Ɛfesɔ̀ 4:18 - WƆŊ FƐ̀Ì EBÒ SÌÀŊ DAYÀA

¹⁸ Maŋ gòngo màŋ maŋ jii nyiŋ màŋ sùà naŋ kùwò nyìwì. Aŋ fè àŋ bà nyiŋ bà gbiŋ kòɓɛ̀ wɔ̀ŋ nyiiŋ gèeɔ̀ wò Dayà kiɛ̀ŋ wɔŋ, aŋ nyimààŋ è nɛ̀ŋ bà gbiŋ, yèè àŋ naŋ nyìngè e ɗì.

Ɛfesɔ̀ 4:18 ပူးပေါင်းရင်းမြစ်များ

Maafiù 13:15

Yèè wò naŋ nyɛ̀nɛ̀ŋ maŋ jii nyiŋ màŋ maŋ nɔ̀ŋ gbɔ̀mgbɔɔ, àŋ naŋ yìlè maŋ nuùŋ nyiŋ màŋ kpaŋ yèè àŋ naŋ ɓùwò maŋ fɛɛ̀ nyiŋ màŋ. Sèè è go yɛi weè nɔ̀ŋ, maŋ fɛɛ̀ nyiŋ màŋ he weè nàŋ yɛ̀mɛ̀ dìì, maŋ nuùŋ nyiŋ màŋ he weè nàŋ kòmò maŋ kàìŋ, e jiikɛ̀ɛ he nyiŋ nàŋ dè, e kìlà àŋ he weè nàŋ kìlè ko nɛ̀ɛ̀ŋ miìŋ, yèè mìŋ he nyiŋ nàŋ joeyè.’

Jɔ̀ɔŋ 12:40

“Wo Dayà naŋ wa nyɛ̀nɛ̀ŋ le fɛ̀ɛ̀ anyùùŋ e ziilè, yèè wò naŋ nyɛ̀nɛ̀ŋ maŋ jii nyiŋ màŋ maŋ nɔ̀ŋ gbɔ̀mgbɔɔ. Wo Dayà naŋ wa tɛɛ̀ nyɛ̀nɛ̀ŋ wèè kɛ̀ anyùùŋ nyaŋ go wa nàŋ yɛ̀mɛ̀ dìì, ɔ̀ɔ̀ wèè kɛ̀ aŋ go wa nàŋ nyìmè e keì gbiŋ e fèemàŋ, yèè wo Dayà wààŋ wèè aŋ go wa nàŋ kìlè ko nɛ̀ɛ̀uŋ niìŋ, wèè wo nyiŋ jùùyà hakɛ̀.”

Nyɛ̀nɛ̀ŋ 17:30

E teenga gɔuɛ̀ sùà, wo Dayà naŋ wa jùùyè anyùùŋ nyaŋ gbiŋ hakɛ̀ wèè tɛɛ̀, esaɓù kɛ̀ aŋ nyimààŋ wa kɛ̀ kiìŋ àŋ yaà wa nyinie. Kɛɛ wò naŋ naàŋ woò sààmɛ kɛ̀ wo nyùùŋ gbiŋ yèè koɓɛ̀ gbiŋ aŋ dangè maŋ tùwo naanààŋ nyiŋ màŋ yèè aŋ kìlà ko nɛ̀ɛ̀uŋ niìŋ.

Nyɛ̀nɛ̀ŋ 3:17

“Sèè è nɔ̀ŋ yɛi nyɛ̀iŋ nààŋ wùìyaim nyàŋ, kà nyìmàŋ kɛ̀ e keì gò nyìmàŋ fèemàiŋ nɛ̀ naŋ nyɛ̀nɛ̀ŋ nyɛ̀iŋ e kpùlìà anyùùŋ gbèègbèè fuɔiŋ nyàŋ naŋ wa tɛɛ̀ nyìnìè wo Jisɛ̀.

Luùm 1:28

Nààŋ anyùùŋ nyɛɛ̀ŋ naŋ gè maŋhɛɛ wèè aŋ ngèè pɛɛ gòngò e kèè Dayàa, wò dangà wèè maŋ jìì kòmàŋ kàaɓì nyiŋ màŋ maŋ nyiŋ toomò. Weètii àŋ nyɛnɛŋ maŋ keì sàngè maŋ yè maŋ gò tɛɛwɛ̀ wèè aŋ nyɛ̀nɛ̀ŋ maŋ.

Luùm 11:25

Wùìyaim nyàŋ, miŋ manàŋ wèè nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, naŋ ɓèmè nyɛ̀iŋ bi gbee. Weètii mìŋ doiŋ nàŋ kpìnìè ke gbùnuɛ̀, wèè e nɛ̀ɛŋ naŋ kààìŋ koɓɛ̀ anyùùŋ Ezɔ̀ɛ̀ nyaŋ lɛ̀. Aŋ bà nyiŋ naŋ wa nyìngè ɗì yèè àŋ naŋ gè maŋhɛɛ wèè aŋ kɛɛnɛ̀ŋ hààwe, e ɗì nyinge nyiŋ bi naàŋ yɛi jeè, kɛɛ yɛi àŋ do nàŋ jeè, e jèèsùà ke gbòò anyùùŋ nyaŋ fè àŋ Juùù nyaŋ, ke yèɛ wo Dayà tàeɗùù yɛ, ke hnàŋ ko nɛ̀ɛ̀uŋ niìŋ e Kanauŋ nɛ̀ sùà.

Luùm 11:7

Kiìŋ tɛɛ̀ naŋ tɔɔ̀? È naŋ tɔɔ̀ kɛ̀, anyùùŋ Ezɔ̀ɛ̀ nyaŋ gò wa mɛ̀ɛ̀ŋ è nɛ̀ɛŋ àŋ yaà wa kaame lɛ̀. Anyuùŋ kpàka nyàŋ wo Dayà naŋ wa tàeɗùù anyùùŋ Ezɔ̀ɛ̀ nyaŋ sùà nyaŋ, naŋ wa mɛ̀ɛ̀ŋ e nɛ̀ɛŋ aŋ gbiŋ yaà wa kaame lɛ̀. Aŋ gbànaŋ nyàŋ gbiŋ, wo Dayà naŋ wa nyiŋ nyɛ̀nɛ̀ŋ aŋ gò kòmàŋ è nyààneuŋ nɛ̀.

Luùm 2:19

Nìŋ kuwa e hààweɛ̀ tɔɔɓaa kɛ̀ nyɛ̀iŋ nàŋ tɔɔ̀ e tɔ̀ɔ̀nyààŋ Dayàa koɓɛ̀ anyùùŋ nyaŋ fè àŋ Juùù nyaŋ, mààŋ wo nyùnɔ̀ɔŋ àŋ tùlìè jii wèè wo tɔ̀ɔ̀ ke dòmaàŋ koɓɛ̀ anyuùŋ zììlè fɛ̀ɛ̀ nyaŋ wɔ̀.

1 Kɔliìŋ 1:21

Wo Dayà e jiikɛ̀ɛ̀uŋ nɛ̀ sùà wò naŋ nyɛ̀nɛ̀ŋ e nyìngà wèè anyùùŋ auŋ nyìmàŋ, e yìwìà e jììkɛ̀ɛ̀ nyiŋ bi lɛ̀ sùà. Kɛɛ, wo Dayà naŋ ɗewè wèè wo nɔŋ jòèyè anyùùŋ nyaŋ naŋ hààwè ke mìè gbìàŋ ɓàaɓàaà è woàìŋ lɛ.

1 Kɔliìŋ 2:8

Anyùùŋ gbèègbèè ɗuunyaŋ lɛɛ̀ bà gbiŋ gò nyìmàŋ è jiikɛ̀ɛ lɛɛ̀. Sèè aiŋ wa weè nyìmàŋ, aŋ naàŋ wa weè nàŋ jìwìè wò Kànà nɛɛmaàŋ wɔ̀ŋ vànèkpaàa diɛŋ.

2 Kɔliìŋ 3:14

Anyùùŋ nyaŋ naŋ wa nyìngè e ɗì nyaŋ, maŋ jii nyiŋ màŋ naŋ wa gbɔumgbɔ̀ɔ̀. E dìì màànàaŋ sèè àŋ nɔ̀ŋ wa ko kpìnìè wɔŋ fɛ̀ì e mìèsùàguùŋ gɔuɔ̀, wɔŋ dèè guùŋ wiiŋ àŋ ɓuwo wa ɗì wɔŋ, kòò wɔ̀ŋ ɓùùwà nyiìŋ nɔŋ maŋ jii komaŋ diɛ̀ŋ, nààŋ àŋ nɔ̀ŋ kpìnìè maŋ fɛ̀ì mìèsùàguùŋ gɔu màŋ. Sɔɔ̀ nɔŋ wo nyùùŋ sɛ̀ɛ̀ kè gbòò Jisɛ̀ Kulaìɛ sùà pangàà wɔŋ dèè bi fòloùŋ ɗì.

2 Kɔliìŋ 4:4

E wèè wɔŋ fàà anyuùŋ gò kɛ̀ɛ̀nɛ̀ŋ è hààwe nyàŋ, wo dàyà ɗuunyaŋ lɛɛ̀ naŋ nyiŋ dììyè le fɛ̀ɛ̀ wèè ɓɔ̀ àŋ yɛmɛ̀ è gbolòùŋ nɛ yewe kè mìè gbìàŋ Èbò Siaàŋ sùà e nyaàiŋ dè e jòòwò Jisɛ̀ Kulaìɛ, wo yèɔ naŋ tèènè Dayà wɔ.

Gàla 4:8

E teenga gɔu sùà niŋ nyimààŋ wa wo Dayà, nìŋ yaà wa aŋ ɗo wèè aŋ yè nyaŋ fè àŋ dayà kɛnɛ nyàŋ.

Ɛfesɔ̀ 2:1

E gɔuɛ̀ sùà, nìŋ naŋ wa fɔ̀ wo jinàiŋ nɔɔ̀ŋ sùà esàɓù maŋ keì naanààŋ, yèè maŋ jùumùiŋ màŋ.

Ɛfesɔ̀ 2:12

E teenga lii sùà niŋ nyimààŋ wa è kèè Jisɛ̀ Kulaìɛ. Nìŋ yaà wa anyùùŋ fuɔŋ joo koɓɛ̀ anyùùŋ Ezɔ̀ɛ̀ nyaŋ wo Dayà naŋ tàeɗùù nyaŋ, yèè niŋ fè wa àŋ bàiŋbà kòɓɛ̀ è mìèsùàguùŋ nɛ è yèɛ wò Dayà naŋ wa ɓèmè è ɗààhiì kòɓɛ̀ ànyunùuŋ nyàŋ lɛ. Nìŋ yaà wa e ɗuunyaŋ lɛɛ̀, kɛɛ niŋ kuwà wa kò tùlìè jii bà gbiŋ, yèè niŋ gò wa gbɛ̀ɛ̀ Dayà kɔɔ tòloò pɛɛ.

Kòlo 1:21

E tèèngà guùŋ bà nìŋ naŋ wa gòò wo Dayà fauŋ, yèè nìŋ naŋ wa nɔ̀ŋ aŋ joouŋ esàɓù maŋ gòngo naanààŋ yèè maŋ keì naanààŋ maŋ nìŋ naŋ wa nyɛ̀nɛ̀ŋ maŋ,

1Tɛsè 4:5

È ɗèweiŋ nɛ̀ ɓɔ̀ è nɔ̀ŋ è gòngò hmɔŋtu nyɛ̀nɛŋ màŋjɛ̀wɛ mààŋ anyùùŋ nyaŋ nyimààŋ Dayà nyaŋ.

Hiɓu 5:2

Wo kànà sìèfèìŋ zòòlo gbeeɔ̀ wuŋ bi kuwa e zɔ̀kpɔ̀ e kɔɔuŋ nɛ̀ sùà, weètii wò kɛɛnɛ̀ŋ ke nyowo wèè anyùùŋ ɓàaɓàa yaà anyuùŋ nyɛ̀nɛ̀ŋ maŋ keì naanààŋ.

Hiɓu 9:7

Wo kànà sìèfèìŋ zòòlo gbeeɔ̀ nɔŋ nàŋ jɔ̀à wa wo hàì ko tàamàŋ dìà tìyèeì, ko Nɛ̀nɛ̀ŋ Nɛɛmaŋ Gbeeì wèè Dayà. Wò hewa nɔŋ tii nyɛ̀nɛ̀ŋ e sùà guùŋ kpò wɔŋ doaà sùà. E teenga gbiŋ wò nɔ̀ŋ wa kɔɔyɛ, sɔɔ̀ wo kòà màŋ sɛ̀ìŋ e ɗolònɛ̀ɛŋ àŋ naŋ gììyè saaà maŋ, wèè wo miŋ kiɛ̀ŋ e saaà gèeo sùà koɓɛ̀ Dayài, wèè maŋ jùumùuŋ màŋ yaà maŋ jùumù maŋ gbiŋ anyùùŋ nyaŋ naŋ nyɛ̀nɛ̀ŋ yèè aŋ gò miŋ jàà jii màŋ.

Jìiiŋ 4:4

Nyɛ̀iŋ nààŋ nyuùŋ gò jilɛ̀ŋ nyɛɛ̀ŋ, niŋ nyimààŋ kɛ̀ sèè nìŋ nɔ̀ŋ ànyuùŋ mɔ̀ɔ̀nɔŋ koɓɛ̀ è ɗuunyaàŋ è naŋ tɔɔ̀ kɛ̀ nìŋ yaà àŋ joo koɓɛ̀ Dayài? Wèètii wo nyùnɔ̀ɔŋ gbiŋ naŋ nyɛ̀nɛ̀ŋ e wùànàŋ wèè wo nɔ̀ŋ wo dàwi koɓɛ̀ e ɗuunyaàŋ wɔ, wò mììnè wuŋ bi wo jòò Dayà.

1Pììlɛ 1:14

Jɔ̀ɔ̀lɔìŋ Dayà dìì, yèè ɓɔ̀ nìŋ dangè wèè màŋ nyiiŋ màŋ doò kɛ̀ɛ̀ màŋjɛ̀wɛ koɓɛ̀ màŋ ɗèwe gɔu màŋ nìŋ kuwa wa teengaà nìŋ yaà wa jii die sùà lɛ.

1Jɔ̀ɔŋ 2:11

Wo nyùnɔ̀ɔŋ gbiŋ naŋ wùɔ̀ŋ wo wùìyauŋ nɔɔ̀ŋ wɔ, wò yaà ke nyìwi sùà e kìlà wò yaà kààìŋ ke nyìwì sùà, yèè wo nyimààŋ kɛ̀ kòò wò yaà kɔɔyɛ, e fèfoo ke nyìwìɛ kè nyɛ̀nɛ̀ŋ wò zììlè le fɛ̀ɛ̀.