Ɛfesɔ̀ 4:21 - WƆŊ FƐ̀Ì EBÒ SÌÀŊ DAYÀA

²¹ Nìŋ naŋ kòmò e kiiuŋ, yèè nààŋ nìŋ yaà anyùùŋ màŋjɛ̀wɛ̀uŋ nyàŋ lɛ, àŋ naiŋ kàà e tɔ̀ɔ̀nyaàaŋ è yaà wo Jisɛ̀ Kulaì sùà lɛ.

Ɛfesɔ̀ 4:21 ပူးပေါင်းရင်းမြစ်များ

Maafiù 17:5

Nààŋ wò yaà wa gbuuye, ke nyili fuaà naŋ hnè yèè kè naŋ nyiŋ ɓùwò. Yèè ke mìè naŋ fòlò ke nyili fuaà sùà kè naŋ woò wààŋ, “Wo jɔ̀àfelaa miɔ̀ŋ wɛɛ̀, wo yèɔ mìŋ manaŋ wɔ̀. Kòmaìŋ e mìè nyaàuŋ nɛ̀!”

Luù 10:16

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Wo nyùnɔ̀ɔŋ gbiŋ komo maŋ mìè gbòaiŋ màŋ wɔ, wo nyùùŋ bi wòim kumiàŋ. Wo nyùnɔ̀ɔŋ gbiŋ goiŋ jàà kùàŋ dìì wɔ, kɛ̀ wo nyùùŋ bì gòim jàà kùàŋ dìì. Wo nyùnɔ̀ɔŋ gbiŋ gòim jàà kùàŋ dìì wɔ kɛ̀ wo nyùùŋ bi gò jàà wò nyùnɔ̀ɔŋ naim tùɔ̀ŋ wɔ kùàŋ dìì.”

Jɔ̀ɔŋ 1:17

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.

Jɔ̀ɔŋ 10:27

Aŋ ɓaawaaim nyàŋ nyìmàŋ ke miè miɛ̀ŋ, yèè kà nyiŋ nyìmàŋ yèè àŋ dèìm maŋjɛ̀wɛ.

Jɔ̀ɔŋ 14:17

Yèè wo Jìnàŋ tɔ̀ɔ̀nyaàaŋ doiŋ nàŋ kaikpɔ tɔɔ̀ kɛ̀ ɓòò nàŋ yaà wo Dayà. Anyuùŋ gò kɛ̀ɛ̀nɛ̀ŋ hààwe nyàŋ e ɗuunyaŋ lɛɛ̀ naàŋ jàà wò Jìnàŋ Nɛɛmaàŋ kùàŋ dìì màŋ jii nyiŋ màŋ sùà wèè wo nɔ̀ŋ wò nyuùŋ kpùùmaŋ nyiŋ, esaɓù kɛ̀ aŋ fòuŋ yɛmɛ̀ ɔ̀ɔ̀ aŋ nyimààuŋ. Kɛɛ nàŋ nyìmàŋ wo Jinàaŋ, wo yèɔ yààìŋ kɔɔ yèè wò do nàŋ nɔ̀ŋ maŋ nyiiŋ gèeiŋ màŋ sùà wɔ.”

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Luùm 10:14

Kɛɛ dièsɔa àŋ naŋ ɓɛ̀nɛ̀ŋ nyààŋ e dèè Kanaà wèè e kpùùmaŋ sèè àŋ go kɛ̀ɛ̀nɛ̀ŋ hààwe? Dièsɔa àŋ naŋ ɓɛ̀nɛ̀ŋ kɛ̀ɛ̀nɛ̀ŋ hààwe sèè àŋ go kòmàŋ ke miè gbìaàŋ? Dièsɔa àŋ naŋ ɓɛ̀nɛ̀ŋ kòmàŋ ke miè gbìaàŋ sèè wo nyùùŋ bà go nyiŋ niŋ woò?

2 Kɔliìŋ 1:20

Wuŋ nàŋ yaà ke “Hɛ̀ɛɛ̀ɛŋ” koɓɛ̀ maŋ ɗààhìì Dayà maŋ gbiŋ. E wèètii esàɓù Jisɛ̀ Kulaì sùà è woàìŋ wìàà, “Àmiinàŋ” wèè e jòòwo koɓɛ̀ Dayài.

2 Kɔliìŋ 11:10

Esàɓù e tɔ̀ɔ̀nyààŋ Jisɛ̀ Kulaìɛ yààìm sùà lɛ, kà ɓèmè e ɗààhiì kɛ̀ maŋ nyongà kɛ̀ɛim màŋ, wo nyùùŋ gbiŋ naìm kìlìè kùàŋ feìŋ wɔ̀ŋ fùɔ̀ŋ Àkaayàa sùà wèè wòò niŋ.

Ɛfesɔ̀ 1:13

Nyɛ̀iŋ pɛɛ nìŋ naŋ nɔ̀ŋ anyùùŋ Dayà nààŋ nìŋ naŋ kòmò ke miè gbìàŋ tɔ̀ɔ̀nyaàaŋ, e nyaàiŋ dè Ebò Siaàŋ doiŋ nàŋ joeyè lɛ. Nìŋ naŋ hààwè Jisɛ̀ Kulaì sùà, yèè wo Dayà naiŋ sìè e fee wèè e tɔɔ̀ kɛ̀ wuŋ nàŋ kànàìŋ. E fee bi nàŋ yaà wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

Ɛfesɔ̀ 2:17

Wo Jisɛ̀ Kulaì naŋ wa hnè, yèè wò naŋ fè ke mìè gbìàŋ Ebò Siaàŋ e nyaàiŋ dè ke jii fàa koɓɛ̀ nyɛ̀iŋ nyàŋ niŋ fè àŋ Juùù nyaŋ, yèè niŋ gò wa gbɛ̀ɛ̀ Dayà kɔɔ nyàŋ wò naiŋ niŋ woò, yèè wò naŋ niŋ wòò aŋ Juùù nyaŋ naŋ gbɛ̀ɛ̀ Dayà nyàŋ.

Kòlo 1:5

E teengaà ke mìè gbìàŋ tɔ̀ɔ̀nyààŋ Ebò Siaàŋ naŋ wa hnè ko nɛ̀ɛ̀iŋ niìŋ jiɛ̀ lɛ, nìŋ naŋ wa kòmò e kèè ke jii tùliaà è kiɛ̀ŋ lɛ. Weètii e hààweɛ̀ yèè e mànaàŋ nìŋ kuwa lɛ̀, nàŋ yaà e yèɛ nìŋ yaà kaame ke jii tùlia sùà lɛ, e yèɛ yaà bàànè hàa weèiŋ ko àìjɛnɛ̀ŋ lɛ.

Kòlo 1:6

Ebò Siaàŋ kòò è yaà nɔŋ hìàŋ sùà e kpùùmaŋ e kìlà kòò è yaà ɓààye sùà e ɗuunyaàŋ gbiŋ sùà, màànààŋ nɔŋ è naiŋ ɓààyè e tɛɛ e teenga gɔu, e yìwìà ke ɗɔɔ jiɛ̀jiɛ̀ɛ nìŋ naŋ wa kòmò e kèè e tɛ̀ɛ̀tɛ̀ɛ̀ Dayàa, yèè nìŋ naŋ nyìmè e tɔ̀ɔ̀nyaàaŋ e nyaàiŋ e niŋ dè lɛ.

Kòlo 2:7

Nyùaìŋ e gulòiŋ nɛ̀ wo Jisɛ̀ Kulaì ko sùà, e kìlà niŋ kɛɛnɛ̀ŋ gààŋ e hààweiŋ nɛ̀ sùà, màànààŋ àŋ naiŋ wa kaà lɛ. Kɛ̀ɛ̀nɛìŋ ke sɛ̀ gèe e teenga gbiŋ koɓɛ̀ Dayài.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.