaim nyàŋ, ɓɔ̀ nìŋ gongò mààŋ àŋ jɔ̀à kaiŋ gòngoìŋ mààŋ anyuùŋ kàmaiŋ e kìla niŋ nɔ̀ŋ mààŋ aŋ jɔaa bɔwɔ gò nyìmàŋ keì naanààŋ è fèemàŋ.

1 Kɔliìŋ 5:8

Wèètii, gè wiìŋ e zɔ̀lɔ̀ ɗaa wiɔ̀, ɓɔ̀ è giiyàiŋ niŋ è gbɔ̀u bàànè è sòì màŋ jùumù gɔu diɛŋ, sɔɔ̀ e gbɔ̀u gò bàànè è sòi, e gbɔ̀uɛ̀ zɛnɛŋ yèè è yaà e tɔ̀ɔ̀nyaàŋ lɛ.

2 Kɔliìŋ 12:20

E jùù yààìm kɔɔ kɛ̀ sèè mìŋ hnàŋ, ɗɔɔ bà, nìŋ do nàŋ nɔ̀ŋ è gbà. Miŋ naìŋ mɛɛ̀ŋ wèè naŋ nɔ̀ŋ è ɗeweɛ̀ mìŋ henàŋ mɔ̀ɔ̀nɔ̀ŋ wèè naŋ nɔ̀ŋ lɛ, yèè mìŋ do nàŋ nɔ̀ŋ è gbà, e yìwìà e ɗeweɛ̀ nìŋ henàŋ mɔ̀ɔ̀nɔ̀ŋ wèè ka nɔ̀ŋ lɛ. E jùù yààìm kɔɔ kɛ̀ mìŋ do nàŋ mɛɛ̀ŋ nìŋ yaà tììnyɛ̀ŋ nyààŋ, yèè nìŋ yaà gììyè koo, ɔ̀ɔ̀ e wùàŋ yààìŋ, yèè wo nyùùŋ gbiŋ naŋ nɔŋ kpɛɛ̀ŋ wèè wuŋ bi, maŋ dìène yèè nyuùŋ fìè fie, e tɛɛmànaŋ yèè maŋ keì gɔ̀àgɔ̀à sùà.

Gàla 5:20

aŋ dàyà joo yèè anyùùŋ sɛɛ̀ŋ zòòlo, è nyɛ̀nɛ̀ŋ anyùùŋ aŋ wùònò fèemàŋ e kìlà aŋ sòmàŋ, aŋ nɔ̀ŋ e koo, e wùàŋ, yèè aŋ nɔ̀ŋ e gòngò nyiŋ biɛ̀ sùà. E kìlà àŋ hiàŋ e fèemàŋ gòòno maŋ dèène yèè maŋ gbòò sùà.

Ɛfesɔ̀ 4:22

Àŋ naiŋ woò kɛ̀ maŋ ɗèwè e ɓàaɓàa màŋ nìŋ kuwa màŋ, doiŋ nàŋ pɔ̀ɔ̀pɔ̀ɔ̀ e wèètii gèeìŋ kùàŋ wɔŋ nyiiŋ gèe gɔuiŋ nɔɔ̀ŋ sùà, yàà maŋ kpèè naanààŋ wuŋ màŋ gbiŋ.

Ɛfesɔ̀ 4:25

E wèètii, dàngeìŋ e tòaà, wo nyùùŋ gbiŋ sɔɔ̀ maŋ gbààì wo nyuùŋ hààwe dàwi mɔɔ̀ŋ e tɔ̀ɔ̀nyaàŋ, esaɓù kɛ̀ yàwi nààŋ gbiŋ è yààìŋ aŋ bàwibà Jisɛ̀ Kulaì sùà.

Ɛfesɔ̀ 4:26

Sèè mìŋ tuù, ɓɔ̀ nìŋ dangè è wuàiŋ nɛ̀ eiŋ gbìàŋ è jùumù sùà, yèè ɓɔ̀ nìŋ nɔ̀ŋ è tùùiŋ è gɔɛɛ̀ doò jùà fùùŋ.

Kòlo 3:19

Nyɛ̀iŋ nààŋ felaa kùwìè jɔùŋ nyaŋ, mànaìŋ aŋ jawèiŋ nyàŋ, yèè ɓɔ̀ nìŋ kuwìà nyiŋ è siwè naanààŋ.

Kòlo 3:8

Kɛɛ nìŋ kuwa naŋ gè maŋ keì mɛɛ̀ŋ kùàŋ sùà. Ɓɔ̀ nìŋ tuù àŋ dàwiiŋ nyàŋ sìwè, ɓɔ̀ nìŋ wùàŋ ànyùùŋ, yèè ɓɔ̀ nìŋ nyiniàŋ àŋ dàwi è hɔ̀ɛŋ. Ɓɔ̀ nìŋ woò ɓɛìŋ màŋ mìè ɓɛ̀ɛ̀pɔ̀ɔ naanààŋ è nyaàiŋ dè àŋ dàwiiŋ nyàŋ.

1Time 3:11

Aŋ jawe nyiŋ nyàŋ nyiiŋ pɛɛ, aŋ nɔ̀ŋ anyuùŋ kɛ̀ɛ̀nɛ̀ŋ maŋ kpèè siaŋ, yèè ɓɔ̀ àŋ fiefìè ànyùùŋ, ɓɔ̀ àŋ nɔ̀ŋ è dìè mùàŋ, aŋ nɔ̀ŋ e tɔ̀ɔ̀nyaàŋ e keì kɛnɛ gbiŋ sùà.

1Time 3:3

Ɓɔ̀ wò nɔ̀ŋ nyuùŋ tìà mùàŋ ɔ̀ɔ̀ wò nyùùŋ ɗanga. Kɛɛ wo nɔ̀ŋ wo nyuùŋ kɛ̀ɛ̀nɛ̀ŋ tùwo siaŋ, yèè wo kuwiè ke jii siaŋ, ɓɔ̀ wò nɔ̀ŋ wò nyùùŋ wùànàŋ nɛɛnɛŋ.

1Time 5:13

Àŋ gbeà e ɗèwè teenga nyiŋ nɛ̀ pɔ̀ɔ nààŋ àŋ kilià maŋ saaŋ dìì, kɛɛ e yèɛ naŋ tii nìè lɛ nàŋ yaà, àŋ gbeà ɗèwe anyuùŋ fìèfie yèè àŋ yaà anyuùŋ sìà woya anyùùŋ fèemàŋ, e kìlà àŋ yaà wòò maŋ keì maŋ fè màŋ keì wòo nyiŋ màŋ.

2Time 2:23

Kɛɛ gè kùàŋ maŋhɛɛ gèe zùwo gò kùwìè jiikɛ̀ɛ maŋ kùàŋ sùà. Màŋ nyìmàŋ kɛ̀ ko jèè ɗì miŋ niìŋ è yaà e nyaàŋ tàaŋ.

2Time 3:3

Àŋ do nàŋ kùwìè maŋ jii naanààŋ, aŋ nɔ̀ŋ anyuùŋ gò jùùyà ànyùùŋ hakɛ̀, aŋ fìèfìè aŋ dàwi, anyùùŋ ɗanga, yèè aŋ nììngè ànyùùŋ fɛ̀ɛ̀, e kìlà àŋ do nàŋ wùɔ̀ŋ keì sìàŋ.

Taitɔ̀ 1:7

Nààŋ wo sìèfèìŋ anyuùŋ hààwe nyàŋ nàŋ yaà wo ɓɔìjɔ̀à yɛ̀mɛ̀ e kèè e tòmò Dayàa dììo sùà lɛ, ɓɔ̀ wò kuwìè è tɔ̀mɛ. Ɓɔ̀ wò nɔ̀ŋ wò nyuùŋ mànàŋ tɛɛ, ɔ̀ɔ̀ wò nyuùŋ bìà jii, ɔ̀ɔ̀ wò nyuùŋ tìà màŋ mùàŋ tiwìtiwì ɔ̀ɔ̀ wò nyuùŋ dàà gbɔ̀ɔ ɔ̀ɔ̀ wò nyùùŋ wùànàŋ nɛɛnɛŋ keekèè.

Taitɔ̀ 2:3

Wòò aŋ jɔùŋ nyuùŋ kàìŋ nyaŋ nyiiŋ pɛɛ, aŋ nɔ̀ŋ mààŋ anyùùŋ nyaŋ manaŋ Kanaà àŋ nɔ̀ŋ lɛ, yèè ɓɔ̀ àŋ fiefìè ànyùùŋ. Ɓɔ̀ àŋ nɔ̀ŋ àŋ ɗo kòɓɛ̀ màŋ tala muaŋ, yèè aŋ kaà e yèɛ yaà tɛ̀ɛ̀ lɛ,

Jìiiŋ 1:19

Nyɛ̀iŋ nààŋ wùìya mànaim nyàŋ, nyìmaìŋ tɛɛ̀! Tɔ̀ wo nyùùŋ gbiŋ nɔ̀ŋ fiò wèè wo kòmàŋ maŋ kàìŋ, kɛɛ ɓɔ̀ wò gbòà fiò. Ɓɔ̀ wò tuù fiò.

Jìiiŋ 3:14

Kɛɛ sèè mùŋ nɔ̀ŋ wo nyuùŋ gè le koo, mùŋ naŋ kɛ̀ɛ̀fɛ̀ɛ̀, yèè mùŋ manaŋ e nɛ̀ɛŋ gbiŋ wèè muàŋ guùŋ kpò nɔŋ, ke jii mɔɛ̀ŋ sùà, ɓɔ̀ mùŋ kɛ̀ɛ̀ màŋ yòngà wèè è jiikɛ̀ɛum bi kɛ̀ màŋ sɛɛ̀ e jùumù sùà kòɓɛ̀ è tɔ̀ɔ̀nyaàaŋ.

Jìiiŋ 4:11

Ɓɔ̀ nìŋ woò màŋ keì naanààŋ àŋ dàwiiŋ nyàŋ dèè, nyɛ̀iŋ nààŋ wùìyaim nyàŋ. Wo nyùnɔ̀ɔŋ gbiŋ naŋ wòò e keì naanààŋ wo wùìyauŋ nɔɔ̀ŋ dèè ɔ̀ɔ̀ wouŋ gbààì e keì wɔ, wò nììngè ke sàwàa fɛ̀ɛ̀, e kìlà wò gbààè ke sàwàa e keì. Kɛɛ sèè mùŋ gbaaì ke sàwàa e keì, kɛ̀ muŋ fè ɓɛìŋ wò nyuùŋ jɔ̀ɔ̀lɔ̀ kè sàwàa dìì, mùŋ yaà naàŋ wo nyuùŋ gbààì ke sàwàa e keì.

1Pììlɛ 2:1

Wèètii gèeìŋ maŋ kùàŋ maŋ keì naanààŋ maŋ gbiŋ sùà. E tòa ɓɔ̀ è nɔ̀ŋ ɓɛìŋ ɔ̀ɔ̀ ɓɔ̀ nìŋ nɔ̀ŋ ɓɛìŋ anyuùŋ jàà fɛ̀ɛ̀ keì sùà ɔ̀ɔ̀ lè koo gèe ɔ̀ɔ̀ maŋ gòlà mìè dìène wèè maiŋ fòlà kò nyààŋ.

1Jɔ̀ɔŋ 3:12

Yèè ɓɔ̀ è nɔ̀iŋ mààŋ wo Kiìŋ, wò yaà wo nyùùŋ Sɛ̀tanàŋ, wo yèɔ naŋ wa jìwè wo wùìyà wuŋ biɔ̀ Eɓɛ̀ɛ̀ wɔ. Wèè kiìŋ saɓù wo Kiìŋ naŋ wa jìwè wo Eɓɛ̀ɛ̀? Wò naiŋ wa nyɛ̀nɛ̀ŋ esaɓù kɛ̀ wo nanàuŋ nɔɔ̀ŋ yaà wa wo nyùùŋ tɔ̀ɔ̀nyaàŋ, kɛɛ wuŋ bi wò yaà wa wɔŋ fàà wo Nyùùŋ Kɛ̀ɛ̀nɛ̀ŋ ke kpèè naanààaŋ.

1Jɔ̀ɔŋ 3:15

Wo nyùnɔ̀ɔŋ gbiŋ naŋ wùɔ̀ŋ wo wùìyauŋ nɔɔ̀ŋ wɔ wò yaà wo nyuùŋ jìwà nyùùŋ, yèè nàŋ nyìmàŋ kɛ̀ wo nyuùŋ jìwà nyùùŋ naàŋ wa nàwèè nɔ̀ŋ wɔŋ nyiiŋ gèe gò jùàa sùà.

Maŋ kèì nyɛɛnɛŋ 12:10

Eɓìèmàŋjɛ̀wɛ̀ tii, mìŋ naŋ kòmò ke mìè kpàaŋ e yìwìà ko àìjɛnɛ̀ŋ kè naŋ woò wààŋ, “E jòèyè Dayàa è ngàà hnàŋ! Wo Dayà ngàà tɔ̀ɔ̀ e gaàuŋ nɛ̀ mààŋ wo Kana! Wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, ngàà tɔ̀ɔ̀ e gaàuŋ nɛ̀! Esaɓù nàŋ yaà kɛ̀, wo yèɔ naŋ wa sìè wo Dayà wiɔ̀ fɛɛ̀feìŋ, yèè wò naŋ gbùwò maŋ keì anyuùŋ hààwe nyàŋ ɗì maŋ gɔɛɛ yèè dùùm wɔ, àuŋ gbìàŋ ko jɔɔlèi e yìwìà ko àìjɛnɛ̀ŋ.