Ɛfesɔ̀ 4:30 - WƆŊ FƐ̀Ì EBÒ SÌÀŊ DAYÀA

³⁰ Yèè ɓɔ̀ mùŋ nyɛ̀nɛ̀ŋ wò Jìnàŋ Nɛ̀ɛ̀màŋ Dayàa kè nyowo douŋ nyɛ̀nɛ̀ŋ, esaɓù kɛ̀ wo Jìnàŋ Nɛɛmaŋ nàŋ yaà e feeɛ̀ yààùm kɔɔ sùà, e yèɛ naŋ tɔɔ̀ kɛ̀ wo Dayà nàŋ kànàùm lɛ. Wuŋ nàŋ yaà ke jii tùliaà kɛ̀ ke ɗɔɔ bà do wa nàwèè nàŋ hnè, wo Dayà woum joeyè wèè foo yèè wo fòum kùwìà màŋ jùumùum màŋ bà gbiŋ.

Ɛfesɔ̀ 4:30 ပူးပေါင်းရင်းမြစ်များ

Luù 21:28

Sèè maŋ keì mɛɛ̀ŋ màŋ tɔɔtù kàaiŋ, sìeìŋ ɗeiŋ niŋ gè maŋ ɗì dìì, esaɓù kɛ̀ e tèèngà e jòèyeiŋ nɛ̀ è gbɛ̀ɛ̀.”

Jɔ̀ɔŋ 3:33

Kɛɛ wo nyùnɔ̀ɔŋ gbiŋ haawà ke mìè seìuŋ nɛɛ̀ŋ wɔ, wò tɔɔ̀ kɛ̀ wò haawè kɛ̀ e yèɛ wo Dayà naŋ wa woò lɛ è yaà tɔ̀ɔ̀nyaàŋ.

Nyɛ̀nɛ̀ŋ 7:51

Wo Siiwììŋ naŋ nyiŋ ɓɛìŋ woò wààŋ, “Kiìŋ è ɗì nyinge nìŋ kuwa yɛi le! Nìŋ yaà mààŋ anyùùŋ maŋ jii komaŋ gò jàà kpùa kpùɔ̀ŋ maŋ nùŋ, aŋ yè nyaŋ kòò àŋ kòmò wa kè mìè gbìàŋ Dayàa. Nìŋ yaà mààŋ aŋ nèwàènèweiŋ nyàŋ. Nyɛ̀iŋ pɛɛ nìŋ giiyà wo Jìnàŋ Nɛɛmaàŋ maŋhɛɛ e teenga gbiŋ!

Luùm 8:11

Sèè wo Jìnàŋ Nɛɛmaàŋ, wo yèɔ naŋ gè wo Jisɛ̀ e fàaà dìì wɔ joàùm ko sùà, kpeiŋ kɛ̀ wo Jìnàŋ Nɛɛmaàŋ naŋ gè wo Jisɛ̀ Kulaì e fàaà dìì wɔ do nàŋ kìɛ̀ŋ wɔŋ nyiiŋ gèe koɓɛ̀ maŋ kpùnaiŋ màŋ do nàŋ fɔ̀ maŋ, nààŋ wo Jinàuŋ nɔɔ̀ŋ yààìŋ ko sùà lɛ.

Luùm 8:23

Kɛɛ e fè nɔŋ mànɛ̀ŋ bàne màŋ miiŋ guùŋ maŋ nɔ̀ŋ gùlìè ɗìòsùà. Kɛɛ yàwi bi pɛɛ aŋ yè nyaŋ wo Jìnàŋ Kanaà Dayà yaà sùà nyaŋ, wèè eiŋ nɔ̀ŋ e nɛ̀ŋ jiɛ̀jiɛ̀ɛ wo Dayà naŋ wi kiɛ̀ŋ lɛ, guliàìŋ maŋ ɗìòsùà, nààŋ è yààìŋ fùlìè wo Dayà wèè wo wi ɓemè wèè èiŋ nɔ̀ŋ aŋ jɔ̀àuŋ. Tɛɛ̀ naŋ tɔɔ̀ kɛ̀ wò do nàŋ jòèyè maŋ kpùnaŋ wi màŋ gbiŋ e yìwìà e ɗò maŋ jùumù dìì.

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

1 Kɔliìŋ 15:54

Sèè tii kaaàŋ, maŋ kpùnaŋ wi màŋ è kuwa màŋ naŋ yɔkpɔ̀ yèè màŋ fà lɛ, màŋ do nàŋ vɔɔnɔ̀ŋ koɓɛ̀ maŋ kpùnaŋ gò fà wèè julɔfɔ. Kpeiŋ kɛ̀ e mìè sùà fɛ̀ì Dayàa è nɔ̀ŋ tɔ̀ɔ̀nyaàŋ, “E fàa è nɔ̀ŋ pɔ̀ɔ̀pɔɔ niŋ, wo Dayà ɓùlà ke gùnɛɛ̀ŋ è jùà jɛ̀wɛ̀ kpɔ̀.”

1Tɛsè 5:19

Ɓɔ̀ nìŋ kilìà wò Jìnàŋ Nɛɛmaàŋ kùàŋ feìŋ.

Hiɓu 10:29

Kɛɛ ngèè è do nàŋ nɔ̀ŋ e keì nyìnga gbee koɓɛ̀ wo nyùnɔ̀ɔŋ do nàŋ gììyè wo Jɔ̀àfèlàà Dayàa maŋhɛɛ wɔ̀, yèè wo hìàŋ e ɓɛ̀ɛ̀pɔ̀ɔ koɓɛ̀ maŋ sɛ̀ìŋ e ɗààhìì e mìèsùàgùùŋ Dayàa naŋ nyɛ̀nɛ̀ŋ è naiŋ nɔ̀ŋ nɛɛmaŋ sùà lɛ. Yèè è do nàŋ nɔ̀ŋ e nɛ̀ŋ gò zɛ̀nɛ̀ŋ wèè wo nyùnɔ̀ɔŋ do nàŋ kìɛ̀ŋ ke mìè ɓɛ̀ɛ̀pɔ̀ɔ koɓɛ̀ wo Jìnàŋ Nɛɛmaàŋ, wo yèɔ tɔɔ̀ wì ke nyowo wɔ̀.

Hiɓu 3:10

Wo Dayà naŋ wa tùù anyùùŋ nyiiŋ sìwè yèè wò naŋ woò wààŋ, ‘Anyùùŋ nyɛɛ̀ŋ kòò àŋ tɔ̀ɔ̀ è ɓɛ̀ɛ̀jàa gbiŋ kò nɛ̀ɛ̀ŋ miìŋ màŋ jii nyiŋ màŋ sùà, e kìlà àŋ gè maŋhɛɛ maŋ nyiiŋ gèe nyiŋ màŋ sùà wèè aŋ nyɛ̀nɛ̀ŋ e yèɛ mìŋ manaŋ lɛ̀.’

Hiɓu 3:17

Wo Dayà naŋ wa tuù wèè maŋ doa kpɛ̀ùŋ tìyèe wèè anyùùŋ nyaŋ naŋ wa nyɛ̀nɛ̀ŋ maŋ kèì jùumù yèè àŋ naŋ sɔ̀ɔ̀ aŋ fɔ̀ɔ̀yɛ̀ ke fòùngà e diì wòaà diɛŋ.