Ɛfesɔ̀ 4:23 - WƆŊ FƐ̀Ì EBÒ SÌÀŊ DAYÀA

²³ Tɔ̀ wo Jìnàŋ Nɛɛmaàŋ vɔɔnɔ̀ŋ e ɗewe kiiɛ̀ nìŋ gongà lɛ,

Ɛfesɔ̀ 4:23 ပူးပေါင်းရင်းမြစ်များ

Luùm 12:2

Ɓɔ̀ nìŋ nyimèè wèè naŋ nyɛ̀nɛ̀ŋ è nɛ̀ɛŋ anyuùŋ gò kɛ̀ɛ̀nɛ̀ŋ hààwe nyàŋ woàìŋ kɛ̀ è yaà tɛ̀ɛ̀ wèè naŋ nyɛ̀nɛ̀ŋ lɛ è ɗuunyaŋ lɛɛ̀ dìì, kɛɛ tɔ̀ wo Dayà vɔɔnɔ̀ŋ e ɗeweɛ̀ nìŋ gongà lɛ. Tɛɛ̀ do nàŋ nyɛ̀nɛ̀ŋ naŋ tùàŋ maŋ nɔnɔŋ wèè naŋ nyìmàŋ e ɗèwè keì sìàŋ nyɛ̀nɛŋ yaà e yèɛ do nàŋ fɔ̀ɔ̀yɛ̀ Dayà jii lɛ̀.

Luùm 6:4

Nààŋ è naiŋ wa nɔ̀ŋ gùa wi, yàwi nààŋ Jisɛ̀ kulaì naiŋ wa fɔ̀ɔ̀yɛ̀ koɓɛ̀ guùŋ yèè àŋ naŋ wi sììyè koɓɛ̀ guùŋ. È naiŋ wa nɔ̀ŋ gùa wi wèè eiŋ nɔ̀ŋ wɔŋ nyiiŋ gèe jɛi sùà, nààŋ wo Dayà wo Dèdaà naŋ wa gè wo Jisɛ̀ Kulaì e fàa dìì koɓɛ̀ wɔŋ nyiiŋ gèe e yìwìà e jòòwò gààŋ nɛɛmaŋ gbee sùà.

Luùm 8:6

Sèè maŋ jii wi màŋ maŋ nɔ̀ŋ e gààŋ maŋ jùumù wi màŋ dìì, maŋ kpùnaŋ wi màŋ do nàŋ fɔ̀ɔ̀yɛ̀ maŋ jùumù sùà. Kɛɛ sèè maŋ jii wi màŋ maŋ nɔ̀ŋ e gààŋ wo Jìnàŋ Nɛɛmaàŋ dìì, wo Dayà do nàŋ nyɛ̀nɛ̀ŋ eiŋ kɛ̀ɛ̀nɛ̀ŋ wɔŋ nyiiŋ gèe e kìlà eiŋ nɔ̀ŋ ke jii fàa sùà.

Ɛfesɔ̀ 2:10

Wo Dayà manaŋ wèè eiŋ nyɛ̀nɛ̀ŋ maŋ keì sìàŋ, yèè eiŋ nɔ̀ŋ maŋ nyiiŋ gèe wi màŋ sùà e ɗewe kiiɛ̀ wò manaŋ lɛ̀ e teenga gbiŋ. Esaɓùɛ lɛɛ̀ wò naŋ tùɔ̀ŋ wo Jisɛ̀ Kulaì wèè wo wi nyɛ̀nɛ̀ŋ màànààŋ è yààìŋ aŋ bàwibà Jisɛ̀ Kulaì sùà lɛ, wò naŋ wi banè wèè eiŋ kùwìè wɔŋ nyììŋ gèe maŋ kpèè siaŋ, maŋ yè maŋ wò naŋ naàŋ banè tɛ wèè eiŋ miŋ nyɛ̀nɛ̀ŋ maŋ.

Kòlo 3:10

Nyɛ̀iŋ nààŋ bà guùŋ gbiŋ mùŋ yaà naàŋ wo nyuùŋ jɛ̀ì. Yèè wo Dayà, wo nyùnɔ̀ɔŋ naum bànè wɔ, kòò wò yààùm naàŋ nyinie wèè maŋ kɛ̀ɛ̀nɛ̀ŋ ke kpèè siaŋ mààŋ ke yèɛ nauŋ teenè yɛ, yèè mùŋ douŋ nàŋ nyìmè tɛ̀ɛ̀.

Taitɔ̀ 3:5

wò naŋ wi joeyè. E fè kɛ̀ yàwi bi è naŋ nyɛ̀nɛ̀ŋ è tɔ̀ɔ̀nyaàŋ bà, kɛɛ e yìwìà ke nyòwò wuŋ biɛ̀ sùà wò naŋ wi joeyè, esàɓù Jìnàŋ nɛɛmaàŋ sùà, wo yèɔ naŋ wi kìɛ̀ŋ e kòmo jɛi yèè wɔŋ nyiiŋ gèe jɛi esàɓù e gùaà wò naŋ wi gùò lɛ sùà.

1Pììlɛ 1:13

Wèètii maŋ gòngoiŋ màŋ nɔ̀ŋ bànèbane miŋ wèè ke nyɛ̀nɛŋ. Ɓɔ̀ nìŋ nyɛɛnɛ̀ŋ, yèè kùwieìŋ jii tùlia gbee e keì sìàŋ lɛɛ̀ sùà, e yèɛ wo Dayà doiŋ nàŋ kiɛ̀ŋ sèè wo Jisɛ̀ Kulaì hnàŋ wa nàwèè lɛ.