Ɛfesɔ̀ 4:19 - WƆŊ FƐ̀Ì EBÒ SÌÀŊ DAYÀA

¹⁹ E sàngè gbiŋ fè nyiŋ wa ɓɛìŋ nyɛ̀nɛ̀ŋ wèè màŋ kpèè naanààŋ maŋ àŋ nyɛnɛŋ màŋ, àŋ gè nyiŋ bi nyààŋ diɛŋ wèè maŋ kpèè naanààŋ nyɛ̀nɛŋ, yèè àŋ nyɛnɛŋ maŋ keì kùwà ninaŋ gɛ̀wɛɛ̀ gbiŋ.

Ɛfesɔ̀ 4:19 ပူးပေါင်းရင်းမြစ်များ

Ɛfesɔ̀ 4:17

Mìŋ yààìŋ fèe sùà e gòo e dèè Kanaà sùà, wèè naŋ hɔ̀ànè nɔ̀ŋ maŋ nyiiŋ gèeiŋ màŋ sùà mààŋ anyùùŋ nyaŋ fè àŋ Juùù nyaŋ, aŋ yè nyaŋ maŋ gòngo nyiŋ màŋ yaà maŋ foo miŋ lɛ̀.

Kòlo 3:5

Nìŋ kuwa naŋ jìwà maŋ kpèè ɗuunyaŋ màŋ, maŋ yè maŋ yaà toomo maŋ kpùnaiŋ màŋ sùà, maŋ nyɛ̀nɛŋ mààŋ maŋ yɛ̀ɛ̀ hmɔŋtu naanààŋ yaà maŋ gòngo naanààŋ. Wo nyùnɔ̀ɔŋ naŋ nyɛ̀nɛ̀ŋ e wànàŋ e nɛ̀ŋ keekèè wɔ, è yaà nɔŋ mààŋ maŋ goò zòòlo.

1Time 4:2

Anyuùŋ jàà fɛ̀ɛ̀ keì tòa nyàŋ nàŋ ɓaayà maŋ kàa mààŋ mɛɛ̀ŋ, aŋ yè nyaŋ maŋ gòngo nyiŋ màŋ naŋ fɔ̀ nyaŋ, mààŋ koɓɛ̀i ke kaì bìya sùɔŋ nyiìŋ yɛi le.

1Pììlɛ 4:3

Nìŋ naŋ wa kòlò ko nyìnìè maŋ keì maŋ anyùùŋ nyaŋ fè àŋ Juùù nyaŋ manaŋ wèè nyɛ̀nɛŋ màŋ. Nìŋ yaà wa nyuùŋ naanààŋ nìŋ kuwa wa e ɗèwè maŋ keì naaŋ nààiŋ màŋ maŋjɛ̀wɛ. Nìŋ gèe wa kìlia ko tììyè maŋ mùàŋ yèè ko nyìnìè gbana, yèè ngèè, nìŋ yaà wa pɛɛ ko zòòlò maŋ gòò.

2Pììlɛ 2:22

E nɛ̀ɛŋ naŋ nyiŋ kaaìŋ nɛ naŋ tɔɔ̀ kɛ̀ maŋ sai màŋ yaà tɔɔɓaa, “Wo sunɔ̀ɔŋ kɛɛ̀ koɓɛ̀ e nyùɛ̀uŋ nɛ̀” yèè “Wo nyuàaŋ àŋ guo fo wɔ̀ wò kɛɛ̀ ɓɛìŋ e baà sùà wo ngeengèè.”

Juù 1:11

Wo Dayà do nyiŋ nàŋ nimilà nyìnga, àŋ naŋ dè ke dòmaàŋ wo Kiìŋ naŋ wa ɓemè yɛ diɛŋ. Àŋ fɔ̀ɔ̀nɔ̀ŋ e wùànàŋ nɛɛnɛŋ àŋ gbìàŋ nyiŋ bi e keì ɓàaà wo kèèlà Dayàa Bàlaàŋ naŋ wa nyɛ̀nɛ̀ŋ lɛ sùà. Àŋ gangà màànààŋ wo Kolà naŋ wa gangà lɛ, yèè àŋ pɔɔpɔ̀ɔ̀ màànààŋ wò naŋ wa pɔɔpɔ̀ɔ̀ lɛ.

Maŋ kèì nyɛɛnɛŋ 18:3

Maŋ fuɔŋ màŋ gbiŋ naŋ tìè maŋ tàlà mùàŋ wo nìeɔ̀ Ɓaɓelɔ̀ùŋ maŋ, maŋ tala muaŋ nyìnga wèè hmɔŋtu nyɛ̀nɛuŋ nɛ̀. Aŋ kana nyàŋ maŋ fuɔŋ màŋ sùà e ɗuunyaàŋ nauŋ nyìnìè ke yɛ̀ɛ̀ hmɔŋtu. Anyuùŋ nyɛ̀nɛ̀ŋ bòli gbiŋ e dììɛ diɛŋ naŋ nɔ̀ŋ anyuùŋ bànè esaɓù ke kpèè naanààuŋ nɛɛ̀ŋ.”