Ɛfesɔ̀ 4:24 - WƆŊ FƐ̀Ì EBÒ SÌÀŊ DAYÀA

²⁴ yèè wo nyɛ̀nɛ̀ŋ niŋ nɔ̀ŋ anyuùŋ jɛ̀ì. Wo Dayà naiŋ wa banè wèè naŋ nɔ̀ŋ mààŋ wuŋ, wèètii sɔɔ̀ naŋ nyɛ̀nɛ̀ŋ ke jiiuŋ nɛɛ̀ŋ fàa yèè naŋ nɔ̀ŋ anyùùŋ nɛɛmaŋ e tɔ̀ɔ̀nyaàŋ sùà.

Ɛfesɔ̀ 4:24 ပူးပေါင်းရင်းမြစ်များ

Luù 1:75

wèè kɛ̀ e nɔ̀iŋ e nɛɛmaŋ yèè anyùùŋ tɔ̀ɔ̀nyaàŋ ko fɛɛ̀fenùuŋ maŋ ɗɔɔ màŋ gbiŋ maŋ nyiiŋ gèe wi màŋ sùà.

Jɔ̀ɔŋ 17:17

Jaà nyiŋ e ɓula wèè muàŋ bi esàɓù e tɔ̀ɔ̀nyaàŋ mɔ̀ɛ̀. Ke miè mɔɛ̀ŋ kè yaà e tɔ̀ɔ̀nyaàŋ.

Luùm 12:2

Ɓɔ̀ nìŋ nyimèè wèè naŋ nyɛ̀nɛ̀ŋ è nɛ̀ɛŋ anyuùŋ gò kɛ̀ɛ̀nɛ̀ŋ hààwe nyàŋ woàìŋ kɛ̀ è yaà tɛ̀ɛ̀ wèè naŋ nyɛ̀nɛ̀ŋ lɛ è ɗuunyaŋ lɛɛ̀ dìì, kɛɛ tɔ̀ wo Dayà vɔɔnɔ̀ŋ e ɗeweɛ̀ nìŋ gongà lɛ. Tɛɛ̀ do nàŋ nyɛ̀nɛ̀ŋ naŋ tùàŋ maŋ nɔnɔŋ wèè naŋ nyìmàŋ e ɗèwè keì sìàŋ nyɛ̀nɛŋ yaà e yèɛ do nàŋ fɔ̀ɔ̀yɛ̀ Dayà jii lɛ̀.

Luùm 13:12

Wɔŋ dùmɔ̀ɔŋ joo tòloò wèè wɔŋ jùà, yèè sààmɛ e nììɛ do nàŋ sìè. Hɔ̀ànè wiìŋ nyɛ̀nɛ̀ŋ maŋ keì maŋ anyùùŋ nyaŋ nyɛnɛŋ ke nyìwìɛ sùà maŋ, yèè e nɔ̀iŋ bànèbane wi wèè e nɔ̀iŋ e gbolòùŋ nɛ sùà.

Luùm 13:14

Nɔ̀ŋ wiìŋ bànèbane wi, wèè wo Kanaà Jisɛ̀ Kulaì yɛmɛ̀ wi diɛŋ e kìlà e nɔ̀iŋ mààŋ wuŋ, wèè kɛ̀ anyuùŋ joo aŋ nyìmàŋ kɛ̀ kiìŋ wò nyùùŋ wò yaà, mààŋ maŋ dèè maŋ è gɔaìŋ maŋ wèè anyùùŋ nyìmàŋ ke gbòòɛ è fòlòìŋ sùà yɛ. Sèè mùŋ nyɛnɛŋ tɛɛ̀, kɛ̀ muŋ naàŋ nyɛ̀nɛ̀ŋ è keì wèè maŋ fɔ̀ɔ̀yɛ̀ kè kpùnaŋ mɔɛ̀ŋ jii.

Luùm 6:4

Nààŋ è naiŋ wa nɔ̀ŋ gùa wi, yàwi nààŋ Jisɛ̀ kulaì naiŋ wa fɔ̀ɔ̀yɛ̀ koɓɛ̀ guùŋ yèè àŋ naŋ wi sììyè koɓɛ̀ guùŋ. È naiŋ wa nɔ̀ŋ gùa wi wèè eiŋ nɔ̀ŋ wɔŋ nyiiŋ gèe jɛi sùà, nààŋ wo Dayà wo Dèdaà naŋ wa gè wo Jisɛ̀ Kulaì e fàa dìì koɓɛ̀ wɔŋ nyiiŋ gèe e yìwìà e jòòwò gààŋ nɛɛmaŋ gbee sùà.

Luùm 7:6

E ɗewe gbio sùà, wo Dayà wò wi naàŋ gè e gààŋ ke sàwàa diɛŋ, esaɓù kɛ̀ è yààìŋ mààŋ anyùùŋ naŋ fɔ̀, e fèìŋ ɓɛìŋ è gààŋ màŋ kpèè miiŋ naŋ wi yɛi wa kùwò kpaŋ maŋ keì dìì. Kɛɛ e fèiŋ naàŋ ɓɛ̀nɛ̀ŋ zòòlò Dayà e ɗewe gɔuɛ̀ sùà nààŋ è yaà sìnga niŋ ke sàwà sùà lɛ̀, kɛɛ wo Jinàaŋ do nàŋ nyɛ̀nɛ̀ŋ eiŋ niŋ nyɛ̀nɛ̀ŋ e ɗewe kii jɛi sùà.

Luùm 8:29

Anyùùŋ nyaŋ wo Dayà naŋ tàeɗùù nyaŋ, nyiŋ wò naŋ ɗewè yèè wò naŋ jàà e ɓula wèè aŋ nɔ̀ŋ mààŋ wo Jɔ̀àfelaauŋ nɔɔ̀ŋ, wèè kɛ̀ wo Jɔ̀àfelaauŋ nɔɔ̀ŋ wo nɔ̀ŋ wo nyuùŋ jiɛ̀jiɛ̀ɔ anyuùŋ hààwe zimgbe tɛɛ.

1 Kɔliìŋ 15:53

Maŋ kpùnaŋ wi màŋ fà màŋ hewe lɛ do nàŋ vɔɔnɔ̀ŋ koɓɛ̀ maŋ kpùnaŋ gò fà ɔ̀ɔ̀ maŋ hèwà.

2 Kɔliìŋ 3:18

Yàwi nààŋ gbiŋ, maŋ dewà wi màŋ tɔɔ̀ e jòòwò Kanaà maŋ dewà gò ɓùwà sùà, yèè e jòòwò guùŋ bi è yewe wo Kanaà sìwè, wo yèɔ yaà wo Jinàaŋ wɔ̀, wò naŋ wi kìlè e ɗeweɛ̀ wò yaà lɛ sùà e jòòwo tɛ̀mɛ̀ɛ̀ gbee bà sùà.

2 Kɔliìŋ 4:16

E wèè esaɓù lɛɛ̀, e ɓɔ̀mɔ̀ŋ fè wi wùìyà, jòòpɛɛ e kɔɔ wilɛ̀ yaà yɔ̀kpɔ sùà, kɛɛ wo Dayà sie wo jinàŋ wiɔ̀ e gààŋ niìsìa gbiŋ.

2 Kɔliìŋ 5:17

Wo nyùnɔ̀ɔŋ gbiŋ naŋ dè wo Jisɛ̀ Kulaì maŋjɛ̀wɛ wɔ̀, wò yaà naàŋ wo nyuùŋ jɛ̀ì, wo gɔuɔ̀ wò ka, wo jɛ̀ìɔ wò hnàŋ.

Gàla 3:27

E kìlà nààŋ àŋ naiŋ wa gùò e dèè Jisɛ̀ Kulaìɛ sùà, nìŋ naŋ nɔ̀ŋ mààŋ wo Jisɛ̀ Kulaì wuŋ bi ke kpèèuŋ nɛɛ̀ŋ sùà.

Gàla 6:15

E fè keì gbiŋ wèè aŋ jàà wo nyuùŋ kpùa, ɔ̀ɔ̀ sèè àŋ gouŋ jàà kpùa, kɛɛ e yèɛ nɔŋ yaà e keì lɛ nàŋ yaà kɛ̀ wò yaà wo nyuùŋ jɛ̀ì.

Ɛfesɔ̀ 2:10

Wo Dayà manaŋ wèè eiŋ nyɛ̀nɛ̀ŋ maŋ keì sìàŋ, yèè eiŋ nɔ̀ŋ maŋ nyiiŋ gèe wi màŋ sùà e ɗewe kiiɛ̀ wò manaŋ lɛ̀ e teenga gbiŋ. Esaɓùɛ lɛɛ̀ wò naŋ tùɔ̀ŋ wo Jisɛ̀ Kulaì wèè wo wi nyɛ̀nɛ̀ŋ màànààŋ è yààìŋ aŋ bàwibà Jisɛ̀ Kulaì sùà lɛ, wò naŋ wi banè wèè eiŋ kùwìè wɔŋ nyììŋ gèe maŋ kpèè siaŋ, maŋ yè maŋ wò naŋ naàŋ banè tɛ wèè eiŋ miŋ nyɛ̀nɛ̀ŋ maŋ.

Ɛfesɔ̀ 2:15

Wò naŋ jàà maŋ Sàwà aŋ Juùù nyaŋ e ɓula yaà maŋ langi miŋ màŋ gbiŋ, wèè wo miinè anyùùŋ tìyèe nyɛɛ̀ŋ wo nyùùŋ guùŋ ke gboòuŋ nɛɛ̀ŋ sùà, wèè wo hiàŋ ke jii fàa.

Ɛfesɔ̀ 6:11

Gɔ̀aìŋ manɛ̀ŋ sùmiaŋ màŋ gbiŋ wo Dayà naiŋ kiɛ̀ŋ maŋ, yèè niŋ dè gòlò jɛ̀wɛ̀ wèè e kààɓì Dɛwìɔ.

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Hiɓu 1:8

Wo Dayà naŋ woò e nyaàiŋ dè wo Jɔ̀àfelaauŋ nɔɔ̀ŋ e ɗewe gbio sùà wààŋ, “Oo Dayà, e kana mɔ̀ɛ̀ do nàŋ nɔ̀ŋ wèè julɔfɔ yèè julɔfɔ! E teenga gbiŋ sèè mùŋ haà e kiti anyunùum nyàŋ diɛŋ, mùŋ nyɛ̀nɛ̀ŋ niìŋ e tɔ̀ɔ̀nyaàŋ sùà!

Hiɓu 12:14

Kàmeìŋ ɗewe niŋ nyiniàŋ maŋ nyiiŋ gèeiŋ màŋ ke jii fàa sùà anyùùŋ nyaŋ gbiŋ e fèemàŋ, yèè niŋ nyiniàŋ maŋ nyiiŋ gèeiŋ màŋ nɛɛmaŋ sùà, esaɓù kɛ̀ wo nyùùŋ gbiŋ naàŋ yɛ̀mɛ̀ wò Kanaà sèè wò go niŋ nyɛ̀nɛ̀ŋ.

1Pììlɛ 2:2

Nɔ̀iŋ mààŋ aŋ jɔaa kòmàŋ jɛ̀ì, e teenga gbiŋ sùà e wùànàŋ maŋ yaà màì gò kɛ̀ɛ̀nɛ̀ŋ tɔ̀mɛ màŋ e gààŋ Jìnàŋ Dayàa sùà e nyɛ̀nɛ̀iŋ, wèè kɛ̀ sèè nìŋ yàà miìŋ naŋ dɛɛ̀ e kìlà wo Dayà woiŋ joeyè.

2Pììlɛ 1:4

E ɗèwè guùŋ nɛɛ̀ sùà wò wi kìɛ̀ŋ e kìɛ̀ŋ è jii gbeeuŋ nɛ̀ wò naŋ wi sɔ̀ dèè lɛ, e wèè kɛ̀ esàɓù maŋ kìɛŋ mɛɛ̀ŋ sùà, naŋ fòlà maŋ gòngò wùànàŋ keì pɔ̀ɔ̀pɔ̀ɔ̀ sùà maŋ yaà e ɗuunyaàŋ maŋ, yèè naŋ hnàŋ e nɔ̀ŋ kìì Dayàa sùà naŋ nɔ̀ŋ bàiŋbà.