Ɛfesɔ̀ 4:28 - WƆŊ FƐ̀Ì EBÒ SÌÀŊ DAYÀA

²⁸ Sèè mùŋ nɔ̀ŋ wo nyuùŋ wùa, gè kùàŋ e kèè wùa sùà, muŋ tomo nyìnga wèè muŋ kàmè e nɛ̀ŋ wèè muàŋ bi e ɓɛ̀ɛ̀jàa sùà, e kìlà muŋ ɓɛnɛ̀ŋ wèè maŋ nyɛ̀nɛ̀ŋ e keì sìàŋ, koɓɛ̀ anyùùŋ nyaŋ kuwà è nɛ̀ŋ bà nyaŋ.

Ɛfesɔ̀ 4:28 ပူးပေါင်းရင်းမြစ်များ

Luù 19:8

Kpeiŋ wo Zakiɔ̀ naŋ sie yèè wò naŋ wòò wo Jisɛ̀ wààŋ, “Kanaà, mìŋ do nàŋ kìɛ̀ŋ e nɛ̀ŋ kɛ̀ɛ̀nɛŋ mɛ̀ e gbu niŋ koɓɛ̀ anyuùŋ pɔ̀ɔ nyàŋ. Yèè sèè ka wa kàaɓì wo nyùùŋ gbiŋ, mìŋ douŋ niŋ nàŋ kɛlɛ̀ɛ̀ e sùà tiinàŋ.”

Luù 3:8

Nyɛ̀nɛìŋ maŋ keì maŋ do nàŋ tɔɔ̀ kɛ̀ tɔɔɓaa nàŋ fè maŋ tùwo naanààiŋ màŋ jɛwɛ. Ɓɔ̀ nìŋ gongò ngèè pɛɛ kòɓɛ̀ nyɛ̀iŋ biì kɛ̀ nìŋ yewe ke kpòò Eɓulɔhɛɛ̀ɛŋ sùà. Miŋ woòiŋ e tɔɔɓaaà kɛ̀ wo Dayà ɓɛ̀nɛ̀ŋ ɓèmè le dùò lɛɛ̀ wo niŋ kìlà anyuùŋ kpùuŋ aŋ nɔ̀ŋ aŋ jɔ̀à wèè wo Eɓulɔhɛɛ̀ŋ.

Jɔ̀ɔŋ 12:6

E gò tɔɔ̀ kɛ̀ wò Judà naŋ wa kpɛɛ̀ŋ wèè ànyuùŋ pɔ̀ɔ nyàŋ. Wò naŋ wa tɛɛ̀ woò esaɓù kɛ̀ wuŋ nàŋ hewa kɛ̀ɛ̀nɛ̀ŋ e sùlò nɛɛnɛɛ̀ŋ, yèè e teenga bà wò heo wa hòà kùàŋ woo gè e nɛɛnɛɛ̀ŋ bà wèè wuŋ bi.

Jɔ̀ɔŋ 13:29

Kɛɛ nààŋ wo Juɗà nàŋ yaà wa wo nyuùŋ bànè e sùlò nɛɛnɛɛ̀ŋ hàa, anyùùŋ màŋjɛ̀wɛ̀ nyaŋ bà nyiŋ naŋ wa gongò kɛ̀ wo Jisɛ̀ nauŋ wa woò wèè wo ka wo dènàŋ e nɛ̀ŋ bà wèè wɔŋ ɗaaà, ɔ̀ɔ̀ wèè wo ka wa wo kiɛ̀ŋ e nɛ̀ŋ koɓɛ̀ anyuùŋ pɔ̀ɔ nyàŋ.

Luùm 12:13

Kìɛìŋ kpùùmaŋ koɓɛ̀ anyùùŋ nɛ̀ɛ̀màŋ Dayà dàwiiŋ nyàŋ kuwà nɛ̀ŋ nyaŋ, e kìlà niŋ jaà aŋ nyùùnèènyɛiŋ kùàŋ dìì tɛ̀ɛ̀ maŋ gbooiŋ màŋ sùà.

1 Kɔliìŋ 4:12

è yɔkpɔ̀ìŋ yàwi bi wèè e tòmo nyìnga. Sèè àŋ gboà wì, e nyiŋ gbìàŋ zòòlo maŋjɛ̀wɛ. Sèè àŋ fè wì e ngàìnɓu, e niŋ kà dìì.

2 Kɔliìŋ 8:12

Sèè e wùànàŋ e kìɛŋ è nɔ̀ìŋ, wo Dayà do nàŋ jàà e kìɛiŋ nɛ̀ kùàŋ dìì e yìwìà e yèɛ nìŋ kuwa wèè naŋ kiɛ̀ŋ lɛ sùà, e fè wèè è yèɛ fèìŋ sìwè lɛ.

2 Kɔliìŋ 8:2

Àŋ naŋ kɔ̀ɛ̀ maŋ wɔ̀à keì nyìnga dìì tiwìtiwì kàìŋ, kɛɛ e zɔlɔ̀ nyiŋ nɛ̀ naŋ dɛ̀ɛ̀ zimgbe, e nɔ̀ŋ saɓù wèè àŋ gè nɛ̀ŋ kùàŋ e kìɛŋ nyiŋ nɛ̀ sùà jòòpɛɛ àŋ yaà anyuùŋ pɔ̀ɔ.

Gàla 6:10

Kpeiŋ kɛ̀, nààŋ nɔŋ è kùwàìŋ yɛi e ɗeweɛ̀ le, nyɛ̀nɛ̀ŋ wiìŋ e kpùùmaŋ tɛ̀ɛ̀ koɓɛ̀ anyùùŋ nyaŋ gbiŋ, egbèìngèìŋ ngèè aŋ yè nyaŋ yaà ke kpòò e hààweɛ̀ sùà nyaŋ.

1Time 6:18

Wòò nyiŋ wèè aŋ nyɛ̀nɛ̀ŋ e keì sìàŋ, aŋ nɔ̀ŋ bàne nyiŋ e tòmo siaŋ sùà, aŋ banebànè wèè aŋ kiɛ̀ŋ anyuùŋ joo.

Taitɔ̀ 3:14

Anyuùŋ wi nyàŋ kuwa wèè aŋ gbèè e ɗèwè e teenga nyiŋ nɛ̀ gbìàŋ maŋ tòmo kɛnɛ sùà. E wèè maŋ nyiiŋ nyiŋ màŋ nɔ̀ŋ e kpùùmaŋ koɓɛ̀ aŋ nyuùŋ joo bà kɛ̀ àŋ tòòmò maŋ nyiiŋ nyiŋ màŋ tɛ̀ɛ̀.

Taitɔ̀ 3:8

E keì wòo lɛɛ̀ è yaà e tɔɔɓaa. Maŋ kàa mɛɛ̀ŋ, màŋ tomàŋ yèè màŋ kuwa e kpùùmaŋ wèè nyùùŋ gbiŋ. Mìŋ manaŋ wèè maŋ nɔ̀ŋ wòò maŋ keì mɛɛ̀ŋ mìŋ naŋ yaà wòò e kii miŋ màŋ nyìnga, yèè maŋ yɛmɛ̀ kɛ̀ anyùùŋ nyaŋ àŋ miŋ dè maŋjɛ̀wɛ, e wèè anyùùŋ nyaŋ naŋ hààwè Dayà nyaŋ aiŋ nyɛ̀nɛ̀ŋ e kpàŋ è kɔɔ nyiŋ, wèè aŋ nyɛ̀nɛ̀ŋ maŋ keì sìàŋ.